يتفرجيتفرج

تقييمات أمازون مصر

296 تقييم من المتسوقين (صفحة 9 من 15)

أضف تقييمك

M
Mostafa Osman
مجموعات فيسبوك (تعليق)· منذ شهران
★★★★★3.0
هو اولا انا شايف من الصور ان المنتجات مكتوب عليها return complete. Your refund has been issued و ده معناه ان خلاص الفلوس اتردت للبنك و هتدخل فى حسابك خلال ٥ ايام عمل. فحركة الاسترداد مر عليها كام يوم لحد دلوقتى؟ الحاجة التانية و النصيحة اللى بقدمها لاى حد (لان انا مريت بمشاكل الاسترجاع دى كذا مرة) ان بعد مرور ١٤ يوم بحد اقصى من تاريخ اعادة المنتجات تقدرى تتكلمى شات مع خدمة العملاء و هتلاقى موظف اجنبى ـ فى الغالب هندى ـ هيكون سعيد جدا بعمل refund لكل المنتجات العالقة 😀. (لازم يكون من خلال الشات عشان لو طلبت مكالمة هيكلمك واحد مصرى مش اجنبى)
M
Menna Essam
مجموعات فيسبوك (تعليق)· منذ شهران
★★★★★2.0
بجد مش فاهمه ابقي امازون برايم وزي العادي اطلب الاوردر يوصلني بعد اسبوع عشر ايام لغيته اصلا بقا مقرفين جدا
P
PeacefulLion5038
مجموعات فيسبوك (تعليق)· منذ شهران
★★★★★4.0
كان عندي نفس المشكله دي والسبب كان العنوان المسجل ضيف عنوانك مره تانيه والغي العنوان القديم وان شاء الله تتحل
R
Rehab Mohamed
مجموعات فيسبوك (تعليق)· منذ شهران
★★★★★1.0
حاولي فلوسك ترجع اهم حاجة اعملي حذف ل app بتاع امازون ومتصدقيش كلامهم تاني لو حابه تكملي معاهم انا من اوائل السنه دي الكاش مقفول ويضغطوا عليا اني ادفع فيزا وهنعمل شكوي واصل عطل في السيستم ولا بصدقهم وكنت شوفت كذا شكوي ان لما بتدفع بالكارت الاوردر يوصلك تم التوصيل والعميل ما استلمش او الاوردر يتكنسل من عندهم او يحصله تلف قبل مايوصلك المحصلة احنا اللي بنخسر وقت ومجهود وفلوس … وعادي بالنسبهم ليهم .. وتلاقي حد سخيف داخل يقولك ايه يعني ما الفلوس هترجعلك علي كارت البنك 😅 ويبدأ المحققين في سؤالك لتإكد انك انتي اللي غلطانة .. .. هما خلاص مش فارق معاهم العملاء ولا بقي اعتذار ولا اي كلام بيقوله بيتصدق ولا بيتعمل وربنا معاكي
E
Eman Shabana
مجموعات فيسبوك (تعليق)· منذ شهران
★★★★★2.0
انا بقالي شهر في نفس المشكله و طول الوقت نفس الردود السخيفه و مفيش اي حل للمشكله
Y
Yahia Zakarya
مجموعات فيسبوك (تعليق)· منذ شهران
★★★★★1.0
يا باشا ريح نفسك دي اكبر شركه نصابه.. انا مريت بااسواء تجربة معهم أمسح الابلكشن فورا أنا عملت كده بس بعد مشوار طويل بس الحمدلله اخدت حقي..
