يتفرجيتفرج

تقييمات فودافون إيجبت

346 تقييم من المتسوقين (صفحة 2 من 18)

أضف تقييمك

A
Asmaa Abdallah
مجموعات فيسبوك (تعليق)· منذ 6 أيام
★★★★★2.0
أقسم بالله مبهدلني والباقة بقت تخلص يوم ١٥ ف الشهر وانا عاملة التليفون وضع طيران اصلا
عرض المصدر
K
Karim Yahia
مجموعات فيسبوك· منذ 9 أيام
★★★★★1.0
انا داخل في ١٠ ايام حراره الخط الارضي قاطعه عندي وكل أما اكلم خدمه العملاء مافيش حاجه بتتقال غير المشكله هتتحل خلال ٢٤ ساعه جالي واحد بتاع اعطال بص في البوكس اللي في الشارع وقالي هاروح الكابينه اللي بره علي المنطقه وارجعلك لحد دلوقتي مجاش. بعدها بيومين كلمني واحد يتابع معايا والله العظيم أسلوبه لو قاصد يغيظني مش هيتكلم بالاسلوب ده وبيتكلم من رقم شركه مينفعش اني العملاء يتصلو عليه تاني. في بيت واحد انا واخواتي قبل الموضوع ده باسبوع الحراره قطعت عند اخويا كلمهم صالحوها وقطعت عند اخويا التاني عمل شكوي كلمهم صالحوها وقطعها عندي انا و حد من الشارع كان قايلي انو كان مقدم علي خط ومافيش مكان في البوكس وانو ظبط الراجل اللي بيوصل الخطوط وقطع خط من البيت عندي انا واخواتي وعمال يبدل ما بينا. قولت اكلم حمايه المستهلك مينفعش اني اتصل بالرقم بتاعهم من الموبايل اتكلمت من تليفون سوبر ماركت في الشارع مافيش رد غير الرساله المسجله بمواعيد تقديم الشكاوي و المكالمه نزلت الابلكيشن الخاص بحمايه المستهلك ولحد الان مافيش اي إفاده الانترنت بتاعي من فودافون ١٠ ايام راحو من الباقه بدون أفاده غير انهم بيقولي العيب
عرض المصدر
M
Mohamed Abo El Majd
مجموعات فيسبوك· منذ 9 أيام
★★★★★1.0
امبارح جالي مسج ان ف عرض ف باقه بلس، اشترك ف بلس 69ج 3 جيجا عليهم 3 جيجا! وبالفعل شحنت رصيد واشتركت ولقيت ان ف عرض تاني افضل اشتركت فيه وأنا مكنتش اعرف ان الرصيد اتخصم واشترك ف العرض الاولاني، المهم دخلت ع تطبيق أنا فودافون ولقيت ان الموجود ٣ جيجا فقط!! كلمت خدمة العملاء من الساعه ٦ إلى الساعه 9، وقتي كله ع ال waiting وأتحول لده واروح لده وحاجه ف قمت القرف ومضيعه الوقت واللى بيكلموني معندهمش اي مهنيه. طلبت اني اكلم حد مسؤال كلمني سوبر فايزر شخص معندهوش اي خلفيه ف التعامل مع العملاء ولا حتى عنده زوق، مفكر نفسه شغال كول سنتر ف مطعم كشري، أسلوبه وحش جدا جدا وبيقاطعني لما بكلمه وعايز هو اللى يتكلم وشخص لا يليق بشركه زي كدا ولا يليق بالمنصب ده. ف كمان ان يتنصب عليا كوم واني أتعامل المعامله الزباله دي كوم تاني خالص!! أنا شخص بيدفع فلوس من جيبه مقابل خدمة مش جاي اشحت يا Vodafone Egypt. وغير ان أصلا الباقات مبتكملش الأسبوع، بمجرد م افتح حاله واتساب ألاقي ان اتخصم كم هائل من الميجات!!
عرض المصدر
أ
أحمد ابوعايد
مجموعات فيسبوك (تعليق)· منذ 8 أيام
★★★★★1.0
