يتفرجيتفرج

تقييمات بي تك

308 تقييم من المتسوقين (صفحة 5 من 16)

أضف تقييمك

ح
حنان ابراهيم
مجموعات فيسبوك· منذ 3 أشهر
★★★★★1.0
جايه احذركم من بي تك. كانوا عمالين عرض مع شركه امان بالشراء عن طريق الموقع والتقسيط مع امان لمده تصل ل ٢٤ شهر بدون فوائد وبناءا عليه طلبت بوتجاز فيرست كوك هو مش ليا جايباه لعروسه في البيت. بعد ما اشتريت اصلا عرفت ان السعر الاصلي للبوتجاز ٩٠٠٠ ج وهم بيبعوه علي الموقع ب ١٢٥٠٠ يعني في فايده برضه. البوتجاز وصلني المندوب قال مش هينفع تجربه تستلمه ومعاك مده استرجاع ١٤ يوم. بعد ما مشي بنجرب البوتجاز مش بيشتغل وبابظ ومتجرح في الجوانب ومكتوب علي الكرتونه class C. كلمت الشركه كميه مماطلات مش طبيعيه، ١٤ يوم مماطلات برغم تواصلي معاهم بعد استلام البوتجاز مباشره. تواصلت مع الوكيل قالي بايظ ومتاح نصلحه بس انا مش عايزه اصلحه انا عايزه ابدله لانه كمان مجرح وده رايح لعروسه وليه اصلح حاجه لسه جديده اصلا. قاموا عملولي بلوك علي صفحه الفيس بوك وبكره اخر يوم في ١٤ يوم وبيتهربوا مني وعلمت شكوي في حمايه المستهلك. ماحدش يتعامل معاهم كل الموظفين حافظين نفس الاسطوانه.
عرض المصدر
H
Hassan Mohamed
مجموعات فيسبوك (تعليق)· منذ 3 أشهر
★★★★★1.0
بي تك اسوء مكان تشترى منه اجهزه خدمه ما بعد البيع مافيش والاجهزه اغلبها فرز تانى
عرض المصدر
R
Roma Ahmed
مجموعات فيسبوك· منذ شهران
★★★★★1.0
كلاكيت تانى مره نفس مشكلتي مع صيانه B.TECH لتلاجتى اريستون بعد ماتم الصيانه وتركيب قطعه الغيار بعدها بأسبوع رجع نفس العطل تانى واللى هو مبقتش عارفه فيه ايه بظبط واتصلت بخدمه العملاء وعملت بلاغ يوم الأربعاء ١٢ أغسطس الساعه ٩.٤٧ صباحا واخدت ميعاد تانى يوم الخميس و من هنا بدأت اللخبطه اذ اصحى تانى يوم والقي خدمه العملاء بتقولى حضرتك ليكى ميعاد زياره يوم السبت قولتله ازاى وانا انهارده فيه حد جايلى سكت ثوانى كده وقالى تمام يا فندم انتظري الفنى انهارده يا فندم وجه الفنى مشكور اسمه عماد عبدالله وده جالى اول مره وقال ان التلاجه سليمه وطلعت فيها عطل بعد كده وقالى فيه تانى قولت لسه درج الخضار بيجمع تلج ع الأكل ومش معقول اطلعه كله مجمد و خليته يتأكد بنفسه من الخضار المهم فضل يقيس بجهاز معاه كده ويمكن دى اول مره اصلا حد يقيس حاجه فالتلاجه قولت بس شكله فاهم وهيعرف يصلحها المره دى وهاتى ميه ساقعه وميه سخنه وفضلنا نقيس قالى هو ممكن يكون حساس الحراره هو المشكله قولتله والحل قالى هنوطى درجه الحراره ل ٦ بدل ٢ وتتابعي لغايه يوم السبت ولا الأحد وكلمينى عشان نشوف لسه هتجمع تلج تانى ولا لا طيب ما كده الكابي
عرض المصدر
Y
Youssef Ibrahim
مجموعات فيسبوك· منذ شهران
★★★★★1.0
