يتفرجيتفرج

تقييمات بي تك

256 تقييم من المتسوقين (صفحة 12 من 13)

أضف تقييمك

E
Eman El Maghraby
مجموعات فيسبوك· منذ 3 أشهر
★★★★★1.0
--- #فضيحة_بي_تك #أريستون_بتكهرب #BTECH_نصابين #تحذير_مهم_جداً #شير_عشان_تنقذ_حياة كارثة: اشتريت تلاجة أريستون من بي تك طلعت بتكهرب !! أنا اشتريت تلاجة أريستون نوفروست بتاريخ [18/6 /2026 من فرع بي تك اللي في شارع عين شمس بـ 25,000 جنيه. اللي حصل بعدها جريمة مش بيعة: 1. نصب من أول كلمة قولت للبائع "عايزة أشغلها وأجربها قبل ما أدفع" قالّي "ماينفعش عشان الفريون هيبوظ" وقفت ساعة كاملة عشان أخد فاتورة ضريبية، وفي الآخر قالّي "السيستم واقع هبعتهالك واتساب" بعد كل ده عايز يلبسني التلاجة بتاعة العرض اللي الباب اتفتح واتقفل فيها 100 مرة قدام الناس 2. سرقة وبلطجة في التحميل عامل التحميل بتاعهم طلب 700 جنيه عشان ينزلها الدور الرابع واحنا في نفس المربع السكني! جبت عربيه من بره شالها بنص السعر. بي تك بتسرقك في الجهاز وفي الشيل. *3. الجريمة الكبرى - التلاجة بتكهرب * شغلتها بعد 8 ساعات زي الكتالوج. بعد ساعتين 3 أفراد من أسرتي اتكهربوا منها! واحد وهو بيجيب مياه، والتاني وهو بيفتح الفريزر. الكهربا مسكت في جسم التلاجة كله. دلوقتي مرمية ومفصولة وخايفة حد يموت لو لمسها. 4. قلة أدب وبلطجة
A
Ayman Hamdi
مجموعات فيسبوك· منذ 3 أشهر
★★★★★1.0
لقيت عرض علي سماعة CMF Buds Pro 2 علي ويبسايت بي تك B.TECH يوم 14/5 فطلبت منهم سماعة وبعد شوية ابن عمي خلاني اطلبله واحدة هو كمان بعد اسبوع استلمت السماعات ولقيتها حاجة تانية غير اللي أنا طلبتها (CMF Buds) دا أول مشكلة تاني مشكلة السماعات جات مفتوحة وملفوفة إسترتش من برة والعلب متجرحة من جوا ومش معاها أي حاجة ف الكرتونة غير وصلة الشحن كلمت خدمة العملا أكتر من مرة ومفيش حد بيحل حاجة وبيقفلوا الخط ف وشي وحاجة سيئة جداً يعني ومفيش اي إحترام، صعدت الموضوع وعملت شكوي ف حماية المستهلك من وقتها كل م اكلمهم يقولوا تابع مع حماية المستهلك وكل م أقدم شكوي عندهم يقولوا حد هيتواصل معاك خلال 24 ساعة ومحدش بيتواصل، حماية المستهلك يكلموني ويسألوا حد أتواصل معاك؟ أقولهم لا، ف يقولوا طيب هنكلمهم ونرجعلك وفضلت ف الدايرة دي شهر لحد م كلموني الخميس اللي فات إنهم هياخدوا السماعات واستلموها مني يوم السبت 13/6 ومن وقتها معرفش حاجة عن السماعات ولا الفلوس وهما مبيردوش وبيفضلوا حاطين المكالمة ويتنج ساعة وف الآخر يفصلوا المكالمة حقيقي تجربة سيئة جداً، وخدمة عملا ولا أسوء
B
B Oo Dii Nassar
