يتفرجيتفرج

تقييمات بي تك

256 تقييم من المتسوقين (صفحة 3 من 13)

أضف تقييمك

H
Hajar Adel
مجموعات فيسبوك (تعليق)· منذ شهر واحد تقريباً
★★★★★2.0
أنا عملت قبل كده شكوى لو عايزة التفاصيل
ا
الاء المؤمن
مجموعات فيسبوك· منذ شهر واحد تقريباً
★★★★★1.0
جماعة اقسم بالله قربت اتشل ٣ شهور بدفع قسط منتج رجعته أصلا !!!!! لا شركة ولا خدمة عملاء محترمة ولا حد معبرنا اصلا قدمت اكتر من شكوة ويقولولي خلال ١٤يوم ومافيش حاجة تحصل ويقفلوا الشكوه مع نفسهم
M
Mostafa Mhmoud Mohamed
مجموعات فيسبوك· منذ 30 يوم
★★★★★1.0
انا اشتريت مروحه استاند من بي تك وبعدين المروحه جتلي غلط وبعد يومين بعتو حد اخدوها وافضلت مستني يومين علشان حد يبعتلي الفلوس قاعد يقولوي بكره بعده بقالي كتير في الموضوه يجي ٢٥ يوم علشان شركه بي تك تبعتلي الفلوس شركه نصابه B.TECH
أ
أحمد قنديل
مجموعات فيسبوك· منذ 30 يوم
★★★★★1.0
عندي مشكلة مع B.TECH. اشتريت مبرد مياه dispenser fresh. وصل يوم الخميس الكرتونه كانت متبهدله ومكتوب ممنوع افتحها. لما فتحتها لقيته واضح جدا انه مفتوح قبل كده، البيانات على الجهاز غير المكتوبه عندهم. كان مكتوب انه حار بارد، طلع بارد فاتر. مكتوب سعه التبريد ٣ لتر، طلع ٢ لتر. المهم اتصلت نفس اليوم وطلبت إعادة المنتج. فتحوا شكوى وحد هيتواصل معايا. استنيت لحد يوم الاحد محدش كلمني. اتصلت قالولي الشكوى اتقفلت لان في حد حاول يتواصل معاك مرتين ومحدش رد. قلتلها الموبايل معايا ومفيش اي missed call. قالت تمام هنفتح شكوى تانيه. كلمني حد يوم الاثنين طلب اصور الجهاز والكرتونه وعملت كده. بعدها قالولي هيتم الرد عليك بكره بحد اقصى الساعه ١٢ الظهر. استنيت لحد الثلاثاء الساعه ٣ محدش كلمني. اتصلت بيهم تاني قالتلي الرد هيكون الاربعاء مش الثلاثاء. قلتلها انتم بنفسكم كاتبين حد اقصى الثلاثاء. قالت طيب هيتم استعجال الموضوع وحد هيكلمك بعد ساعتين كحد اقصى. محدش كلمني. اتصلت بعد ٣ ساعات قالت معلش حد هيكلمك بعد ساعتين كحد اقصى. محدش اتصل. استنيت لحد يوم الأربعاء وبعد الساعه ١ الظهر اتصلت بيهم قلتلهم محدش كلمني. قال
G
GoldFish5128
مجموعات فيسبوك (تعليق)· منذ 30 يوم
★★★★★1.0
حصل لي نفس المشكلة بس مع بي تيك تكييف LG بردو والاحسن ترجعيه LG بقوا وحشين جدا بجد تواصلي مع الفرع اللي اشتريتي منه يبعتلك المخازن يستلم الحهاز واستردي فلوسك
M
Moamen Gamal El Gamazy
مجموعات فيسبوك (تعليق)· منذ شهر واحد تقريباً
★★★★★2.0
انا كانت مشكلتي زيك كده وقعدت شهرين ولم يتم حل المشكلة إلا بعمل شكوي في الهيئة العامة للرقابة المالية وتم حلها تاني يوم فوراً
A
Amr Helal
مجموعات فيسبوك (تعليق)· منذ شهر واحد تقريباً
★★★★★1.0
