يتفرجيتفرج

تقييمات أمازون مصر

488 تقييم من المتسوقين (صفحة 14 من 25)

أضف تقييمك

M
Mohamed Esmaeil
مجموعات فيسبوك· منذ شهران
★★★★★1.0
من أسوأ إن لم تكن أسوأ تجربة شراء أون لاين عملتها في حياتي. شركة أمازون المحترمة ماشاء الله عليهم لما تطلب منهم اوردر بيكون عندك في المعاد وقبل المعاد كمان، لكن لما تيجي تعمل مرتجع بيبقا ايدك منهم والقبر. انا اشتريت اوردر بتاريخ 15 اغسطس وصلني 16 أغسطس تمام وزي الفل ويشكروا علي سرعة التوصيل. جربت الاوردر طلع ضعيف وامكانياته لا تلبي احتياجي فقررت ارجعه واشتري حاجة افضل فيما بعد. عملت طلب ارجاع أول مره قالو هيجيلك مندوب خلال يومين فضلت مستني تلات ايام محدش جه ولا حد كلمني قولت ادخل اشوف علي الابلكيشن لقيت المنظر اللي ف الاسكرينه ده مع العلم ان محدش كلمني ولا حاول يتواصل معايا ولا حتي اداني ميسد كول. كلمت خدمة العملاء ومشكورين جددو الطلب و عشان مطولش حصل نفس اللي حصل بالحرف في المرة الاولي. كلمت خدمة العملاء تاني وجددو الطلب للمرة التالته وبرده داخل اشوف ع الابلكيشن الاقي نفس المنظر ده. ولما اكلمهم يقولولي حضرتك اللي بترفض التسليم! والله بجد؟ يعني انا اتهبلت للدرجادي هرفض التسليم تلات مرات؟ المشكلة الكبري ان مفيش مراعاة للوقت ولا التعطيل اللي الواحد متعطله بسبب تقصيرهم ده وكل ما
عرض المصدر
J
Jasmine Mohammed
مجموعات فيسبوك (تعليق)· منذ شهران
★★★★★1.0
امازون مالهم بقوا زفت وشكاويهم كترت اليومين دول كده ليه
عرض المصدر
R
Rahma Adam
مجموعات فيسبوك· منذ شهران
★★★★★1.0
السلام عليكم انا عندي مشكله كبيره جدا حصلت من امازون مصر وحاليًا قدمت بالفعل شكوى لدى جهاز حماية المستهلك، ورقم الشكوى 1728397 وحالتها حاليًا قيد التحقيق طلبت تابلت بتاريخ ٨ اغسطس ٢٠٢٦ وكان معاه هديه سماعه ودفعت المبلغ ب الكريدت كارد وكان مكتوب ف الاعلان ان المنتج قابل للارجاع وطبعا اشتريته عشان كدا وانا جيباه للشغل قلت عشان لو لاقدر الله فيه اي مشكله اقدر ارجعه التابلت دفعت فلوسه كامله بالتوصيل والضرايب وكل حاجه ب اجمالي ٢٤٤٩٩ الف زي ماواضح في الصور التابلت وصل بالفعل واستلمته لقيته بيسخن جدا والسخونه بتخلي الجهاز يهنج عملت استرجاع للمنتج تاني يوم و اتعمل ابديت علي الابلكيشن ان طلب الاسترجاع اتعمله ابديت وبالفعل جيه مندوب امازون عاين التابلت وخد علبته والهديه الي معاه السماعه و اتعمل ابديت لحالته ان تم استلامه زي ما متوضح بردو في الصوره هنا الفلوس اتأخر رجوعها اتصلت بخدمة العملاء بتاريخ ١٧ اغسطس عشان اتابع رد عليا موظف قالي ان اه احنا استلمنا المنتج وانا قدمتلك طلب استعجال ان الفلوس تنزل وهبعتلك ميل دلوقتي بالكلام دا وبالفعل بعت الميل ومرفقاه هنا فجأه ظهرلي علي الابلكيشن ان
عرض المصدر
E
Eman ElKomy
مجموعات فيسبوك· منذ 3 أشهر
★★★★★1.0