مجموعات فيسبوك· منذ 3 أشهر
★★★★★2.0
تجربتي مع شركة تو بي كانت من أسوأ تجارب الشراء والتعامل من اول الابليكشن اللي بيحصل ايرور وانا بطلب الاوردر اللي دفعت فلوسه اونلاين واكلمهم يقولولي مفيش اوردر متسجل ب اسمك ولا برقمك والفلوس مدفوعة لخدمة العملاء اللي بتتساب ساعه ع الويتينج على ما حد يرد عليك دا لو حد رد وتلاقي حد غير مؤهل تماما للتواصل مع الناس وغير مؤهل لحل مشاكل العملاء ومش فاهمين اي حاجه اصلا ف السيستم وبتاع الشكاوي يرميك ع المبيعات وبتاع المبيعات يرميك ع الشكاوي ولا دا بيحل ولا دا بيحل وف الاخر اعمل شكوي واكلمهم بعدها بيومين يقولولي الشكوي اتلغت عشان انت عاملها من رقم غير رقمك واعمل شكوي تاني واستني رد تاني والفلوس اتدفعت وكنت طالب ع الابليكشن طريقة الدفع تقسيط تريبل زيرو تبع بنك معين بعد اربع ايام من الكلام مع خدمة العملا ويقولولى انك ملكش اوردر متسجل ع السيستم خلونى أكلم البنك يلغي عملية التقسيط وقالوا الفلوس هتترد بعدها بيومين قالولى تعالى استلم الاوردر من فرع بى تك ارابيسك مول - اوبن اير- مدينتى قولتلهم ازاى عملية التقسيط لغيناها مع البنك ومع خدمة العملاء عندكم قالوا لا العملية موجودة ع السيستم تمام ومتلغتش بعد
F
Fatma Moustafa Youssif
مجموعات فيسبوك· منذ 3 أشهر
★★★★★1.0
حقيقي اكتر منظومه فاشله هي بي تك بجد واكتر شركه فاشله ف كل شيء فنين وموظفين واداره .. يعني اي بوتجاز استخدام ٥ شهور يبوظ م اول شهر استخدام واما اطالب بحقي يقولولي مش متاح استبدال او تغيير هو دا اي بجد .. واما يجيلي فني ٥ مرات يروح يبوظ البوتجاز اكتر ما هو بايظ واكلمهم وكل شيء عندهم مش متاح وبيقولوا أنهم اتواصلوا معايا .. واخر واحد اكلمه م خدمه العملا كل ما اقوله ع حاجه يقولي مش متاح مش متاح اومال اي متاح عندكم ومحدش كلمني م الاداره عندهم ليهم ٥ شهور بيماطلوا بجد اي القرف دا اصلا بجد مش هقول غير.. وعملت شكوي ف حمايه المستهلك ولا حياه لمن تنادي بجد 🙂
K
Kareem Ahmed
مجموعات فيسبوك· منذ 3 أشهر
★★★★★1.0
هوا لو الواحد متاخر ف اقساط جهاز من بي تك لظروف خارجة عن أردته وكده كده الفلوس خلاص هتدفع قريب و الواحد يخلص ده مبرر ان كل شويه حد من الشركة او برة الشركة يفضل يهددني كل شويه لا والجديد كمان انهم بيهددوني يجو عند البيت يلمو الفلوس من الجيران اه والله اتقالي بلنص حرفيا لو م هتدفع نلمهملك من الجيران علي اساس اني كده هبيع كليتي مثلا عشان خايف علي شكلي قدام الجيران وهدفع واتشتم واتهزق ف التلفون من اشخاص مش محترمه وانا منكرش الصراحة ادتهم ال فيه النصيب والمفروض علي تهديدو يعني انا مستنيهم يجولي عند البيت ده لو حد جه يعني اسلوب حقير وشركة مش بتحترم العملاء بتوعها ايا كان الظروف بتدفع او مبتدفعش هيبتزوك ويهزقوك
