يتفرجيتفرج

تقييمات طلبات

185 تقييم من المتسوقين (صفحة 9 من 10)

O
Ola Ahmed
مجموعات فيسبوك· منذ شهران
★★★★★2.0
Talabat خلو بالكو عشان أبلكشن طلبات الحرامية عاملين إعلان عن أبلكشن تود عشان اشتراك كأس العالم بمجرد مادوس علي الأعلان يسحب منك فلوس الأشتراك ١٣٠٠ جنيه من غير أي موافقة منك ولما اتصلت بيهم عشان الغي الأشتراك وانه مفيش اي confirmation مني علي الأشتراك أو سحب الفلوس قالولي الفلوس اتسحبت خلاص مش هينفع ترجع حرامية اوي Talabat
N
Nada Mostafa
مجموعات فيسبوك· منذ شهران
★★★★★1.0
مساء الخير حابة اكلم علي عملية نصب من طلبات انا حاطة الفيزا بتاعتي علي طلبات وكنت طلبت اوردر ودفعت ب postpaid لقيت اتخصم 1300 من لاشئ اشتراك طلبات برو وانا حرفيا مشتركتش ف اي حاجة ولا عملت ابروفال ولا اكدت علي اي اشتراكات هو من نفسه عمل كدا حتي قرر من نفسه اشتراك سنوي مش شهري كمان المهم حاولت الغيه وعملت شكوي وحاولت اتواصل مع حد قالولي هيتواصلو معاكي ف خلال 24 ساعة وحقك محفوظ ومتقلقيش والكلام العبيط ده كله المهم لقيتهم عاملين التيكت resolved وباعتين المسدج دي مش ميل حتي وكل م ابعت ان عاوزة حد يكلمني يبعتولي نفس المسدج وف الاخر واحدة تكلمني وبتقول ان هي مديرة هناك وتقلي مش هقدر اعملك حاجة من الاخير اخبطي رايك ف الحيطة ف ي جماعة متحطوش اي كروت علي اي ابلكيشن وبالذات طلبات لان دول ناس نصابة
N
Nehad Adel
مجموعات فيسبوك· منذ شهران
★★★★★2.0
أتقدم بهذه الشكوى بخصوص طلب قمت باستلامه من خلال طلبات، حيث كان من ضمن المنتجات المطلوبة كيس لحمة لم يتم تسليمه نهائيًا، رغم احتساب قيمته ضمن إجمالي الطلب المدفوع بالكامل. فور استلام الأوردر تواصلت مباشرة مع المندوب للاستفسار عن المنتج الناقص، وكانت صدمتي في طريقة الرد، حيث قال لي بالنص: 'لحمة إيه يا فندم؟ ده الأوردر بـ220 جنيه'. وعندما أوضحت له أن المنتج كان عليه عرض Flash Sale وسعره 97 جنيه، أخبرني أنه لم يستلم سوى المنتجات الموجودة معه من المارت، ثم أنهى المكالمة سريعًا وطلب مني التواصل مع الدعم لحل المشكلة. وبالفعل تم التواصل مع خدمة العملاء خلال دقائق من الاستلام، مع إرسال كافة الصور والتفاصيل المطلوبة، إلا أنني فوجئت برفض اتخاذ أي إجراء أو حتى رد قيمة المنتج، رغم تأكيد المندوب والمارت أن المنتج غير مُسلَّم من الأساس. ما حدث غير مقبول مهنيًا، لأن العميل لا يجب أن يتحمل تكلفة منتج لم يتسلمه فعليًا، خاصة مع الإبلاغ الفوري عن المشكلة ووجود ما يثبت صحة الشكوى منذ البداية. لذلك أرجو تصعيد الأمر إلى جهة مسؤولة داخل طلبات، ومراجعة الشكوى بصورة عادلة واحترافية، مع استرجاع قيمة المنتج النا
M
Mahmoud Elfar
مجموعات فيسبوك· منذ شهران
★★★★★1.0
امبارح بالليل الساعة ١٢ ونص فجأة وبدون أي مقدمات، لقيت رسالتين جايينلي من البنك بيقولولي إنه تم سحب مبالغ بالريال العماني والدينار الأردني من الكريديت كارد بتاعي لإشتراكات طلبات برو في البلاد دي على حسابي، المبالغ دي تقريباً حوالي ٥٠٠٠ جنيه... شركة طلبات ردوا عليا تاني يوم بمنتهى الكسل وبيقولولي معلش، احنا حظرنا الحساب خلاص متقلقش اعمل حساب جديد... قولتلهم أيوه ما واضح عندك إنه في حد سرق الحساب... أصروا على إنه الحساب مش راجع. اشتراك طلبات برو السنوي المدفوع اللي محدش فيهم رجعهولي لحد دلوقتي. يعني البنك تفهم فوراً ورجع الفلوس، وطلبات مش راضيين يرجعولي بياناتي.
