تقييمات سويفل
64 تقييم من المتسوقين (صفحة 1 من 4)
لو عايزين تبوظوا رحلتكم وتضيعوا وقتكم ومجهودكم وفلوسكم، احجزوا مع SWVL! رحلة الذهاب: العربية وصلت من غير شبكة للشنط، قعدنا ساعتين ونص في خدمة العملاء من غير مساعدة، المسموح شنط أقل من المعلن، وأخيرًا طلبوا منا نستنى عربية تانية لحد 12. مفيش refund، فاضطرينا نحجز مع شركة تانية. رحلة الرجوع: أكدنا على احتياجنا لعربية فيها شبكة شنط وتكفي 14 شخص، لكن بعتلوا عربية فيها شبكة شنط بس كرسي ناقص! واحدة قعدت على الأرض 5 ساعات، والسواق محدش بلغه عن عددنا، فاضطرينا نرص الشنط في الممر. إزاي تغلطوا في نفس الحجز مرتين وتتجاهلوا العملاء وترفضوا تتحملوا مسؤولية أخطائكم؟ بنحكي تجربتنا عشان الناس تعرف هي بتدفع فلوسها مقابل إيه. وفّروا فلوسكم وماتكرروش تجربتنا!
نُشرت في جروب فيسبوك بتاريخ 11 أكتوبر 2026، والمنشور الأصلي لم يعد متاحًا.
تجربة سيئة جداً مع شركة سويفل @Swvl وتصرف غير مسؤول تماماً! يوم 31 أغسطس اللي فات، كنت حاجزة رحلة مع سويفل، وقبل ميعاد السفر بساعة واحدة فقط أبلغوني بإلغاء الرحلة! المشكلة مش بس في إلغاء الرحلة والإرباك اللي حصل، المشكلة الأكبر إن ثمن التذاكر كان 5,350 جنيه! ومبلغ زي ده اتخصم مني وفضلت بدون رحلة، واضطريت ساعتها أستلف فلوس من حد عشان أعرف أتصرف وأسافر. ومن وقتها ولحد النهاردة (بقالي حوالي شهر) والفلوس مارجعتش! كل ما أكلم الدعم يقولولي والتأخير من بنكك"، ولما بقول للبنك رقم التحويل اللي بيبعتوه، البنك بيأكد لي إن مافيش أي تحويل وصل بالبيانات دي نهائياً! تجاهل ومماطلة وبدون أي حل عملي، والمبلغ مش صغير عشان يتساب بالشكل ده! أنا طالعة أكتب البوست ده للتحذير من التعامل معاهم، وللمطالبة بحقي فوراً، وجاري اتخاذ الإجراءات الرسمية وتقديم شكوى في جهاز حماية المستهلك ضد الشركة. #Swvl #سويفل #تجربة_سويفل #خدمة_العملاء #حماية_المستهلك
نُشرت في جروب فيسبوك بتاريخ 28 سبتمبر 2026، والمنشور الأصلي لم يعد متاحًا.