يتفرجيتفرج

تقييمات بي تك

256 تقييم من المتسوقين (صفحة 2 من 13)

أضف تقييمك

A
Ashraf Youssef
مجموعات فيسبوك· منذ 21 يوم
★★★★★1.0
تجربة شراء من بي تك لن أكررها B.TECH طلبت طابعة برازر اونلاين من بي تك يوم ١٦ اغسطس و دفعت عن طريق مايلو و قالو أن التسليم يوم ٢٣ اغسطس و لما فات ميعاد التسليم كلمتهم و طبعا ردود خدمة العملا نفس الجملة ما بتتغيرش و لا حد فيهم عنده معلومه او بيفيدك و قدمت شكوى و مافيش فايده كلموني يوم ٢٦ و المفاجأة ان المنتج مش متوفر طب ليه يا جماعه خلتوني انتظر و اضيع وقتي في مكالمات و الله اسفين فيه موديل تاني لو عايزه . قلت لهم ماشي. قالو تستلمها من الفرع قاتلهم موافق قالولي اقرب فرع فيه المنتج على بعد ١٢٠ كيلو مني. طبعا رفضت و قاتلهم الغوص الطلب قالولي هنقدم طلب و نكلم الإدارة انا ذنبي ايه انتظر اسبوعين و ما اشتريت المنتج و افضل الف وراكو عشان تردو المبلغ
A
Ahmed Hozayen
مجموعات فيسبوك· منذ 21 يوم
★★★★★1.0
الشركه B TECH المحترمه عامل شكوى واسترجاع منتج من يوم 19/7 إلى الآن لم يتم حل المشكله وبيقفلو الشكاوى من نفسهم وعمل لى حظر من موقع الفيس بوك اسوء تجربه شراء اون لاين
M
Mai A. Mohamed
مجموعات فيسبوك· منذ 22 يوم
★★★★★2.0
السلام عليكم لو سمحتم محتاجه حد يساعدني اعرف اتوجه ازاي لان الاستفزاز زاد عن حده شركه B.TECH طلبت منتجين عباره عن ماكينه حلاقي رجالي و مكواه شعر الكلام دي كان يوم ١٠/٨ و الوصول مفروض ١٣/ ٨ وصل الماكينه الحلاقه الرجالي ومكواه الشعر لا تواصلنا معاهم قالوا مع شركه الشحن و كلمنا شركه الشحن فقالوا مفيش اي شحنه معاهم و في الاخر بعد ١٠ ايام الشركه تواصلت معانا انه المنتج غير موجود في المخازن و مع ذلك نزلوا القسط علينا يعني مش طبيعي بجد التصرف و تواصلنا معاهم ٢٠ مره ان موصلناش حاجه و مع ذلك مصممين و في الاخر يقولوا اختاروا حاجه تاني مش هنقدر نشيل القسط يعني انا اخد ايه لان مش محتاجه حاجه هو دي اللي كنت محتجاه و من قبلكم بلغتوا عدم وجوده مش تدبيس يعني بجد اول مره الواحد يحس ان كل حاجه بالفرض وأكد ليهم ان مش محتاجه حاجه خلاص برضه مصممين مش عارفه اعمل ايه معاهم الحقيقه ارجو قبول البوست و الافاده
A
AmusingKangaroo2408
مجموعات فيسبوك (تعليق)· منذ 25 يوم
★★★★★1.0
اقولك على نصيحه لوجه الله كدا كدا يونيون اير زى الزفت فى كل مدلاته
M
Mayada Mamdoh
مجموعات فيسبوك· منذ 25 يوم
★★★★★2.0
طلبت تكييف يونيون اير ميجافاي ٢،٢٥ حصان من بي تك وصلني نوع تاني وهو يونيون اير ارتيفاي كلمت خدمه العملاء قالولي كلمي الواتس اب بعتلهم علي الواتس اب يقولولي المتاح استرجاع للمنتج بس مش متاح ان نستبدل المنتج ونبعتلك الي طلبتيه انا دلوقتي ذنبي اي اخد منتج غير الي طلبته بسعر اقل او يرجع خالص ويروح عليا العرض الي كنت عملته رغم كدا البوليسه بتاعه الشحن التفاصيل مظبوطه لكن الفعلي الي وصلني مش مظبوط
