يتفرجيتفرج

تقييمات أمازون مصر

296 تقييم من المتسوقين (صفحة 1 من 15)

أضف تقييمك

S
Salma Mohamed
مجموعات فيسبوك (تعليق)· منذ 3 أيام
★★★★★2.0
بقا مستواهم ززززفت
ع
عبدالرحمن عاطف
مجموعات فيسبوك· منذ 3 أيام
★★★★★1.0
طلبت دراع سايكلون 2 من امازون وكان ظاهرلي انو المندوب هيبعتلي كود او توقيع وده محصلش من المندوب انا قولت عادي خدتو ودخلت البيت بفتح الاقي ده في الكرتونه واقسم بالله العلي العظيم ده اللي لقيتو فعلا بكلم خدمة العملاء اقولهم اللي حصل قالولي ان ده منتج آمن ومش هيقدرو ياخدو اي اجراء وانا مش عارف اعمل اي دلوقتي وزعلان اوي
O
Ola Abu ElMakarem
مجموعات فيسبوك· منذ 5 أيام
★★★★★2.0
عملت اوردر من أمازون (مصر) وفي حاجات احتجت اني ارجعها ... فوجئت ان عشان اقدر اعمل ال return request طلب اني اعمل upload لبطاقه الرقم القومي بتاعتي !! ودي خطوة أساسية عشان يكمل ال return process. هل من المنطقي ان online shopping application يطلب بطاقه الرقم القومي كشرط عشان اقدر اكمل ال process ؟؟؟ كلمت الكول سنتر استفسر عن سبب منطقي للطلب ده والرد الوحيد كان ... ان ده أأمن لحضرتك يا فندم !!! ايوة أأمن ازاي او في ايه ؟ مافيش رد ... معلش انت بتأمن ايه وانت مش بتطلب otp وقت الشراء من على الابليكيشن مهما كانت قيمه الأوردر !!!! انت ك online shopping application محتاج البطاقه في ايه وانت مش جهه حكوميه أو مصرفيه؟ عندك الاسم بالكامل والعنوان التفصيلي ورقم الموبايل ورقم الحساب البنكي ليه الاصرار على ان يكون عندك بطاقه الرقم القومي؟ مع العلم ان ده مش مطلوب غير في أمازون مصر !!!!!
W
World And Egyptian sports News
مجموعات فيسبوك (تعليق)· منذ 8 أيام
★★★★★1.0
امازون شركة حراميه طلبت موبيل جالي جيل وسبراي ومش عايزين يرجعلي ثمن الموبيل
A
Ahmed Abdulqader
مجموعات فيسبوك (تعليق)· منذ 7 أيام
★★★★★1.0
أغلب شكاوي بتجي من أمازون إنهم حاجات بتبقا متجدد refurbished أو بيبعتوا حاجات مش مطابقة المطلوبة و ببحصل في حاجات مطلوب أون لاين
A
Ashraf Mahmoud
مجموعات فيسبوك· منذ 7 أيام
★★★★★1.0
تعديل دخلت دلوقتي لقيتهم عملوا كنسل من طرفهم مع نفسهم ⚠️ تجربة سيئة جدًا مع Amazon.eg أنا طلبت OPPO Reno 15 5G – 12GB / 512GB من Amazon.eg يوم 25/8/2026، والفلوس اتسحبت بالفعل من حسابي، والأوردر كان مؤكد. استنيت 13 يوم من غير ما الموبايل يوصل، وفجأة المنتج بقى Out of Stock. كلمت خدمة العملاء، وقالولي إن الموبايل مش متوفر حاليًا وإنّي أستنى شوية. والنهارده بعد كل الانتظار، لما كلمتهم قالولي إن قدامي حلّين: أستنى لحد 15/10 عشان استلم الموبايل. أو أعمل Cancel للأوردر وأسترد فلوسي. المشكلة إن Amazon خلاني أستنى كل الفترة دي، وفي نفس الوقت ضيّع عليّا فرصة إني أشتري الموبايل من بره بنفس السعر، خصوصًا إن سعره بره حاليًا زاد. يعني لو كنسلت دلوقتي وخدت فلوسي، مش هقدر أشتري نفس الموبايل بالسعر اللي أنا حجزت بيه من الأول. أنا مش طالب أكتر من حقي، أنا طالب إن Amazon يلتزم بالأوردر المؤكد والسعر اللي اشتريت بيه بدل ما أتحمل أنا نتيجة مشكلة الـstock عندهم. هل ده تصرف طبيعي من Amazon مع أوردر اتأكد والفلوس اتسحبت من 25/8؟ محتاج أعرف إيه التصرف الصح في الحالة دي، وهل حد واجه نفس المشكلة؟