S
Shaza Gamal
مجموعات فيسبوك· منذ 3 أشهر
★★★★★2.0
أنا بكتب تجربتي مع بي تك وأمان لعل حد يساعدني أو يوصل صوتي للمسؤولين. اشترى بوتاجاز من بي تك بالتقسيط عن طريق أمان، وتم سحب قيمة التمويل بالفعل، لكن للأسف المنتج لم يتم تسليمه حتى الآن. ورغم ذلك، نزلت عليَّ الأقساط لمدة شهرين وأنا لم أستلم المنتج من الأساس. قدمت شكاوى كتيرة لبي تك وأمان ، وتواصلت مع جهاز حماية المستهلك ، ولكن حتى الآن لم يتم حل المشكلة أو إرجاع حد التمويل أو إنهاء الأقساط الخاصة بمنتج لم أستلمه. خلوا بالكم منهم وياريت حد يقولي ممكن اعمل ايه تاني
A
Ahmed Gamal
مجموعات فيسبوك· منذ 3 أشهر
★★★★★2.0
كنت ناوي أشتري Redmi 15C، ولقيت العرض على الموقع وسعره 8799 جنيه. قبل ما أتحرك كلمت خدمة العملاء واتأكدت منهم أكتر من مرة إن السعر صحيح، ووجهوني لفرع اللبيني فيصل. لما وصلت الفرع واتفقنا على إجراءات الشراء اتفاجئت إن السعر بقى 10031 جنيه! يعني زيادة أكتر من 1200 جنيه عن السعر اللي تم تأكيده ليا. لما سألت عن سبب الفرق قالوا إن سعر التقسيط مختلف عن سعر الكاش. استغربت، لكن للأسف وثقت في كلامهم وكملت الشراء. بعد ما رجعت البيت، الشك خلاني أكلم خدمة العملاء مرة تانية وأسأل بشكل واضح: "سعر التليفون بالتقسيط مع سهولة كام؟" الرد كان: 8799 جنيه. سألت مرة تانية للتأكيد: "يعني ده سعره بالتقسيط مع سهولة؟" قال: "أيوة يا فندم". ولما حكيت له اللي حصل في الفرع، سكت شوية وقال: "أصل ده سعر الفرع، إنما سعر الكول سنتر مختلف." بصراحة أنا شايف إن ده تضليل للعميل، لأن المفروض السعر يكون واضح وموحد، أو على الأقل يتم إبلاغ العميل بأي فروق قبل ما يروح الفرع ويضيع وقته.
M
Mido Adds
مجموعات فيسبوك· منذ 3 أشهر
★★★★★2.0
تجربتي مع بي تك! بعتولي رساله ( الحق النهارده عرض B.TECH! اشتري بــ0% ارباح +0% مقدم و قسط مع مايلو على 12 شهر العرض يوم 23 و 24 أبريل فقط ) روحت اشتري ٢ تكييف فريش ١.٥ حصان قالولي الواحد سعره ٢٢.١٠٠ قولتلهم بس سعره بره ارخص من كده قالولي له السعر الموجود دلوقت يا فندم ده كمان التركيب مجاناً في اي وقت ومعاه ضمان ٥ سنين. قولتلهم حتى لو هركب بعد كام شهر ؟ قالولي اه عادي قولتلهم تمام هاخد الاتنين .. قالولي بس حالياً مش موجوديين في الفرع ف هنضطر نجيبهم من القاهره وحضرتك هتدفع مصاريف الشحن. بعد شوية مفاوضات ومناهده قولت ماااااشي ! ودفعت ٤٧٥ ج بس كده؟ لااااا قالولي فيه 5% مصاريف إداريه ! قولتلهم انتوا قايلين 0% مقدم قالولي تمام بس دي مصاريف إداريه. برضه بعد شويه نقاشات واقناع من هنا واقناع من هنا وافقت. ودفعت 2210 ج من يومين كلمتهم قولت اركب تكييف واحد فيهم علشان الجو حر وبالفعل كلمت خدمة العملاء قالولي الفني هيجيلك بكره قولتلهم لا خليها بعد بكره قالولي اوك تمام. بالفعل الراجل كلمني وجالي!! ندخل في المهم بقى … الراجل طلع معاه متر قولتله فين العده قاللي هقيس الغرفه الاول. قاس الغرفه قاللي دي
R
Roma Nabil
مجموعات فيسبوك· منذ 3 أشهر
★★★★★2.0
انا اشتريت تليفون قسط من بي تك اون لاين من الموقع ووصل تاني يوم. كان الثلاثاء الموافق 2/6 حاولت اشغل التليفون مش شغال خالص كلمت خدمه العملاء وعملت شكوي وقالولي هنرجع المنتج ومن ساعتها محدش اتواصل معايا وكل ما اكلمهم يقولوا القسم المختص هيكلمني ومحدش بيتكلم وكده انا هيجي عليا ميعاد القسط من غير ما تتحل المشكله وكل شويه يقولوا ميعاد انهم يكلموني ومحدش بيكلمني والتليفون بايظ من عندهم
A
Andro Ramzy
مجموعات فيسبوك· منذ 3 أشهر
★★★★★2.0
اشتريت مكواه اون لاين من بي تك يوم ١٠ابريل ولما فتحت الكرتونه لقيتها مكسوره بالمنظر ده عملت شكوي بتاريخ ١٢ ابريل رقم CAS-5007278-L6R3K4 و طبعا حتي الان لم تحل المشكله و المنتج لسه عندي و لم يتم سحبه و كمان نزل اقساطه و مطالب بدفعها و تم عمل شكوي أخري بتاريخ ١ يونيه رقم CAS-5188387-F9W8P3 و ايضا لم تحل المشكله مع العلم أنه تم عمل شكوي الي جهاز حمايه المستهلك برقم 1654245 و لم يتم الحل حتي الان.
M
Manar Abdelhalim Labna
مجموعات فيسبوك· منذ 3 أشهر
★★★★★2.0
اشتريت الغساله في ٥/٧ من بي تك ... كلمنا الشركه (الشركه المصنعة العربي) ... انا دلوقتي عايزه حقي من شركة العربي انا من غير غسالة لي شهر يرضي مين ... لحد لا العربي راضي يستبدل الغساله ولا يرجعها وكتبت لجهاز حمايه المستهلك وهعمل شكوى في مجلس الوزراء ...
A
Adham Galal
مجموعات فيسبوك· منذ 3 أشهر
★★★★★2.0
اشتريت تكييف LG من btech يوم 20 مايو. الفني اللي ركبه قالي التكييف ما بيبردش وسيبه شغال، لكن بعد ساعة مابردش والفني قفل موبايله. كلمت خدمة عملاء btech فوق 10 مرات في 14 يوم، كل مرة يقولوا حد مختص هيكلمك خلال ساعتين أو 24 ساعة ومحدش اتصل. آخر رد قالوا لازم اروح توكيل LG اجيب تقرير على سلامة المنتج مع انه اصلا ما بيسقعش. منصحش اي حد يشتري منهم. اسوأ شركة و اسوأ خدمة عملاء.
