يتفرجيتفرج

تقييمات فوري

53 تقييم من المتسوقين (صفحة 1 من 3)

أضف تقييمك

A
Abdalla Mahmoud
مجموعات فيسبوك· منذ 4 أيام
★★★★★1.0
أنا مش بطلب خدمة إضافية، ولا بطلب معاملة استثنائية. أنا بطلب استخدام خدمة موجودة بالفعل، ومن حقي أستفيد منها طالما البطاقة سليمة ومضافه في التطبيق وحتى الحل البديل مش متاح بسهولة بالنسبة لي، لأن أقرب فرع بيبعد عني حوالي 30 كيلومتر! والعميل لازم يشتكي علنًا وعلى جروب فيه ملايين الأعضاء عشان حد يتحرك ويبص في مشكلته؟! أنا مش محتاج حد يرد عليا بكلمتين اعتذار، ولا محتاج حد يقولي تواصل مع خدمة العملاء، لأن ده بالضبط اللي عملته عشرات المرات من غير أي نتيجة. أنا محتاج مسؤول فعلي يتدخل، وفريق فني يفحص المشكلة، وحد يقدر يقول لي بوضوح إيه سبب العطل وإمتى هيتحل. كفاية ردود جاهزة، وكفاية تعليق للشكاوى من غير نتيجة. العميل مش المفروض يكون هو اللي يطارد الشركة عشان يحصل على أبسط حقوقه! اللي بيحصل ده مش مجرد عطل في تطبيق، ده تجربة خدمة عملاء مخيبة للآمال بكل المقاييس.
عرض المصدر
A
Alaa Eldien Aboarab
مجموعات فيسبوك· منذ 15 يوم
★★★★★1.0
شركه Fawry للمدفوعات الاليكترونيه المفترض إن حضراتكم شركه بتقدم خدمات لعملائها لكن لما حضراتكم يكون ف واقعه تزوير تتم باسمي ويتم التعاقد باسمي واستخدام بياناتي دون علمي وكمان اتفاجئ انكم بتطالبوني بماكينه فوري مسحوبه ع اسمي انا معرفش عنها حاجه ده كده اسمه تزوير ولما اتواصل مع مشرف الفرع بتاعكم اللي مفروض بيمثل الشركه قدام العملاء يرد ف الاول ان الرساله مبعوته غلط ولما ادور واجيب رقم حساب الماكينه والمعاملات اللي تمت عليها وارجعله تاني يقوم يهددني أنه هيعملي محضر اني ممتنع عن تسليم الماكينه اللي هي اصلا معرفش عنها حاجه ولا اعرف هي اتسحبت ع اسمي ازاي وازاي اصلا تم التعاقد عليها ب اسمي والتوقيع ب اسمي ف كده دي واقعه تانيه اسمها تهديد يعني حضراتكم حتي الناس اللي بتمثلكم سايبنهم يهددوا ف الناس وعادي جدا بالنسبالكم ولما حاولت اتواصل معاكم بكل الطرق كالعاده ف انتوا مش بتردوا ع حد ولما المشكله كبرت اخيرا اتواصلتم معايا لا وبتطالبوني انا اللي اروحلكم علشان نشوف حل للمشكله اللي هو معرفش ازاي مفروض مين يروح لمين اصلا عموما حضراتكم كده ف واقعتين ثابتين بمحضر رسمي الواقعه الأولي تزوير محرر رسمي وا
عرض المصدر
M
Mahmoud Ahmed
مجموعات فيسبوك· منذ 19 يوم
★★★★★1.0
أنا قدمت على شهادة الاعفاء من موقع التجنيد يوم الاثنين 12/10/2026 و قالولي ادفع في أقرب فرع فوري 331 جنية و دفعت و الوصل معايا و مكتوب عليه عملية ناجحة و يوم التلات جاتلي رسالتين من فوري اروح ادفع الفلوس و يوم الاربعاء جاتلي نفس الرسالتين اروح ادفع الفلوس قولت في حاجة غلط كلمت البريد المصري قالولي مفيش أي بيانات لحضرتك فرجعت اكلم فوري اتصلت على أول موظفة و حكيت اللي حصل قالتلي المشكلة من موقع التجنيد لما قولتلها ازاي و الرسالتين اتبعتوا من عندكو بكل قلة زوق قفلت السكة في وشي اتصلت تاني الموظفة علقتني على الانتظار 10 دقايق لحد ما زهقت اتصلت تالت الموظفة قالتلي هنقدم مشكلة بس فلوسك مش هترجع Fawry أنا قدمت على شهادة الاعفاء من موقع التجنيد يوم الاثنين 12/10/2026 و قالولي ادفع في أقرب فرع فوري 331 جنية و دفعت و الوصل معايا و مكتوب عليه عملية ناجحة و يوم التلات جاتلي رسالتين من فوري اروح ادفع الفلوس و يوم الاربعاء جاتلي نفس الرسالتين اروح ادفع الفلوس قولت في حاجة غلط كلمت البريد المصري قالولي مفيش أي بيانات لحضرتك فرجعت اكلم فوري اتصلت على أول موظفة و حكيت اللي حصل قالتلي المشكلة من موقع
عرض المصدر
H
Hosam Eldin Mohamed Ahmed
مجموعات فيسبوك· منذ 22 يوم
★★★★★1.0