A
Abdelbaki Mohamed
مجموعات فيسبوك· منذ 26 يوم
★★★★★1.0
B.TECH حقيقة مستوى الخدمة المتدني من بي تك صدمني لدرجة مجرد التفكير في التعامل معهم مرة أخرى سيتطلب مرات من التفكير والتي ستجزم بعدم التعامل معهم مرة أخرى والنصح دائما بعدم التعامل معهم لتوفر البدائل التي تضع العميل في دائرة اهتمامهم. تجربتي معهم سيئة لأبعد الحدود والتي تعكس المستوى المتدني للتنسيق الداخلي وعدم المصداقية في يوم الاثنين ١٧ أغسطس روحت فرع المنصورة وعملت أوردر قيمته ١٧٠ ألف جنيه وتم الاتفاق على التوصيل يوم الجمعة ٢١ أغسطس .. بالفعل يوم ٢١ أغسطس وصلني رسالة تأكيد لتوصيل الأوردر ومكالمة من المعنيين بالتوصيل انهم في الطريق ولكن وصلني فقط نص الأوردر والمفاجأة إن الأسعار مختلفة وطبعا أعلى وكلمني مدير المخزن المعني بالتوصيل ومشرف فرع المنصورة بيأكدوا إن باقي الأوردر في الطريق وهيوصل برضه يوم الجمعة ولكن مافيش حاجة وصلت إلى الآن وفي نفس اليوم عملت أوردر لحامل تليفزيون بألف جنيه ودلوقتي وصلني رسالة تأكيد إنه في الطريق فالحقيقة مش فاهم .. هل الشركة اللي قادرة توفر عربية ومندوب توصيل لحامل تليفزيون مش قادرة توصل أوردر ب ١٧٠ ألف جنيه كامل. تم عمل شكوتين وإلى الآن لم يتم الرد عليه
S
SoftFox9959
مجموعات فيسبوك (تعليق)· منذ 27 يوم
★★★★★1.0
مليون مرة نقول محدش يتعامل مع بي تيك محدش بيسمع الكلام
V
VibrantRhino7495
مجموعات فيسبوك (تعليق)· منذ 26 يوم
★★★★★2.0
حرام عليهم الحاجه غاليه والناس بتجيب الحاجه بالعافيه دا غير السعر اللى بيضاعف عند الدفع
A
Anonymus5293
مجموعات فيسبوك (تعليق)· منذ 29 يوم
★★★★★1.0
من اسوا التجارب التعامل مع شركة ميراكو كاريير وبي تك
ح
حنان ابراهيم
مجموعات فيسبوك· منذ 29 يوم
★★★★★1.0
جايه احذركم من بي تك. كانوا عمالين عرض مع شركه امان بالشراء عن طريق الموقع والتقسيط مع امان لمده تصل ل ٢٤ شهر بدون فوائد وبناءا عليه طلبت بوتجاز فيرست كوك هو مش ليا جايباه لعروسه في البيت. بعد ما اشتريت اصلا عرفت ان السعر الاصلي للبوتجاز ٩٠٠٠ ج وهم بيبعوه علي الموقع ب ١٢٥٠٠ يعني في فايده برضه. البوتجاز وصلني المندوب قال مش هينفع تجربه تستلمه ومعاك مده استرجاع ١٤ يوم. بعد ما مشي بنجرب البوتجاز مش بيشتغل وبابظ ومتجرح في الجوانب ومكتوب علي الكرتونه class C. كلمت الشركه كميه مماطلات مش طبيعيه، ١٤ يوم مماطلات برغم تواصلي معاهم بعد استلام البوتجاز مباشره. تواصلت مع الوكيل قالي بايظ ومتاح نصلحه بس انا مش عايزه اصلحه انا عايزه ابدله لانه كمان مجرح وده رايح لعروسه وليه اصلح حاجه لسه جديده اصلا. قاموا عملولي بلوك علي صفحه الفيس بوك وبكره اخر يوم في ١٤ يوم وبيتهربوا مني وعلمت شكوي في حمايه المستهلك. ماحدش يتعامل معاهم كل الموظفين حافظين نفس الاسطوانه.
