يتفرجيتفرج

تقييمات طلبات

185 تقييم من المتسوقين (صفحة 5 من 10)

E
ElegantKangaroo3378
مجموعات فيسبوك (تعليق)· منذ شهر واحد تقريباً
★★★★★4.0
بصراحه هما مش كده خالص ده حته برطمان العسل بيحطو ف كيس لوحده وبيرتبه الحاجه
E
Enjy Alaa
مجموعات فيسبوك (تعليق)· منذ شهر واحد تقريباً
★★★★★2.0
بحس طلبات مبيبعتوش الاوردر صح و متغلف مظبوط غير لو الحساب كاش
S
Shimaa Abd Elmonem
مجموعات فيسبوك· منذ شهر واحد تقريباً
★★★★★3.0
من المواقف اللي مش ظريفه ان طلبت اورد من العبد عن طريق طلبات وللأسف السائق غير امين جالي بالشكل ده ومن المواقف الايجابيه سرعه استجابه ابلكشين طلبات واعتذروا وردوا المبلغ ع طول والغوا الطلب بس لسه ف ناس معندهاش ضمير ف شغلها من المواقف اللي اضايقت منها من أخلاق البشر حبيت فقط أشارك معاكم الموقف
H
Halah Alkhaledi
مجموعات فيسبوك· منذ شهر واحد تقريباً
★★★★★2.0
انا ماعرف استخدم تطبيق طلبات ، ف اللي حصل اننا كنت طالبة 2 زبادي ريفي و 2 حليب طازج ريفي و 2/ زبادي ميلك مان وطلبات غيرها. يلي حصل وصل طلبي شفت الزبادي ريفي مش موجود دخلت ع الدعم و بالغلط ضغطت ان الحليب الريفي يلي ماوصلني وقالوا تم استرداد المبلغ 108 جنية. الزبادي مايعديش ال 40 وانتبهت بعد الاسترداد. ف سؤالي هو ازاي اقدر اصحح الخطا وهل انخصم من المندوب؟ ياليت لو حد عندة فكرة يعرفني لاني حاولت اتواصل مع الدعم والرد آلي وتلقائي ماقدرت اتفاهم معه.
F
Faten Ahmed
مجموعات فيسبوك· منذ شهر واحد تقريباً
★★★★★1.0
طلبت من طلبات والمندوب دلق المشاريب ووقف تحت العماره يكملهم ببعض ولما بعتلهم معملش أي حاجه وده كان ردهم شركة نصابه.
A
AuthenticPomelo2265
مجموعات فيسبوك (تعليق)· منذ شهر واحد تقريباً
★★★★★1.0
هما مش مدركين ان تشغيل الدماغ عليهم اسهل ما يكون. اطلبي اوردر تاني و خليه فالنص و لما يوصل قولي مجاش. هتاخدي تمنو و هتاخدي المنتج بدل القديم اللي دفعتيه. بس للاسف دا حرام! ولكن هما بيضطرو الواحد للاساليب دي. و الناس اللي هتقول المندوب هيشيل و مش عارف مين هيشيل. صدقني كلهم واحد بالنسبالنا وهما طلبات. مش دور العميل يدور علي مين غلطان و يشخصنها مع كل واحد و يشيل هو مشاكلهم
O
Omnia Ahmed
مجموعات فيسبوك· منذ شهر واحد تقريباً
★★★★★1.0
يوم الاثنين الماضي طلبت أوردر من طلبات، وكان فيه منتج من Vichy ومنتج من La Roche-Posay. لما استلمت الطلب اكتشفت إن منتج Vichy تاريخ انتهاءه قريب جدًا، فتواصلت مع خدمة العملاء، واتفقوا إنهم يرجعوه. وبالفعل في اليوم التالي المندوب استلمه، لكن لما رجعوا المبلغ اكتشفت إنه ناقص بقيمة منتج La Roche-Posay. تواصلت معاهم مرة تانية، وبعد المراجعة اعترفوا إنهم غلطوا ورجعوا لي باقي المبلغ. لكن من باب الأمانة كلمتهم بنفسي وبلغتهم إنهم كده رجعوا لي فلوس زيادة، وإن فيه مبلغ خاص بمنتج La Roche-Posay عندي ومستعدة يرجعوه بأي طريقة. المفاجأة إنهم بدل ما يصححوا الخطأ، خصموا مني قيمة منتج Vichy بالكامل، رغم إنه راجع لهم أصلًا، وده حقي. ولما كلمتهم رفضوا يرجعوا المبلغ، ورفضوا أي حل، وكان أسلوب التعامل غير محترم، وفي الآخر قالوا لي: “ملكِيش حاجة عندنا.” أنا مستغربة جدًا إن الأمانة تكون نتيجتها إن حقي يضيع. لو كنت سكت وما بلغتّهمش بالغلط، كان الموضوع خلص. لكن لأني كنت أمينة واتصلت بنفسي، في النهاية أنا اللي خسرت. مشكلتي مش في قيمة المبلغ، لكن في طريقة التعامل وعدم احترام حق العميل.
