يتفرجيتفرج

أجهزة منزلية

منتجات كهربائية للمنزل

١٦٤ متجر، و١٬٦٤٤ تجربة من المشترين، متوسطها ١٫٣ من ٥.

الأرقام محسوبة من التقييمات المنشورة على يتفرج (تقييمات الأعضاء وتجارب جروبات فيسبوك) وتتحدث كل ساعة.

الأكثر تقييمًا في أجهزة منزلية

مرتبة حسب عدد التقييمات على يتفرج، وليس حسب الجودة.

كل متاجر الفئة (١٦٤)
  1. أمازون مصر٢٠٦ تقييم، متوسط ١٫٤
  2. بي تك٢٠١ تقييم، متوسط ١٫٣
  3. العربي جروب١٩٩ تقييم، متوسط ١٫٣
  4. يونيون إير١٢٢ تقييم، متوسط ١٫٢
  5. راية شوب٧٣ تقييم، متوسط ١٫٢
  6. نون٦٥ تقييم، متوسط ١٫٤

تجارب المشترين في أجهزة منزلية

من تقييمات الأعضاء وتجارب جروبات فيسبوك، الأحدث أولًا.

تقييم من Anonymous participantمجموعات فيسبوك· منذ يوم واحد
★★★★★2.0
حابة احذر الناس من التعامل مع شركة رايا Raya. انا اول مرة أتعامل معاهم واخر مرة. طلبت مروحة حائط ميديا Midea اونلاين من موقعهم راية شوب. استلمت المروحة يوم السبت ٢٦ سبتمبر ودفعت كاش واول ما فتحتها ملقتش كيس المسامير ولا القطعة اللي بتتحط في الحيطة علشان المروحة تركب عليها ولا الكتالوج وفي أفيز بلاستيك مقطوع. كلمت شركة راية وقدمت شكوي من يوم الاستلام ان الكرتونة جاية ناقصة قطع، وكل يوم اتصل بيهم لحد ما حد من خدمة العملاء يرد عليا وبسمع نفس الكلام (جاري المتابعة مع المخازن). يوم الاربع ٣٠ سبتمبر لقيت مندوب بيكلمني بيقولي انا من راية جاي اخد مرتجع.. ولا عارف عنواني ولا المرتجع ايه اصلا مع ان محدش بلغني. المهم بعد نقاش قالتلي اديله المروحة واول ما المخازن تقولنا انها استلمت المنتج هيتواصلوا معاكي علشان نرد الفلوس. من يوم ٣٠ سبتمبر ولحد النهاردة ١٢ أكتوبر المخازن مردتش عليهم انها استلمت المروحة علشان يبتدوا عملية ارجاع للمبلغ اللي كمان لسه هتاخد من ٧ ل١٤ يوم. واتصل بيهم واقعد ع الانتظار ونفس الرد: بعتنا ايميل استعجال للمخازن.
عرض المصدر
تقييم من Mokkiمجموعات فيسبوك· منذ يومان
★★★★★1.0
اشتريت جهاز تكييف من هايير شهر ٥ / ٢٠٢٥ و كلمتهم عملت صيانه دوريه اللي هي للعلم ب ٤٥٠ جنيه مش مجانيه زي ميديا. نبدأ الرحله بعد الصيانه ب شهرين آلاقي التكييف مبيفصلش. عملت شكوى و قالوا هيبعتوا فني و بالفعل الراجل جه بعد ثلاث أيام. قال التكييف محتاج كارته ف الوحده الداخليه و بلغ بيها بعدها بيومين. الشركه قالت من يومين ل ٥ ايام وصلنا لليوم الخامس بتصل اتابع قالك لأ القطعه مش موجوده للأسف و عملنا طلب استبدال. يقعد اد ايه بقى يا مؤمن .. ١٠ أيام و مش من العاديه دي لأ ١٠ أيام عمل يعني اسبوعين غير الاسبوعين اللي فاتوا. و بتكلم اعمل طلب استعجال كل يوم .. ردود ملهاش اي علاقه ببعض شويه شركه الشحن هي اللي هتتواصل معاك .. شويه ألاقيهم باعتين على واتس اب انهم محتاجين سيريال الوحده الخارجيه !!!!!!. يوم الاربع اللي فات اتصلت اتابع بعد المده اللي هما محددينها .. اتقالي يا فندم هيتم تغير التكييف كامل بجهاز جديد فريون 32 و دا احسن و احدث .. سلسه لا تنتهي من المماطله. مفيش ضمان حقيقي ولا خدمه ما بعد البيع.