H
Hassan Mohamed
مجموعات فيسبوك (تعليق)· منذ 29 يوم
★★★★★1.0
بي تك اسوء مكان تشترى منه اجهزه خدمه ما بعد البيع مافيش والاجهزه اغلبها فرز تانى
H
He Gaber
مجموعات فيسبوك (تعليق)· منذ 27 يوم
★★★★★1.0
والله أسوء تعامل من بى تك واسوء أجهزه من بى تك مسلمنى جهاز تكييف بايظ ولا بيستبدلوه ولا بيرجعوه بالكرتونه بتاعته والله حسبى الله ونعم الوكيل فيهم
R
Roma Ahmed
مجموعات فيسبوك· منذ 28 يوم
★★★★★1.0
كلاكيت تانى مره نفس مشكلتي مع صيانه B.TECH لتلاجتى اريستون بعد ماتم الصيانه وتركيب قطعه الغيار بعدها بأسبوع رجع نفس العطل تانى واللى هو مبقتش عارفه فيه ايه بظبط واتصلت بخدمه العملاء وعملت بلاغ يوم الأربعاء ١٢ أغسطس الساعه ٩.٤٧ صباحا واخدت ميعاد تانى يوم الخميس و من هنا بدأت اللخبطه اذ اصحى تانى يوم والقي خدمه العملاء بتقولى حضرتك ليكى ميعاد زياره يوم السبت قولتله ازاى وانا انهارده فيه حد جايلى سكت ثوانى كده وقالى تمام يا فندم انتظري الفنى انهارده يا فندم وجه الفنى مشكور اسمه عماد عبدالله وده جالى اول مره وقال ان التلاجه سليمه وطلعت فيها عطل بعد كده وقالى فيه تانى قولت لسه درج الخضار بيجمع تلج ع الأكل ومش معقول اطلعه كله مجمد و خليته يتأكد بنفسه من الخضار المهم فضل يقيس بجهاز معاه كده ويمكن دى اول مره اصلا حد يقيس حاجه فالتلاجه قولت بس شكله فاهم وهيعرف يصلحها المره دى وهاتى ميه ساقعه وميه سخنه وفضلنا نقيس قالى هو ممكن يكون حساس الحراره هو المشكله قولتله والحل قالى هنوطى درجه الحراره ل ٦ بدل ٢ وتتابعي لغايه يوم السبت ولا الأحد وكلمينى عشان نشوف لسه هتجمع تلج تانى ولا لا طيب ما كده الكابي
Y
Youssef Ibrahim
مجموعات فيسبوك· منذ 27 يوم
★★★★★1.0
اشتريت شفاط بوتاجاز ماركة بيكو يوم 3 أغسطس من فرع بي تك واتصلت عليهم للتركيب قالوا اتصل على شركة بيكو لان التركيب من خلالهم واتصلت على بيكو يوم 4 أغسطس وعملت طلب تركيب وتفعيل الضمان وقالوا التركيب تدفع عليه رسوم رغم ان المفروض التركيب مجاني والفني جه بعد 4 ايام وطلب تجهيز مكان التركيب وتركيب دكت المدخنة وعملت التجهيزات اللي طلبها وعملت طلب جديد يوم 10 أغسطس وعرفتهم ان المكان جاهز للتركيب وقالوا خلال 4 ايام عمل هيتم التركيب وفات 4 ايام واتصلت عملت شكوى لتأخير التركيب وكل يوم اتصل على بيكو ويكون الرد هنرفع للاداره وهنرد عليك خلال 24 ساعة ويوم 18 الموظف قالي انه اتصلنا عليك ابلغناك ان المكان غير جاهز واصلا مفيش حد اتصل وقلت له انا مبلغكم التجهيزات اللي قلتوا عليها عملتها وقالي انا هرفع رد للإدارة بالكلام ده وهيردوا عليك خلال 24 ساعة وطبعا عدي اليوم ومفيش اي اتصال منهم وكل يوم اتصل اكتر من مرة ونفس الكلام وانا كنت عملت طلب تركيب جديد يوم 17 أغسطس ويوم الخميس 20 أغسطس اتصلت عليهم وقالوا هيتم التركيب يوم السبت والفني هيكلمك من الساعة 9 الصبح والنهارده يوم 22 أغسطس اتصلت قالوا الفني هيكلمك وا
A
Abdelbaki Mohamed
مجموعات فيسبوك· منذ 27 يوم
★★★★★1.0
B.TECH حقيقة مستوى الخدمة المتدني من بي تك صدمني لدرجة مجرد التفكير في التعامل معهم مرة أخرى سيتطلب مرات من التفكير والتي ستجزم بعدم التعامل معهم مرة أخرى والنصح دائما بعدم التعامل معهم لتوفر البدائل التي تضع العميل في دائرة اهتمامهم. تجربتي معهم سيئة لأبعد الحدود والتي تعكس المستوى المتدني للتنسيق الداخلي وعدم المصداقية في يوم الاثنين ١٧ أغسطس روحت فرع المنصورة وعملت أوردر قيمته ١٧٠ ألف جنيه وتم الاتفاق على التوصيل يوم الجمعة ٢١ أغسطس .. بالفعل يوم ٢١ أغسطس