يتفرجيتفرج

تقييمات جوميا

177 تقييم من المتسوقين (صفحة 2 من 9)

أضف تقييمك

M
Marwan Adel Elzarea
مجموعات فيسبوك· منذ شهر واحد تقريباً
★★★★★1.0
اشتريت منتجات من جوميا وبعد ما جاتلي في نفس الوقت بعد ما لقيتهم متغييرين ومخبوطين كلمت المندوب يستلمهم قالي لازم تعمل مرتجع الاول في الابليكشين عشان اقدر اخدهم وبعد ما عملت المرتجع علي الابليكشين جه مندوب واستلمهم وبعد فتره كلمني خدمه العملاء وسالني هل المراوح كان فيها كسر او لون متغيير بلغته بان المروحتين سلام مافيهم مشكله لكن اللون متغير وشغالين تايمر فقط قالي تمام وأكدعليا ان المراوح هترجع انهارده اول بكره بالكتير ان شاء الله وسالته علي البوتجاز قالي لسا مجاش الفحص وقفلنا علي كده اتفاجات تالت يوم ان البوتجاز رجع فلوسه والمراوح لا كلمتهم قالوا تم رفض طلب الاسترجاع لوجود كسر في غطاء موتور المروحه وتغيير لون ريشه المروحتين طاب يا فندم ده مش مني انا لاني مسلمهم للمندوب مفيش فيهم مشكله قالي لا مش مننا وهيتم ارسال المنتجات مره اخري ليك وتم رفض المراوح هل يرضي ربنا استلم منتجات مكسورة ومش سليمه لمجرد ان واحد معندوش ضمير غيرهم او كسرهم في التوصيل واستلم منتجات مش سليمه
عرض المصدر
H
Haneen El-sherbiny
مجموعات فيسبوك (تعليق)· منذ شهرين تقريبا
★★★★★3.0
چوميا زمان كان توب التوب دلوقتي بجد بقى حالته صعبة
عرض المصدر
A
Amira Voice Over
مجموعات فيسبوك· منذ شهرين تقريبا
★★★★★1.0
اشتريت مروحة من تطبيق Jumia. نوع المروحة ata. جاتلي الباكدج بتاعها سيئة ومتربة وزي ميكون مفتوحة الكرتونة. قلت للمندوب مش عايزة استلمها حالتها سيئة قالي مش هينفع ولازم تستلميها واستلميها عادي وشوفيها لو معجبتكيش رجعيها للشركة. استلمتها. شغلتها لاقيت صوتها بشع وعالي جداااا المروحة بتتقشر لوحدها وانا بنركبها. كلمتهم في يومها قولتلهم هرجعها وعملت طلب استرجاع وشكوى في خدمة العملاء. ثاني يوم جابوا مندوب خد المروحة عشان يفحصها. بكلمهم بعدها بخمس ايام عشان افهم فلوسي مرجعتش ليه اتقالي المروحة تمام ومفيهاش عيب فهترجعلي تاني. بلغتهم ان مش عايزاها ومحدش يبعت مندوب لان وقدمت شكوى وطلبت حد يتواصل معايا وطبعا محدش كلمني. واتفاجئت تاني يوم بالمندوب بيكلمني عشان فالطريق ليا يرجع المروحة وطبعا مستلمتش. بقالي فالقصة دي 15 يوم. اخر حاجة كلمتهم واتقالي عالعموم مش هنقدر نرجع المروحة حابة تستلميها تمام مش هتستلميها فكل الاحوال فلوسك مش هترجع.
