يتفرجيتفرج

تقييمات أمازون مصر

488 تقييم من المتسوقين (صفحة 19 من 25)

أضف تقييمك

N
Norhan Bayomy
مجموعات فيسبوك· منذ 6 أشهر
★★★★★1.0
شكرا لكل الناس الي عملت شير و ردت عليا و تواصلو معايا انا امازون تواصلو معايا و قالولي احنا بنعتذرلك جدا و فعلا احنا استلمنا الشحنه تاني و بدانا نعمل استرجاع للمبلغ و هيرجع في خلال ٥ ايام طبعا مصدقتش ان بكل سهوله هيعملو كده و بالفعل رجعت تواصلت معاهم قولتلهم انا حد تواصل معايا و اعتذر و قال هعل ريفند و معايا طبعا تسجيلات بكل الكلام ده و هعمل شير للمكالمه لاني بعد ما تواصلت تاني قولت مفيش حاجه سمعت علي الابلكيشن و قالولي خلال ساعه بعدها كلمتهم ب ٤ ساعات قالولي و الله القسم المختص بيقولي ان الريفند اترفض علشان انتهكت سياسه الاستخدام ف قمه العبث طبعا قولتلهم امال الي كلمني ده ايه قالولي احنا خدمه عملاء دول قسم الحسابات فطبعا دي قمه قله الادب و الاستهتار و رجوع في الكلام. WARNING TO ANYONE BUYING EXPENSIVE ITEMS FROM AMAZON EGYPT. Please read this carefully before ordering any phone, laptop, iPad, or expensive electronic item from Amazon Egypt. What happened to me was honestly shocking. On May 17th, I ordered a Xiaomi Note 15 phone from Amazon Egypt and even paid extra for next-day delive
عرض المصدر
M
Mohamed Ahmed
مجموعات فيسبوك· منذ 4 أشهر
★★★★★1.0
السلام عليكم مساء الخير ياجماعه انا اول مرة انشر هنا عالجروب بس لان انا حقيقي مش عارف اتصرف ازاي ومحتاج خبراتكم .. انا اول واخر مرة ان شاء الله اطلب حاجه من امازون بس كان للجماعه عندي ف البيت كان في عروض اخر اسبوع من شهر يونيو اشتركت ف برايم عشان اوفر يعني المهم طلبت اوردر كذا حاجه يعني ودفعت بالكارت ودي غلطتي للاسف يوم الاحد ٦/٢٨ يصل تاني يوم المفروض ببص قال تم تاجيل التسليم ليوم ١ يوليو قلت عادي مفيش مشكلة بس ياجماعه من ساعتها لاحس ولاخبر كلمت خدمة العملاء ٢ يوليو افهم قالت بعتذر واللهي وضغط اوردرات وهحل مشكلتك وهتواصل معاك وهعوضك وهيوصل خلال قلت تمام ولحد الان مفيش اي شئ .. عملت شكوي اونلاين لحماية المستهلك امبارح بس طبعا شكلها بتاخد وقت الفكرة قلت طيب اعمل ريفند واخد فلوسي لازم بطاقة عشان الامان معرفش ليه حتي اللينك مش راضي يفتح ومعلومات توصيل الاوردر اختفت من عالتطبيق خالص دلوقتي .. حد يفيدني ياجماعه اسرع الدنيا ازاي انا عايز حتي اخد فلوسي وخلاص هل اشتكي ف مجلس الوزراء او محضر ف القسم هيفيد حاجه ولا مش اختصاصهم .. شكرا واسف للاطاله
عرض المصدر
N
Noura Nabil
مجموعات فيسبوك· منذ 4 أشهر
★★★★★1.0