اشتريت شفاط بوتاجاز ماركة بيكو يوم 3 أغسطس من فرع بي تك واتصلت عليهم للتركيب قالوا اتصل على شركة بيكو لان التركيب من خلالهم واتصلت على بيكو يوم 4 أغسطس وعملت طلب تركيب وتفعيل الضمان وقالوا التركيب تدفع عليه رسوم رغم ان المفروض التركيب مجاني والفني جه بعد 4 ايام وطلب تجهيز مكان التركيب وتركيب دكت المدخنة وعملت التجهيزات اللي طلبها وعملت طلب جديد يوم 10 أغسطس وعرفتهم ان المكان جاهز للتركيب وقالوا خلال 4 ايام عمل هيتم التركيب وفات 4 ايام واتصلت عملت شكوى لتأخير التركيب وكل يوم اتصل على بيكو ويكون الرد هنرفع للاداره وهنرد عليك خلال 24 ساعة ويوم 18 الموظف قالي انه اتصلنا عليك ابلغناك ان المكان غير جاهز واصلا مفيش حد اتصل وقلت له انا مبلغكم التجهيزات اللي قلتوا عليها عملتها وقالي انا هرفع رد للإدارة بالكلام ده وهيردوا عليك خلال 24 ساعة وطبعا عدي اليوم ومفيش اي اتصال منهم وكل يوم اتصل اكتر من مرة ونفس الكلام وانا كنت عملت طلب تركيب جديد يوم 17 أغسطس ويوم الخميس 20 أغسطس اتصلت عليهم وقالوا هيتم التركيب يوم السبت والفني هيكلمك من الساعة 9 الصبح والنهارده يوم 22 أغسطس اتصلت قالوا الفني هيكلمك وا
عرض المصدر
A
Abdelbaki Mohamed
مجموعات فيسبوك· منذ شهران
★★★★★1.0
B.TECH حقيقة مستوى الخدمة المتدني من بي تك صدمني لدرجة مجرد التفكير في التعامل معهم مرة أخرى سيتطلب مرات من التفكير والتي ستجزم بعدم التعامل معهم مرة أخرى والنصح دائما بعدم التعامل معهم لتوفر البدائل التي تضع العميل في دائرة اهتمامهم. تجربتي معهم سيئة لأبعد الحدود والتي تعكس المستوى المتدني للتنسيق الداخلي وعدم المصداقية في يوم الاثنين ١٧ أغسطس روحت فرع المنصورة وعملت أوردر قيمته ١٧٠ ألف جنيه وتم الاتفاق على التوصيل يوم الجمعة ٢١ أغسطس .. بالفعل يوم ٢١ أغسطس وصلني رسالة تأكيد لتوصيل الأوردر ومكالمة من المعنيين بالتوصيل انهم في الطريق ولكن وصلني فقط نص الأوردر والمفاجأة إن الأسعار مختلفة وطبعا أعلى وكلمني مدير المخزن المعني بالتوصيل ومشرف فرع المنصورة بيأكدوا إن باقي الأوردر في الطريق وهيوصل برضه يوم الجمعة ولكن مافيش حاجة وصلت إلى الآن وفي نفس اليوم عملت أوردر لحامل تليفزيون بألف جنيه ودلوقتي وصلني رسالة تأكيد إنه في الطريق فالحقيقة مش فاهم .. هل الشركة اللي قادرة توفر عربية ومندوب توصيل لحامل تليفزيون مش قادرة توصل أوردر ب ١٧٠ ألف جنيه كامل. تم عمل شكوتين وإلى الآن لم يتم الرد عليه
عرض المصدر
A
Ahmed Saied
مجموعات فيسبوك· منذ 3 أشهر
★★★★★1.0
🛑تحديث B.TECH الي انا شاري منها الجهاز اصلا بتقولي مشكلتك مش معانا تابع مع شركة كارير احنا موزع فقط قولتلهم طيب انا شاري منكوا انتوا مش من كارير قالوا دا الضمان تابع معاهم👇👇 🟢اشتريت تكيف Midea xtreame pro احدث حاجة من شركة ميديا من B.Tech B.TECH شركة بي تك بتاريخ 26/07/2028 التكيف كان توريد وتركيب وتم التركيب بتاريخ 04/08/2026 والتكيف اشتغل ساعة وحدة للتجربة وتمام بعد كدا سافرت ورجعت يوم 11/08/2026 بشغل التكيف عمل صوت في الوحدة الخارجية في بداية كل تشغيلة لمدة 5 ثواني وكل ما الوحدة الخارجية تفصل وترجع تشتغل الصوت دا بيتكرر ففصلت التكيف ومشغلتوش اليوم دا وجيت تاني يوم اجرب لاقيت الوحدة الخارجية توقفت تماما عن العمل كلمتهم قالوا هنبعتلك فني بتاريخ 19/08/2026 صبرت الفترة دي كلها والفني جه قالي دا عيب تصنيع وفي مشكلة في الوحدة الخارجية ادت الي تفحم الكونتاكتور وانا هقدم تقرير بكدا قولتله تمام اتفاجئ النهاردة شركة بي تك تكلمني وبتحاول تقنعني انهم يغيروا قطعة غيار في التكيف الجديد الي مشتغلش غير ساعة ونص ساعة وقت التجربة ونص ساعة وقت ما عمل الصوت وفصلته الموظف بيحاول يقنعني انه عيب ك
