يتفرجيتفرج

تقييمات طلبات

290 تقييم من المتسوقين (صفحة 11 من 15)

أضف تقييمك

A
Abdelhalim Mohamed
مجموعات فيسبوك· منذ 3 أشهر
★★★★★1.0
إحنا بقالنا فترة بنطلب نفس وجبة الفتة من مطعم الأغا، وكل مرة كانت بتتحاسب بنفس السعر. لكن في آخر طلب اكتشفنا إن التطبيق بيعرض سعرين مختلفين لنفس الوجبة على نفس الشاشة. كان السعر الظاهر بجانب الوجبة 176.40 جنيه، لكن عند زرار تأكيد الطلب بقى 311.40 جنيه، وده هو السعر اللي اتحاسبنا بيه فعلًا، بفارق 135 جنيه للوجبة الواحدة. والمفاجأة إن نفس المشكلة كانت موجودة كمان في الفتة الصغيرة، يعني الموضوع مش حالة فردية. وبكده إجمالي فرق السعر في الطلب كله وصل إلى 405 جنيه. تواصلت مع خدمة العملاء على تويتر، وبعت كل التفاصيل وسكرين شوتس تثبت المشكلة، وبعدها بعت إيميل رسمي. ورغم إن المشكلة موثقة وواضحة، بقالي 3 شهور وكل ردهم: القسم المختص بيعمل على حل المشكلة. 3 شهور بدون تفسير لسبب ظهور سعرين مختلفين لنفس الأيتم، وبدون رد فرق السعر، وبدون أي حل للمشكلة. لو التطبيق بيعرض سعر، المفروض ده يكون هو السعر اللي العميل يتحاسب بيه. وأي اختلاف بالشكل ده لازم يتراجع ويتحل فورًا، مش يفضل مفتوح بالشهور.
عرض المصدر
E
Esra'a Samir Khairat
مجموعات فيسبوك (تعليق)· منذ 3 أشهر
★★★★★1.0
الادمن مش عاوز يقبل البوست بتاعي يا جماعه انا اتسرقت أنا اتسرق مني ١٢٨٠ جنيه من الكريدت كارد على تطبيق طلبات، تحت مسمى اشتراك، من غير ما أعمل أي عملية، ومن غير ما أوافق، ومن غير OTP، ومن غير أي رسالة تأكيد، ومن غير أي حماية حقيقية. فلوسي اتسرقت من كارت بنكي محفوظ عندهم، وأنا لا اشتركت ولا وافقت ولا ضغطت على أي حاجة ولما كلمت البنك قالي دي حركه تمت على apple pay وانا اصلا مش مسجله الكارت عليه حراميه سرقوني بعد ما اخدوا بياناتي كلها . بقالي أكتر من أسبوع بكلمهم وبجري ورا حقي، وكل مرة تهرب ومماطلة ولا في أي حل. والأسوأ إنهم بيتصلوا بيا في أوقات متأخرة جدًا من الليل، عشان يسجلوا عندهم إنهم حاولوا يتواصلوا معايا وأنا مردتش. يعني بدل ما يرجعوا الحق لصاحبه، بيحاولوا يقفلوا الشكوى بأي طريقة. ولما قدرت أوصل لحد من الكول سنتر والمسؤول في القسم المختص، الرد كان بمنتهى البرود والاستفزاز: “إحنا منقدرش نعملك أي حاجة، وفلوسك مش هترجع.” يعني إيه فلوسي مش هترجع؟ يعني إيه شركة تاخد من كارت العميل ١٢٨٠ جنيه من غير موافقته؟ يعني إيه مفيش OTP؟ يعني إيه مفيش حماية؟ يعني إيه العميل يتسرق وبعد كده يتقاله
عرض المصدر
M
Mohamed Mortada
مجموعات فيسبوك· منذ 3 أشهر
★★★★★2.0
أنا من الناس اللي كانت دايمًا بتستخدم تطبيق طلبات مش علشان يوفر عليا مكالمة للمطعم لكن علشان كنت فاكر إن فيه منظومة كاملة بتحميني. كنت متخيل إن مندوب التوصيل تابع لشركة كبيرة بياناته معروفة هويته متحقق منها وفيه جهة مسؤولة عنه لو حصل أي مشكلة. لكن فوجئت إن بعض الطلبات دلوقتي بيتم توصيلها عن طريق أشخاص لا يتبعون طلبات وفي بعض الحالات لا يتبعون حتى المطعم نفسه. اتصلت بأحد المطاعم أسأل عن المندوب فكانت المفاجأة… قالوا لي: “هو مش بتاعنا فيه جهة تانية هي اللي بتبعت المندوبين يعني شخص بيتعاقد مع المحل على توريد مندوبين توصيل.” ساعتها سألت نفسي… أنا كعميل أضمن منين إن الشخص اللي هيقف على باب بيتي تم التحقق من هويته أصلًا؟ مين يضمن إنه مش بيستخدم هوية غيره؟ مين يضمن إنه مش مطلوب في قضايا أو له سوابق جنائية؟ مين يضمن إنه مش بيتعاطى مخدرات أو أي مواد تخليه غير مدرك لتصرفاته؟ ولو هو اللي بيتعامل مع الأكل… مين يضمن إنه لائق صحيًا أو إنه مستوفٍ لأي اشتراطات صحية؟ ولو حصلت سرقة، أو تحرش أثناء التسليم أو تم العبث بالطلب أو اختفى بمحتوياته… المسؤول هيكون مين؟ طلبات؟ ولا المطعم؟ ولا شركة التوصيل؟ ولا ا
