يتفرجيتفرج

تقييمات أمازون مصر

488 تقييم من المتسوقين (صفحة 5 من 25)

أضف تقييمك

A
Anonymous participant
مجموعات فيسبوك· منذ 17 يوم
★★★★★1.0
طلبت أوردر فيه مكنة حلاقة قطط وكذا حاجة تانية، اللي وصلني المكنة بس وباقي الأوردر اتلغى من غير ما أطلب ده. ولما استلمت المكنة اكتشفت إن فيها جزء مكسور، فكلمت خدمة العملاء عشان أرجعها قالولي المندوب معملش انه تم التوصيل أصلا و صعب نعمل طلب استرجاع كلمتهم تاني يوم لقيت الاوردر اتكنسل أصلا و من ساعتها الاوردر عندي مش عارفة ارجعه و اخد فلوسي. من وقتها وأنا بكلمهم أكتر من مرة كل مرة اكتر من نص ساعة اضيع وقتي و اشرح المشكلة من الاول و محدش بيتابع بعدها، وكل مرة يقولولي إن المندوب هيستلمها خلال 3 أيام والفلوس هترجع، لكن ولا مندوب كلمني ولا الفلوس رجعت! آخر مرة كلمتهم قالولي إن الفلوس هترجع خلال 3 أيام من غير ما يستلموا المنتج، لكن المدة عدت ولسه مستلمتش فلوسي، مع إن الأبلكيشن مكتوب إن refunded مفيش أي حل فعلي للمشكلة و كل اللي عندهم هنعمل طلب تاني و الفلوس هترجع خلال ٣ ايام مفيش حل تاني. المفروض من حقي ارجع الاوردر خلال ١٤ يوم حتي لو مفيهوش مشكلة بس كمان فيه مشكلة و مش عارفة ارجع و دفعت فلوس علي الفاضي و مش راضيين يرجعوها. ده اسمه نصب و منصحش اي حد يتعامل معاهم.
عرض المصدر
M
Malak Elasar
مجموعات فيسبوك· منذ 18 يوم
★★★★★1.0
انا مفروض طلبت اوردر من يوم الحد 11/10 وكان مفروض يجيلي يوم التلات الموافق13/10 و جالي اني استلمته وانا مستلمتش حاجه. كنت طالبه اوردرين .. اوردر جيه و اوردر تاني مجاش بس جالي اني استلمته الساعه ٢ ونص الضهر. عملت كذا شكوي بخصوص الموضوع ده. اخر حاجه اتوصلتها، اختي كلمت سوبر فايزر يوم الخميس والسوبر فايزر قفلت في وشها السكه. و اتكلمنا تاني و مفروض تعويض للحصل بعتولي ميل انه هيتم استرجاع المبلغ 1002 اعتذار رسمي منكو علي الغلط ده. موصليش حاجه غير 444 جنيه بس وانا المفروض يجيلى ٥٨٠ جنيه على الأقل تمن الاوردر بتاعى اللى مأخدوتش بعيدا عن التعويض عن غلطكوا انتوا مش انا. وجالي ميل الجمعه 16/10 انه مش هيتم استرجاع حاجه وكلمت خدمه العملاء تاني قالولي هنبعت لحضرتك ميل وانا نفسي بعت ميل تاني وجالي برضو بالرفض. وبالنسبه الاوردر اللي مجاليش، كنت مصره اني معملش ارتجاع و الكول سنتر قالت لاختي ان ده الحل الوحيد واختي قالتلها خلاص حطي الفلوس علي الكارد بتاعت امازون و هي مرديتش وقالت مفروض يتم استرجاع المبلغ بنفس طريقه الدفع. وانا مطلبتش اعمل ارتجاع انا طلبت الاوردر بتاعى قالوا لا مفيش و كده كده هيتعمل ريف
عرض المصدر
Z
Zayn El Abiden
مجموعات فيسبوك (تعليق)· منذ 18 يوم
★★★★★2.0
حصل معاي نفس الموقف
عرض المصدر
W
Waleed Khaled
مجموعات فيسبوك· منذ 19 يوم
★★★★★1.0
ما يقرب من سنتين بحاول معاهم ومع جهاز حماية المستهلك، لكن الشركة غير مستجيبة. وللأسف كل ردود جهاز حماية المستهلك بتدور حوالين إني طالما معملتش محضر، يبقى مش هيقدروا يعملوا حاجة، إلا رد واحد بس من موظفة جوة الجهاز أبهرتني الحقيقة: قالتلي 'أمازون متعملش كده'! وانا للأسف مش معايا أي دليل مادي إني سلمت المندوب المنتج، غير اعترافه هو بنفسه من خلال السيستم إنه استلمه!! موبايل S23+ رجعته والمندوب استلمه، وسجل على السيستم إنه استلمه، واللي له تجارب ارجاع مع امازون هيعرف إن المندوب مستحيل يسجل على السيستم استلام مرتجع الا لو استلمه وفحصه كمان. وساعة أطفال قيمتها 500ج. المهم، الرسالة اللي ظاهرالي من وقتها أن المرتجع ضاع، وأمازون رافضين يرجعوا الفلوس، كل حاجة ينفع تتعمل عملتها من مكالمات وايميلات وشكاوى. من قريب طلبت منهم منتج وجالي فيه مشكلة فرجعته، حصل نفس القصة بالحرف، المندوب عاين واستلم، ويومين والاقي التطبيق بيقولي إن المنتج ضاع، من حسن الحظ إن المرادي فيه كاميرة مراقبة جايبه المندوب وهو بيستلم، فيديو. فعرفت أجيب حقي منهم. يعني المشكلة دي بتحصل ومتكررة، إنتوا بتقولوا المنتج ضاع وهو مضاعش، ا
عرض المصدر