وصلني رسالة تأكيد لتوصيل الأوردر ومكالمة من المعنيين بالتوصيل انهم في الطريق ولكن وصلني فقط نص الأوردر والمفاجأة إن الأسعار مختلفة وطبعا أعلى وكلمني مدير المخزن المعني بالتوصيل ومشرف فرع المنصورة بيأكدوا إن باقي الأوردر في الطريق وهيوصل برضه يوم الجمعة ولكن مافيش حاجة وصلت إلى الآن وفي نفس اليوم عملت أوردر لحامل تليفزيون بألف جنيه ودلوقتي وصلني رسالة تأكيد إنه في الطريق فالحقيقة مش فاهم .. هل الشركة اللي قادرة توفر عربية ومندوب توصيل لحامل تليفزيون مش قادرة توصل أوردر ب ١٧٠ ألف جنيه كامل. تم عمل شكوتين وإلى الآن لم يتم الرد عليه
H
Hoda Teama
مجموعات فيسبوك· منذ 27 يوم
★★★★★1.0
جبت كولدير من بي تك ماركه كولدير جالي مكسور جيه فني من شركه كولدير رفع تقرير انه اتكسر اثناء الشحن الشكوى عملتها تاني يوم الشراء لحد الان عدى ٢٢ يوم و محدش فيهم راضي يجي ياخده... و كل ما اكلم خدمه العملاء يفضلوا يقولوا هنتواصل معاكي ومحدش بيتصل و باقي اسبوع و يعدي شهر على الفاتوره اعمل ايه يا جماعه B.TECH
A
Ahmed Saied
مجموعات فيسبوك· منذ 29 يوم
★★★★★1.0
🛑تحديث B.TECH الي انا شاري منها الجهاز اصلا بتقولي مشكلتك مش معانا تابع مع شركة كارير احنا موزع فقط قولتلهم طيب انا شاري منكوا انتوا مش من كارير قالوا دا الضمان تابع معاهم👇👇 🟢اشتريت تكيف Midea xtreame pro احدث حاجة من شركة ميديا من B.Tech B.TECH شركة بي تك بتاريخ 26/07/2028 التكيف كان توريد وتركيب وتم التركيب بتاريخ 04/08/2026 والتكيف اشتغل ساعة وحدة للتجربة وتمام بعد كدا سافرت ورجعت يوم 11/08/2026 بشغل التكيف عمل صوت في الوحدة الخارجية في بداية كل تشغيلة لمدة 5 ثواني وكل ما الوحدة الخارجية تفصل وترجع تشتغل الصوت دا بيتكرر ففصلت التكيف ومشغلتوش اليوم دا وجيت تاني يوم اجرب لاقيت الوحدة الخارجية توقفت تماما عن العمل كلمتهم قالوا هنبعتلك فني بتاريخ 19/08/2026 صبرت الفترة دي كلها والفني جه قالي دا عيب تصنيع وفي مشكلة في الوحدة الخارجية ادت الي تفحم الكونتاكتور وانا هقدم تقرير بكدا قولتله تمام اتفاجئ النهاردة شركة بي تك تكلمني وبتحاول تقنعني انهم يغيروا قطعة غيار في التكيف الجديد الي مشتغلش غير ساعة ونص ساعة وقت التجربة ونص ساعة وقت ما عمل الصوت وفصلته الموظف بيحاول يقنعني انه عيب ك
S
Sara Mohamed
مجموعات فيسبوك· منذ 29 يوم
★★★★★1.0
B.TECH عملت طلب امبارح وزي ما موضح في الصوره هيجيلي النهارده ومجاش وخدمه العملاء مش عارفين حاجه وسحبو الفلوس من الليميت اعمل ايه ومليون مكالمه جهاز حماية المستهلك المصري
K
Khaled Ahmed Abdelaziz
مجموعات فيسبوك (تعليق)· منذ 29 يوم
★★★★★1.0
بي تك بلاك ليست من زمان
Z
Zeina Emad
مجموعات فيسبوك· منذ 29 يوم
★★★★★1.0
انا عايزة احذر الناس كلها من بي تك اشتريت المبرد الصحراوي دة السنة اللي فاتت اخر شهر ٧ .. ٢٠٢٥ B.TECH مشغلتوش و انتو عارفين معظمنا بنجيب الحاجة ف جهازنا قبل جوازنا مشغلتوش غير شهر ٧ السنادي لما اجوزت المهم اول م فتحتو لقيتو مبيطلعش ماية ولا بيجيب هواء ساقع اتصلت و عملت شكوي اتقالي بقالك سنة مش هينفع استبدال للمنتج ازاي طيب مانا المنتج جديد و فتحتو لقيتو بايظ لا مينفعش عشان الفاتورة من سنة خلاص اوكي ابعتولي فني الفني جالي يوم ١٤ شهر ٧ اللي فات غير الطلمبة يوم ٣٠ الطلمبة باظت تاني دة يرضي ربنا؟؟؟ دة غير اني الكام يوم اللي شغلتو فيهم بيطلع ريحة وحشة جدا و صهد والله مش هواء ساقع اساساا ف حسبي الله و نعم وكيل و مش عارفة اخد حق ولا باطل معاهم
العودة إلى صفحة بي تك