عرض المصدر
O
Omar_emad88
مجموعات فيسبوك (تعليق)· منذ 3 أشهر
★★★★★2.0
انا كمان بعتولي منتج غير صالح و مش عايزين يرجعوه
عرض المصدر
M
Maha Emam
مجموعات فيسبوك (تعليق)· منذ 4 أشهر
★★★★★4.0
اتواصلي معاهم على الماسنجر او الابلكيشن بيردوا حصل معايا قبل كده مشكله و رجعولي المبلغ
عرض المصدر
P
ProductiveParrot1755
مجموعات فيسبوك (تعليق)· منذ 4 أشهر
★★★★★3.0
شكوى في حمايه المستهلك هيجيبواً حقك في اسبوع كان عندى شكوى من طلبات ورجعوا الفلوس بتاعت الاوردر
عرض المصدر
H
Hala Elfoly
مجموعات فيسبوك· منذ 3 أشهر
★★★★★1.0
Talabat انا اول مرة انزل بوست ليه علاقة بحاجه زي كدة بس انا اعتمادي بشكل كبير علي ال apps اللي زي طلبات و طلبات وحدة منهم ومش اول مرة استلم منهم منتج فاسد او منتهي الصلاحية و للاسف مبيحلوش و بيجادلو في الموضوع بشكل مستفز مرة من كام شهر وبعت ايميل و روشتة بيني و بين الشركة و الكول سنتر قالى سورى واسفين وهنرجعلك قيمه الحاجه اللى هو طيب فين الضمان واي سبب ان الحاجه تبقا بالمنظر دة ولا ردو عليا او عبرونى تانى ولا حتى رجعو قيمه المنتج كنت جايبة تركي وعملي تسمم وقولت بلاش اطلب منهم الحاجات دي و اخليها حاجات خفيفه لو ازنقت المرة دي بقا طلبت شيش تمري منهم علي اساس ان في موزع قريب من المكان اللي طلبت منه فعلي امل انه ميكنش متخزن عندهم من سبعتلاف سنه الشيش جالي ريحته بشعه بمعني الكلمه قولت يمكن عشان انا اللى مريضة جيوب انفيه المشكله فيا نضفته كويس جدا و بردة الريحة بشعه هرجع شممت والدتي قالتلي الريحة زي الزفت بردة اركز فيه الاقي حتت حمرا وحتت غمقة هو يقرف جدا بصراحه طيب هل انا بشتري بشتري ببلاش او هل مثلا انتو الخدمه بتاعتكم قليلة بتاخدو fees عبيطه او بتدفعونا اقل بالعكس في منتجات كتير علي ا
عرض المصدر
Y
Yara Yaser
مجموعات فيسبوك· منذ 3 أشهر
★★★★★2.0
Talabat تجربتي في الفلاش سيل لطلبات مارت ..طلبت اوردر ب ١٦٤٠ جنيه من الماركت و زودت قطع عادي من كل حاجة و استلمت الاوردر و لما جيت احسب كل قطعة لاقيت ان مفيش فلاش سيل ولا حاجة و في زيادة ٥٠٠ جنيه و الاسعار اغلي من بره اتواصلت معاهم و مش هتكلم عن استفزاز البنت و انعدام خبرتها في حل المشكلة رفعتلي شكوي و حد اتواصل معايا و وضحلي ان لما بزود عدد القطع بيتحسبوا من غير خصم الفلاش سيل حولولي ٣٠٠ جنيه انا منزلة بوست تحذير ان خدوا بالكوا كويس جدا مش بيعملوا حاجة لله ابدا و مشكلتي معاهم ان هما مش موضحين السياسة دي ابدا حتي الكاستمر سيرفس متعرفش بالمعلومة دي و طبيعي أنا مش هطلب اوردر كبير و اقعد اطلب سعر كل قطعة بكام قبل ما اعمل تأكيد كان ممكن يحددوا قطعة لكل عميل ف العروض زي اي ابلكيشن صريح انا خسرت ٢٠٠ جنيه فرق بس احسن من مفيش بس تجربة مش هتتكرر و مسحت الابلكيشن خالص بس حبيت احذر غيري
عرض المصدر
O
OptimisticChestnut8144
مجموعات فيسبوك (تعليق)· منذ 3 أشهر
★★★★★5.0
انا بجيبه من طلبات وزي الفل
عرض المصدر
T
ThrillingCaterpillar2939
مجموعات فيسبوك (تعليق)· منذ 3 أشهر
★★★★★3.0
طلبات كان كويس في الاول بس زي اي حاجه تقريبا بتبقي كويسه في الاول بس
عرض المصدر
Ä
Äýã Møhàməđ
مجموعات فيسبوك (تعليق)· منذ 3 أشهر
★★★★★2.0
واضح كان في فوم والفوم هبط
عرض المصدر
G
goutorlaattencio
مجموعات فيسبوك (تعليق)· منذ 3 أشهر
★★★★★1.0
طلبات دي شركة زبالة والله اخر تعامل لو هموت م الجوع
عرض المصدر
العودة إلى صفحة طلبات