N
Noura Emran
مجموعات فيسبوك· منذ شهران
★★★★★2.0
انا بشتري من طلبات تقريبا يوميا.. يوم ٢٥/٣ اشتريت لبن باودر ٧٠٠ جرام وجالي ٤٠٠ جرام غلط وبعتلهم ردوا ان ال ٧٠٠ غير متاح ف طلبت انى ارجع اللبن وقالولي هيرجعوا الفلوس علطول لحد انهارده مفيش حاجه جاتلي ومحدش بيرد على رسايل على الابلكيشن تعديل؛ تم التواصل من طلبات وحل المشكله ورد المبلغ
آ
آية أحمد
مجموعات فيسبوك· منذ 3 أشهر
★★★★★2.0
ليه طلبات بتخدع العميل بعروض وهمية يعني ال box ده عشان اوصله اضطريت أشوف المنيو كلها محطوط في الآخر و سعره مختلف !!!! طب ليه !! ده اسمه خداع وده شيء غير مقبول
E
Eman Elmanfy
مجموعات فيسبوك· منذ 3 أشهر
★★★★★2.0
تحذير وتجربة سيئة جداً مع طلبات مارت (talabat mart) ❌ حابة أحذر كل الناس من التعامل مع "طلبات مارت" والشراء منهم، وخصوصاً مستحضرات التجميل أو الحاجات اللي بتتحط على البشرة والعين. طلبت منهم قلم كحل، وللأسف جالي تاريخ الانتهاء شهر ٧ القادم هل يعقل يبعتلى منتج راكد واشك ع الانتهاء ف خلال شهر واحد فقط وطبعاً دي كارثة لسلامة العين وإهمال طبي جسيم من مخازنهم إنهم يعرضوا بضاعة ع صلاحية وشك الانتهاء للبيع الاكتر بقى هو "خدمة العملاء والدعم الفني" بتاعهم؛ اكتشفت الكارثة والمندوب لسه واقف، و دعم يبعت رسايل مكرره ومماطلة مستفزة، ومحاولات لتقفيل الشكوى و إنهم مش عارفين يوصلوا يعنى يعرفوا يوصلولى وهما بيسلموا الاوردارات ودلوقتى ياحرام مش عارفين يوصلولى في غياب تام لأي رقابة أو احترام للعميل.
