يتفرجيتفرج

تقييمات تانك واتر

138 تقييم من المتسوقين (صفحة 3 من 7)

أضف تقييمك

O
Omar Yousry
مجموعات فيسبوك· منذ شهران
★★★★★2.0
❌❌Tank Koldair❌❌ مساء الخير، أحب أحكي تجربتي مع شركة كولدير في صيانة الأجهزة ، أنا كنت شاري water dispenser في ٢٠٢٠ و كان كله تمام، من شهر الdispenser حصل في الكباس مشكلة و بقى مش بيشتغل ف اتصلت بشركة كولدير عشان يشوفوا العطل منين و يصلحوا، لما تواصلت معاهم بلغتهم إن في الغالب الكباس هو اللي باظ ف بلغني إن مفيش مشكلة و إنهم بيغيروا الكباس و بيكون عليه ضمان سنة، و أنا سألته تاني لما قال لي النقطة ديه عشان اتأكد من الضمان عشان لو مش هيكون فيه ضمان كنت هشتري واحد جديد و خلاص لما اكدلي على الضمان قولتله تمام، و بالفعل جه عامل الصيانة و أخد الجهاز و هنا كانت أول مشكلة أولا فضل يسأل على كراتين أو أي ستريتش عشان يلف بيه الجهاز عشان هياخده على موتوسكل!!! ثانيا، بعد ما مرت مدة الإصلاح فضلت احاول أتواصل معاهم عشان يجيبوا الجهاز و يقولوا مواعيد و يغيروها و قمة في الإهمال و عدم المراعاة لمواعيد الناس! ثالثا بقى لما جه الجهاز (بعد ٣ أسابيع صيانه!!) بلغني الفني إن الضمان ثلاثة أشهر و مفيش اي فاتوره او ورقه تثبت الكلام ده هو وصل كده من بتوع المكتبه!!!!! يعني حتى الكلام اللي بلغوني بيه اخلوا بي
عرض المصدر
I
Israa Yasser
مجموعات فيسبوك· منذ شهران
★★★★★1.0
تجربة سيئة جدا مع شركة تانك و مش هتتكرر تانى اشترينا فلتر ٧ مراحل من فتح الله و معانا الفاتورة و كل حاجة تمام ، كلمنا الشركة بعتت حد ركبه و قال نسيبه كام ساعة بس الخزان يتملى أو حاجة زى كدا بعدها ع طول بنشغله نلاقى أن قوة دفع المياه ضعيفة جدا اول ثانيتين كويسة بعدها كدا ضعيفة كلمنا الشركة تانى بعتت فنى و هو اصلا بيشوفه المكان تحته كله مياه و مكناش واخدين بالنا ، قال إن هو فيه عيب صناعة و الجهاز بيسرب مياه و قال خيارين يصلحه أو يستبدله قولنا لا يستبدله طبعا قتلنا خلاص هرفع التقرير و كلموا خدمة العملاء و معانا صورة التقرير و كلمناهم عملنا شكوى و بقالنا فى القصة دى اكتر من اسبوع، مكالمات كتير لخدمة العملاء بلا هدف و الكلام واحد هنبعت لإدارة الجودة و حد هيتابع معاكم من رعاية العملاء معلش اصل إدارة الجودة اجازة مبررات كتير جدا و القصة بسيطة اصلا عيب صناعة و مطلوب تبديل الجهاز بس طبعا لا حد بيتابع و لا حاجة ، اخر مكالمة الموظفة ردت عليا قالتلى احنا عملنا escalation بالتبديل و حد هيتابع معايا على بكرة هل دا منطق ؟؟؟؟
عرض المصدر
H
Hazem Youssef
مجموعات فيسبوك· منذ شهران
★★★★★2.0
اشتري منتجاتهم من الشارع و بلاش من صاحب المنتج نفسه لأنهم أسوء خدمة ما بعد البيع. @tankwater يوم الأربعاء 19 أغسطس وصلني الفلتر بتاعهم ( فلتر برو 6 مراحل ) التسليم كان عن طريق شركة شحن فطبعا مافيش معاينة قبل الاستلام. لما رجعت من الشغل فتحت الكرتونة لقيت كله تمام ماعدا حنفية الفلتر مشوهة ( مستعملة _ محروقة _ مرتجع ) الله أعلم. تاني يوم اتصلت بالشركة و بلغتهم عملوا شكوى و بعتولي رقم واتس ابعت عليه صورة الحنفية. طبعا كل ما اتصل الرد بيكون لسه إدارة الجودة ماردتش علينا. امبارح الثلاثاء 25 أغسطس تفضلوا مشكورين و بلغوني ان بكره بإذن الله هيتم الاستبدال. النهاردة 26 أغسطس يعني بعد اسبوع كامل من استلام الفلتر الموظف اتصل بيا و بلغني ان العربية مش نازلة منطقتك النهاردة بكل بساطة. و الاستبدال هيكون يوم الأحد ( إن صدقوا طبعا ) علشان اجازة المولد و الجمعة. دي تجربتي السيئة مع شركة @تانك و علشان كده بنصح اللي عايز يشتري منتجاتهم يشتري من اي محل او مول لانه هيفتح الكرتونة ولو فيها عيوب صناعة ظاهرة فهيتم استبدالها لحظي او تغير رأيك و ماتشتريش
عرض المصدر
ا
ابوملك محمود
مجموعات فيسبوك (تعليق)· منذ شهران
★★★★★3.0
صرحه ناس كويسه بس الشحن عندهم بيطول
عرض المصدر
P
PinkSpinach8227
مجموعات فيسبوك (تعليق)· منذ شهران
★★★★★2.0
عندي بقاله عشر سنين والحنافيه بتتخلع علي طول من مكانها
عرض المصدر
M
Mohamed Tharwat
مجموعات فيسبوك (تعليق)· منذ شهران
★★★★★2.0
مقدم فيهم شكوى فى حماية المستهلك كل يوم اكلمهم ويغيروا كلامهم
عرض المصدر
A
Ahmed Alruqi
مجموعات فيسبوك (تعليق)· منذ شهران
★★★★★2.0
فعلا انا عندي مكسورين اصلا من وقت التركيب وبتواصل معاهم مافيش رد
عرض المصدر
م
معلم حمبولى
مجموعات فيسبوك (تعليق)· منذ شهران
★★★★★2.0
جالى منهم كولمان وكان بيسرب عارف رجعوه بعد قد ايه؟ شهر ونص
عرض المصدر
P
Peter Ashraf
مجموعات فيسبوك (تعليق)· منذ شهران
★★★★★2.0
وللاسف نصحنا كتير بلاش تانك تانك انهارده غير ايام زمان خالص للاسف
عرض المصدر
I
Ibrahim Sharf Eldin
مجموعات فيسبوك (تعليق)· منذ شهران
★★★★★1.0
شهرة على الفاضي معظم الغيارات مكتومة ومش كويسة عن تجربة في حاجات كتير في السوق ارخص وانضف
عرض المصدر
العودة إلى صفحة تانك واتر