يتفرجيتفرج

الخدمات المصرفية الرقمية والتكنولوجيا المالية

تطبيقات وخدمات مالية ذكية وشاملة

٢٣ متجر، و٣٦٥ تجربة من المشترين، متوسطها ١٫٣ من ٥.

الأرقام محسوبة من التقييمات المنشورة على يتفرج (تقييمات الأعضاء وتجارب جروبات فيسبوك) وتتحدث كل ساعة.

الأكثر تقييمًا في الخدمات المصرفية الرقمية والتكنولوجيا المالية

مرتبة حسب عدد التقييمات على يتفرج، وليس حسب الجودة.

كل متاجر الفئة (٢٣)
  1. فودافون إيجبت١٥١ تقييم، متوسط ١٫٣
  2. ايه اند٥٣ تقييم، متوسط ١٫٤
  3. أورنج٣٦ تقييم، متوسط ١٫٤
  4. فوري٣٦ تقييم، متوسط ١٫٢
  5. ڤالو١٩ تقييم، متوسط ١٫٠
  6. البريد المصري١٣ تقييم، متوسط ١٫٥
قبل ما تطلب أونلاين: إزاي تتأكد إن المتجر موثوق

تجارب المشترين في الخدمات المصرفية الرقمية والتكنولوجيا المالية

من تقييمات الأعضاء وتجارب جروبات فيسبوك، الأحدث أولًا.

