يتفرجيتفرج

تقييمات تانك واتر

107 تقييم من المتسوقين (صفحة 1 من 6)

أضف تقييمك

H
Hadeer Abdallah
مجموعات فيسبوك· منذ 5 أيام
★★★★★2.0
أتقدم بشكوى ضد شركة تانك بخصوص تلف الشمعة الرابعة في فلتر المياه. الأول اتصلت وعملت شكوي وبعد ١٠ ايام من الشكوي حضر فني من مركز الصيانة لمعاينة الفلتر، وأفاد بأن التلف عيب استهلاكي بسبب ارتفاع نسبة الأملاح في المياه. وأنا أعترض على هذا التقييم، حيث إن استهلاك المياه لدي ليس مرتفعًا، كما يوجد فلتر آخر في المنزل ويعمل في نفس ظروف المياه، وقد استمرت الشمعة الرابعة فيه لمدة تقارب سنة قبل تغييرها. لذلك أطلب إعادة فحص الفلتر والشمعة فنيًا، والتحقق من السبب الحقيقي للتلف، وتوضيح الأساس الفني لاعتبارها عيبًا استهلاكيًا ورفض الضمان. وأنا أعترض على تصنيف تلف الشمعة الرابعة كعيب استهلاكي بسبب الأملاح، حيث إن لدي فلترًا آخر في نفس المنزل ونفس ظروف المياه واستمرت الشمعة الرابعة فيه حوالي سنة. أطلب فحص الشمعة والفلتر فنيًا وتحديد سبب التلف الحقيقي وبيان مدى أحقية الضمان. وقبل أن أكتب الشكوي اتصلت تاني وتحدثت معاهم وقالو أنها بردو عيب استهلاكي.
A
Aya Abdelftah
مجموعات فيسبوك (تعليق)· منذ 9 أيام
★★★★★2.0
ا منتاجتهم وحشة جدا الي كويس عندهم هو الكولمن غير كدة فشلين
N
Nada Adel
مجموعات فيسبوك (تعليق)· منذ 9 أيام
★★★★★1.0
اسوء خدمه عملاء
A
Amany Mohamed
مجموعات فيسبوك· منذ 9 أيام
★★★★★1.0
تجربة سيئة جدًا مع TANK ومش متوقعة منهم التعامل بالشكل ده! طلبت أوردر فيه ٤ قطع، والأوردر اتدفع بالكامل، وإجمالي المبلغ ٣٦٩٦ جنيه. المفروض إن الـ٤ قطع يوصلوا، لكن للأسف استلمت ٣ قطع بس، والـ TANK Quencher الأسود 1200 مل اللي أنا دافعة تمنه بالكامل مش موجود في الشحنة. كلمت خدمة العملاء ووضحت لهم المشكلة، لكن بدل ما الموضوع يتحل ببساطة، بقالهم فترة بيماطلوا معايا، لا بعتوا القطعة الناقصة ولا رجعوا فلوسها! يعني أنا دفعت فلوس منتج كامل، والمنتج موصلنيش، وفي نفس الوقت بدل ما يتم حل المشكلة، أنا اللي كل شوية أتابع وأفكرهم بحقي. أنا مش بطلب حاجة زيادة عن حقي، أنا بطلب منتج أنا دافعة تمنه بالفعل أو استرداد فلوسه. بصراحة مستوى خدمة العملاء والتعامل مع المشكلة مخيب جدًا للآمال، خصوصًا إن الموضوع بسيط جدًا وكان المفروض يتحل من أول تواصل. TANK، محتاجة حل فعلي للمشكلة، مش مزيد من التأجيل والمماطلة. الأوردر، الفاتورة، وكل التفاصيل موجود
A
Aya Elsafoury
مجموعات فيسبوك (تعليق)· منذ 11 يوم
★★★★★1.0
نفس المشكلة بالظبط عندي اهي يا اودي م نفس شركة كولدير
S
Saso Moha
مجموعات فيسبوك· منذ 11 يوم
★★★★★1.0