عرض المصدر
K
Khaled Ahmed Abdelaziz
مجموعات فيسبوك (تعليق)· منذ 3 أشهر
★★★★★1.0
بي تك بلاك ليست من زمان
عرض المصدر
H
Hajar Adel
مجموعات فيسبوك (تعليق)· منذ 3 أشهر
★★★★★2.0
أنا عملت قبل كده شكوى لو عايزة التفاصيل
عرض المصدر
أ
أحمد قنديل
مجموعات فيسبوك· منذ 3 أشهر
★★★★★1.0
عندي مشكلة مع B.TECH. اشتريت مبرد مياه dispenser fresh. وصل يوم الخميس الكرتونه كانت متبهدله ومكتوب ممنوع افتحها. لما فتحتها لقيته واضح جدا انه مفتوح قبل كده، البيانات على الجهاز غير المكتوبه عندهم. كان مكتوب انه حار بارد، طلع بارد فاتر. مكتوب سعه التبريد ٣ لتر، طلع ٢ لتر. المهم اتصلت نفس اليوم وطلبت إعادة المنتج. فتحوا شكوى وحد هيتواصل معايا. استنيت لحد يوم الاحد محدش كلمني. اتصلت قالولي الشكوى اتقفلت لان في حد حاول يتواصل معاك مرتين ومحدش رد. قلتلها الموبايل معايا ومفيش اي missed call. قالت تمام هنفتح شكوى تانيه. كلمني حد يوم الاثنين طلب اصور الجهاز والكرتونه وعملت كده. بعدها قالولي هيتم الرد عليك بكره بحد اقصى الساعه ١٢ الظهر. استنيت لحد الثلاثاء الساعه ٣ محدش كلمني. اتصلت بيهم تاني قالتلي الرد هيكون الاربعاء مش الثلاثاء. قلتلها انتم بنفسكم كاتبين حد اقصى الثلاثاء. قالت طيب هيتم استعجال الموضوع وحد هيكلمك بعد ساعتين كحد اقصى. محدش كلمني. اتصلت بعد ٣ ساعات قالت معلش حد هيكلمك بعد ساعتين كحد اقصى. محدش اتصل. استنيت لحد يوم الأربعاء وبعد الساعه ١ الظهر اتصلت بيهم قلتلهم محدش كلمني. قال
عرض المصدر
A
Amy Gamal
مجموعات فيسبوك· منذ 3 أشهر
★★★★★1.0
تحذير من B-Tech ❌❌❌❌❌ تحذير من B-Tech ❌❌❌❌❌ تعديل :البوست من يوم الخميس ،تم التواصل معانا يوم الأحد ١٦ اغسطس ان حد من ارامكس هيجيلنا خلال ٣ أيام يرجع الكولمان ولما يوصل للمحل هيتواصلوا معانا عشان يرجعوا الفلوس، ولكن بسبب معاملتهم واني اشك انهم هيعملوا حاجة فأنا هسيب البوست لحد ما يرجعوا الفلوس طلبنا من بي تيك اونلاين كولمان ماركة تانك ١٦ لتر ، اللي وصلنا كولمان ١٢ لتر في كرتونة مكتوب عليها ٢٠ لتر ومتعدل عليها عشان تبقى ١٦!! للأسف اللي استلم كانت سيدة كبيرة في السن مخدتش بالها من كل ده ، كلمناهم نشتكي يوم الخميس ٦ أغسطس - يوم الاستلام- وكلمنا حد يوم السبت قالنا نبعت صور الكرتونة على رقم الواتس اب وعملنا كدة ومن ساعتها كل شوية هيتم متابعة الشكوى و هيتم التواصل معاكم ومحدش بيكلمنا احنا اللي بنتصل، آخر مرة كلمناهم يوم التلات قالوا في حد هيتواصل معاكم خلال ساعتين ومحدش اتصل، تواصلنا على الواتس اب قالوا يوم ١٣ الخميس، كلمناهم تاني الأربعاء لأن مش شايفين ان الموضوع مستاهل كل ده اوردر مش مضبوط يرجع بسيطة أهيه! قالوا نفس الكلام ماحنا قولنالكم ان هنتواصل معاكم يوم الخميس ،والدي بلغهم ان لو مح
عرض المصدر
العودة إلى صفحة بي تك