يتفرجيتفرج

تقييمات فودافون إيجبت

346 تقييم من المتسوقين (صفحة 8 من 18)

أضف تقييمك

O
Omar Fathi
مجموعات فيسبوك· منذ 24 يوم
★★★★★1.0
اسوأ تجربه من فودافون Home wireless اشتريت راوتر هوائي من فودافون من شهر 4 اللي فات عشان استفاد من عرض فودافون ريد 40 جيجا اشتغل معايا تقريبا يوم بس power بس من غير نت ومكنتش لسه فعلت النت وبعدها فصل باور تماما كان بيفضل يفصل يومين ويرجع يشتغل كام ساعه ولما كلمت خدمه العملاء شرحتلهم الموضوع قالولي اتوجه للفرع ويحلولي المشكله ولما روحت للفرع وفهمت مشكله النت وكلمتهم في مشكله الباور ( كان تاني او تالت فرع اروحله ) قالي دي زي ستاند باي كده والراوتر بياخد حبه وبيشتغل تاني فقولتله تمام ومشيت النت اشتغل بالظبط اقل من يوم والراوتر شغال تمام فجاه فصل باور تاني وفضل فاصل حبه حلوين كلمت خدمه العملاء ويقولي اروح للفرع .. اروح للفرع يقولي كلم خدمه العملاء لحد ما حد قالي كلم 838 عشان انت مشتريه اونلاين مش من الفرع كلمتهم قالولي الراوتر خارج عن الضمان عشان عدي عليه شهر ومفيش حاجه يعملوها من عندهم ورجع موظف الفرع قالي روح لفرع فيه تيكنيكال سابورت بشوفوا الراوتر بنفسهم ولفيت علي اكتر من فرع وفروع كبيره منهم فرع سيتي ستارز وفرع الكوربه وفروع فالمعادي ولما روحت فرع الكوربه مديره الفرع
عرض المصدر
M
Mostafa Mohamed Ibrahem
مجموعات فيسبوك· منذ 24 يوم
★★★★★1.0
شركة فودافون❌❌❌❌❌❌❌❌ اللي حصل انا عندي باقة 115 زي ما موجود في الاسكرين دي بسيبها للمكالمات وبشحن جمبها باقة تيك توك ب 11 جنية اللي حصل ان اما باجي افتح تيك توك واجي اشوف الاستهلاك بلاقيه بيسحب من باقة فليكس الاساسية علي الرغم ان باقة التيك توك موجودة ومتسحبش منها ميجا واحدة انا علطول بعمل الباقة دي وبتبقي شغال لكن عادي حصل عطل عادي كلمت خدمة العملاء علي رقم 16888 اللي بيرد عليا ذكاء اصطناعي غبي بمعني الكلمه يقولي اشرحلي مشكلتك اية اقوله عاوز اكلم خدمه العملاء اول حاجة عشان تكلم خدمة العملاء لازم يكون معاك رصيد يا جماعة انا معايا باقة؟ لا معلش لازم تشحن رصيد لان المكالمة لازم رصيد عشان تتكلم خدمه العملاء طب والباقة اللي انا شاحنها ؟ لا دي متنفعش والله طب وبعدين دا حتي عشان اوصل ل رقمهم جبته من جوجل مفيش اي وسيلة تواصل في الابلكيشن بتاعهم Vodafone Egypt
عرض المصدر
م
محمد مدحت
مجموعات فيسبوك· منذ 24 يوم
★★★★★1.0
بتاريخ 7 /10 /2026 حولت 11 الف لرقمي الثاني 015 عشان اسحب الفلوس بسبب المشاكل الكتيره جدا في السحب من فودافون وفعلا بطلت اسحب من رقمي الفودافون واكتفيت بالتحويلات عليه فقط. روحت اشيك رصيدي في رقمي 015 ملقتش الفلوس. اتصلت بخدمة العملاء الخاص بفودافون كاش قالولي الفلوس معلقة و24 ساعة أما هترجعلك أو هتتبعت للرقم بتاعي. هو انا معرفش ازاي في 2026 وزمن التحويل اللحظي لسه بسمع كلمة الفلوس معلقة مش المفروض الحكاية دي انتهت من زمان ؟؟ المهم عدت 24 ساعة والفلوس مرجعتش بتصل بيهم تاني قالولي لا الفلوس قدامها 48 ساعة بقولها ازاي انتو قولتولي 24 ساعة وقسم المتابعة اتصلوا بيا وأكدوا على الوقت دا. ردت الموظفة بتقولي دا خطأ من الموظفة وقسم المتابعة وبعتذرلك قولتلها مش هقبل اعتذارات انا عاوز اكلم حد مسئول واعمليلي شكوى في الموظفتين اللي نيموني وقالولي 24 ساعة عشان اقفل معاهم ويريحو دماغهم مني. وبالفعل تم عمل شكوى برقم معين محتفظ بيه. وبعدها قولتلها خلي حد مسئول يكلمني انا مش هقبل حل ولا كلام مع موظفين ويغلطوا تاني. بعدها ب4 ساعات اتصل بيا شخص من إدارة الشكاوى وقالي كلام معسول واعتذارات وبكل برود يقولي ا