N
Nour AL Huda Alian
مجموعات فيسبوك (تعليق)· منذ شهران
★★★★★1.0
عندي نفس المشكله بقالي اسبوعين اي طلب بعمل يتخصم المبلغ والطلب يتكنسل في نفس اللحظة اكلم خدمة العملاء يقولوا بعتنا ايميل للقسم المختص هيردوا عليكي بأيميل يردوا ان كل حاجة تمام وتقدر تطلب تاني اثق في الرد واجرب يتكنسل تاني بعد ما المبلغ يتخصم ١٠ طلبات تم إلغاءها اوتوماتيك في نفس لحظه الشراء وفي الاخر جالي ايميل ان جالي ريفند كتير ورا بعضه طب ما الالغاء من عندكم وفعلا مش عارفة السبب ولا الحل وانا بستخدم امازون برايم بقالي سنين بشكل يومي
C
CaringFlower4981
مجموعات فيسبوك (تعليق)· منذ شهران
★★★★★1.0
انا حاليا عندى مشكله معاهم من اكتر من 10ايام مشتركه برايم ودفعت فيزا والفلوس اتخصمت والاوردر لم يوصل وجالى رساله انه وصل واتسلم طبعا بعد شكاوى كتير فى خدمه العملاء ومماطلات قالو تنا عملنا ريفوند للمبلغ والمشكله دلوقتى فى البنك تستغرق 7ايام عمل ومستنيه المده اللى قالوا عليها لو الفلوس مارجعتش هقدم شكوى فى جهاز حماية المستهلك دا غير العطله والطلبات اللى كنت محتاجاها ومش عارفه اطلب اوردر تانى بسببهم
ل
ليلى محمد
مجموعات فيسبوك (تعليق)· منذ شهران
★★★★★3.0
حصل معايا قبل كده كل ده موظفة هدمة العملاء فهمتنى انها بتكون اخر قطعة ورصيد وهمى يعنى مش موجوده فعليا ونصحتنى اشترى اللى مكتوب "متوفر" وبلاش اختار اخر قطعة ومن وقتها بعمل كده ومش بيتغلى الطلب
M
Mohamed Raafat Radwan
مجموعات فيسبوك (تعليق)· منذ شهران
★★★★★1.0
انا دفعت بالفيزا على رسيفر وقال إن تم ارسال ومافيش حاجه جت البيت وللاسف محدش اصلا بيرد على الخط الساخن ولا حتى الميل بجد شركة زبالة اوى .. وياريت تتقفل انا عملت شكوى فى حماية المستهلك ولا حياة لمن تنادي اتصل بي بتوع حماية المستهلك بيقول الاوردر وصل والخناق انقلبت بينى و بين حماية المستهلك ههههه
S
Soliman Hassan
مجموعات فيسبوك· منذ شهران
★★★★★1.0
طبعاً انا بعد كمية الاراء السلبية ال قرأتها عن امازون بعد التجربة السيئة دي شايف ان ملوش لازمة ازود بس انا هنزل تجربتي عشان لو في حد لسة شاكك ان في مهزلة واستهتار بيحصل داخل امازون مصر يتأكد انهم لا يصلحو يكونو ف السوق مرة اخرى إلا لو كل الناس دي رجعلها حقها. زي ما مذكور ف الاسكرينات انا بقالي اكتر من شهر بتواصل معاهم بشكل شبه يومي عشان استرد المبلغ ومفيش اي جديد كل ال بسمعه كل مرة استنى ٤٨ ساعة طب ٣-٥ ايام عمل لحد ما عدى شهر كامل وخلاص المبلغ يعتبر اتدفع من جيبي لمنتج انا لاغيه بقالي شهر!!!!!! وللعلم قدمت شكوى لجهاز حماية المستهلك وبعد يوم دخلت اتابعها لقيت ان الجهاز مسحها!!!😂
N
Norhan Bayomy
مجموعات فيسبوك· منذ 4 أشهر
★★★★★1.0