عرض المصدر
Z
Zeina Kassas
مجموعات فيسبوك· منذ شهرين تقريبا
★★★★★2.0
شركة Jumia لا ينصح بالتعامل معاها بتاتا.. تلاعب على مواصفات المنتجات وفوق كل ده مش راضيين يرجعولي فلوسي. يوم ١٦ أغسطس استلمنا مبرد 'دسبنسر' اشتريناه من على جوميا لسبب وحيد إن مكتوب في الوصف وحتى اسم المنتج إن معاه تلاجة سفلية زي ماهو موضح في المرفقات، بعد أقل من ٢٤ ساعة على الاستلام طلبت استرجاع المنتج لعدم تطابقه مع المواصفات علشان التلاجة السفلية مش بتسقع ولما قولت كده لخدمة العملاء قالولي علشان دي مش تلاجة! دي حافظة! طيب كاتبين تلاجة ليه؟ ما احنا كاتبين حافظة برضه .. طيب جملة تلاجة سفلية ياجماعة مكتوبة ليه؟! وعلى الأساس ده خدوا المنتج بتاريخ ٢٢ أغسطس عشان اتفاجئ مبارح بمكالمة من مندوب التوصيل عايز يرجعلنا المبرد قال اللجنة ما وافقتش على الارجاع!! طيب أنا مش عايزة المنتج غير مطابق للمواصفات وأنا مش عايزة المنتج عايزة فلوسي وبرضه رافضيين وبيكدبوا وينصبوا وحاجة آخر استفزاز. المنتج عندهم وفلوسي مش عندي.. ببساطة عايزة فلوسي كاملة.
عرض المصدر
D
Dalia Elsisi
مجموعات فيسبوك· منذ شهران
★★★★★1.0
احذروا التعامل مع جوميا !! بيبعتوا الحاجة غلط و معفنة و مابيرجعوش الحاجة و احنا تروح علينا الفلوس مش مهم !!! اللي حصل اني عملت اوردر شنطة مدرسة لونها ازرق لكن اللي جاتلي لون تاني موف في بينك، بنتي مارضتش تاخدها. استلمتها يوم ١٠ اغسطس وجاتلي معفنة و متربة. عملت طلب الاسترجاع في نفس اليوم. لقيت اللون الأزرق اتشال من الموقع ففهمت انها خلصت و هما بعتولي اي حاجة بدل مايبلغوني. كلمت خدمة العملاء لقيتلهم طريقة معقدة للترجيع. المندوب استلم الشنطة بعد ما لغيت و عملت طلب جديد. بعدين فوجئت بالمندوب بيكلمني يقولي الشنطة راجعالك تاني لانها متوسخة مش هنقدر نرجعها!!! ازاي اتوسخت و انا عاملة طلب الارجاع نفس يوم الاستلام و الشنطة في كيستها؟ قالي مش هقدر اساعدك. مش كفاية جاية معفنة و لون غلط، لا و كمان مش راضيين يرجعوها. دي ب ٩٠٠ جنيه و اضطربت اجيب غيرها. انا عايزة حقي دلوقتي !!