عرض المصدر
K
Kareem Ayman
مجموعات فيسبوك (تعليق)· منذ 26 يوم
★★★★★1.0
للاسف انا جربت موضوع اني احسب استهلاكي ببرامج وفعلا عم عندهم حق الاستهلاك عالي نتيجة تطور التكنولوچيا مثلا الفيس بوك بيحمل فيديوهات كتير وبيحمل حاجات كتير من ال reels بمجرد بس انك تفتحو والدليل افتحو واقفل الداتا هتلاقيه بيظهرلك حاجات عادي هو كان محملها واليوتيوب اول ما بفتح بيحمل الفيديو كلو تلقائي ولو فصلت النت تلاقيه كمل معاه دقيقة مثلا وبعدين يقف الفكرة في حوار الاستخدام العادل العقيم دا العالم كلو قايم علي الانترنت وموضوع ١٥٠ جيجا استخدام دا عقيم جدا في ظرف العالم كلو معتمد علي الانترنت تيجي مصر تقولك استخدام خ.را عادل طب ازاي!؟ يافرحت اهلي بالسرعة العالية ومديني ١٥٠ جيجا انيل بيهم ايه طيب؟ يقولي تصفح طب ما التصفح بقا بيسحب داتا كتير اعمل ايه؟ حمل برامج لايت او اعمل باقة اكبر! تخيل الانترنت معنرف بيه من حقوق الانسان في العالم بس احنا بنشحت حقوقنا في ام الدنيا!!!
عرض المصدر
H
Hassan Moharm
مجموعات فيسبوك· منذ 26 يوم
★★★★★1.0
مشكلتي مع فودافون #vodafone Vodafone Egypt يوم 20 /9 غيرت الباقه الي 750 جيجا سرعة 100 كلمت خدمة العملاء قالولي السرعه القصوي هتوصل خلال أسبوع بعد اسبوع لحد انهارده كل يوم بتواصل معاهم كل ما حد يكلمني يحور ويقولي. في حد هيتواصل معاك في خلال 24 ساعه من يوم 26 /9 لحد انهارده 10/9 محدش اتواصل معايا وانا الي بكلمهم والي يقولي هنعوضك تعويض مالي قولتهم انا عايز النت يكون سريع كل ده والنت شغال علي كفاة 30 ميجا بس اخر ما زهقت كلمت الجهاز القومي لتنظيم الاتصالات - مصر قالولي خلال خمس ايام وبعد كده اتواصلت معاهم قالولي انت متعاقد علي سرعة 30 بعتلهم اسكرينات مفيش تغيير نفس الكلام والي يكلمني من فودافون يقولي انت متعاقد ارضي مع #we بقول ما الناس كلها متعاقده ارضي مع #we يقولي لا روح الغي الأرضي من هناك واتعاقد مع فودافون الي هو ازاي مش فاهم انا عايز حقي ومحدش راضي يتصرف حد يديني حل جهاز حماية المستهلك المصري Vodafone RED Egypt
عرض المصدر
A
Anonymous participant
مجموعات فيسبوك· منذ 28 يوم
★★★★★1.0
أنا مشترك مع فودافون في الإنترنت الأرضي على باقة سرعة 30 ميجا بحوالي 750 جنيه في الشهر. المشكلة إن الباقة المفروض يكون معاها اشتراكات ترفيهية زي OSN وWatch It وYango Play، لكن الاشتراكات دي مش متفعلة عندي بقالها حوالي 6 شهور. يعني أنا بدفع تمن الباقة كل شهر ومش باخد كل المميزات. حاولت أحل المشكلة بكل الطرق: اتصلت بخدمة العملاء أكتر من 40 مرة، وكلمت المتابعة، وطلبت تصعيد، وكلمت مسؤولين، وكل مرة يقولوا 'المشكلة هتتحل' أو 'استنى 24 ساعة' وبرضه مفيش حاجة اتحلت. حتى لما طلبت فتح شكوى رسمية، كانوا بيبعوا أرقام شكاوى ناقصة أو مش واضحة، وموظفين نفسهم قالوا إن الموضوع مش ماشي بالشكل الطبيعي. حاولت أصعّد الموضوع لـ الجهاز القومي لتنظيم الاتصالات، واتقال لي إنهم مش هيقدروا ياخدوا الشكوى لأن الخط الأرضي مش مسجل باسمي. أنا مش طالب ميزة زيادة عن حقي، بس عايز الخدمة والمميزات اللي أنا بدفع تمنها كل شهر، خصوصًا إني بقالي 6 شهور مش قادر أستخدمها.