أنا اشتريت ديسبنسر ديجيتال من الموقع الرسمي لشركة كولدير في شهر سبتمبر، ومنذ بداية استخدام الجهاز وأنا أعاني من مشكلة واضحة جدًا، وهي صدور صوت مرتفع ومزعج بشكل غير طبيعي، بالإضافة إلى أن الجهاز يسخن بدرجة كبيرة جدًا وبشكل غير مطمئن. من أول شهر تواصلت مع خدمة العملاء بسبب الصوت، وتم إرسال الجهاز للصيانة، وقاموا بتغيير الكاباس، وقالوا إن الكاباس هو سبب المشكلة. لكن الجهاز عاد لي بنفس المشكلة تمامًا. ولم تكن هذه المشكلة الوحيدة، فعندما عاد الجهاز من الصيانة كان به خدش واضح في الجانب. وعندما تواصلت معهم، تم إرسال شخص لتغيير الجزء المتضرر، خصوصًا أن الجهاز تم أخذه منهم بدون الكرتونة الأصلية، وتم ترك الكرتونة أسفل العمارة حتى ضاعت. وفي إحدى مرات الصيانة، جاء أحد الفنيين وفحص الجهاز، وقال لنا بنفسه إن هناك أجزاء داخل الجهاز غير مربوطة أو مثبتة بشكل جيد. وقام بفك الجهاز أمامنا والجلوس لربط وتثبيت هذه الأجزاء، وقال لنا: لو سمعتوا الصوت تاني بلغوني. وبالفعل، الصوت ظهر مرة أخرى، وقمنا بإبلاغ الشركة، وأرسلنا لهم الفيديوهات التي توضح الصوت، ولدينا فيديوهات طويلة توثق المشكلة بشكل واضح. المشكلة أن ا
Y
Yousra Khaled
مجموعات فيسبوك· منذ 12 يوم
★★★★★1.0
❌❌❌❌❌ Tank ❌❌❌❌❌ Tank Water .السلام عليكم انا بحذر من التعامل مع الشركه دى بجد!! انا اشتريت فلتر مياة من شركة تانك كنت طالباه أونلاين جالي 24/7 و تم تركيبه 8/8 و بعد ما أتركب كان في صوت مش طبيعي في الجهاز و المياه طعمها زي الحنفيه بظبط مفيش اختلاف مع العلم الفلتر دا 7 مراحل يعني اعلي حاجه عندهم عملت شكوي تاني يوم ورقم الشكوى 00554) يعني يوم 9/8 جالي الفني يوم 16/8 يعني بعدها بأسبوع و دا بعد ماكلمتها ٦٠ مره قالي بالحرف أزاي اللي ركب الجهاز ركبوا كدا!؟ فك الجهاز من جوا و قالي دا الهاوسينج مكسور و فيه حاجه جوا مكسوره بتدخل المياة الحلوة علي الوحشة والله بنفس الكلمه قالي هاجي بكرا أغيرها و الجهاز جديد عاملت شكوي تاني بتغير الجهاز عشان مش طبيعي أغير حاجة في الجهاز وانا لسة شرياه عملت الشكوى يوم 16/8 رقمها 3881 اتصلنا بيهم اكتر من عشر مرات ولا حياة لمن تنادي مفيش أي مسؤول معبرنا!!! اتجهنا لحماية المستهلك 😂 ردو وقالولنا أن الشركه بتقول المفروض يتغير بفلوس !! و معملوش حاجه ولا عارفين نوصلهم أصلا فا والله انا بحذر من التعامل مع شركة @تانك لأنهم حراميه و حسبي الله و نعم الوكيل
F
Fatma Mohammed
مجموعات فيسبوك (تعليق)· منذ 12 يوم
★★★★★1.0
شركه قذره وعملت فيهم بلاغ ومالهمش اداره اصلا
K
Kareem Kalasha
مجموعات فيسبوك (تعليق)· منذ 12 يوم
★★★★★1.0
لسه شاري جهاز جديد .. جايبينه مربوط علي موتوسيكل برضو .. الجهاز اتطبق من الجمب وعامل شكوي ولحد دلوقتي محدش جه اخده
O
Omar Yousry
مجموعات فيسبوك· منذ 12 يوم
★★★★★2.0
❌❌Tank Koldair❌❌ مساء الخير، أحب أحكي تجربتي مع شركة كولدير في صيانة الأجهزة ، أنا كنت شاري water dispenser في ٢٠٢٠ و كان كله تمام، من شهر الdispenser حصل في الكباس مشكلة و بقى مش بيشتغل ف اتصلت بشركة كولدير عشان يشوفوا العطل منين و يصلحوا، لما تواصلت معاهم بلغتهم إن في الغالب الكباس هو اللي باظ ف بلغني إن مفيش مشكلة و إنهم بيغيروا الكباس و بيكون عليه ضمان سنة، و أنا سألته تاني لما قال لي النقطة ديه عشان اتأكد من الضمان عشان لو مش هيكون فيه ضمان كنت