M
Mahmoud Fayez El-Banna
مجموعات فيسبوك (تعليق)· منذ 18 يوم
★★★★★2.0
حرا*مية عملوها معايا فى الف جنيه قبل كدا 😁 والاخر مرجعوش غير ٤٠٠ جنيه بعد صداع
عرض المصدر
M
Mo'men Mohamed
مجموعات فيسبوك· منذ 19 يوم
★★★★★1.0
Amazon.eg ❌❌❌❌❌ هو إنتوا لما موظف عندكم يوعد العميل بحاجة بإيميل رسمي، وبعد ما العميل ينفّذ كلامه تيجوا ترفضوا تنفّذوا وعدكم، بتعتبروا ده عادي؟! **تجربة سيئة، ومستوى مصداقية أقل من اللي ممكن أتوقعه حتى من محل صغير تحت بير السلم! على الأقل المفروض إن الكلمة عند أي حد ليها قيمة، فما بالك بشركة بالحجم ده، وبتتعامل مع عملاء على مستوى العالم؟!** وبالنسبة للي هيعلّق ويقول إن أمازون مقاطعة، فأنا مش بعمل إعلان للشركة ولا بدافع عنها، أنا بحكي تجربة حصلت معايا وبطالب بحقي. موضوع البوست هو مصداقية الشركة والتزامها بوعودها للعميل. يوم 12 سبتمبر طلبت كوتشي أديداس من أمازون، وبعد يومين الأوردر اتلغى. كلمت خدمة العملاء عشان أستفسر عن سبب الإلغاء، موظف قالي إن فيه خطأ في التسعير، وموظف تاني قالي إن المنتج خلص من المخزون. يعني حتى سبب إلغاء الأوردر نفسه مش واضح! بعدها بكام يوم كلمت خدمة العملاء تاني، والموظف اللي رد عليّ طلب إنه يتصل بيا. وخلاصة المكالمة انه قالي أطلب كوتشي بديل، وإن فرق السعر هيرجع على الفيزا بعد ما أستلم الأوردر الجديد. والأهم إنه أكد الكلام ده في إيميل من أمازون نفسها. يوم 22 س
عرض المصدر
H
Hanin Mohamed
مجموعات فيسبوك· منذ 19 يوم
★★★★★1.0
Amazon black list ❌❌ انا محتاجه اعرف سبب مقنع اني لما اشتري حاجه من اكونت زي امازون والسيلر عندهم يبعتولي اوردر غلط واتصل علشان ارجع المنتج الاقيهم بيبلغوني اني لازم ارفعلهم البطاقه الشخصيه بتاعتي وش وضعر لاما مش هيرجعولي اي منتج يجيلي غلط في اي وقت عايزه اعرف ايه مدي الاجبار اللي انا مجبره عليه اني ارفع بياناتي الشخصيه لابليكشن عليه مستلزمات منزليه !!! وعلي الرغم من ان الغلط من عندهم بيجبروا الناس انهم يرفعوا بياناتهم وخدمه العملاء بتبلغني ان هو دا النظام بعد كدا هي عقود اذعان يعني !!! طيب هل هما جهه أمنيه علشان يجبروا الناس انها ترفع بياناتهم الخاصه جداً !!!! انا مش بقسط معاهم علشان يبقوا عايزين يضمنوا حقوقهم بالعكس انا بدفع بالفيزا من قبل ما الاوردر يوصلي اصلاً علي العلم اني عميله قديمه جداً من وقت ما كانوا سوق . كوم الفكره مش في قيمه المنتج اد ما هي فكره إرغام الناس علي قوانين جديده بيحطوها ويجبروا الناس عليها ولما طلبت اعمل شكوي مسئوله خدمه العملاء بلغتني ان ملهاش لازمه ومش هيتعمل بيها حاجه عمري ما سمعت ان في خدمه عملاء مش بيتقدم من خلالها شكوي للإداره
عرض المصدر
E
Ema Farouk
مجموعات فيسبوك· منذ 20 يوم
★★★★★1.0
بقالي حوالي شهر باطلب أوردرات من أمازون لظروف صحية. دلوقتي داخلة علي شهر خلاصة تجاربي تتلخص فيما يلي: عملت اشتراك prime عشان الحاجة توصل تاني يوم لقيت إن الموضوع ده أي كلام. الحاجة بتاخد عالأقل ٣ أيام للوصول. تم ارجاع ما يقرب من ١٥ قطعة نتيجة لما يلي: الألوان بتيجي مختلفة عن المعروض، الخامة مختلفة عن المكتوب، مقاس المنتج مختلف عن المكتوب، الكواليتي سيئة و مختلفة عن المكتوب، عدد القطع (جوانتي مطبخ مكون من قطعتين ) يوصل فردة واحدة فقط و مقاسه أصغر و لونه مختلف، او يوصلني فردتين لونين مختلفين، مقاس خرطوم دش يوصل أقصر من المعروض، و يوصل قطعة واحدة بدل قطعتين مدفوع ثمنهم مسبقا، شنطة لاب توب اطلبها سوداء توصل لونها فضي. اوردرات معلقة on hold نتيجة تعاملهم مع شركة Bosta حيث أنها اضاعت احد الأوردرات و فقدته أثناء النقل و اوردر اخر كتبوا لم يستدل علي العنوان و لسة معلق رغم انهم كانوا موصلين ليا شحنة تبع أمازون قبلها بيوم. التواصل مع شركة بوسطة شات فقط مع Bot و الهوت لاين رسالة مسجلة بتقول لك تواصل شات. باتواصل يأما مع أمازون يأما مع البنك عشان أشوف الفلوس اللي رجعت عالفيزا و اللي لسة ما رجعتش.
عرض المصدر
العودة إلى صفحة أمازون مصر