تقييم من أحمد سعيدمجموعات فيسبوك· منذ 4 ساعات تقريباً
★★★★★2.0
أنا مشترك في خدمة الإنترنت الهوائي eHome Wireless من اتصالات مصر، ومن غير خط أرضي. الخدمة كانت شغالة كويس جدًا، والسرعة كانت بتبدأ من 15 ميجا وممكن توصل لـ30 ميجا، لكن من مساء يوم الخميس اللي فات حصل انخفاض مفاجئ وحاد في السرعة، وبقت أقصى سرعة بوصل لها 5 ميجا بس! والأهم إن المشكلة مستمرة طول اليوم، مش مرتبطة بوقت معين أو ساعات الذروة. استنيت لحد يوم الجمعة بالليل، ولما لقيت المشكلة مستمرة كلمت خدمة العملاء. الموظف قالي إنه هيعمل تنشيط للخط، ولما المشكلة متحلتش قالي إن فيه Updates بتحصل في المنطقة عندي. قلت مفيش مشكلة، واستنيت يومين كمان، لكن مفيش أي تحسن. كلمتهم تاني.. نفس الكلام ونفس الإجراءات! استنيت يوم إضافي وكلمتهم مرة تالتة.. وبرضه نفس السيناريو بالظبط! سألت الموظف طيب التحديثات دي هتخلص إمتى؟ في البداية قالي خلال ساعات، وبعدها غير كلامه وقال إنه هيبعت إيميل ويكلمني يحددلي موعد انتهاء المشكلة. طبعًا مفيش حد اتصل! استنيت يوم كمان واتصلت للمرة الرابعة، وبرضه نفس خطوات التنشيط ونفس الكلام المتكرر، لحد ما الموظف في النهاية سجل شكوى وقالي إن أقصى موعد للرد عليها يوم 15 نوفمبر! يعني أن
عرض المصدر
تقييم من Abdalla Mahmoudمجموعات فيسبوك· منذ 4 أيام
★★★★★1.0
أنا مش بطلب خدمة إضافية، ولا بطلب معاملة استثنائية. أنا بطلب استخدام خدمة موجودة بالفعل، ومن حقي أستفيد منها طالما البطاقة سليمة ومضافه في التطبيق وحتى الحل البديل مش متاح بسهولة بالنسبة لي، لأن أقرب فرع بيبعد عني حوالي 30 كيلومتر! والعميل لازم يشتكي علنًا وعلى جروب فيه ملايين الأعضاء عشان حد يتحرك ويبص في مشكلته؟! أنا مش محتاج حد يرد عليا بكلمتين اعتذار، ولا محتاج حد يقولي تواصل مع خدمة العملاء، لأن ده بالضبط اللي عملته عشرات المرات من غير أي نتيجة. أنا محتاج مسؤول فعلي يتدخل، وفريق فني يفحص المشكلة، وحد يقدر يقول لي بوضوح إيه سبب العطل وإمتى هيتحل. كفاية ردود جاهزة، وكفاية تعليق للشكاوى من غير نتيجة. العميل مش المفروض يكون هو اللي يطارد الشركة عشان يحصل على أبسط حقوقه! اللي بيحصل ده مش مجرد عطل في تطبيق، ده تجربة خدمة عملاء مخيبة للآمال بكل المقاييس.
عرض المصدر
تقييم من Zeyad M Yassinمجموعات فيسبوك· منذ 4 أيام
★★★★★1.0
بجد والله بتقدم بشكوي في خدمة عملاء البنك دا لما اتصل يوم الجمعة بتاريخ 23/10/2026 ان عايز الغي فيزة المشتريات ويتقالي خلال 48 ساعة عمل واتصل يوم تلات بتاريخ 27/10/2026 واعمل تعزيز للطلب واتصل يوم الخميس بتاريخ 29/10/2026 واطلب #بوقف_كارت_المشتريات يتقالي تمام اتقفل واول بنك اشوفه بيقفل كارت ميبعتش رسالة انه تم وقف الكارت الخلص بك زي كل البنوك لا وارجع اتصل بقا عشان اتاكد الاقي تقولي لا متقفلش وقولهم وقفولي الكارت لحد ما يتلغي يقولولي خلال 48 ساعة انت متخيل يعني لو كارت #مسروق اقول للحرامي معاك 48 ساعة عشان تفضي الكارت هل دا يعقل موظفين خدمة العملاء منتهي قلة الذوق وتزعقلي واقولها قدميلي شكوة تقولي لا اقدملك شكوي بحاجة محصلتش وبطالب بمراجعة مكالمتي مع موظفة #دورة_حسين بتاريخ 29/10/2026 وانتو تشوغه كمية قلة الذوق ونص ساعة علشان اوقف كارت واقدم طلب تعزيز تالت لالغاء فيزا المشتريات او قفل الكارت لحين الالغاء بجد فين الرقابة علي البنوك وعلي الي ببحصل دا هو عافية هتخلي كارت معمولي جهاز حماية المستهلك المصري البنك المركزي المصري
عرض المصدر
تقييم من Eman Abd Elraheemمجموعات فيسبوك· منذ 3 أيام
★★★★★1.0
من يوم 12 أكتوبر وأنا بحاول أرجع خدمة Vodafone Red Business، وبعد محاولات كتير وتجارب غير مقبولة، الخدمة رجعت أخيرًا يوم 29 أكتوبر، بعد ما تواصلت مع كل أرقام خدمة عملاء فودافون تقريبًا! لكن فوجئت إن خدمة الـ ADSL لسه متوقفة، وإن الخط اتحوّل لخدمة الأفراد بدل الشركات! ومن هنا بدأت رحلة جديدة من اللف والدوران من غير أي نتيجة. كل ما أتواصل مع رقم خدمة عملاء، أسمع نفس الرد: "حضرتك دي خدمة أفراد، لازم تتواصلي مع خدمة الشركات"، اتصل على الرقم اللي قالوا عليه يقولولي لا مش تبعنا، اتواصل مع صفحتهم على الفيسبوك الاقي ردود بطيئة ملهاش اي لازمة! أتواصل مع خدمة الشركات، مفيش أي رد، وفي النهاية رد آلي من غير أي حل، ولا حتى القدرة على تشغيل خدمة الـ ADSL! ولما أروح الفرع، يقولولي المشكلة تتحل من خدمة العملاء، ولما أكلم خدمة العملاء يقولولي لازم أروح الفرع! يعني ببساطة، كل جهة بتحولني للتانية، وأنا اللي بدفع مقابل خدمة مش قادرة أستخدمها، ومفيش جهة واحدة قادرة تتحمل مسؤولية حل المشكلة!
عرض المصدر