M
Mero Wageeh
مجموعات فيسبوك (تعليق)· منذ 7 أيام
★★★★★1.0
حصل معايا نفس الموقف وكنت طالبه حاجتين ف الاوردر وجالي الاتنين غلط ولاقيت سعرهم اقل بكتير من اللي دفعته و كلمتهم دخلوني ف حوار لينكات و صوره بطاقة قفلت منهم طبعا وخفت من حوار البطاقة واللينك ده استعوضت ربنا ف الفلوس و مسحت الابليكشن و عمري ماهطلب منهم حاجه ومش انا بس صحابي برضه حصل معاهم نفس الكلام
R
Rasha Magd
مجموعات فيسبوك (تعليق)· منذ 7 أيام
★★★★★2.0
نفس مشكلتي لازم البطاقه بس انا رفضت
M
Mahmoud Ahmed
مجموعات فيسبوك· منذ 7 أيام
★★★★★1.0
مشاكل أمازون التي لاتنتهي لما اكون طالب منتج من أمازون واستلم حتة بلاستيك ملهاش اي معني ولا استخدام زي اللي في الصورة ويبقي فيه تعنت من الشركة في استلام المرتجع ويطلبوا مننا صورة البطاقة بعد مرور اكثر من 10 ايام رغم انه ما طلبهاش في الاول وكلنا عارفين بيتعمل بالبطايق ايه دلوقتي Amazon.eg
T
Tamer Nagy Rezk
مجموعات فيسبوك (تعليق)· منذ 7 أيام
★★★★★1.0
اسوء فلتر ممكن تشتريه هو تانك
A
Abdo Naga
مجموعات فيسبوك· منذ 7 أيام
★★★★★1.0
طلبت من امازون فلتر ٥ مراحل وجه بالمنظر ده كرتونة مفتوحة كذا مرة كسر في انبوب من الانابيب طلبت ارتجاع وعملت كل الخطوات ومحدش جه في معاده حتي الان وبتواصل معاهم مفيش رد وخدمة عملاء بتفتح السكة وتقفل الخط Amazon.eg Amazon.com جهاز حماية المستهلك المصري
A
Ahmed Fouaad
مجموعات فيسبوك· منذ 8 أيام
★★★★★1.0
حصل معايا نفس الموقف: اشتريت كرتونه مياه ايلانو من امازون ناو وتم التوصيل من فرع الهرم، والازاز بتفتحها من حوا بتشم ريحه مش طبيعيه شبه ريحه الجاز. تواصلت مع خدمه عملاء امازون وبلغتهم بالمشكله دي، وقلولي الاداره هتتواصل معاك، ولا حد اتواصل ولا اي حاجه. فاحنا محتاجين نعرف المياه دي فيها ايه ودي ريحه ايه؟؟؟؟؟
M
Mahmoud Mostafa
مجموعات فيسبوك· منذ 8 أيام
★★★★★1.0
طلبت منتجات من امازون و لما وصلوا اكتشفت ان في منتجين متغيرين تماما عن اللي انا طلبته و في شامبو الزجاجة جاية مكسورة و مش دي المشكلة المشكلة اني لما طلبت اعمل ارتجاع للمنتجين اللي جين متغيبرين طلبوا مني اعمل مسح ضوئي لصورة البطاقة الشخصي ايه ااسند القانوني اللي يخليهم يطلبوا صورة البطاقة الشخصية و ايه اللي ممكن يعملوه بيها في ظل الكوارس اللي كل يوم بنسمع عنها من خطوط تليفون لناس متعرفش عنها حاجة و اخيرا القروض اللي اتخدت بملايين و ناس اتحبست لمجرد صورة بطاقة شخصية وقعت في ايد شخص معندوش ضمير و استغلها . هل حماية المستهلك عندها علم بده و هل وزارة الصفحة الرسمية لوزارة الداخلية موافقة علي ان البيانات الشخصية تطلع علي النت لكل من هب ودب عشان تعمل مرتجع لحاجة جبتها من امازون لازم ناخد بالنا من حاجة زي كده عشان لا قدر الله ما نلبسش في مصيبة كبيرة و ربنا يعوض عليا في الفلوس اللي دفعتها بس عشان اقدر احمي بيناتي @amazon_eg @حماية المستهلك
A
Abdelrahman Ahmed
مجموعات فيسبوك· منذ 9 أيام
★★★★★1.0
