يتفرجيتفرج

تقييمات أمازون مصر

296 تقييم من المتسوقين (صفحة 2 من 15)

أضف تقييمك

N
Nessma Saber
مجموعات فيسبوك (تعليق)· منذ 13 يوم
★★★★★2.0
فعلا حضل معايا نفس الحركه كلامك صح 👍
A
Ahmed Mando
مجموعات فيسبوك (تعليق)· منذ 13 يوم
★★★★★1.0
شركة زبالة بردك و خدمة عملاء زباله بردك و طريقتهم وحشه اووووي
S
Sara Hamed
مجموعات فيسبوك· منذ 12 يوم
★★★★★1.0
طلبت أوردر امبارح واتلغي لوحده. طلبته تاني الفجر (امبارح ما جااي رسالة تأكيد دفع). اليوم وصلتني رسالة تأكيد الدفع دفع ب كارت دفع من فودافون. الأوردر اتلغى مرة تانية! الفلوس مش في الكارت ولا في فودفون. كلمتهم مافي كلام مقنع.
ل
ليلى محمد
مجموعات فيسبوك (تعليق)· منذ 12 يوم
★★★★★3.0
بيكون الطلب جاى من محافظة اخرى حصل معايا كان منتج جاى من اسكندرية وانا فى القاهرة اتاخر يوم زيادة ووصل تانى يوم
S
Sama Mahmoud
مجموعات فيسبوك (تعليق)· منذ 12 يوم
★★★★★1.0
نفس اللي حصل معايا طلبت سماعه والمفروض توصل تاني يوم علطول لقيتها بليل اتعملها اعاده جدوله بعد ما فضلت مستنيه كتير جدا واستنيت تاني يوم وحصل نفس الموضوع برضو اتعملها اعاده جدوله وفضلت ٤ ايام علي الحال ده لحد ما لغيت الاوردر
M
Mohamed Mohamed
مجموعات فيسبوك· منذ 12 يوم
★★★★★2.0
هو إيه اللي حصل لأمازون؟! بجد مستوى الخدمة بقى سيئ جدًا، ومش فاهم إزاي شركة بحجم أمازون توصل للمستوى ده. أنا طالب أوردر والمفروض إنه يوصل النهارده، وأنا أصلًا طالب الخدمة ومستعجل عليه، ودافع تمن التوصيل والخدمة على أساس إن فيه موعد محدد للتسليم. من الصبح وأنا بتابع معاهم، وكل مرة رد مختلف: واحد يقول: الأوردر طلع مع المندوب. واحد يقول: المندوب في طريقه لحضرتك. وواحد يقول: الأوردر موجود في منطقتك. فطبيعي أفضل مستني ومستني على أساس إن الأوردر هيوصل خلال اليوم. وفجأة دلوقتي ألاقي إن الأوردر اتعمل له إعادة جدولة! أتواصل مع المسؤول، يقول لي: "أصل الأوردر كان طالع محطة غلط." طيب وأنا ذنبي إيه؟! أنا دفعت مقابل الخدمة، والمفروض إن الشركة تلتزم بموعد التوصيل اللي حددته هي، مش كل ما يحصل خطأ داخلي عندكم العميل هو اللي يتحمل نتيجته. والأغرب إني لما طلبت حل أو محاولة لتوصيل الأوردر النهارده، الرد كان: "مش متاح." يعني الخطأ من عندكم، وأنا اللي أدفع تمنه وأستنى لبكرة؟! بصراحة، اللي بيحصل ده مش مستوى خدمة يليق باسم أمازون. المشكلة مش بس إن الأوردر اتأخر، المشكلة في التعامل مع العميل وعدم تحمل مسؤولية
ا
الحياه كده
مجموعات فيسبوك (تعليق)· منذ 13 يوم
★★★★★1.0
نفس الكلام حصل معياه ونفس مسكره ولما كلمتهم قفلولي لايميل
O
Omayma Hamdy
مجموعات فيسبوك (تعليق)· منذ 13 يوم
★★★★★1.0
انا مندوب امازون شتمني و لما اخدت اجراء قالي مش هتشمي اوردرات من امازون تاني و ده ال حصل فعلا مفيش ولا اوردر بيوصل سبحان الله كلهم بيحصل فيهم مشكله فالدليفري
M
Mariam Mohamed
مجموعات فيسبوك (تعليق)· منذ 13 يوم
★★★★★1.0
جالي قبل كدا lip gloss هينتهي الصلاحية كمان كام يوم وأما كلمتهم قالولي ما هو عليه عرض عشان قرب ينتهي😂
H
Hossam Abo Elsoud
مجموعات فيسبوك· منذ 14 يوم
★★★★★2.0
