يتفرجيتفرج

تقييمات ايه اند

44 تقييم من المتسوقين (صفحة 1 من 3)

أضف تقييمك

B
Baher Nassar
مجموعات فيسبوك· منذ يومان
★★★★★1.0
في عندي مشكلة مع شركة اتصالات مصر. يوم الاربع ١٤/١٠/٢٠٢٦ حوالي الساعة ٧ مساء كنت في فرع etisalat Egypt اوبن اير مول مدينتي عايز اشتري تليفون محمول سامسونج A57 ١٢ جيجا رام و٢٥٦ جيجا، وكان في عرض معمول على الجهاز ان سعره ٣٠٤٩٠ ج. أنا عميل فودافون، دخلت الفرع وقابلت احد الموظفين. الموظف قال لي هنعمل حساب على ابليكشن الشركة وعرفته اني عميل فودافون لكنه قال عادي مش مشكلة. فا نزلته من بلاي ستور ودخلت رقمي وجالي رسالة من شركة اتصالات برقم سري لتسجيل الحساب والدخول وكل ده الموظف موجود جنبي وتسجيل الدخول تم. بعد كده اخترت الجهاز ومواصفاته وحدد ان مكان الاستلام من فرع مدينتي اوبن اير مول، والسداد عن طريق شركة تمويل استهلاكي (فاليو) وجالي رسالة بتأكيد السداد وotp عشان الدفع ودفعت المبلغ بالكامل وجالي بعدها رسالة انه تم خصم المبلغ ٣٠٤٩٠ج لصالح شركة اتصالات. لحد هنا الموضوع عادي. إلا اني فوجئت بإن الابليكشن مافيش عليه اي طلبات ليا ولا اي أجهزة موجودة، والموظف شاف على السيستم برقمي مافيش اي حاجة جت. ولقيته اختفى من قدامي وجت زميلة له وقالت لي وارد ان الطلب يتأخر شوية. كلمت خدمة العملاء على التليفون
عرض المصدر
A
Ahmed Refaie
مجموعات فيسبوك· منذ 14 ساعة تقريباً
★★★★★1.0
أسوأ تجربة مع شركة اتصالات ومستمرة. أنا عميل مع شركة etisalat Egypt من أكثر من ١٢ سنة، ومع الوقت حولت خطي لنظام 'أميرالد'. المفروض إن نظامي كان بـ ٣٦٠ جنيه شامل كل حاجة، ومع ذلك كنت بلاقي كل شهر زيادات لوحدي ماستفدتش بيها ولا أعرف عنها أي حاجة، والفاتورة تكسر الـ ٦٠٠ جنيه! المهم، في يوم لقيت فيه عرض على موبايلات، هناك لقيت الموظف بيقولي: 'طب ما تستفيد من نظام أميرالد بتاعك؟ ومتاح ليك نفس العرض بسعر الكاش، بس بتدفع ٢٥٪ من قيمة الموبايل'. قلتله: 'تمام خلاص، هاخد موبايلين وأدفع الـ ٢٥٪ منهم وخلصنا'. إجمالي الموبايلين اللي المفروض يتقسطوا بعد ما دفعت الـ ٢٥٪ كان حوالي ٢٦ ألف جنيه، الكلام ده كان في شهر أكتوبر اللي فات. لقيتهم وقفوا الخط أصلاً، وجاي لي رسالة إن عليا ٤١ ألف جنيه!! روحت فرع، لقيتهم بيقولولي: 'هو ده اللي على حضرتك'. قولتلهم: 'إزاي يعني؟ ده إجمالي اللي عليا بره الفواتير أساساً ٢٦ ألف، وأنا دافع منهم!' الموظف كلمني بمنتهى العجرفة! ولما رجعت لخدمة العملاء قالولي: 'عشان خطك يتفتح أقل حاجة تدفع ٣٠ ألف ويبقى باقي ١١'. لقيت بعد شهر جاي مسج على رقم تاني باسمي بإنذار أن عليا ٥٣,٣٧٤ جنيه
عرض المصدر
A
Abd ElRahman Saber
مجموعات فيسبوك· منذ 5 أيام
★★★★★1.0
يوم 7 أكتوبر اشتريت خط جديد عن طريق الموبيل أبلكيشن بتاعهم، ودفعت ثمنه بالفيزا من CIB Egypt (خصموا 231.76 جنيه). الخط جالي على البيت يوم الأحد 11 أكتوبر. المفروض إن التفعيل بيكون من الأبلكيشن حسب خطواتهم، وبعد ما حاولت أفعل الخط متفعلش، واتضح إن الفكرة دي كلها فاشلة والسيستم بايظ! من الأسبوع اللي فات لحد دلوقتي وأنا في مكالمات مع خدمة العملاء ومفيش أي حل لأن المشكلة واضح إنها كبيرة عندهم، ولما طلبت أرجع فلوسي اللي دفعتها، خدمة العملاء بتقولي بكل بساطة: "ملكش فلوس عندنا.. انتظر حل المشكلة!" الأغرب بقى أن الجهاز القومي لتنظيم الاتصالات ردوا عليا: "إحنا اللي موقفين الخدمة دي من أي أبلكيشن من شهر أغسطس اللي فات ومش هنقدر نرفع شكوى". طالما الخدمة موقوفة بقرار رسمي من شهر أغسطس، إزاي أبلكيشن اتصالات سايبها متاحة للناس في شهر أكتوبر وبيبيعوا خطوط ويسحبوا فلوسنا بالفيزا على خدمة هما عارفين إنها موقوفة ومش هتشتغل؟ وبعدها يرفضوا يرجعوا الفلوس!