اشتكيهم ف حماية المستهلك كان ليا تجربه معاهم مش لطيفه كده وحماية المستهلك خلتهم يعتذرولي ورجعولي فلوس
A
Ashraf Farouk
مجموعات فيسبوك (تعليق)· منذ شهر واحد تقريباً
★★★★★1.0
دول أسواء مكان فى مصر كلها واسعار غالية وسوء معاملة ده غير منتجات سيئة أنا بطلت اتعامل معاهم من سنين
A
Amy Gamal
مجموعات فيسبوك· منذ شهر واحد تقريباً
★★★★★1.0
تحذير من B-Tech ❌❌❌❌❌ تحذير من B-Tech ❌❌❌❌❌ تعديل :البوست من يوم الخميس ،تم التواصل معانا يوم الأحد ١٦ اغسطس ان حد من ارامكس هيجيلنا خلال ٣ أيام يرجع الكولمان ولما يوصل للمحل هيتواصلوا معانا عشان يرجعوا الفلوس، ولكن بسبب معاملتهم واني اشك انهم هيعملوا حاجة فأنا هسيب البوست لحد ما يرجعوا الفلوس طلبنا من بي تيك اونلاين كولمان ماركة تانك ١٦ لتر ، اللي وصلنا كولمان ١٢ لتر في كرتونة مكتوب عليها ٢٠ لتر ومتعدل عليها عشان تبقى ١٦!! للأسف اللي استلم كانت سيدة كبيرة في السن مخدتش بالها من كل ده ، كلمناهم نشتكي يوم الخميس ٦ أغسطس - يوم الاستلام- وكلمنا حد يوم السبت قالنا نبعت صور الكرتونة على رقم الواتس اب وعملنا كدة ومن ساعتها كل شوية هيتم متابعة الشكوى و هيتم التواصل معاكم ومحدش بيكلمنا احنا اللي بنتصل، آخر مرة كلمناهم يوم التلات قالوا في حد هيتواصل معاكم خلال ساعتين ومحدش اتصل، تواصلنا على الواتس اب قالوا يوم ١٣ الخميس، كلمناهم تاني الأربعاء لأن مش شايفين ان الموضوع مستاهل كل ده اوردر مش مضبوط يرجع بسيطة أهيه! قالوا نفس الكلام ماحنا قولنالكم ان هنتواصل معاكم يوم الخميس ،والدي بلغهم ان لو مح
M
Mohamed Mahmoud
مجموعات فيسبوك· منذ شهر واحد تقريباً
★★★★★1.0
شركه بي تيك شركه سيئه جداً طلبت منهم منتجين تاريخ ٢٦/٧ تكيف و طابعه بار كود التكيف وصل قبل المعاد الطابعه المفروض كانت توصل يوم ٣/٨ كل ما اكلمهم يقولو بكره اصل المنتج مع شركه شحن ارامكس مع العلم ان لما شركه الشحن بتستلم المنتج بتتواصل مع العميل وبتبعتله رقم تتبع للشحنه ولا اكلمهم بعد كل ده وانا مدايق يقولو احنا شركه كبيره وبنخدم الاف العملاء ف معنى ده ان المنتج بتاعي ميوصلش !!!؟ B.TECH
A
Ashraf Osama
مجموعات فيسبوك· منذ شهر واحد تقريباً
★★★★★1.0
تحديث على الشكوى: شكوى رئاسة الوزراء جهاز حماية المستهلك رد عليها ان فيه شكوى تانية وبرجاء اغلاق الشكوى ورقم الشكوى المستند عليه غير تابع ليا ولا اساس له من الصحة وتم اغلاق شكوى رئاسة الوزراء تلقائياً بعد رد حماية المستهلك المتعمد. تم ابلاغ النيابة الادارية وجاري اتخاذ جميع الاجراءات القانونية ضد شركة بي تك وجهاز حماية المستهلك. تجربتي مع B.Tech وجهاز حماية المستهلك أنا اشتريت جهاز iPad من B.TECH بقيمة 22,618 جنيه، ودفعت المبلغ، وبعدها الطلب اتلغى من جانب الشركة حرفياً بعد الطلب اتأكد بدقايق