عرض المصدر
R
Rwaa Ibrahim
مجموعات فيسبوك· منذ شهران
★★★★★1.0
#Blacklist Boycott jumia ❌❌❌❌❌ انا مش بطبعي شخص بيشتكي لكن انا هحذر الناس من التعامل مع الابلكيشن ده و لو هما بيقبلو علي نفسهم فلوس حرام فا حسبنا الله ونعم الوكيل و فوضت امري لله و يكفيني قصاص يوم الحساب. الحصل اني طلبت كولر نوع koldair من علي جوميا يوم 21\7 و وصل يوم 26\7 و بدأنا فعلا في تشغيله عادي جدا ، ثاني يوم صحينا المكان كله مياه و الكولر بينقط بطريقه صعبه، نشفنا المكان و اتصلت بخدمه عملاء Tank Water علي رقم 16016 و حطيت رقم شكوي و اتأخرو علي شويه علي ما اتنفذ الطلب فا طلبت return للمنتج علي جوميا يوم 29\7 طبعا موضحه في الطلب ان المنتج فيه عيب و بينقط و جايلي بايظ اصلا و ان ده سبب الطلب، طبعا اتأخرو جدا و في خلال الوقت ده وصل اتنين مهندسين من شركه كولدير تانك و قالولي ان المنتج فعلا في عيب صناعه و تصليحه هيتكلف اكثر من ثمنه مندوب جوميا بقا مماطله غير طبيعيه ، مرتين يبعت email انه هيوصل النهارده و ميجيش و ميتصلش يوم 2\8 و 3\8 كلمت خدمه عملاء جوميا يوم 4\8 [ واضح ان عشان تاخد حقك لازم تزن شويه ، ده لو اخدته اصلا] و يوم 6\8 كنت و يومها قدمت شكوي في المندوب و بعتولي مندوب تاني اخ
عرض المصدر
R
Rwaa Ibrahim
مجموعات فيسبوك· منذ شهران
★★★★★1.0
لو سمحت الادمن يقبل البوست لانه مهم نحذر الناس من شركه زي دي بصراحه و نعرفهم ان لو المنتج بايظ خلاص راح عليكو الفلوس و المنتج #Blacklist Boycott jumia ❌❌❌❌❌ انا مش بطبعي شخص بيشتكي لكن انا هحذر الناس من التعامل مع الابلكيشن ده و لو هما بيقبلو علي نفسهم فلوس حرام فا حسبنا الله ونعم الوكيل و فوضت امري لله و يكفيني قصاص يوم الحساب. الحصل اني طلبت كولر نوع koldair من علي جوميا يوم 21\7 و وصل يوم 26\7 و بدأنا فعلا في تشغيله عادي جدا ، ثاني يوم صحينا المكان كله مياه و الكولر بينقط بطريقه صعبه، نشفنا المكان و اتصلت بخدمه عملاء Tank Water علي رقم 16016 و حطيت رقم شكوي و اتأخرو علي شويه علي ما اتنفذ الطلب فا طلبت return للمنتج علي جوميا يوم 29\7 طبعا موضحه في الطلب ان المنتج فيه عيب و بينقط و جايلي بايظ اصلا و ان ده سبب الطلب، طبعا اتأخرو جدا و في خلال الوقت ده وصل اتنين مهندسين من شركه كولدير تانك و قالولي ان المنتج فعلا في عيب صناعه و تصليحه هيتكلف اكثر من ثمنه مندوب جوميا بقا مماطله غير طبيعيه ، مرتين يبعت email انه هيوصل النهارده و ميجيش و ميتصلش يوم 2\8 و 3\8 كلمت خدمه عملاء جوميا يوم 4
عرض المصدر
A
Ahmed Hesham
مجموعات فيسبوك· منذ شهران
★★★★★1.0
محدش يقع في غلطتي ويشتري حاجه من jumia اوحش شركه في العالم ونصابين حرفياً اشتريت كولر مايه منهم وروحت استلمته وشغلته مفيش تبريد حرفياً يعني القديم الي عندي اقوى منه اول ما لقيته كده بعتلهم تاني يوم على طول طلب استرجاع ووافقوا عليه رجعته تاني في كرتونته طلبوا مني اوديه نفس المكان وديته نفس المكان وخدت ايصال انهم استلموه يعني كله تمام وبعتولي ان فلوسي هترجع خلال ٧ ايام عدى عشر ايام والفلوس مرجعتش وبعدها بعتلهم تاني قالولي مش