من فترة اتلغى أوردر ليا من Amazon بحجة وجود مشكلة متعلقة بنشاط الحساب وبعد ما تواصلت مع خدمة العملاء وتم تصعيد الموضوع Amazon نفسها بعتتلي رسالة وأكدت إن إلغاء الأوردر كان بالخطأ وإنهم اتخذوا الإجراءات اللازمة علشان الموضوع مايتكررش. بعدها استخدمت الحساب بشكل طبيعي وعملت أوردر تاني ووصلني من غير أي مشكلة. لكن الموضوع اتكرر مرة تانية مع أوردر جديد كان مدفوع بالفعل وتم إلغاؤه من Amazon ولما تواصلت مع خدمة العملاء للاستفسار عن السبب اتقال لي في البداية إن مفيش سبب واضح للإلغاء وإنه هيتم التواصل معايا خلال 48 ساعة وبعد مرور 72 ساعة من غير أي تواصل اتصلت بيهم مرة تانية والمرة دي اتقال لي إن السبب متعلق بمشكلة في الحساب. طلبت تصعيد الموضوع لمسؤول في الإدارة وبعدها تلقيت رد من الأستاذ بهاء بيقول إن الإلغاء بسبب انتهاكات متعلقة بالحساب لكن من غير أي توضيح لطبيعة الانتهاكات أو إيه اللي حصل تحديدًا. والغريب إن في نفس الوقت تقريبًا كان فيه أوردر آخر معمول من نفس الحساب وتم استلامه بشكل طبيعي النهارده. لو فيه مشكلة فعلًا في الحساب أو نشاط مخالف إزاي بعض الأوردرات بتتلغي للسبب ده وفي نفس الوقت أورد
M
Mahmoud Nabil
مجموعات فيسبوك· منذ 13 يوم
★★★★★2.0
كنت عايز اشتري ذراع بلايستيشن ٤. دخلت امازون لقيت الذراع العلامه التجاريه سوني والبائع امازون فطبعا المفروض انها اصلي . صلي حجمه صغير عن الطبيعي لاني قارنته بذراع اصلي عندي و وزنه اقل من الطبيعي فتأكدت انه مش اصلي. كلمت خدمة العملاء اول واحد قالي ده dualshock 4 مش سوني يبقي كده مش اصلي . الشات نقل لواحد تاني بيقولي اي بقي لا المفروض الذراع الاصلي سوني اللي بتبيعه مش امازون. قلتله يعني ذراع بلايستيشن ٥ البائع امازون مش اصلي ؟ بيقولي لا اصلي فعرفت ان كلامه متناقد. اسهل حاجه عندهم طيب نعملك مرتجع. تبقي تكلمنا قبل ما تشتري يعني كل مره اشتري حاجه لازم اسألهم ديه اصلي ولا لأ. طبعا ده تحذير للناس انها تاخد بالها ان مش كل حاجه بتتباع اصلي حتي لو البائع امازون.
A
Ahmed Mohamed
مجموعات فيسبوك· منذ 13 يوم
★★★★★2.0
تجربه مش كويسه Amazon.com في شراء المنتج الورق من امازون وبيكون على فكره السيلر امازون انا انا على طول بشتري المنتج ده زي ما هو واضح في الاسكرين شوت اللي انا منزله من الابلكيشن من عندي لكن ديما المنتج بشتريه بيجي الاكياس مفتوحه زى ما هو واضح في الصور والورق مرمي جوه انا ببقى مشتري اكثر من رزمه الورق بيكون مرمي كله على بعضه في الكيس وفي ورق متقطع وفي ورق متني ما ينفعش يستخدم في البرنتر وللعلم الصور دى لاكثر من شحنه مش نفس الشحنه وانا مصورها كلمت خدمه العملاء اكثر من مره ان المنتج ده يتم شحنه في كرتونه مش في اكياس امازون ما فيش فايده مره واحده فقط خدمه العملاء اه عوضتني مره بنص تمن المنتج اللي انا اشتريته بس انا بكون دافع فيزا واحيانا بكون محتاج المنتج بشكل سريع هو انا مش بتكلم علشان تعويض انا بس بحذر ناس من شراء المنتج ده علشان هيجي لهم بنفس الطريقه يعني في الغالب Amazon.eg
W
World And Egyptian sports News
مجموعات فيسبوك (تعليق)· منذ 13 يوم
★★★★★1.0
امازون شركة حراميه طلبت موبيل جالي جيل وسبراي ومش عايزين يرجعلي ثمن الموبيل 20 الف
M
Mery Hany
مجموعات فيسبوك· منذ 13 يوم
★★★★★2.0