طلبت اوردر من امازون عبارة عن 4 قواعد للغسالة و مكتوب بالوصف انهم 4 قطع فوجئت انه جالي قطعة واحدة فقطططط تواصلت مع خدمة العملاء و قدم اعتذار عن الخطأ و انه حيعمل ال refund لكن فوجئت انه بيقولي في لينك حيتبعت لحضرتك ارفعي عليه صورة الرقم القومي ؟؟!!!!!!! بطاقة رقم قومي ايه اللي حضرتك اللي بتطلبه مني عشان refund حيتعمل على حساب امازون ثم انتم كنتم بتتحققوا من الايميل و بترسلوا لينك من خلال الايميل لتفعيل المرتجع ايه موضوع الرقم القومي ده ؟؟!!يقولي انا مش حشوف رقم القومي بتاع حضرتك السيستم بس اللي حيترفع عليه .. هو سيستم امازون جهه حكوميه و لا حاجه عشان ارفع رقمي القومي ازاي الكلام ده كلام اقل وصف ليه كلام فااااارغ و مش حقبله بالمرة مافيش ابليكيشن sales بيطلب ده انا بتعامل مع كل الابلكيشنز اونلاين مافيش حد بيطلب ده عشان اعمل refund و الحمد لله انها جت في 125ج اخر تعامل مع امازون ان شاء الله معلش يعني اذا كان ارقام خطوط المحمول اتعمل فيها المهزلة اللي احنا سامعينها انا ايه اللي يعرفني ايه ممكن يتعمل ببطاقة الرقم القومي ده كلام فارغ مين اداكوا الحق في هذا
عرض المصدر
ش
شادي أسامة
مجموعات فيسبوك· منذ 3 أشهر
★★★★★1.0
اشتريت لعب اطفال ودفعت بالفيزا من يوم ٣ اغسطس وكان المفروض توصل تاني يوم ٤ اغسطس. يوم ٤ بعتوا ايميل ان الشحن متأخر وهيبلغوني لما يتشحن. بتواصل مع خدمة العملاء من يوم ٥ ليوم ١٢ اغسطس عشان يلغوا الطلب ويرجعوا الفلوس وهما رافضين بحجة ان السيستم مش سامح لهم بالالغاء. قدمت شكوى في حماية المستهلك يوم ١١ اغسطس. كلمني واحد من أمازون يوم ١٢ وقالي الموضوع هيتحل حالا ومعملش حاجة. وبعتلي ايميل يوم ١٧ ان الفلوس هتنزلي بس اختار هتنزل في حساب امازون ولا البنك.. ورديت عليه مباشرة ينزلها في حساب امازون وبرضو مفيش حاجة رجعت. وكلمتهم تاني يوم ٢١ اغسطس برضو مرجعوش الفلوس وقالوا القسم المختص هيتواصل معاك. حاولت اوصل لحماية المستهلك تاني لقيتهم كاتبين ان أمازون اتواصلوا معايا وحلوا المشكلة وانا اللي مش برد فالشكوى اتقفلت. ملحوظة كل ده وانا عميل امازون برايم من سنة ونص ودافع الاوردر بالفيزا والاوردر كله مش مكمل ٢٨٠ جنيه اصلا.
عرض المصدر
C
ConfidentBeet970
مجموعات فيسبوك (تعليق)· منذ شهران
★★★★★5.0
انا اشتركت في مهمة الادوات المكتبية واشترت قلم ب ٦ جنيه ونزلي كوبون ب ١٥٠ عادي
عرض المصدر
H
Haytham Adel
مجموعات فيسبوك· منذ شهران
★★★★★1.0
مشكله مع امازون مصر السلام عليكم عايز أحكي تجربة حصلت معايا مع Amazon.eg، وأعرف لو حد مرّ بحاجة مشابهة وسامحوني على الاطاله. أنا عملت أوردر يوم 3 أغسطس ودفعت بالكارت، وكان المفروض يوصل يوم 4 أغسطس. اليوم عدى، وبعدها ظهر عندي إنه Not Deliveed، وبعدها حطوا تاريخ جديد، وبرضه ماوصلش... كلمت خدمة العملاء أسأل إيه اللي بيحصل، فكانت المفاجأة إن المنتج Out of Stock. قلت لها: ازاي مظهرش على الابلكيشن وانا بطلب ولا حد قالي من البدايه؟ أنا مستني الطلب، وبتحطولي مواعيد توصيل جديدة، ومحدش بلغني إن المنتج مش متوفر؟ قالتلي إنهم كانوا مستنيين المنتج يتوفر تاني. قلت لها: تمام، طب ليه ما بعتوش إيميل وتقولولي إن المنتج مش متوفر وتدوني الاختيار؟ يا إما أستنى، يا إما ألغي الطلب وأسترد فلوسي؟ قالتلي إن دي مشكلة في الـSystem. قلت لها: ماشي، بس حتى لو مشكلة System، ليه مستنيني أنا اللي أتواصل علشان أعرف الأوردر وصل لفين؟ قالتلي: "هو ده النظام عندنا، إن العميل يتواصل معانا علشان يعرف المشكلة." قولتلها: وإنتي شايفة إن ده طبيعي من مكان زي Amazon؟ قالتلي حرفيًا: "أحسن ما أكذب عليك." طلبت أكلم مديرها،
عرض المصدر
العودة إلى صفحة أمازون مصر