هنقدر نرجعه طب على اي اساس خدتوه مني وعلى اي اساس اديتوني ايصال وقولتوا انه فلوسي هترجعلي لا وكمان بعتولي اني اروح استلمه تاني واكلم الشركه الي مصنعاه الي هو نعم بجد يعني ويا عالم اصلاً انتوا عملتوا فيه ايه لما كان عندكم ولما اشتكيت كل متابعتهم ان انا اتواصل مع الشركه وبس المهم يعني اني لبست الكولر البايظ ده وسايبه في كرتونته لانه مش ذنبي ان حاجتهم بايظه وحسبي الله ونعم الوكيل فيهم وهفضل انزل بوستات علشان اخد حقي ولو حتى مخدتش حقي اديني بعرفكم علشان محدش فيكم يلبس زيي وغير كده انا على طول بشتري حاجات من امازون ونون بس چوميا لا بجد محدش يجيب منها حاجه Jumia
عرض المصدر
O
Omar Naplion
مجموعات فيسبوك· منذ شهران
★★★★★1.0
أتقدم بهذه الشكوى بخصوص Drift Scooter قمت بشرائه من خلال جوميا، حيث إن المنتج عند استلامه لا يعمل نهائيًا وغير صالح للاستخدام. قمت بالتواصل مع جوميا أكثر من مرة بخصوص المشكلة، كما قمت بإرجاع المنتج أكثر من مرة بناءً على تعليماتهم. وفي كل مرة يتم إبلاغي بأن المنتج لا يوجد به أي عيب، رغم أن المشكلة واضحة جدًا وأن الـ Drift Scooter لا يعمل بالفعل. وقد قمت بإرسال جميع الأدلة المطلوبة لإثبات العطل، بما في ذلك فيديوهات وصور توضح بشكل واضح أن المنتج لا يعمل، ومع ذلك لم يتم التعامل مع المشكلة بشكل جدي، ولم أحصل حتى الآن على حل فعلي أو رد واضح على المشكلة. من غير المقبول أن أستمر في إعادة واستلام نفس المنتج مع التأكيد في كل مرة بأنه سليم، بينما هو غير قابل للاستخدام من الأساس، خصوصًا أنني قدمت كل ما يثبت وجود العطل وقمت بالتعاون الكامل مع إجراءات الاسترجاع والفحص. وعندما قمت بتقديم شكوي لجهاز حمايه المستهلك قامت الشركه برفض اي تعامل معي و بيقولوا شوف جهاز حمايه المستهلك مش هقولك حاجه خل دي عقاب علشان الواحد بيحاول ياخد حقه . النهارده بيكلموني بيقولوا علشان متزعلش هنبعتلك شربات للقدم مدفوعه
عرض المصدر
A
Ahmed Hakim
مجموعات فيسبوك· منذ شهران
★★★★★1.0
*تحذير من التعامل مع جوميا* ‼️ اول و اخر مرة اتعامل مع جوميا دي أسوأ تجربة شراء أونلاين مريت بيها. اشتريت وايرلس تشارجر ب٧٥٠٠ جنيه المنتج وصل بتغليف سيئ وفيه خدوش و الوايرليس تشارجر مش بيشتغل كل ده موثق بالصور. كلمت خدمة العملاء واستلموا المنتج بحجة لجنة الفحص ووعدوني بالرد في٤٨ ساعة لكن فضلت أجري وراهم أكتر من أسبوعين من غير أي حل أو متابعة واتفاجئت إنهم بيقولوا المنتج اللي وصلهم مش هو نفس المنتج اللي انا استلمته!!! رغم إن معايا صور وصل استلام المنتج بعد كده جوميا بطلت ترد خالص ولما لجأت لجهاز حماية المستهلك قالولي هنتواصل مع جوميا بس محدش تابع معايا لسه (W790881 رقم البلاغ) و لما رجعت لجوميا تاني كان الرد الوحيد من جوميا “انت مقدم شكوى مع جهاز حماية المستهلك هنتابع” و بطلوا يردوا عليا لا على خدمة الشات ولا الواتساب. بالنسبة لي دي تجربة سيئة جداً وتعامل غير محترف بنصح أي حد بيفكر يشتري حاجة غالية يراجع قراره كويس ويحتفظ بكل صور وفيديوهات الاستلام. Jumia جهاز حماية المستهلك المصري
عرض المصدر
العودة إلى صفحة جوميا