طلبت فطير مشلتت حجم وسط من مطعم توريقة. اللي وصلني كان عجينة شكلها يسد النفس وحجمها ما يكملش 10 سم، لا شكله ولا حجمه له علاقة بالفطير المشلتت. قدمت شكوى لطلبات ووضحت إن جودة الأكل سيئة والحجم والشكل مختلفين عن الصورة. رد خدمة العملاء كان بمنتهى البرود. قالوا إنهم تواصلوا مع المطعم وإن المطعم أكد إن ده الحجم الطبيعي عنده، وبالتالي طلبات مش هتقدر تساعدني. قلت إن من حقي أقول إن المنتج سيئ حتى لو المطعم شايف إن ده الطبيعي. سألته لو الأكل وصلني بارد ومش صالح للأكل، هل هتسألوا المطعم؟ ولو قال إنه خرج سخن، يبقى كلام العميل مالوش أهمية؟ الرد كان إن مفيش حاجة يقدروا يعملوها. بعدها قفل المحادثة وقفل الشكوى وسجل إن المشكلة تم حلها، المشكلة ما اتحلتش. طلبات بقى يعتمد على رد المطعم في الشكوى، والعميل اللي دفع واستلم المنتج صوته ممكن مايتاخدش بيه. مش بطلب أكتر من حقي في منتج مطابق للصورة والوصف، وخدمة عملاء تحقق في الشكوى بدل ما تكتفي بسؤال المطعم ثم تقفل الـ case.

حصلت معايا وكان حوار سخيف دخلت لخدمه العملا لغوه بس استفدت ايه

طلبات بيقدموا خدمة جديدة إنك تطلب والاوردر ميوصلش بس ممنوع تلغيه. انا طالبة بقالي ساعة ومفيش مندوب اتعين وكل شوية بيزودوا معاد التوصيل بس ممنوع الغي الطلب. هم حابين افضل جعانة مستنية لغاية ما يلغوا هم بمزاجهم لما تكون كل المحلات قفلت. محتاجة افهم الخدمة دي اسمها ايه. انا مريضة روماتويد ومش بنزل من البيت.