السلام عليكم مشكلتي مع شركة امازون طلبت اوردر يوم 8/31 بعنوان ثابت بطلب عليه علي طول وحاسبت بالماستر كارد واليوم المتوقع لوصول الاوردر كان بتاريخ يوم 9/2 وكان قيمة الاوردر 1078 جنيه تمام وفل لحد كدا بالصدفه يوم 9/2 ببص في الابلكيشن لاقيته مكتوب تم التسليم فين ياعم الحج وانا مستلمتش حاجه ولا حتي المندوب كلمني اتصلت بيهم قالولي اطمن خالص ومفيش حاجه وهنرفع شكوي وهنصعد الموضوع وبحد اقصي هيوصل يوم الجمعه الاوردر لو موصلش هنعمل استرداد للمبلغ الكلام دا حصل بتاريخ 9/2 يوم الاربعاء وبلغتهم لو مش هيوصل ياريت تبلغوني دلوقتي علشان الحق اطلب الاوردر مره تانيه واكنسله لا يافندم هيوصل بحد اقصي يوم الجمعه بتاريخ 9/4 ولو موصلش هنرجعلك الفلوس علي الابلكيشن في خلال ساعتين لاربع ساعات تمام يوم الخميس جه ومفيش حاجه جت ويوم الجمعه جه ومفيش حاجه جت ولا مندوب اتصل كلمتهم اللي حصل ايه بقا ان المندوب سلم الاوردر لحد تاني وهنرجعلك الفلوس والمندوب حاسب علي تمن الاوردر. انا قاعد مستني الاوردر خمس ايام علي اساس ان الاوردر جي والراجل عندكو قال الفلوس هترجع علي طول اتفاجئ ان لا الفلوس هترجع من 5 ل 7 ايام جيت
A
Ahmed Marouf
مجموعات فيسبوك (تعليق)· منذ 11 يوم
★★★★★1.0
كلمهم و رجع فلوسك و امسح الابليكشن الشركة دي سمعتها وقعت والله نفس الحوار و بعد 6 ايام بعد رن و عملوا بلوك لرقمي المتسجل عندهم علشان الفلوس ترجع و مناديب التوصيل واحد يلغي الاوردر و التاني يكتب انه حاول يتواصل معايا و انا مردتش امازون شركة زبالة
Y
Youstina Zaher
مجموعات فيسبوك (تعليق)· منذ 11 يوم
★★★★★1.0
زي الزفت ومستنياهم يرجعو فلوسي وهمسحه اتجننو بجد بيرمو الاوردرات عند الباب ويمشو او مش بيوصلو اصلا وتفضل الفلوس متعلقه وبيجيبو حاجات غير اللي طالبينها اصلا بجد خساره
M
Mona Samir
مجموعات فيسبوك· منذ 11 يوم
★★★★★2.0
جامعه أنا طلبت اوردر من أمازون AmazonsAmazon.eg من يوم ٣٠ مفروض يوصلي يوم ٣١ اغسطس جالي حاجه واحده من الاوردر باقي الاوردر بس كاتبولي ان هيوصل بعد بكرا يعني يوم ١ في الشهر مجاش حاجه براضو بعدين بفتح دلوقتي لقيت كدا والنهارده ٢ اهوه ايه الحل بقا لان الاوردر متحاسب عليه اون لاين لان مكنش في اي اوبشن تاني ايه الحل دلوقتي ومش عارفه اوصل لاي حد
F
Faten Al-Arenny
مجموعات فيسبوك· منذ 11 يوم
★★★★★1.0
سؤال امازون هل له تليفون خدمه عملاء ؟ لاني اشتريت منتج وطلع مكسور ولا راضيين يجوا ياخدوه ولا راضيين يرجعوا فلوسه ايه الحل
W
Waleed Salah
مجموعات فيسبوك· منذ 11 يوم
★★★★★1.0
شركة أمازون إيجيبت الأسوأ على الإطلاق: أصبحت شركة أمازون إيجيبت خلال الثلاث سنوات الأخيرة هيا الأسوأ على الإطلاق في هذا النوع من الخدمات و أشك أن الإدارة العليا للشركة في مصر تصلح لإدارة إسم بحجم أمازون، و الأكثر إزعاجاً هو ما السر في تدني آداء أى شركة عالمية عندما تقترن بالإدارات المصرية إلا من رَحِمَ ربي. منذ أكثر من ٣ سنوات و أنا في حالة مستمرة من الشكاوي مع الشركة و دون إطالة و في آخر حادثة لهم طلبت بلوار الموضح بالصورة بعتولي بداله الشمعتين دول و لما طلبت منهم المُنتج اللي طالبه قالولي للأسف مافيش إستبدال و هنرجع لحضرتك الفلوس اللي كل مرة بتاخد ١٠ أيام عشان ترجع للحساب و كأني بغسل أموال مع أمازون. في حد من حضراتكوا عنده أى نصيحة إزاى أشتكي الشركة دي و لمين؟ شكراً مقدماً
E
EngagingRabbit2431
مجموعات فيسبوك (تعليق)· منذ 12 يوم
★★★★★5.0
امازون تحفة بصراحة وعندهم مصدقية جربتهم كتييير و دايما اقل ف السعر من نون وجوميا
العودة إلى صفحة أمازون مصر