J
Jojiita Ahmed
مجموعات فيسبوك· منذ 3 أشهر
★★★★★2.0
انا طلبت اوردر من طلبات Talabat من Cilantro طلبت 6 درينكات و 2 براونيز ودفعت بالفيزا على الابلكيشن وصلي فقط 5 درينجات والبراونيز فا عملت شكوى على ابلكيشن طلبات ساعتها ردوا قالولي ان هيتم عمل refund في خلال نص ساعه و متبعتليش حاجه كلمت خدمه العملاء بعد كدا قالولي مش هنقدر نعملك حاجه لأن المختصين قالوا كدا قالوا ان فلوس الاوردر مترجعليش اللي انا مستلمتوش اصلا كلمتهم تاني وطلبت تصعيد الشكوى لأنه لما كلمت شخص تاني قالي نفس الكلام بعدما تم تصعيد الشكوى بيتصل بيا بيقولي نفس الكلام بقوله انا عامله تصعيد عشان اكلم حد من المسؤلين مش عشان agent يكلمني زي اللي قبلهم قالي لا انا مش agent انا اعلى وبتاع فالاول وفالاخر قولتله انا عاوزة مسؤول مش agent يقولي نفس كلام المختصين اللي ولا رجعلي فلوسي ولا بدلولي الاوردر و بيقولي نعتذر وده مش هيتكرر تاني بقوله الاعتذار مش مقبول لاني لا اخدت فلوسي ولا حد حللي مشكلتي و المكالمه دي كأنها مجاتليش لان الموضوع متحلش لأن ده حقي بعيدا عن انه مبلغ صغير بس ده حقي وحتى الان مجاليش فلوس وكل اللي عملوه انهم اعتذروا ان ده ميتكررش تاني وطبعا الاعتذار مش هيرجعلي فلوسي
T
Tymaa Mohamed
مجموعات فيسبوك· منذ شهران
★★★★★2.0
للاسف طلبت اوردار من ابليكيشن طلبات من الساعه٤ ودفعت فيزا والاوردار موصلش بعتلهم بعد ساعه من التأخير اتصلوا بيا وقالوا دقائق والاوردار هايوصل قولتلهم في اطفال والأولاد جاعت لو هايتاخر الغي وانا هاتصرف قالي لا هايوصل وموصلش فضلت لأحد الساعه ٩ وبردو محدش جه بعتلهم تاني شكوى قالي بنعتذر قولت دا مش اسلوب ولازم يكون في حل لتبعتوا الاوردار أو استرداد المبلغ قالي لا هايوصل حالا دلوقتي الساعه ١ونص. ومحدش رد وله اهتم ابليكشن زفت واوعي حد يطلب فيزا #tatabat #مركز حمايه المستهلك
N
Neveen Mousa
مجموعات فيسبوك· منذ شهران
★★★★★2.0
Talabat بجد احنا لغايه امتي هنفضل مهددين في الشارع من موتسيكلات طلبات اللي بيمشوا بطريقه عشوائيه ومعاكس انا امبارح في مدينتي نازله من علي رصيف في الشارع اتفاجئت بموتسيكل طلبات داخل فيه وكان ماشي عكسي خبطني في رجلي كدمات قويه والموبايل اترمي من ايدي من شده الخبطه وكمان حاول يهرب بعد ما خبطني لولا ان في ناس وقفته لازم مقاطعه لشركه طلبات لان مع كل اوردر بيتعمل حقيقي في خطر علي ارواحنا بجد قبل كده كانت عربياتنا ودلوقتي كمان احنا نفسنا بحد ثقافه تكاتك داخل كمبوند
S
Sheren Faris
مجموعات فيسبوك· منذ 3 أشهر
★★★★★2.0
انا بجد قرفت من طلبات ومن كتر الشكاوي عليه ومبقتش فاهمة هو ليه كمية البجاحة والاستحقاقية في التعامل رغم ان كذا مرة يحصل كذا حاجة ويحلوا للامانة لكن المرة دي انا مش فاهمة هما ازاي معدومين الادارة كدة طلبت اوردر من مطعم يوم 16/4 والاوردر جه بايظ ومقرف وكلمتهم وقالولي خلاص هنرجعلك الفلوس خلال ٧ ايام عمل على البنك وبعتوا حد من المطعم اخد الاوردر مني طبعًا ولا اي حاجة ومرة لا ارجعي للبنك .. مرة لا خلال ١٨ يوم .. واخر مرة وحدة