🚨 شكوى رسمية وضرر متعمد من شركة أمازون مصر (Amazon Egypt) بعد ٣ شهور من المعاناة 🚨 ​#امازون_مصر #AmazonEgypt #حق_المستهلك #حماية_المستهلك ​مساء الخير يا جماعة، أنا بكتب البوست ده ومش هسكت غير لما حقي يرجع، وعلشان أحذر أي حد بيفكر يشترك في خدمة "أمازون برايم" (Amazon Prime) في مصر، لأنها ببساطة مجرد واجهة لخدمة سيئة جداً وفلوس بتتدفع بدون أي مقابل. ​أنا مشتركة في خدمة "برايم" المفروض عشان التوصيل السريع وضمان وصول الطلبات، بقالي ٣ شهور كاملة بمر بنفس المشكلة الكارثية اللي بتضيع وقتي وفلوسي وتتعطل مصالحي: ​أطلب الحاجة وتكون ضرورية جداً ومستعجلة عليها، والفلوس تتخصم فوراً من الفيزا. ​تاني يوم أتفاجأ إن الطلب اتحول لـ (Non-deliverable) أو تعذر التسليم بدون أي سبب، ومن غير ما أي مندوب يتصل بيا أصلاً! ​أكلم خدمة العملاء، أسمع نفس الكلام المستهلك: "معلش وحقك علينا ومش هتتكرر وعملنا شكوى"، أول أوردر بعدها يوصل، وبعدين أرجع لنفس السلسلة البايخة تاني. ​الموضوع مسببلي لخبطة كبيرة في الحساب البنكي لأن الفلوس بتتحجز أيام عشان ترجع تاني. ​آخر مهزلة: من أسبوع كلمت خدمة العملاء بعد تكرار المشكلة، وأ
عرض المصدر
D
Donia A. Darwish
مجموعات فيسبوك· منذ 5 أشهر
★★★★★1.0
تم تسريب بيانات الcredit card بتاعي من على amazon و عمل عملية من حساب مختلف غير حسابي و فوجئت برسالة الخصم من البنك. أول حاجة طبعا وقفت الكارت و عند الرجوع لamazon اول مرة اكدولي ان فعلا مفيش عمليات تمت على حسابي و ان العملية اللي وصلني رسالتها معمولة من حساب تاني برقم الكارت بتاعي و بما انهم مش بيطلبوا OTP قبل الخصم فتخصمت عادي. طلبت منهم الغاء الاوردر و رد المبلغ و قالولي هنيعت للقسم المختص بالتحقيقات و هيتم رد الفلوس، مع العلم انهم بلغوني برضه ان الشخص ده حاول يعمل كذا معاملة تاني بس طبعا معرفش لأن الكارت كان اتقفل. بالمتابعة معاهم يوم ٩ يونيو بلغوني ان رد الإدارة ان المعاملة صحيحة و ان انا اللي اديت رقم كارتي لحد يستخدمه و تم تسليم الاوردر أصلا !!! و طبعا مفيش رد للفلوس خلاص. انا كده كده صعدت الموضوع لحماية المستهلك و للعلم انا مش أول حد يحصلها تسريب لبياناته من Amazon.
عرض المصدر
M
Mai Mohsen
مجموعات فيسبوك (تعليق)· منذ 4 أشهر
★★★★★2.0
فعلا جبتهم من امازون و فيهم نفس المشكله
عرض المصدر
M
Mohamed Medhat
مجموعات فيسبوك· منذ 4 أشهر
★★★★★1.0
بتاريخ 16 مايو 2026، قمت بشراء كارت شاشة (XFX Swift AMD Radeon RX 9070XT) من أمازون، رقم الطلب "1129141-9108715-403"، بمبلغ 49,699 جنيه، عبر كارت فوري (Yellowcard) المغطى من بنك مصر. عند استلام المنتج تبين أنه غير مطابق للمواصفات، فطلبت إرجاعه. أولاً: تعنت أمازون في إجراءات الاستلام: أمازون رفضت إرسال مندوب لاستلام المرتجع كالمعتاد، وأجبرتني على "الشحن الذاتي"، رغم أن عنوان المرتجع هو نفس عنوان الاستلام. حاولت تغيير العنوان كحل بديل، لكن النظام استمر في إجباري على الشحن الذاتي. بوليصة الإرجاع الصادرة من أمازون كانت تعتمد على باركود فقط بدون رقم هاتف للمستلم، مما أدى لرفض شركات الشحن استلامها. تواصلت مع خدمة عملاء أمازون، ووجهوني بكتابة رقم هاتفي الشخصي في بيانات المستلم كحل لتمرير الشحنة على سيستم الشحن. ثانياً: مشكلة أرامكس ورفض المخزن: يوم 2 يونيو 2026، قمت بشحن المرتجع عبر أرامكس (تتبع 50890049464) ودفعت 143 جنيه مصاريف شحن. يوم 4 يونيو، وصلت الشحنة لمخزن أمازون، لكن المخزن رفض الاستلام بحجة أن بيانات البوليصة (التي نصحني بها خدمة العملاء) غير متطابقة مع نظام المخزن، وقامت أرامكس بإ