عرض المصدر
تقييم من Waleed Khaledمجموعات فيسبوك· منذ يومان
★★★★★1.0
ما يقرب من سنتين بحاول معاهم ومع جهاز حماية المستهلك، لكن الشركة غير مستجيبة. وللأسف كل ردود جهاز حماية المستهلك بتدور حوالين إني طالما معملتش محضر، يبقى مش هيقدروا يعملوا حاجة، إلا رد واحد بس من موظفة جوة الجهاز أبهرتني الحقيقة: قالتلي 'أمازون متعملش كده'! وانا للأسف مش معايا أي دليل مادي إني سلمت المندوب المنتج، غير اعترافه هو بنفسه من خلال السيستم إنه استلمه!! موبايل S23+ رجعته والمندوب استلمه، وسجل على السيستم إنه استلمه، واللي له تجارب ارجاع مع امازون هيعرف إن المندوب مستحيل يسجل على السيستم استلام مرتجع الا لو استلمه وفحصه كمان. وساعة أطفال قيمتها 500ج. المهم، الرسالة اللي ظاهرالي من وقتها أن المرتجع ضاع، وأمازون رافضين يرجعوا الفلوس، كل حاجة ينفع تتعمل عملتها من مكالمات وايميلات وشكاوى. من قريب طلبت منهم منتج وجالي فيه مشكلة فرجعته، حصل نفس القصة بالحرف، المندوب عاين واستلم، ويومين والاقي التطبيق بيقولي إن المنتج ضاع، من حسن الحظ إن المرادي فيه كاميرة مراقبة جايبه المندوب وهو بيستلم، فيديو. فعرفت أجيب حقي منهم. يعني المشكلة دي بتحصل ومتكررة، إنتوا بتقولوا المنتج ضاع وهو مضاعش، ا
عرض المصدر
تقييم من Mo'men Mohamedمجموعات فيسبوك· منذ يوم واحد
★★★★★1.0
هو إنتوا لما موظف عندكم يوعد العميل بحاجة بإيميل رسمي، وبعد ما العميل ينفّذ كلامه تيجوا ترفضوا تنفّذوا وعدكم، بتعتبروا ده عادي؟! تجربة سيئة، ومستوى مصداقية أقل من اللي ممكن أتوقعه حتى من محل صغير تحت بير السلم! يوم 12 سبتمبر طلبت كوتشي أديداس من أمازون، وبعد يومين الأوردر اتلغى. كلمت خدمة العملاء عشان أستفسر عن سبب الإلغاء، موظف قالي إن فيه خطأ في التسعير، وموظف تاني قالي إن المنتج خلص من المخزون. بعدها بكام يوم كلمت خدمة العملاء تاني، والموظف اللي رد عليّ طلب إنه يتصل بيا. وخلاصة المكالمة انه قالي أطلب كوتشي بديل، وإن فرق السعر هيرجع على الفيزا بعد ما أستلم الأوردر الجديد. والأهم إنه أكد الكلام ده في إيميل من أمازون نفسها. يوم 22 سبتمبر طلبت المنتج البديل واستلمته، وأنا اعتبرت كلام الموظف موثوق لأنه بيمثل أمازون. وبعد كل ده، لما جيت أكلم خدمة العملاء بخصوص فرق السعر، لا معلش مش هينفع نردلك فرق السعر اصل انت لازم تكون طالب نفس المنتج. محدش وضّح لي إن فيه شرط إني أطلب نفس المنتج بنفس المواصفات عشان أسترد فرق السعر. أنا اتصرفت بناءً على كلام موظف من طرفكم، ونفذت اللي طلبه مني، وبعدها تيج
عرض المصدر