شكرا لكل الناس الي عملت شير و ردت عليا و تواصلو معايا انا امازون تواصلو معايا و قالولي احنا بنعتذرلك جدا و فعلا احنا استلمنا الشحنه تاني و بدانا نعمل استرجاع للمبلغ و هيرجع في خلال ٥ ايام طبعا مصدقتش ان بكل سهوله هيعملو كده و بالفعل رجعت تواصلت معاهم قولتلهم انا حد تواصل معايا و اعتذر و قال هعل ريفند و معايا طبعا تسجيلات بكل الكلام ده و هعمل شير للمكالمه لاني بعد ما تواصلت تاني قولت مفيش حاجه سمعت علي الابلكيشن و قالولي خلال ساعه بعدها كلمتهم ب ٤ ساعات قالولي و الله القسم المختص بيقولي ان الريفند اترفض علشان انتهكت سياسه الاستخدام ف قمه العبث طبعا قولتلهم امال الي كلمني ده ايه قالولي احنا خدمه عملاء دول قسم الحسابات فطبعا دي قمه قله الادب و الاستهتار و رجوع في الكلام. WARNING TO ANYONE BUYING EXPENSIVE ITEMS FROM AMAZON EGYPT. Please read this carefully before ordering any phone, laptop, iPad, or expensive electronic item from Amazon Egypt. What happened to me was honestly shocking. On May 17th, I ordered a Xiaomi Note 15 phone from Amazon Egypt and even paid extra for next-day delive
A
AmbitiousBeet9256
مجموعات فيسبوك (تعليق)· منذ شهران
★★★★★5.0
بقالي ٣ سنين بصراحه بطلب من امازون و بمبالغ اكبر من كده ومحصلتش ابدا المشكله دي ولو لغيت الطلب الفلوس بتسترد خلال اسبوع عادي
M
Mohamed Ahmed
مجموعات فيسبوك· منذ شهران
★★★★★1.0
السلام عليكم مساء الخير ياجماعه انا اول مرة انشر هنا عالجروب بس لان انا حقيقي مش عارف اتصرف ازاي ومحتاج خبراتكم .. انا اول واخر مرة ان شاء الله اطلب حاجه من امازون بس كان للجماعه عندي ف البيت كان في عروض اخر اسبوع من شهر يونيو اشتركت ف برايم عشان اوفر يعني المهم طلبت اوردر كذا حاجه يعني ودفعت بالكارت ودي غلطتي للاسف يوم الاحد ٦/٢٨ يصل تاني يوم المفروض ببص قال تم تاجيل التسليم ليوم ١ يوليو قلت عادي مفيش مشكلة بس ياجماعه من ساعتها لاحس ولاخبر كلمت خدمة العملاء ٢ يوليو افهم قالت بعتذر واللهي وضغط اوردرات وهحل مشكلتك وهتواصل معاك وهعوضك وهيوصل خلال قلت تمام ولحد الان مفيش اي شئ .. عملت شكوي اونلاين لحماية المستهلك امبارح بس طبعا شكلها بتاخد وقت الفكرة قلت طيب اعمل ريفند واخد فلوسي لازم بطاقة عشان الامان معرفش ليه حتي اللينك مش راضي يفتح ومعلومات توصيل الاوردر اختفت من عالتطبيق خالص دلوقتي .. حد يفيدني ياجماعه اسرع الدنيا ازاي انا عايز حتي اخد فلوسي وخلاص هل اشتكي ف مجلس الوزراء او محضر ف القسم هيفيد حاجه ولا مش اختصاصهم .. شكرا واسف للاطاله
ل
ليلى محمد
مجموعات فيسبوك (تعليق)· منذ شهران
★★★★★3.0
حصل معايا قبل كده كل ده موظفة هدمة العملاء فهمتنى انها بتكون اخر قطعة ورصيد وهمى يعنى مش موجوده فعليا ونصحتنى اشترى اللى مكتوب "متوفر" وبلاش اختار اخر قطعة ومن وقتها بعمل كده ومش بيتغلى الطلب
N
Noura Nabil
مجموعات فيسبوك· منذ شهران
★★★★★1.0
🚨 شكوى رسمية وضرر متعمد من شركة أمازون مصر (Amazon Egypt) بعد ٣ شهور من المعاناة 🚨 ​#امازون_مصر #AmazonEgypt #حق_المستهلك #حماية_المستهلك ​مساء الخير يا جماعة، أنا بكتب البوست ده ومش هسكت غير لما حقي يرجع، وعلشان أحذر أي حد بيفكر يشترك في خدمة "أمازون برايم" (Amazon Prime) في مصر، لأنها ببساطة مجرد واجهة لخدمة سيئة جداً وفلوس بتتدفع بدون أي مقابل. ​أنا مشتركة في خدمة "برايم" المفروض عشان التوصيل السريع وضمان وصول