قمة الاستفزاز كان ردها عليا ان يوم التلات قولتلها ده يوم وقفة واكيد وقتها هتقولوا لي اجازة وانا مش ذنبي استنى تاني قالتلي ده اللي عندنا مفيش بعدها ع طول اتسحب من فيزا بابا اللي مستجلة عندي اشتراك طلبات برو طب ياجماعة انا معملتهوش وحتى متعملش عندي مثلًا رغم ان الفلوس اتسحبت لا اصل هي البطاقه محطوطة على اكونت قديم عندك !!!! طب انا محتاجة الغي بردو مفيش ردود طبعًا انا عاملة كذا شكوى لاجل الاستفزاز مش الفلوس بس مش عارفة اجيبها سكرين لانهم لغوا اصلًا اني اشتكي او اني ادوس على ( احصل على مساعدة ) غالبًا صدعتهم اني بطالب بحقي ومعندهمش رقم خدمة عملاء الواحد يتواصل من عليه داير
A
Aya El Boushy
مجموعات فيسبوك· منذ 3 أشهر
★★★★★2.0
طلبات بعتو لي اعتذار و ردو لي فرق السعر امبارح اشتريت من طلبات Talabat اقراص غسالة الاطباق ٧٥ قرص ب 678.5 جنيه و كنت دافعه بالفيزا و بعد ما فتحت الاوردو لقيتهم (كيسين بس ٢٥ في كل كيس يعني ٥٠ قرص سعرهم حوالي 470 او 480 جنيه) و مكان الدبابيس موجود بس الدبابيس متشاله وفي دبوس جديد لوحده. المهم طلبات ملهمش رقم خدمة عملاء لكن دخلت ع الابلكشن و عملت complain و بعد شويه حد كلمني قالي بعتذر لحضرتك عن الخطأ دا و ٥ دقايق وهطلب حضرتك و أحل لك المشكله دي. و لحد دلوقتي ماتصلش بس كتب لي علي الابلكشن ان المشكله اتحلت مع العميل وان في خلال ٣٠ دقيقه ان لو ليا مبلغ هيتضاف علي الابلكشن. و لحد دلوقتي محدش رد عليا و لا فلوسي رجعت و بجد تجربه سيئه جدا Talabat.
D
Dina Ehab
مجموعات فيسبوك· منذ 3 أشهر
★★★★★2.0
انا طالبة اوردر من طلبات ستور سعودي في المنصورة بمبلغ كبير وحد من الستور كلمني بلغني ان في حاجات مش موجودة من الاوردر ومفروض يجيلي refund علي talabat pay مجاش حاجة فقدمت request ان عندي مشكلة وحد من الsupport كلمني فعلاً وضحلي ان عشان المبلغ اكتر من 4000 بيرجع علي الvisa خلال 5-7 ايام عمل، وبعدها بكام يوم طلبت اوردر تاني من كارفور في القاهرة وحصل نفس المشكلة بالظبط لما كلموني بلغت بالمشكلتين ورجعلي المبلغ بتاع المرة التانية ولحد دلوقتي المبلغ بتاع اول مرة مرجعش داخلين في شهر متابعة ابلكيشن البنك علطول وكل يومين اكلم البنك اتأكد ان الفلوس رجعت مفيش حاجة وقدمت اكتر من request مش عارفة اوصل لحاجة.
A
Abdemanaf Shabbir
مجموعات فيسبوك· منذ 3 أشهر
★★★★★2.0
النهارده كنت بفتح Talabat أطلب غدا، ولقيت عرض من Willy’s عبارة عن: 3 برجر، كل واحد 140 جرام + مشروب أو بطاطس. العرض كان مكتوب عليه إنه Special Offer، والسعر بدل 762 جنيه بقى 449 جنيه، وده طبعًا من غير مصاريف توصيل. قبل ما أكمّل الطلب، قلت أتصل بالمطعم أتأكد، خصوصًا إن وقت التوصيل على Talabat كان ظاهر حوالي 60 دقيقة. اتفاجئت إن نفس العرض بالضبط موجود عند المطعم مباشرة بسعر: 335 جنيه شامل الضريبة وكل الرسوم. يعني ببساطة، Talabat مزوّد على نفس العرض 114 جنيه. ده معناه تقريبًا 34% زيادة فوق سعر المطعم الأصلي. والأغرب من كده إن Talabat كمان بيضيف 8 جنيه Service Fee، رغم إني