وده بتاريخ 25/5/2026. من وقتها وأنا بحاول أرجّع فلوسي بالطرق الرسمية، لكن لحد دلوقتي المبلغ ما رجعش. تواصلت مع B.TECH أكتر من مرة وعملت شكوى ومحدش اهتم وبناء ع كده بلغت حماية المستهلك وعملت شكوى بتاريخ 30/5/2026 وتم قيد الشكوى رسمياً برقم 1672362 في حماية المستهلك بتاريخ 2/6/2026، جهاز حماية المستهلك مشكوراً كلموني عرفوا الشكوى وخلاص والاجراءات قلت هتمشي طبيعي ويتابعوا لكن الشكوى الداخلية ل B.Tech اتقفلت بعدها وقالولي تم حلها بدون رجوع المبلغ وقالولي ان السبب ان حالياً الشكوى في "قسم مختص" بدو
M
Mohamed Ebrahem
مجموعات فيسبوك· منذ شهر واحد تقريباً
★★★★★1.0
تجربتي مع اسوء متجر مواعيد غير منضبطه ولا يوجد متابعه للشكاوي اوردر تم عمله بتاريخ الإثنين ١٠ اغسطس تم الابلاغ بوصوله يوم الخميس ١٣ اغسطس تم عمل شكوي بعدم الوصول وطلب لإلغاء الاوردر الاوردر مدفوع وتم خصمه من الحساب اونلاين انصح بعدم التعامل مع المتجر والابلكيشن
M
Mohamed Salah
مجموعات فيسبوك (تعليق)· منذ شهر واحد تقريباً
★★★★★1.0
اوسخ شركة اوسخ مكان فمصر
A
Ammar Abdalla
مجموعات فيسبوك· منذ شهر واحد تقريباً
★★★★★1.0
تجربتي السيئة مع B.TECH عملت أوردر ديب فريزر وشاشة اونلاين . عملت الاوردر يوم 7 اغسطس والاوردر المفروض يبقي توريد يوم 9 اغسطس . كلمني المندوب قال العنوان وضحت لي العنوان قالي طب اقفل ارجعلك تاني ومحصلش ان رجع . أتواصل أنا بي مش بيرد وخلاص . اليوم عدي بعدها بيومين كلمني حد من المخزن قالي ممكن افهم منك العنوان علشان مش موضح خد العنوان تاني وقالي هيجيلك بكرة مجاش . بعدها بيومين كلمني برضة حد من المخزن قالي نفس الكلام افهم منك العنوان وهيجيلك بكرة . طبعا أنا قدمت شكوي من خلال الواتساب ليهم وقالوليلي حد من القسم المختص هيتواصل معاك ويتابع معاك حالة الشكوي اللي كلمني بعد ماحكيت لي القصة قالي اعمل شكوي يعني هو مكلمني وميعرفش ان عامل شكوي أصلا . غير كنت قريب من فرع رئيسي بتاعهم قولت ادخل استلم الاوردر بنفسي وخلاص بس قولت اكلم خدمة العملاء اشوف ينفع ولا لا قالتلي مينفعش يافندم . يعني ولا جالي ولا ينفع استلم الاوردر ولو لغيت الاوردر هياخد وقت عقبال مايرجع . المهم يعني الحمدلله في مندوب كلمني امبارح قالي الاوردر معايا وابعتلي اللوكيشن بعت اللوكيشن فعلا فجاة لاقيت حد من المخزن تاني بيتصل بية يقولي
H
Hazem Budgie
مجموعات فيسبوك (تعليق)· منذ شهر واحد تقريباً
★★★★★1.0
بي تك ألعن شركة في الوجود أنا ماشفتش حد تعامل معاهم ومإشتكاش بجد!!! أنا مش عارف متسابة ازاي كده؟!!! وبعدين هو لو في قطع في الماسورة كان هيحصل تسريب للفريون فبالتالي التكييف مش هيقوم بمهامه!!! فهل لحد آخر لحظة قبل التركيب كان في مشكلة في التبريد؟!