أمازون اسوء ابلكيشن تشترى منه انا بس حابه اشارك مشكله من المشاكل اللى بقيت اواجهها من أمازون و دى واحده منهم أنى اشتريت ماسكرا و المفروض أنها براند و لما افتحها الاقيها منتهيه الصلاحيه من 3 شهور و لما اكلمهم عشان أعمل شكوى يقولولى غلطه معلش... و جايه مش متبرشمه ولا مقفوله يعنى ممكن يكون أى حد رجعها أو استخدمت من قبل و كمان ممكن تكون مش اصليه و مضروبة معلش انتوا هو إيه اللى غلطه لما اشترى cosmetics و تبقى خلصانه صلاحيه و لو مكونتش أخدت بالى من الموضوع و لما اكلمهم يستهونوا بالمشكلة و غير كده لما قالولى هنرجع فلوسك حطولى بس الجزء اللى دافعته فيزا و الكوبون اللى كان عندى ب ٢٠٠ جنيه قالولى كده راح يا فندم و أسلوبهم فى التعامل مش لطيف نهائى و بجد بقوا يستهبلوا و ميحترموش العميل ولا شكوته و يقولوا هو ده اللى نقدر نعمله... انا بس عاوزه أوصل الموضوع ده عشان فعلا بقى فى استهتار بالناس آوى و مش مهم لو حصلهم ضرر عادى حمايه المستهلك. . Amazon.eg
S
shut up 🤬
مجموعات فيسبوك (تعليق)· منذ 15 يوم
★★★★★1.0
انازون بقت زي الزفت حرفيا وبعد كده اعمل كاش اون دليفري
A
Amr Abd Elhamid
مجموعات فيسبوك· منذ 15 يوم
★★★★★1.0
من شهر ٦ بدأت معايا مشكلة مع مندوب معين من شركة الشحن. المندوب كان بيطلب مني أنزل لآخر الشارع أو مايتصلش وألاقي إشعار إن الأوردر تم تسليمه وأنا ما استلمتش. عملت أكتر من ٢٥ شكوى مع أمازون. والنتيجة؟ أمازون اعتبرت طلبات استرداد الأموال إساءة وقيدت حسابي. عندي أمثلة كتيرة لأوردرات اتسجلت 'تم التسليم' وأنا ما استلمتش، وفي مرة إثبات التسليم كان صورة لكيس الأوردر في عربية المندوب. خدمة العملاء قالت إن شركة الشحن أكدت التسليم، مع إني طلبت مراجعة كل الشكاوى والبيانات. آخر أوردر اتحل وأتسلم، لكن ليا فلوس أوردرين ما رجعتش وحسابي لسه مقيد، وأنا Amazon Prime.
W
Wael Abu Shiha
مجموعات فيسبوك· منذ 15 يوم
★★★★★2.0
أنا اشتريت خلاط Fresh 2 كبة من أمازون مصر. لما فتحت الطرد كانت المفاجأة إن فيه كبتين، بس واحدة منهم هي الكبة الخاصة بالخلاط، والتانية مش عارف هي إيه أصلًا! يعني أنا اشتريت خلاط 2 كبة، مش خلاط ومعاه «قطعة مجهولة الهوية». السؤال هنا: إزاي منتج بيتباع على أمازون، ويتبعت للعميل من غير ما يتم التأكد إن محتوياته مطابقة للمنتج المطلوب؟ أنا مش هفترض إن ده إهمال أو خطأ متعمد، لكن بالتأكيد ده خطأ غير مقبول، خصوصًا إن الشراء من أمازون بيكون على أساس الثقة في المنتج وفي عملية التجهيز والتوصيل.
J
JoeJoe Ahmed
مجموعات فيسبوك (تعليق)· منذ 16 يوم
★★★★★2.0
للاسف حصل معايا كده بالظبط من اسبوع وبرضه prime بس انا صممت مش هاستني الاوردر وارجع فلوسي.. خاليتهم ادوهاني credit علي ال app.. المشكله في شركات الشحن.. بيستهبلوا فعلا لان amazon now زي الفل..
A
AdventurousJackfruit8957
مجموعات فيسبوك (تعليق)· منذ 16 يوم
★★★★★1.0
للأسف الشديد، المستوى اللي وصلت له خدمة أمازون مؤخراً بقى غير مقبول تماماً. إدارات فاشلة، سوء تنظيم، والأصعب من كده تكرار حوادث سرقة الأوردرات والتلاعب بالمحتويات من غير أي رد حق أو متابعة جادة من خدمة العملاء! ​تشتري وتدفع، وفي الآخر الشحنة تضيع، أو تجيلك فاضية/مبدلة، وما تلقاش غير إجابات معلبة وتجاهل تام للمشكلة. ​الفلوس اللي بنتدفعها والوقت اللي بنضيعه مش رخيص، وما ينفعش نتغاضى عن الإستهتار ده وحقوق الناس اللي بتضيع. ​مقاطعة أمازون بقت ضرورة لحماية حقوقنا كمستهلكين ولحد ما يكون في احترام للعميل! ✊⛔ ​#مقاطعة_أمازون #إدارة_فاشلة_أمازون #حقوق_المستهلك #تجربة_أمازون #قاطع_أمازون #Amazon_Failure #BoycottAmazon
G
GentleFalcon5094
مجموعات فيسبوك (تعليق)· منذ 16 يوم
★★★★★1.0
انا بردو مشتركة في امازون برايم وحصل معايا نفس الموضوع ولحد دلوقتي ولا الاوردر جه ولا فلوسي رجعتلي
العودة إلى صفحة أمازون مصر