عرض المصدر
M
Mohammed Abdou
مجموعات فيسبوك· منذ 28 يوم
★★★★★1.0
أنا مشترك مع فودافون في الإنترنت الأرضي، على باقة سرعة 30 ميجا، بحوالي 750 جنيه في الشهر. المشكلة إن الباقة المفروض بيكون معاها اشتراكات ترفيهية زي OSN وWatch It وYango Play، لكن الاشتراكات دي مش متفعلة عندي بقالها حوالي 6 شهور. يعني أنا بدفع تمن الباقة كل شهر ومش باخد كل المميزات. اتصلت بخدمة العملاء أكتر من 40 مرة، وكلمت موظفين كتير والمتابعة، وطلبت تصعيد... وكل مرة يقولوا 'المشكلة هتتحل' أو 'استنى 24 ساعة' ومفيش حل. كل ما أطلب فتح شكوى رسمية، بيتبعتلي أرقام شكاوى ناقصة أو مش واضحة. حتى حاولت أصعّد الموضوع لـ الجهاز القومي لتنظيم الاتصالات، واتقال لي إنهم مش هيقدروا ياخدوا الشكوى لأن الخط الأرضي مش مسجل باسمي. أنا مش طالب حاجة زيادة، عايز الخدمة والمميزات اللي أنا بدفع تمنها كل شهر. لو الشركة شايفة إن أنا مش مستحقها، ياريت حد يوضحلي ده بشكل رسمي بدل ما أفضل ألف في دايرة مع خدمة العملاء.
عرض المصدر
M
Mohamed Nabil Elshazly
مجموعات فيسبوك· منذ 30 يوم
★★★★★1.0
لو انت مسافر برة مصر وعاوز تعمل باقة تجوال roaming إياك تعملها مع فودافون. مسافر الصين بقالي أقل من أسبوع، ومن قبل ما أسافر كلمت خدمة العملاء علشان أسأل على باقات التجوال وقاللي أنه ينفع أشترك عادي وانا في مصر لما أوصل للبلد اللي أنا مسافره الباقة هتشتغل أوتوماتيك. جيت اشترك بعد ما شحنت سعر الباقة من خلال أنا فودافون، بيطلعلي error جيت اشترك من خلال الكود برضو error، كلمتهم وبعد دقايق كتير قالوا إن المشكلة اتحلت ولنا توصل تثدر تشترك وهتشتغل. وصلت الصين اشتركت في الباقة 1200 لقيته سحب الفلوس واشترك، قولت حلو فتحت داتا لقيت مفيش نت ولا الباقة بيتسحب منها ميجات، مفيش غير انا فودافون بس اللي شغال، فالحل الوحيد علشان تتواصل مع خدمة العملاء من خلال الشات، او لو معاك رصيد دولي وعاوز تضيعه علشان تبقى ضيعت فلوسك وتعبت أعصابك. طبعا مش معايا رصيد دولي فجيت افتح انا فودافون، التطبيق شغال، تمام بفتح الشات بيقولي عربي ولا انجليزي، او ما تختار اللغة ما بيفتحش، بيقعد يحمل ومش بيفتح. طبعا معاناة وبمساعدة الناس هنا عرفت اتصرف في vpn علشان التطبيق المحترم مش شغال في الصين اصلا على الوايفاي، شغال على شبكة
عرض المصدر
K
Khaled Morsy
مجموعات فيسبوك (تعليق)· منذ شهر واحد تقريباً
★★★★★1.0
أسواء خدمة و ما بيحلوش أي مشكلة و لغيت الخط و النت و إشتركت مع فودافون.
عرض المصدر
العودة إلى صفحة فودافون إيجبت