عرض المصدر
A
Abdullah Ahmed
مجموعات فيسبوك (تعليق)· منذ 11 يوم
★★★★★2.0
نفس الكلام و شغال ع الخط التاني
عرض المصدر
M
Mohamed Ali Azab
مجموعات فيسبوك· منذ 10 أيام
★★★★★2.0
نشرت بوست بتاريخ 2 - 10 من 10 أيام بالظبط عن مشكلتي مع شركة اتصالات مصر وحابب اكد ان المشكلة متحلتش وان فعلا مرشحش اي حد يشترك مع شركة اتصالات مصر e& وان شاء الله يوم 27 هلغي الخدمة نهائي وهرجع لشركة وي او فودافون انا فعلا اول مرة اشوف شركة تخلي الجهاز القومي لتنظيم الاتصالات - مصر مش عارف ياخد معاها اي اجراء وكل مرة يقفل الشكوي علي ان تم حل المشكلة او بيانات ناقصة مع ان انا دائما علي تواصل معاه ومطلبش مني اي ملفات نهائي (4 شكاوي حتي الان) وحتي قفلوا الشكوي المقدمة من شكاوي مجلس الوزراء وكل مرة اكلم شركة اتصالات يقولي سيب الرواتر 3 ايام شغال والسرعة هترفع تدريجا (بقالي 45 يوم بسمع الكلام دة) واساله "هو حضرتك خدت أكشن علي الخط ؟" يرد "لا مختش أكشن عشان مش متاح لي بس هو مفروض يرفع لوحده." طب هاتوا حد يعملكم سيستم محترم عشان الموظفين يشتغلوا صح والعميل ياخد حقه يا شركة محترمة لا ارشح شركة اتصالات مصر E& لاي حد بيشتغل اونلاين او حتي عاوز خدمة انترنت منزلية بالسرعة اللي بتخليك ترفع ملفات ولو صورة حتي (عشان ارفع صورة 15 ميجا بتاخد 2 دقيقة و 15 ثانية) ⚠️ etisalat Egypt مع العلم شركة المصري
عرض المصدر
A
Abdallah Mahmoud
مجموعات فيسبوك· منذ 10 أيام
★★★★★1.0
Etisalat Emerald etisalat Egypt شهر كامل من الفشل!! بعد تجربة اتصالات اميرالد هغير على اي شركة تانية بكتب البوست ده علشان محدش يمر بالتجربة دي تاني بقالي اكتر من شهر عندي مشكلة في الانترنت الهوائي واتواصلت مع اتصالات اكتر من 15 مرة وقدمت اكتر من 10 شكاوى (((المصيبة ان كلهم بيتقفلوا بدون حل))) وعملت كل خطوات الدعم الي بتطلب مني بالكامل والموظفين حولولني اكتر من مرة على حد من supervisor علشان محدش عارف يحل المشكلة وساعات قليلة وترجع الخدمة تفصل تاني وبعد عشرات من المكالمات وشيل الفيشة وراستر الراوتر وغير مكانة وخليك على الانتظار وهنحولك وهنزفتك انا اتحملت من السخافة ما لا يتحمله بشر لمدة شهر كامل أملا في حل المشكلة ومن البجاحة ان الفاتورة بتنزل في ميعادها عادي جدا يعني متضرر وكمان بدفع حق خدمة مش موجودة أساسا وأخيرا تواصل معايا حد قال انه مسؤول وهنحتاج نركب عندي مقوي شبكة وده الحل الاخير ووافقت علشان اخلص وبعدها تواصل معايا موظف اسمه احمد لاشين - اسلوبة في منتهى قلة الادب - وقالي انهم مش هيركبوا مقوي شبكات وانه هيقفل الشكوى دي وانه بيكلمني من رقمه الشخصي اصلا ولو مش عاجبني ابقى اكل
عرض المصدر
A
Aza Aly Mhmd
مجموعات فيسبوك· منذ 12 يوم
★★★★★1.0
طلبنا اوردر ماركت من تطبيق etisalat Egypt نجربه لانه اويشن جديد وكان معانا خصم ف قولنا هيبقي كويس و دفعت اونلاين اتفاجأت انه وصل قبل معاده و ما اتصلش حتي ف الاولاد فالبيت استلموه و لكن للاسف الدليفري استغل انهم مش عارفين انه مدفوع و دفعهم 60 جنيه تاني و اتضح ان الاوردر جاي من Rabbit .. لو اعرف انه منهم ماكنتش طلبت لان مشاكلهم كتير كلمنا اتصالات اشتكيت ليهم اكتر من مره و قالوا هنعمل طلب و سألونا عاوزين برومو كود و لا المبلغ يرجع .. ردينا اننا عاوزين الفلوس