عرض المصدر
W
Walaa Badr
مجموعات فيسبوك (تعليق)· منذ 4 أشهر
★★★★★2.0
بيبوظ بسرعه فعلا
عرض المصدر
H
Hassan Mahmoud
مجموعات فيسبوك· منذ 4 أشهر
★★★★★1.0
اشتريت المنتجات دي وعامل بيهم طلب من الاسبوع أللي فات دخلت علي الحساب بتاعي علي امازون لقيت الطلبات مكتوب عليها فى مشكلة محتملة فى التوصيل ولما كلمتهم خدمة عملاء امازون لقيتهم بيقولولي أن الاوردر حصله تلف وهو خارج ليا قلتلهم معني أن الاوردر حصله تلف يبقي دي مشكلة في التغليف من عندكم ي أما مشكلة عند مندوب الشحن خزنه بشكل عشوائي فأنا أللي طلبه دلوقتي أن يعاد شحن الاوردر مرة أخري ويجيلي قالولي لا مش هينفع نشحنلك الطلب مرة تانية من المخزن حضرتك أللي نقدر نعمله أن هيتم استرجاع المنتج والفلوس بتاعتك توصلك علي الفيزا وبعد كل شوية انتظار علي المكالمة قالولي لاسف ي فندم مفيش حل غير كدا وهنعوضك ب 100 جنية وكأن قيمة البني ادم عندهم نعوضه 100جنية وخلاص قالتلهم أنا مش عايز حاجة وعلشان اصلا الفلوس توصلي علي البنك مرة تانية انا عارف بتاخد بتاع 10 ايام دا غير أني اتابع مع البنك علشان اعرف الفلوس وصلتلي ولا لا فدا حقيقي استهتار بالعملاء حتي مفيش حد كلمني يعرفني أن الاوردر مش هيوصل في معاده أو اي حاجة فدا حقيقي استهتار بالناس عندكم
عرض المصدر
M
Mina Karam
مجموعات فيسبوك (تعليق)· منذ 4 أشهر
★★★★★1.0
نفس الموقف و نفس الرد و مش عارف اوصل لحل
عرض المصدر
M
Muhammad Nasr
مجموعات فيسبوك· منذ 4 أشهر
★★★★★1.0
بشارك تجربتي، اختراق أمني وسرقة في أمازون مصر. في يوم ٨ يونيو اتسرقت من أمازون، بيانات الكارت بتاعي تم استخدامها في حساب تاني. كلمت أمازون واعترفوا أن ده حصل وهيتم رد المبلغ، من يومها لغاية دلوقتي مفيش فلوس اتردت. وكل ما أكلم خدمة العملاء يبقى الرد اطمئن كله هيبقى تمام والفلوس هترجع، لغاية ما اتبعت لي ايميل فيما معناه تابع بقى مع البنك، وأن الغلط غلطتنا بس معلش اتصرف بقى مع البنك. مع العلم، أن حصل معاملة ثانية بدون علمي وتم ردها بدون مشاكل لما فعلا تأكدوا أنها سرقة. كلمت البنك الأهلي، قفلت الكارت واعترضت على المعاملة وللأسف الرد هيكون في خلال ٦٠ يوم عقبال ما يعملوا تحقيقاتهم. منتهى العبث اللي بيحصل، بنتسرق عيني عينك وللأسف ماحدش يأمن بياناتنا، ولا يتحمل مسئولية رد الفلوس اللي بتتسحب بسبب اهمالهم وفشلهم. Amazon.eg. البنك الأهلي مشكورًا زودني بالرقم المرجعي للمعاملة على أساس أن ده يساعد أمازون في ردها، لكن مازالوا بيتهربوا ويقولوا لي هنرد لك الفلوس ما تقلقش. وللأسف وعود ومطوحة في الوقت غير الموظف - اسمه عبد الرحمن - اللي تواصلت معاه للشكوى وكان رده ده اللي عندنا وتواصل مع البنك وقفل السك
عرض المصدر
العودة إلى صفحة أمازون مصر