E
EmpatheticGiraffe8042
مجموعات فيسبوك (تعليق)· منذ شهر واحد تقريباً
★★★★★3.0
هي الناس الي عماله تقول عادي دول من كوكب ايه 🤔🤔 يعني انتوا لما بتروحو سوبر ماركت و تشتروا اكل و كلور بتحطوه مع بعض ؟؟!!! أصلا الكلوركس ده اوقات بيكون مش محكم الغلق و بينقط
J
Jassica Ashraf
مجموعات فيسبوك· منذ شهر واحد تقريباً
★★★★★1.0
مساء الخير ياجماعه انا طلبت اوردر من ابلكيشن طلبات والاوردر جالي بالشكل ده الاكل جاي مع مسحوق الغسيل ومعاه الديودرنت وكنت محاسبه فيزا وطلبت اعمل استرجاع عشان من حقي اكل حاجه نضيفه مش عاوزين ولا يبدلولي الاوردر ولا يرجعولي فلوسي ويخدو الاوردر بجد طلبات بقا بشع بشع وحاجه تقرف
U
Unefraise521
مجموعات فيسبوك (تعليق)· منذ شهر واحد تقريباً
★★★★★2.0
ده اللي حصل معايا بالظبط و دايما يجيلي الاودر ماقص برجعه و طبعا لما ماعملتش شكرى في ساعتها مش هتقدر تقدمها بعديم.
N
Noor Esmat
مجموعات فيسبوك· منذ شهر واحد تقريباً
★★★★★1.0
السلام عليكم تعديل نقرأ بس البوست كويس ونفهم المشكلة ايه بالظبط قبل الرد عشان الناس اللي فاهمة انها مشكلة ايس كريم ساح🙏 -ابني عمل اوردر من تطبيق طلبات استلمنا الاوردر من الدليڤري وكان ناقص مشروب الدليڤري استأذن من ابني قاله المشروب ناقص نسيوا يحطوه هـ يبعتوه مع دليڤري تاني على طول ابني قاله : هيجي الليلة يعني؟ قاله : حالا قلنا ماشي بفتح الاوردر وكان في ايس كريم حاطينه في كيس مع كانزات وزجاجات عصير فكان ايس كريم اتفعص تماما وسايح فقلت لابني فعمل شكوى في ساعتها فلنعمل ريفند على طول الايس كريم على اساس المشروب هيجي خلاص في الطريق ملوش علاقة لحد تاني يوم المشروب مجاش واتكنسل المشروب وهو مدفوع تمنه فيزا كارد لا جه المشروب ولا خلاص ينفع نعمل ريفند ونتواصل معاهم يحلوا المشكلة لان مش ذنبنا من الاول انهم نسبوا يبعتوا المشروب وان الايس كريم نستلمه damaged مع صعوبة التواصل مع الدعم وبعد ما قالوا هو السيستم كدا عشان عملنا ريفند في نفس الطلب لـ ايس كريم عملنا شكوى واترفعت وقالت اوكي في خلال نص ساعة نعمل ارجاع المبلغ مع ذلك اترفض الرفند ورفضوا ارجاع المال ولم نست
M
Mahmoud El Korashy
مجموعات فيسبوك· منذ شهر واحد تقريباً
★★★★★1.0
عندى مشكلة مع شركة طلبات ، انا عندى ابليكشن ومشترك فى طلبات برو ودافع الاشتراك لمدة سنة ، فجأة لقيت نفسى برا الابليكشن ومش عارف ادخل على الاكونت بتاعى كلمتهم عن طريق الرسايل مائة مرة ، وكل مرة كل واحد يرد عليا من غير أى حلول ، هم بالقانون ناصبين عليا لانهم اخدين اشتراك سنة وانا حاليا الحساب بتاعى مش عارف ادخل عليه ده بالاضافة لعدم كفاءتهم الكبيرة هما فعلا مش عارفين يحلولى المشكلة بقالهم اكثر من اسبوعين وعمالين يسلمونى لبعض ما بين اتصال تليفونى وشكوى على الشات . أنا بحذركم جميعا من شركة طلبات لان كدا هم بياخدوا فلوس الناس ومبيدوش الخدمة اللى متفقين عليها