مش عاوزين كود لاننا مش هنطلب تاني من المكان دا مفيش اي رد وصلنا من اتصالات و كلمنا رابيت احنا مصممين يبعتوا كود كتعويض مع ان دا حقنا واحنا عاوزين المبلغ يرجعلنا رغم انه بسيط لكنها حركه مستفزه بعتولنا مندوب يرجع ال 60 و لقيناه مصمم ياخد الاوردر تاني .. قولناله ازاي يعني دا مدفوع حسابه و ال 60 دول زيادة المفروض يرجعوا مش تاخد الاوردر .. مرضاش وسابنا ومشي بحذر من التعامل مع تطبيق اتصالات ف الطلبات دي لانهم معندهمش خدمه عملاء مخصصه للكلام دا و بيحولوك للماركت نفسه الي برضو خدمه العملاء عندهم سيئه
عرض المصدر
K
Kamel Aladisy
مجموعات فيسبوك· منذ 11 يوم
★★★★★2.0
تعديل تواصل معي بالامس عبر الماسنجر أحد موظفي خدمه العملاء من شركه اتصالات ووعدني بحل المشكله واليوم تواصل معي مدير فرع مدينه القصاصين محافظه الاسماعيليه Heba Reda Lotfy وتم تسليمه راوتر بديل وسيتم تشغيله غدا إن شاء الله اشتريت راوتر هوائي من شركه اتصالات مصر بتاريخ 17/11/2025 وادفع اشتراك شهري حوالي ٥٠٠ جنيه شهريا مقابل ٩٠ جيجا ومنذ شراء الراوتر يعطل كثيرا ولا يتصل بالشبكه وتم الاتصال مرارا وتكرارا بالشركه علي مدار عام وفي ١ أكتوبر الحالي بعد آخر عطل وتم ارسال رساله واتصال بأنني علي التوجه إلي أي فرع رئيسي لتغيير الراوتر وبالفعل توجهت الي الفرع الرئيسي بالاسماعيليه بجوار بلدي بحوالي ٤٠ كيلو بعد التواصل مع خدمه العملاء وفي الفرع الرئيسي بعد التواصل مرارا وتكرارا مع خدمه العملاء تأكدوا من وجود تيكت بتغيير الراوتر ولكنه غير موجود نفس النوع لديهم وموجود في فرع آخر فرعي غير رئيسي موجود به نفس النوع لأنهم لا يستطيعوا تغييره بنوع آخر ولو نفس السعر وبعد حوالي ٦او ٧ اتصالات بخدمه العملاء اتضح ان نوع الراوتر غير موجود طب يا جماعه الضمان ح يخلص يوم ١٧/١٠ الموظفه تقولي حضرتك روح محافظة قريبه
عرض المصدر
M
Mohamed Khaled
مجموعات فيسبوك· منذ 11 يوم
★★★★★1.0
اقبل يا ادمن بعد اذنك شركه اتصالات etisalat Egypt اتصلت يوم 28 سبتمبر عشان اعمل طلب تحويل سرعه من 30 ل 100 و اتقالي ان السرعه هتعلي بحد اقصي يوم 5 اكتوبر و اول متعلي هتوصلني كامله و اتصلت يوم 3 اكتوبر قدمت طلب استعجال و اتقالي نفس الكلام طلب التحويل تم يوم 4 اكتوبر ولكن السرعه قلت عن اللي كانت عليه كانت بتبقا وصلالي 28 بقا واصلي 16 و 18 و 9 فضلت اتصل و اعمل شكاوي ف الاخر بعد مناهده و 16 مكالمه حد كلمني قالي المشكله هتتحل بحد اقصي 3 ايام بعد ال 3 ايام 7 اكتوبر بتصل عشان السرعه زي مهي مبتزيدش بلعكس بتنقص اتقالي هنعمل شكوي استني من 3 ل 5 ايام تانيين رحت الفرع النهارده يوم 7 اكتوبر برضو قالي المشكله من شركه التليفون الارضي و كلمت خدمه العملاء قالولي هنعمل شكوي هتتحل ف 24 ساعه المهم اني كلمت شركه التليفون الارضي و كلمت الفني جه و طلع مفيش مشكله ف الارضي يوم 8 اكتوبر بتصل بيهم قالولي المشكله هتتحل ف خلال 3 - 5 ايام عمل و اني استني حل المشكله يوم 11 بتصل المفروض ان المشكله اتحلت اتقالي استني من 3 ل 5 ايام و ممكن تزيد و محدش عايز يفهمني المشكله ايه
عرض المصدر
M
Mohamed M Ahmed
مجموعات فيسبوك (تعليق)· منذ 14 يوم
★★★★★2.0
شكوى فى تنظيم الاتصالات والخط هيتشغل تانى على نفس الشركة حصلت معايا قبل
عرض المصدر
العودة إلى صفحة ايه اند