هشتري واحد جديد و خلاص لما اكدلي على الضمان قولتله تمام، و بالفعل جه عامل الصيانة و أخد الجهاز و هنا كانت أول مشكلة أولا فضل يسأل على كراتين أو أي ستريتش عشان يلف بيه الجهاز عشان هياخده على موتوسكل!!! ثانيا، بعد ما مرت مدة الإصلاح فضلت احاول أتواصل معاهم عشان يجيبوا الجهاز و يقولوا مواعيد و يغيروها و قمة في الإهمال و عدم المراعاة لمواعيد الناس! ثالثا بقى لما جه الجهاز (بعد ٣ أسابيع صيانه!!) بلغني الفني إن الضمان ثلاثة أشهر و مفيش اي فاتوره او ورقه تثبت الكلام ده هو وصل كده من بتوع المكتبه!!!!! يعني حتى الكلام اللي بلغوني بيه اخلوا بي
H
Hagar Ramadan
مجموعات فيسبوك (تعليق)· منذ 13 يوم
★★★★★1.0
أنا عندي نفس المشكلة بالظبط وطالبة الاوردر يوم ٢٤/٨ مدفوع كريديت ولسه مجاش وعملت شكوى واتصلت بدل المرة اتنين ومفيش !!
M
Mohamed Lotfy
مجموعات فيسبوك· منذ 13 يوم
★★★★★1.0
⚠️ تحذير من التعامل مع شركة Tank Online ⚠️ محدش يطلب من شركة Tank Online طالما مفيش التزام بمواعيد التسليم، ولا يوجد قسم شكاوى واضح للتعامل مع العملاء. طلبت أودار من يوم 29/8، وحتى اليوم 3/9 لم يتم التسليم، رغم إن المدة الموضحة للتوصيل هي خلال 3 أيام. ولما طلبت التحدث مع مسؤول، كان الرد: المدير مش موجود! 🙃 والأغرب إن الشكوى اللي قدمتها قالوا لي عليها: “نعمل واحدة جديدة” 😂 والشكوى رقم 11817، وقالوا هنرد عليك يوم الأحد، لأن الجمعة والسبت إجازة! يعني الطلب متأخر، والشكوى محتاجة شكوى، والمسؤول مش موجود! Tank Water Tank Water جهاز حماية المستهلك المصري
A
Abdulrahman Mohamed Farag
مجموعات فيسبوك· منذ 16 يوم
★★★★★1.0
اشتريت فلتر تانك من الويب سايت بتاعهم جالي مفتوح قبل كدا والعلبة واخدة خابطة و الجلب الداخلية المفروض تكون في كيس لاقتها مفتوحة في قعر الكرتونة والله اعلم كامله ولا لاء وفيه قطعة مكسورة اتصلت بيهم الخميس اللي فات عملت شكوي لحد انهارده مخدش رد عليا ولا عبرنياتصرف ازاي؟ Tank Water جهاز حماية المستهلك المصري
I
Israa Yasser
مجموعات فيسبوك· منذ 18 يوم
★★★★★1.0
تجربة سيئة جدا مع شركة تانك و مش هتتكرر تانى اشترينا فلتر ٧ مراحل من فتح الله و معانا الفاتورة و كل حاجة تمام ، كلمنا الشركة بعتت حد ركبه و قال نسيبه كام ساعة بس الخزان يتملى أو حاجة زى كدا بعدها ع طول بنشغله نلاقى أن قوة دفع المياه ضعيفة جدا اول ثانيتين كويسة بعدها كدا ضعيفة كلمنا الشركة تانى بعتت فنى و هو اصلا بيشوفه المكان تحته كله مياه و مكناش واخدين بالنا ، قال إن هو فيه عيب صناعة و الجهاز بيسرب مياه و قال خيارين يصلحه أو يستبدله قولنا لا يستبدله طبعا قتلنا خلاص هرفع التقرير و كلموا خدمة العملاء و معانا صورة التقرير و كلمناهم عملنا شكوى و بقالنا فى القصة دى اكتر من اسبوع، مكالمات كتير لخدمة العملاء بلا هدف و الكلام واحد هنبعت لإدارة الجودة و حد هيتابع معاكم من رعاية العملاء معلش اصل إدارة الجودة اجازة مبررات كتير جدا و القصة بسيطة اصلا عيب صناعة و مطلوب تبديل الجهاز بس طبعا لا حد بيتابع و لا حاجة ، اخر مكالمة الموظفة ردت عليا قالتلى احنا عملنا escalation بالتبديل و حد هيتابع معايا على بكرة هل دا منطق ؟؟؟؟