الطلبات، بقالي ٣ شهور كاملة بمر بنفس المشكلة الكارثية اللي بتضيع وقتي وفلوسي وتتعطل مصالحي: ​أطلب الحاجة وتكون ضرورية جداً ومستعجلة عليها، والفلوس تتخصم فوراً من الفيزا. ​تاني يوم أتفاجأ إن الطلب اتحول لـ (Non-deliverable) أو تعذر التسليم بدون أي سبب، ومن غير ما أي مندوب يتصل بيا أصلاً! ​أكلم خدمة العملاء، أسمع نفس الكلام المستهلك: "معلش وحقك علينا ومش هتتكرر وعملنا شكوى"، أول أوردر بعدها يوصل، وبعدين أرجع لنفس السلسلة البايخة تاني. ​الموضوع مسببلي لخبطة كبيرة في الحساب البنكي لأن الفلوس بتتحجز أيام عشان ترجع تاني. ​آخر مهزلة: من أسبوع كلمت خدمة العملاء بعد تكرار المشكلة، وأ
E
Engy Mohamed
مجموعات فيسبوك· منذ 3 أشهر
★★★★★1.0
Amazon اسوء خدمة عملاء اشتريت أوردر و كان فيه حاجه جاتلي فيها مشكله كلمتهم اعمل استرجاع فضلت مع الموظف مش عارف يعمل استرجاع قالي مشكله في السيستم و هعمل شكوى و محدش تابع كلمتهم تانى موظفه تاتيه نفس الكلام بعتت رساله مره مفتحتش علي صفحه قالت عليها قالت هتبعت تانى موصلش قالتلي مشكله عندنا و حاولي تجربي تانى كلمتهم تالت موظفه تانى تقولي جربي و معنديش حل و مينفش احول المشكله و لا اصعدها و لا في حد ارجعله علي مدار اليوم هل ده طبيعى ان المشكله من عندهم و تقولي انتى حاولي و مش عارفه اعمل استرجاع و معندهمش حل و لا في حد يرجعوله و لا حد حل مشكلتي مع انها بسيطه ٢ موظفين يقولوا النهارده اخر يوم استرجاع و واحده تقولي لا ١٤ يوم مين صح كلام عكس بعض و كل هدفهم يقفلوا المكالمه بس من غير حلول
D
Donia A. Darwish
مجموعات فيسبوك· منذ 3 أشهر
★★★★★1.0
تم تسريب بيانات الcredit card بتاعي من على amazon و عمل عملية من حساب مختلف غير حسابي و فوجئت برسالة الخصم من البنك. أول حاجة طبعا وقفت الكارت و عند الرجوع لamazon اول مرة اكدولي ان فعلا مفيش عمليات تمت على حسابي و ان العملية اللي وصلني رسالتها معمولة من حساب تاني برقم الكارت بتاعي و بما انهم مش بيطلبوا OTP قبل الخصم فتخصمت عادي. طلبت منهم الغاء الاوردر و رد المبلغ و قالولي هنيعت للقسم المختص بالتحقيقات و هيتم رد الفلوس، مع العلم انهم بلغوني برضه ان الشخص ده حاول يعمل كذا معاملة تاني بس طبعا معرفش لأن الكارت كان اتقفل. بالمتابعة معاهم يوم ٩ يونيو بلغوني ان رد الإدارة ان المعاملة صحيحة و ان انا اللي اديت رقم كارتي لحد يستخدمه و تم تسليم الاوردر أصلا !!! و طبعا مفيش رد للفلوس خلاص. انا كده كده صعدت الموضوع لحماية المستهلك و للعلم انا مش أول حد يحصلها تسريب لبياناته من Amazon.
و
وزوة
مجموعات فيسبوك (تعليق)· منذ شهران
★★★★★2.0
حصل معايا بجيب بامبرز بانتس بردو من امازون و نفس المشكلة بس كنت فاكرة أنه عشان اتملى اوي نجرب اجيبه من مكان تاني المرة دي و اشوف المشكلة موجودة بردو ولا ايه
R
RanDa Salem
مجموعات فيسبوك (تعليق)· منذ شهران
★★★★★1.0
انا جيبت نفش البكتتين من امازون وبيعمل كده بس قولت اكيد صدفه عشان بتكون نايمه بليل بس طلع عيب فعلا وبيطلع ريحه وحشه جدا كمان وملمسه مكتل جدا
العودة إلى صفحة أمازون مصر