مشترك في Talabat Pro، وده اشتراك مدفوع أصلًا، والمفروض من خلاله التوصيل يبقى مجاني. وفي الآخر، رغم 'التوصيل المجاني' واشتراك Pro، التكلفة الإجمالية على Talabat طالعة أعلى من المطعم بحوالي 72 جنيه. ده مش موقف فردي. أنا شخصيًا قابلت نفس الفكرة أكتر من مرة مع Talabat، وبدأ الموضوع يبقى واضح جدًا إن الأسعار على التطبيق في حالات كتير أعلى بفرق كبير عن السعر المباشر من المطعم. Talabat محتاج يراجع سياسة التسعير والرسوم بوضوح وش
S
Samar Radwan
مجموعات فيسبوك· منذ 3 أشهر
★★★★★2.0
طلبات TALABAT application قذر و زباله و كل الشغالين بيه ناس مش محترمه ولا ليهم كلمه من اصغر واحد لأكبر واحد الواحد متربي و صبور لأقصي درجه و أنا المفروض مكنتش من يومها استني عليهم ساعتين مش ٣ ايام حاجه قمه بقله الادب و الذوق و عدم الاحترام … جاتلي بالمنظر ده و من يومها لحد انهارده مماطله و ٩٠ الف واحد اعمل معاه chat و يكلمني و ناس محترمه و ناس قليله الادب و تضحك و كل ده علشان قولت فلوسي زي ما ادفعت كاش تجيلي كاش مش علي talabt pay بس علشان هما كده من الاول أنا مكنش المفروض اصبر عليهم حتي لما استاذه هايدي اتكلمت معايا يوم الاحد و هي المديره المفروض مكنتش المفروض ابقي محترمه و اسمعها و استني كل شويه ٢٤ ساعه ٢٤ ساعه من يومها و ٦٢٨٢٩٢٩ الف شكوي اترفعت و حاجه سافله علشان كل ده مش عارفين يطلعوا سواق يجيبلي ٤٠٠ جنيه كاش غلطانين من فوق لتحت و كمان بجحه و كمان سايبين العميل هو الي يجري ورا فلوسه معرفش اكيد بيتسجل كام مره اتكلمت و كام مره جالس تليفون و كام مره عملت chat معرفش بقي بيتسجل عندهم ولا هما شغالين باي سيستم بالطابونه دي الي قاعدين بيها application وحياه ربنا اقل ما يقال عليه انه من تحت
N
Nourhanne Abusamra
مجموعات فيسبوك· منذ 3 أشهر
★★★★★2.0
Talabat Nestlé Bonjorno Café الكيس مطحون جواه جير و طلبات طبعا رفضو يرجعو المنتج لانه عدا يومين محتاجة حد يقولي اقدم شكوي ازاي في حماية المستهلك
M
Mohammad Yasser
مجموعات فيسبوك· منذ 3 أشهر
★★★★★2.0
Talabat موظف فاشل وقليل الذوق في طلبات مصر بيتصل بيا بعد ساعة من الأوردر يقول لي هانلغي الأوردر عشان هو اتصل بالمطعم مرتين ماردوش عليه عشان يحل مشكلة بين المطعم وطيار طلبات ال صندوقه مليان ومافيهوش مكان للأوردر بتاعي. الموظف لغى الأوردر بعد ما كان جاهز وجالي سبب الإلغاء على التطبيق ان المطعم ماكانش مجهز الأوردر! مافيش مكان على التطبيق أقدم الشكوى لأن الشكوى الوحيدة المتاحة في التطبيق هي بخصوص استرجاع المبلغ، ولا متاح إني اتصل بيهم فما سابوليش مخرج غير السوشيال ميديا. فشل ذريع من طلبات مصر! ماستفادتش حاجة لما رجعولي الفلوس والأكل ماجاش بعد ساعة انتظار والطلب جاهز في المطعم. فشل ذريع في تقديم الخدمة، شغلتهم التوصيل، المطعم عمل ال عليه وجهز الأوردر. والموظف ال اتصل بيا يبلغني انه هايلغي الأوردر لا يصلح انه يتواصل مع العملا. لما بيرجعولي الفلوس دا مش تعويض ولا حل للمشكلة، المشكلة مش في الفلوس المشكلة في فشل تقديم الخدمة.