M
Mayar Ashraf
مجموعات فيسبوك· منذ 4 أشهر
★★★★★2.0
تحذير من شراء من شركة B.TECH كنت طلبت ماكينة خياطة من B tech online قسط على شركة مايلو يوم الطلب كان 12/4 والمفروض توصل يوم 20/4 وموصلتش واكلم الشركة قعدوا اسبوع يقولو بكرا بعده لحد ما زهقت ولغيت الاوردر افتكرت كدا كل حاجة عادية لحد ما روحت فرع B tech عشان ادفع اقساط حاجات تانية كنت مشترياها من بدري لقيت شركة مايلو بطالبني ادفع قسط الماكينة اللى انا مستلمتهاش اصلا واكلم خدمة العملاء يقولو ساعتين وهيتم الرد ومؤكد حد من الإدارة هيتواصل معاكي وطبعا مفيش اي حد بيتواصل لحد ما نزل قسط الشهر التاني والتالت ومايلو كل يوم بتكلمني وتقولي لو مدفعتش الاقساط الموضوع هيتحول مسألة قانونية وخدمة العملاء عندكم والادارة غير مهتمة والفلوس مرجعتش لغايه دلوقتي وانا ومجموعة من اللي اتنصب عليهم من الشركة عملنا شكاوي في كذا جهة
S
Sara Mahmoud
مجموعات فيسبوك· منذ 4 أشهر
★★★★★2.0
بنصح كل شخص أن ميتعاملش مع بي تيك B.TECH لأنها شركه غشاشه انا اشتريت عجان لجهازي ف طبيعي متفتحش غير بعد الفرح واكيد مش بنجهز في اسبوع مثلا استخدمته مرتين فقط لقيته صدا زي ما واضح في الصور كلمت الشركه عشان يحلوا المشكله يا يرجعوا فلوسي لأن مستحيل عجان يصدي ف دا غش قالوا عشان يحصل استرجاع يبقى اسبوع والمنتج متفتحش دا الـ هو إزاي والعيب من عندكم أصلا ؟ يتبعتوا غيره نضيف يا ترجعولي فلوسي بكلم ريبورت مش مودريتور واخدين رساله كوبي بيست واتكلمت معاهم كتير مفيش فايده ف إذن هما عارفين ان حاجاتهم مغشوشه حسبي الله ونعم الوكيل فيهم خدوا بالكوا كويس واسألوا كويس قبل ما تشتروا
A
Ahmed Farag
مجموعات فيسبوك· منذ 4 أشهر
★★★★★2.0
بتاريخ 5 أبريل 2026 اشتريت تكييف Unionaire Artify 1.5 حصان من تطبيق بي تك بمبلغ 18,990 جنيه، وتم الدفع عن طريق كونتكت للتمويل. بعد ساعات من إتمام الطلب، تم التواصل معايا من بي تك وإبلاغي إن المنتج غير متوفر، وتم إلغاء الطلب بالكامل، وأكدوا لي أن المبلغ سيتم استرجاعه خلال 3 أيام عمل. اليوم مر أكثر من شهر ونصف، ولم يتم رد المبلغ حتى الآن. قدمت عدد كبير من الشكاوى والتصعيدات لدى بي تك. فوجئت بعد ذلك بموظف تحصيل من كونتكت يطالبني بسداد أقساط منتج تم إلغاء طلبه من الأساس.
M
Mayar Ashraf
مجموعات فيسبوك· منذ 4 أشهر
★★★★★2.0
كنت طلبت ماكينة خياطة من B tech online قسط على شركة مايلو يوم الطلب كان 12/4 والمفروض توصل يوم 20/4 وموصلتش واكلم الشركة قعدوا اسبوع يقولو بكرا بعده لحد ما زهقت ولغيت الاوردر افتكرت كدا كل حاجة عادية لحد ما روحت فرع B tech عشان ادفع اقساط حاجات تانية كنت مشترياها من بدري لازم ادفع الكل بالاضافة للماكينة اللي مستلمتهاش لقيت شركة مايلو بتطالبني ادفع قسط الماكينة اللى انا مستلمتهاش اصلا واكلم خدمة العملاء يقولو ساعتين وهيتم الرد ومؤكد حد من الإدارة هيتواصل معاكي وطبعا مفيش اي حد بيتواصل لحد ما نزل قسط الشهر التاني ومايلو كل يوم بتكلمني وتقولي لو مدفعتش الاقساط الموضوع هيتحول مسألة قانونية وعملت شكوي في حماية المستهلك من يوم 1/5 ومخدوش اي اجراء فى الشكوي