B
Bedo Emam
مجموعات فيسبوك· منذ 20 يوم
★★★★★1.0
شركه تانك اسؤ خدمه ما بعد البيع تماما. مستوى الشركه في خدمه العملاء زي الزفت اشتريت فلتر تانك اعلى جهاز ٧ مراحل المفروض كان يوصل في ٣ ايام عمل وصل بعد ١٠ ايام بعد شكاوى بشكل يومي والمندوب اللي وصل الجهاز كان قاطع الكرتونه وفاتحها فتحه زي شباك صغير غالبا لاستبدال او اخذ فلتر من الفلاتر اللي جوا . ومخبيها عني وهو بيحط الكرتونه عندي . مجرد ما مشي لقيت القطع وكلمت الشركه اني عايز استبدل الفلتر. قالولي ابعت صوره للقطع وهنرد عليك . بقالهم ٧ ايام كل يوم اكلمهم مرتين ويقولوا النهارده ادارة الشكاوى هتكلمك ولا في اي إجراء ولارد ولا احترام للعميل تماما . انا كده بقالي ١٧ يوم علشان اركب فلتر ولسه . هو غالي بالمقارنة للانواع الثانيه بس انا قولت مش مشكله انا طالبه من شركه محترمه بس للاسف طلعت اسوء شركه ممكن تكون موجوده وبحذر من التعامل معاهم@ Tank Water @highlight
H
Hazem Youssef
مجموعات فيسبوك· منذ 20 يوم
★★★★★2.0
اشتري منتجاتهم من الشارع و بلاش من صاحب المنتج نفسه لأنهم أسوء خدمة ما بعد البيع. @tankwater يوم الأربعاء 19 أغسطس وصلني الفلتر بتاعهم ( فلتر برو 6 مراحل ) التسليم كان عن طريق شركة شحن فطبعا مافيش معاينة قبل الاستلام. لما رجعت من الشغل فتحت الكرتونة لقيت كله تمام ماعدا حنفية الفلتر مشوهة ( مستعملة _ محروقة _ مرتجع ) الله أعلم. تاني يوم اتصلت بالشركة و بلغتهم عملوا شكوى و بعتولي رقم واتس ابعت عليه صورة الحنفية. طبعا كل ما اتصل الرد بيكون لسه إدارة الجودة ماردتش علينا. امبارح الثلاثاء 25 أغسطس تفضلوا مشكورين و بلغوني ان بكره بإذن الله هيتم الاستبدال. النهاردة 26 أغسطس يعني بعد اسبوع كامل من استلام الفلتر الموظف اتصل بيا و بلغني ان العربية مش نازلة منطقتك النهاردة بكل بساطة. و الاستبدال هيكون يوم الأحد ( إن صدقوا طبعا ) علشان اجازة المولد و الجمعة. دي تجربتي السيئة مع شركة @تانك و علشان كده بنصح اللي عايز يشتري منتجاتهم يشتري من اي محل او مول لانه هيفتح الكرتونة ولو فيها عيوب صناعة ظاهرة فهيتم استبدالها لحظي او تغير رأيك و ماتشتريش
ا
ابوملك محمود
مجموعات فيسبوك (تعليق)· منذ 21 يوم
★★★★★3.0
صرحه ناس كويسه بس الشحن عندهم بيطول
P
PinkSpinach8227
مجموعات فيسبوك (تعليق)· منذ 21 يوم
★★★★★2.0
عندي بقاله عشر سنين والحنافيه بتتخلع علي طول من مكانها
M
Mariam Abdelaziz
مجموعات فيسبوك (تعليق)· منذ 21 يوم
★★★★★2.0
جم بوظولي المحبس و للاسف نزلت بوست هنا متقبلش اصلا معرفش ليه و ماجوش صلحوة غير بعد 3 ايام و قمة ف قلة الذوق
S
Sona Monem
مجموعات فيسبوك (تعليق)· منذ 21 يوم
★★★★★1.0
مش جديد عليهم عملوها معانا قبل كدا وحرمنا نجيب منهم اى حاجه تانية فعلا مهملين ومعندهمش خدمة ما بعد البيع
العودة إلى صفحة تانك واتر