A
Asmaa Fathy
مجموعات فيسبوك· منذ شهر واحد تقريباً
★★★★★1.0
طبت اوردر من طلبات كان فية زبادى جايلى بالشكل دة سوء تخزين واضح فية علبة مفرقعة وبقية العلب حواليها عفونة فى الكرتونة من تحت اتواصلت معاهم انى عاوزة ابدلة مش عاوزة ارجعة حتى بعتولى ١٣ جنية تعويض عن الزبادى اللى هيترمى اللى تمنة ١٠٥ جنية بقالى ٤ ايام ما بين بتحط على autobot وبيتعملى بلوك والنهاردة طلبت يكلمونى بيقولى يا فندم المشكلة فى علبة واحدة بس فقولتلة الباقى حوالية عفونة ممكن يبقى وصل لجوة ومش باين قالى وممكن يبقى موصلش ؟!!!! اة يعنى ناكلة انا وولادى لو عدينا تمام لو اتسممنا يبقى وصل لجوة sorrrry. المهم الحمد لله فى الاخر قالى خلاص احنا هنبدلة لحضرتك رجع تانى دلوقتى طلع مفيش ديليفرى فاضى و thanx god رجعولى ال ١٣ جنية. انا خلاص مبقاش فارق معايا الاوردر فى حاجة بس دة بوست للعلم لو طلبتوا اوردر من طلبات فية سوء تخزين الحل هيبقى انكوا تجربوا بنفسكوا وتشوفوا هتتسمموا ولا لا.
D
DeterminedTangerine3651
مجموعات فيسبوك (تعليق)· منذ شهر واحد تقريباً
★★★★★3.0
بس نفس الموقف ده حصل مع جوزى من يومين بالظبط مع طلبات وكان طالب طاجن مكرونة من محل كشرى والاوردر وصله مدلوق و لما كلم المندوب قاله انه مالهوش سلطة يعمل حاجة فا عمل شكوى والفلوس رجعتله تانى
O
OptimisticChestnut8144
مجموعات فيسبوك (تعليق)· منذ شهر واحد تقريباً
★★★★★5.0
انا بجيبه من طلبات وزي الفل
E
ExhilaratingGrapefruit3041
مجموعات فيسبوك (تعليق)· منذ شهر واحد تقريباً
★★★★★5.0
ممكن يبقى سوء تخزين لأني لسه جايبه من طلبات و حلو جدا
A
Abdelhalim Mohamed
مجموعات فيسبوك· منذ شهرين تقريبا
★★★★★1.0
إحنا بقالنا فترة بنطلب نفس وجبة الفتة من مطعم الأغا، وكل مرة كانت بتتحاسب بنفس السعر. لكن في آخر طلب اكتشفنا إن التطبيق بيعرض سعرين مختلفين لنفس الوجبة على نفس الشاشة. كان السعر الظاهر بجانب الوجبة 176.40 جنيه، لكن عند زرار تأكيد الطلب بقى 311.40 جنيه، وده هو السعر اللي اتحاسبنا بيه فعلًا، بفارق 135 جنيه للوجبة الواحدة. والمفاجأة إن نفس المشكلة كانت موجودة كمان في الفتة الصغيرة، يعني الموضوع مش حالة فردية. وبكده إجمالي فرق السعر في الطلب كله وصل إلى 405 جنيه. تواصلت مع خدمة العملاء على تويتر، وبعت كل التفاصيل وسكرين شوتس تثبت المشكلة، وبعدها بعت إيميل رسمي. ورغم إن المشكلة موثقة وواضحة، بقالي 3 شهور وكل ردهم: القسم المختص بيعمل على حل المشكلة. 3 شهور بدون تفسير لسبب ظهور سعرين مختلفين لنفس الأيتم، وبدون رد فرق السعر، وبدون أي حل للمشكلة. لو التطبيق بيعرض سعر، المفروض ده يكون هو السعر اللي العميل يتحاسب بيه. وأي اختلاف بالشكل ده لازم يتراجع ويتحل فورًا، مش يفضل مفتوح بالشهور.