S
Sara Mahmoud
مجموعات فيسبوك· منذ 4 أشهر
★★★★★2.0
السلام عليكم ورحمه الله وبركاته انا اشتريت عجان بي تيك التراB.TECH لجهازي من كام شهر واستخدمته مرتين فقط هل من الممكن حاجه فيها اكل تصدي ؟ رجعت للمعرض الـ جايبه منه قعد يماطل وقالي روحي للشركه مليش دعوه و دا عايز يتنضف مش اكتر !! ريحه الصدا طالعه منه أصلا ولما جيبت مغناطيس لزق! كلمت الشركه واخدت رقم وكيل لمحافظتي محدش اهتم رنيت ع واحد الساعه ١٢ قبل الضهر قالي رني بعد الضهر رنيت قالي بعد العصر !!! كلمت الشركه ع الواتساب قالوا روحي الصيانه أو اعمل سحب و يخصموا فلوس دا غش أصلا فلوس اي الـ تتخصم و اي الاداره دي !! انا بحذر اي حد بيجهز أو حد كان بيفكر يشتري منهم يبعد تماما عن الشركه وحسبي الله ونعم الوكيل فيهم وانا مش هسكت ع حقي
A
Ahmad Samir
مجموعات فيسبوك· منذ 4 أشهر
★★★★★2.0
تحذير من التعامل مع بي تك ستور سئ جداً و أسوأ خدمه عملاء مفيش إداره ولا فيه سيستم و خدمه عملاء حافظين كلمتين بيرددوهم دايما مع اختلاف الأشخاص سكربت واحد حافظينه تم شراء منتج من بي تك مدفوع أون لاين بتاريخ 11 إبريل و لم يتم توصيله حتي اليوم و لم يتم رد المبلغ اشتريت منتج من بي تك مدفوع عن طريق موجو يوم 11 ابريل و المفروض توصيله يوم 16 إبريل و حتي الآن لم يتم توصيله و تم رجوعه للتاجر بناء علي كلام خدمه العملاء و من الشهر اللي فات بحاول استرد المبلغ تاني علي موجو و قدمت اكتر من شكوي من خلال هوت لاين بي تك و لم يتم رد المبلغ حتي الآن لأبليكيشن موجو و معايا سكرينات لتاريخ المكالمات و توقيتها و مده المكالمات من يوم 16 إبريل يوم التوصيل المتوقع حتي يوم 5 مايو أخر يوم لسداد القسط الأول لأبليكيشن موجو و اتواصلت مع الهوت لاين أسأل علي مكان اقدر أتوجه ليه لمتابعه الشكوي و رجوع المبلغ خدمه العملاء مكان الاداره لتسليم اوراق فقط ولا يوجد مكان للشكاوي المكان الوحيد للشكاوي هو خدمه العملاء فقط عن طريق الهوت لاين موضح في الاسكرين تاريخ الشراء و قيمه المنتج و انه مدفوع و لم يتم توصيله و لم يتم رد المبلغ
A
Ahmed Aboulmagd
مجموعات فيسبوك· منذ 4 أشهر
★★★★★2.0
بصراحة تجربة سيئة جدًا مع Maylo by B.TECH 👎 خدمة عملاء مش عارفة تدي أي معلومة واضحة، والأبلكيشن نفسه مليان مشاكل والتفعيل واقف عند ناس كتير جدًا. الناس واقفة بالطوابير ومستنية كود التفعيل بالساعات… وفي الآخر الكود أصلًا مش بيوصل أو الخدمة مبتشتغلش! يعني وقت ومجهود وضغط أعصاب على الفاضي.
A
Ahmed Muselhy
مجموعات فيسبوك· منذ 4 أشهر
★★★★★2.0
طلب تكييف midea mission pro من على أبلكيشن بى تك يوم 18 أبريل. تم التوصيل عن طريق أرامكس يوم 23 أبريل. الفنى قال إن حامل التكييف غير مطابق للمواصفات وعلبة التكييف مفتوحة. عملت شكاوى من 23 أبريل ولحد دلوقتى مفيش حل. عايز أرجع التكييف الغير مطابق للمواصفات ومش عايز أتعامل معكم مرة أخرى.
العودة إلى صفحة بي تك