R
Rania El Ghandour
مجموعات فيسبوك· منذ شهر واحد تقريباً
★★★★★2.0
🚨 سؤال لميديا… ومحتاجة إجابة واضحة اشتريت تكييف Midea 1.5 حصان من B.TECH بتاريخ 28/8/2023، والجهاز عليه ضمان 5 سنين. من البداية، فني تابع لميراكو/Midea هو اللي ركّب الجهاز، ومعايا شهادة التركيب والتسليم الصادرة من الشركة نفسها. بعد فترة حصل عطل، والشركة بعتت فني وصلحه. مؤخرًا احتجت أنقل الجهاز، فبدل ما أستعين بأي حد، تواصلت مع Midea نفسها وطلبت منهم فك الجهاز وإعادة تركيبه. الفني التابع للشركة جه وفك الجهاز. وقت الفك، لم يتم إبلاغي بوجود أي قطع أو تلف في المواسير، ولم يتم تسليمي أي تقرير بهذا المعنى. في موعد إعادة التركيب، حضر فني الشركة، وأثناء الكشف اكتشف قطع في ماسورة النحاس، وتم تسجيلها في تقرير الزيارة. وبعدها أصبحت أنا مطالبة بتكلفة الماسورة وإعادة التركيب. وفي نفس الوقت، خلال مكالمة مع خدمة العملاء، تم إبلاغي بأن هناك مشكلة في وضوح بعض بيانات شهادة التركيب قد تؤثر على موقف الضمان. وهنا عندي سؤالين واضحين جدًا: لو شهادة التركيب محررة بواسطة فني الشركة نفسها، هل يتحمل العميل مسؤولية طريقة كتابة الفني للبيانات؟ ولو كان هناك تلف في الماسورة، لماذا لم يتم إبلاغي به أثناء زيارة الفك
أ
أسما ءحسن
مجموعات فيسبوك· منذ شهر واحد تقريباً
★★★★★1.0
طلبت موبايل من بي تيك والموبايل طلع مضروب مش أصلي وعملت ارتجاع لموبايل من 22/6 لحد النهاردة مش عارفة استرد قيمة الموبايل وكلم يوم أكلم خدمة العملاء ومفيش نتيجة كل يوم هيتم التواصل مع حضرتك خلال ساعة ومفيش تواصل ولا عارفه أوصل لحد
S
Sherif Nour El-deen
مجموعات فيسبوك· منذ شهر واحد تقريباً
★★★★★2.0
اشتريت تكييف من B. Tech Online من كذا يوم و مشكورين وردوا التكييف بسرعه (للمصداقية... قبل الموعد اللي قالوا عليه ... مشكورين ) بدون فاتوره (مكنتش متوقع مشكله ... ده تكييف منزلي ... مش شركه ... ) و قال لنا الضمان جوه الكرتونه... عادي ... المشكله ظهرت فور اتصالي بالعربي لتركيب التكييف طلبوا فاتوره ضريبيه ؟! كلمت B.Tech متوقعتش المماطله دي ؟! ده انا دافع فيزا اونلاين يعني اكيد حاجه رسميه و فواتير !! هنا بقى الخدمه السيئه من B Tech ٢٤ ساعه عشان نرد على الشكوي (انا اصلا لا عايز اشتكي و لا فاضي اشتكي ... العربي هما اللي عايزين فاتوره ) و خلال ٥ ايام عشان استلم الفاتوره !!! و طبعا احدد معاد بعد كده عشان العربي يجوا يركبوا بعدها بفتره ... يكون الصيف خلص هل ده طبيعي ؟ اشتري حاجه يطلع عيني عشان فاتوره ؟!
M
MysticalLion2475
مجموعات فيسبوك (تعليق)· منذ شهر واحد تقريباً
★★★★★2.0
كان في مشكلة بس في مكان فرنيتشر معروف جداااااا وبيتاخرو في الاستلام كانت خلاص عروسة والفرح قرب فراحت الفرع بهدلتهم وفرجت عليهم الناس لدرجة الناس اللي بتشتري وبتتفرج خافت منهم ومشيت لحسن يكونو مش ملتزمين وتاني يوم فعلا سلموها حاجتها اللي كان بقالها ٦ شهور مذلولة عليها فالفضيحة للاشكال دي اللي هتجيب حقك
M
Mohamed Brzan
مجموعات فيسبوك· منذ شهر واحد تقريباً
★★★★★2.0
اشتريت تكييف Haier Inverter من B.TECH واللي وصلني كان تكييف عادي! فنيين Haier نفسهم أكدوا إن الجهاز اللي وصلني مش Inverter. قلت لأخويا يتأكد من الفنيين، فقالوا: "يا فندم ده تكييف عادي، مش Inverter." يعني وصلني منتج غير اللي اشتريته. المشكلة مش إن التكييف بايظ، المشكلة إن المنتج اللي وصلني مش هو المنتج اللي اشتريته. اتصلت بـ B.TECH في أول يوم، قالوا هيشوفوا الموضوع وطلبوا مستندات. بعد 5 أيام، حولوني للبائع Nile Store. البائع قال مش هيقدروا يعملوا حاجة إلا لو جبت تقرير من Haier يثبت عيب فني. بس التكييف سليم ومفيش عيب! الأسوأ كان أسلوب التعامل. كل طرف بيطلب مني أكلم الطرف التاني. بعد ما استنفدت محاولات الحل الودي، قدمت بلاغ رسمي لجهاز حماية المستهلك. (تعديل: تم حل المشكلة وآخدت تعويض بفرق السعر.)
العودة إلى صفحة بي تك