E
Esra'a Samir Khairat
مجموعات فيسبوك (تعليق)· منذ شهرين تقريبا
★★★★★1.0
الادمن مش عاوز يقبل البوست بتاعي يا جماعه انا اتسرقت أنا اتسرق مني ١٢٨٠ جنيه من الكريدت كارد على تطبيق طلبات، تحت مسمى اشتراك، من غير ما أعمل أي عملية، ومن غير ما أوافق، ومن غير OTP، ومن غير أي رسالة تأكيد، ومن غير أي حماية حقيقية. فلوسي اتسرقت من كارت بنكي محفوظ عندهم، وأنا لا اشتركت ولا وافقت ولا ضغطت على أي حاجة ولما كلمت البنك قالي دي حركه تمت على apple pay وانا اصلا مش مسجله الكارت عليه حراميه سرقوني بعد ما اخدوا بياناتي كلها . بقالي أكتر من أسبوع بكلمهم وبجري ورا حقي، وكل مرة تهرب ومماطلة ولا في أي حل. والأسوأ إنهم بيتصلوا بيا في أوقات متأخرة جدًا من الليل، عشان يسجلوا عندهم إنهم حاولوا يتواصلوا معايا وأنا مردتش. يعني بدل ما يرجعوا الحق لصاحبه، بيحاولوا يقفلوا الشكوى بأي طريقة. ولما قدرت أوصل لحد من الكول سنتر والمسؤول في القسم المختص، الرد كان بمنتهى البرود والاستفزاز: “إحنا منقدرش نعملك أي حاجة، وفلوسك مش هترجع.” يعني إيه فلوسي مش هترجع؟ يعني إيه شركة تاخد من كارت العميل ١٢٨٠ جنيه من غير موافقته؟ يعني إيه مفيش OTP؟ يعني إيه مفيش حماية؟ يعني إيه العميل يتسرق وبعد كده يتقاله
M
Mohamed Mortada
مجموعات فيسبوك· منذ شهرين تقريبا
★★★★★2.0
أنا من الناس اللي كانت دايمًا بتستخدم تطبيق طلبات مش علشان يوفر عليا مكالمة للمطعم لكن علشان كنت فاكر إن فيه منظومة كاملة بتحميني. كنت متخيل إن مندوب التوصيل تابع لشركة كبيرة بياناته معروفة هويته متحقق منها وفيه جهة مسؤولة عنه لو حصل أي مشكلة. لكن فوجئت إن بعض الطلبات دلوقتي بيتم توصيلها عن طريق أشخاص لا يتبعون طلبات وفي بعض الحالات لا يتبعون حتى المطعم نفسه. اتصلت بأحد المطاعم أسأل عن المندوب فكانت المفاجأة… قالوا لي: “هو مش بتاعنا فيه جهة تانية هي اللي بتبعت المندوبين يعني شخص بيتعاقد مع المحل على توريد مندوبين توصيل.” ساعتها سألت نفسي… أنا كعميل أضمن منين إن الشخص اللي هيقف على باب بيتي تم التحقق من هويته أصلًا؟ مين يضمن إنه مش بيستخدم هوية غيره؟ مين يضمن إنه مش مطلوب في قضايا أو له سوابق جنائية؟ مين يضمن إنه مش بيتعاطى مخدرات أو أي مواد تخليه غير مدرك لتصرفاته؟ ولو هو اللي بيتعامل مع الأكل… مين يضمن إنه لائق صحيًا أو إنه مستوفٍ لأي اشتراطات صحية؟ ولو حصلت سرقة، أو تحرش أثناء التسليم أو تم العبث بالطلب أو اختفى بمحتوياته… المسؤول هيكون مين؟ طلبات؟ ولا المطعم؟ ولا شركة التوصيل؟ ولا ا
M
Mahmoud Raafat
مجموعات فيسبوك· منذ شهرين تقريبا
★★★★★1.0
محدش يتعامل مع شركة طلبات هي تقريبا مش شركة اصلا لان مفيش ليها خدمة عملاء ولا حد بيعبرك لو عندك مشكله. كنت طلبت أوردر وجالي خصم ٢٠% لو هدفع بماستر كارد ودفعت وكان نزلي الخصم عادي بعد لما الاوردر اتعمل الخصم اتلغى وتواصلت معاهم الموظف رد عليا قالي ان الخصم اتشال علشان كان في فاوتشر تاني مضاف وانا اصلا مضفتش غير فاوتشر MASTERCARD وبعده قداملي شكوى وقالي حد هيكلمك خلال ساعة وطبعا محدش تواصل معايا كالعادة ودي مش اول مشكلة معاهم. فصيحة محدش يتعامل معاهم.
العودة إلى صفحة طلبات