M
Mohamed Walaa Abdelaziz
مجموعات فيسبوك· منذ 3 أشهر
★★★★★2.0
عشان نشوف اخرتها مع Talabt و قرفهم دلوقتي انا بستخدم طلبات كل يوم بدون مبالغة و عندي واحد صاحبي طلب اوردر من تليفونه و هو مش مصري و متابعين الاوردر كل شوية لغاية ما المندوب وصل. و الكلام ده بعد ساعة و ربع انتظار. مره واحدة الاوردر اتلغي من الباشا المندوب ليه عشان التليفون مش عارف يكلمه لان صذيقي حاطط نمرته الاجنبية بالغلط. طيب نبص علي العنوان و نسأل طيب نستني اكلمك لا لا انا هكنسل اوردرك و اكدر الي جابوك. نيجي بقي للعبقري في خدمة العملاء و بيوريكوا أد ايه انت كا شخص ولا فارق حتي لو زبون دايم ولا زفت. الباشا بيقوله الراجل بره هات نمرته و خليه يكلم النمرة ديه و يديني الاكل . يقولي الاوردر اتكنسل و عملتلك رد للفلوس علي محفظة طلبات اعمل اوردر تاني و هيجيلك في اسرع وقت! لا يا شيخ يعني عايزني استني ساعة تانية و مش عايز تحل و الله حلفت ما هعدي الموضوع ده لان ديه مش اول مرة ولا اخر مره خدمة عملاء طلبات زفت تعمل كده. و علي فكرة عشان محدش يقولي اتقي الله و اعمل اوردر تاني المطعم قلب مشغول فا حتي الاوردر مش عارف اعمله تاني! Talabat
A
Amr H. Elkosairy
مجموعات فيسبوك· منذ 3 أشهر
★★★★★2.0
من ٣ أيام طلبت أوردر أكل (بيتزا) من طلبات، الاوردر اقبل و اداني من ٢٥ إلي ٤٥ دقيقة لحد ما يوصلني. بعد أكتر من ساعة اتواصلت مع ال chat بتاع طلبات أسأل فين الاورد خصوصا أنه كان كان جاهز في الفرع و منتظر دليفري... قالي هاستعجلة لحضرتك... قفلنا الشأن و استنيت حوالي نص ساعة كمان و بعدين لقيت جالي أشعار بيقول order cancelled! اتلغي! بعد كل الانتظار ده... كلمتهم على ال chat تاني اسألهم ليه قالولي أكثر سبب سمج و بايخ سمعته في حياتي، " أصل مافيش دليفري رضي يقبل الاورد فا محبناش ناخرك أكتر من كدة!!! طلبت اتحول لمكالمة (بدل شد chat) مع supervisor و ده طبيعي و في أي خدمة عملاء تحترم نفسها، علشان أفهم ليه ماحدش كلمني قالي "الاوردر جاهز بس مافيش دليفري يجيبه٫ تحب حضرتك نلغية؟ " بما أن الاورد جاهز في الفرع كان ممكن انا أنزل اجيبة عادي، بس هما قرروا بالنيابة عني ان ابني ماياكلش في اليوم ده! طلبت كذا مرة escalation و حد يكلمني ماحدش عبرني، عملت شكوى و طلبت حد يتكلم تخيلوا عملوا ايه؟ بقوا يتصلوا و أول ما ورد يقفلوا السكة في وشي! علشان بس يتسجل أنهم اتصلوا؟!! دي اسواء خدمة عملاء شقتها في حياتي.
B
Bassem Saad
مجموعات فيسبوك· منذ 3 أشهر
★★★★★2.0
لما تبقا عايش في بيت وتلاقي نفسك فجأة عايش في موقف بفضل شركة طلبات... المشكلة الاساسية انهم بيشغلو المكنة جوا مدخل البيت... كلاكسات مواتر انذارات بوابة تفتح وتقفل في مقر الشركة الجديدة الي ظهرت في بيت سكني في الحي السكني بفضل شركة طلبات Talabat
العودة إلى صفحة طلبات