فعلا انا فعلت باقة بلاص عندي بعدين لقيت الباقه اتجددت اكتر من مره لوحدها
عرض المصدر
M
Mohammed Bliedy
مجموعات فيسبوك (تعليق)· منذ 8 أيام
★★★★★1.0
حصلت معايا ومن سعتها مشحنتش ع الخط وبستخدم خط غيره
عرض المصدر
A
Ahmed R. Bayoumi
مجموعات فيسبوك· منذ 9 أيام
★★★★★1.0
أنا مشترك في باقة فليكس 345 من فودافون. المشكلة بدأت يوم 10/9 لقيت الباقة اتجددت لوحدها من غير أي تدخل مني. يوم 20/9 لقيت الباقة اتجددت تاني مع إن الأولى لسه مخلصتش وكان فيها رصيد وما اترحلش! أول موظف خدمة عملاء كان محترم وحاول يساعدني. بعد 4 أيام لقيت الباقة اتجددت تالت مرة لوحدها. قلت لخدمة العملاء يلغو التجديد، قالولي دي مديونية ولازم تدفعها ومش هتتَلغى. فضلت أكلمهم وكل مرة نفس السيناريو: «هنرجع للإدارة وهنكلم حضرتك»، وبعدها يا إما يقولوا مش هينفع يا إما محدش يتصل. قدمت شكوى للجهاز القومي لتنظيم الاتصالات وقالولي إن نتيجة الفحص بتقول إني أنا اللي جددت الباقة من الأبلكيشن! أنا ماكنش عندي اختيار إني أجددها بالطريقة دي. وأنا مطالب أدفع المديونية، ووقفو الخط. قلت لخدمة العملاء: أنا مستعد أدفع المديونية، بس ادوني ضمان إن الباقة مش هتتجدد تاني لوحدها. كان الرد: مفيش ضمانات! أنا بطلب أفهم إزاي باقتي بتتجدد من غير ما أطلب، وليه كل ما أحاول أحل المشكلة ألاقي نفسي مطالب أدفع فلوس أكتر، وفي الآخر محدش يقدر يضمنلي إن الموضوع مش هيتكرر!
عرض المصدر
A
Ali Mahmoud
مجموعات فيسبوك· منذ 10 أيام
★★★★★1.0
السلام عليكم يعني دي مش اول مره من فودافون ف الاول خالص كان فيه مشكله وكنت كل ما اشحن الشحن يطير سوا باقه أو كروت كلمتهم قالوا دي مشكله فنيه ف الخط المهم بعد فين وفين وطلب وشكوي محدش حل وخسرت ساعتها كل الشحن دا ملخص للمشكله تاني مشكله جددت النهارده الفجر باقة plus450 المهم جالي هدية شحن 16950وحده المهم فعلتها ف نفس اللحظه ولقيتهم بيقولو ٣ ساعات مدتها ف المهم توقيت الرسايل واضح ودخلت ع الابليكشن موجود المهم سبت الفون علي الداتا وحدثت كام ابليكشن وصحيت لقيته خاصم التحديثات من الباقه الاساسيه والهدية اللي مدتها ٣ ساعات لسا موجوده بكلم خدمة العملاء يقولي بعد منا هده ان الباقه اتفعلت متأخر ف خصم من الاستهلاك طيب يا افندم! ازاي والرساله جت واتاكدت من الابليكشن ف نفس الوقت يقولي اتفعلت متأخر طيب متأخر ازاي وهيا صلاحيتها ٣ ساعات مش بتكلم واعرض مشكلتي علشان عدد الجيجات بس علشان اللي حصل وان الناس تاخد بالها وان شاء الله ف أقرب فرصه هنزل اجازة واغير الخط بدل الضحك اللي بقي عينك عينك Vodafone Egypt
عرض المصدر
Z
Zainab Omran
مجموعات فيسبوك (تعليق)· منذ 11 يوم
★★★★★1.0
بيجي عشر الاف لمده ٣ ساعات لو قومت دخلت الحمام ورجعت تلاقي الهديه خلصت😂😂😂
عرض المصدر
العودة إلى صفحة فودافون إيجبت