تعديل لاول مرة من اكتر من شهر حد يرد عليا من خدمة العملاء وبلغني ان في حد هيتواصل معايا يقولي المكان وبالفعل كلموني وادوني العنوان عندي مشكلة مع شركة فوري اشتريت موبايل من اقل من سنة من ميامي سنتر وكان في اوفر ان يبقي في تأمين علي الجهاز ضد الحرق والكسر من شركة فوري فدفعت التأمين وحصل كسر في ضهر الموبايل واتواصلت مع ميامي سنتر ميامي سنتر ـ Miami center علشان التأمين بلغوني اتواصل مع فوري بحاول بقالي شهر اتواصل معاهم محدش بيرد علي التليفون نهائي عندي مشكلة مع شركة فوري اشتريت موبايل من اقل من سنة من ميامي سنتر وكان في اوفر ان يبقي في تأمين علي الجهاز ضد الحرق والكسر من شركة فوري فدفعت التأمين وحصل كسر في ضهر الموبايل واتواصلت مع ميامي سنتر ميامي سنتر ـ Miami center علشان التأمين بلغوني اتواصل مع فوري بحاول بقالي شهر اتواصل معاهم محدش بيرد علي التليفون نهائي كلمت ميامي سنتر تاني انهاردة بلغوني هيبعتو للادارة علشان حد يكلمني وبلغتهم اننا روحنا فرعين واحد فوري وواحد فوري بلس في المعادي تنصلو من الموضوع تماما فا ياريت حد من فوري يتواصل معايا لاني ناوي اروح الفرع واطلب الشرطة لعمل محضر
عرض المصدر
A
Abdelrahman Elsayed
مجموعات فيسبوك (تعليق)· منذ 22 يوم
★★★★★5.0
لسه حاصله معايا من أسبوع و الفلوس نزلت في فوري بعد يومين
عرض المصدر
S
Sayed Gamal
مجموعات فيسبوك· منذ 22 يوم
★★★★★1.0
كنت حابب انقل تجربتي النهارده عن شركه فوري Fawry اللي المفروض بيتقال عنها انها شركه كبيره عملت تحويل الصبح الساعه 3 ونص حولت من انستا باي ل الكارت الاصفر وياريتني ما حولت عشان ادفع قسط من علي الابلكيشن والعمليه مسمعتش عندهم كلمت خدمه العملاء بكل برود بيقولولي العمليه مسمعتش من عندنا ده فيه مشكله ف الشبكه اي كلام بيتقال ده غير انها حطتني علي الهولد ربع ساعه عشان مش عارفه ترد عليا تقولي ايه وبعد كده تقولي هتتردلك ف الحساب تاني ف خلال 5 ايام عمل ياعني يعطلو مصالح الناس ويقولك ف 5 ايام عمل طب انا محتاجهم دلوقتي يا سيدي انت عندك مشكله ف الكارت ما تقول ده غير اني اكتشفت انها حصلت مع كذا حد غيري وقالولو 14 يوم ف عشان ناس كتير اشتكت بقو بيقولو 5 ايام وكلمني سوبر فايزر قمه البرود ومفيش اي حل للمشكله غير اني استني 5 ايام وياريت هيرجعوهم ف ال 5 ايام حاجه ف قمه العبث حسبي الله ونعم الوكيل في اللي بيعطل مصالح الناس !!! جهاز حماية المستهلك المصري Fawry
عرض المصدر
A
Anonymous participant
مجموعات فيسبوك· منذ 27 يوم
★★★★★1.0
عملت حساب تقسيط على MyFawry من التطبيق و حطيت كل الطلبات فالآخر الapplication كتبلي اني محتاج اكمل باقي الاجراءات في الفرع. روحت فرع المنشية و فضلت نص ساعة أمضي في ورق و فالآخر خدت كارت أصفر و اتقاللي حسابك هيتفعل خلال ١٠ دقايق من خلال الابليكيشن. لحد هنا مافيش مشكلة ، لكن افاجأ انهارده ان الطلب بتاع حساب التقسيط denied و ماعنديش مشكلة انه denied برغم الوقت اللي ضاع لكن روحت لفرع سموحة اسألهم ، قالولي أسباب الرفض مش واضحة عندنا. كلمت خدمة العملا ردت موظفة محترمة فضلت ١٠ دقايق كاملة تقوللي لحظات معايا لحد ماقرتلي script فالآخر مضمونه ان الرفض بيكون بدون ابداء أسباب ، قولتلها فين الشفافية لو رفض خدمة اخدت من وقتي و من يومي. قالتلي للأسف هو ده اللي موضح عندي بس ماتقلقش في المستقبل هتقدر تحاول تاني. رديت بإني ليه هحاول تاني لو الموضوع هيكون تضييع وقت؟ و اني مازلت محتاج اكلم حد عنده اسباب ، فضلت تعيد نفسها و بعتذرلك ده بس اللي عندي. طلبت أكلم مدير ، قالت المدير هيقوللك نفس اللي بقولهولك. طلبت يكلمني ، قالت تمام لحظات معايا، و كملنا ٥ دقايق من الصمت يتخلله لحظات معايا. فالآخر قالت قدمت لحضرت
عرض المصدر
S
Simon Samir Shafik
مجموعات فيسبوك· منذ 27 يوم
★★★★★1.0
عملت حساب تقسيط على MyFawry من التطبيق و اتعلمت اكمل باقي الاجراءات في الفرع. روحت فرع المنشية و فضلت نص ساعة أمضي في ورق و خدت كارت أصفر و اتعلمت حسابك هيتفعل خلال ١٠ دقايق. لكن افاجأ ان الطلب بتاع حساب التقسيط denied. روحت لفرع سموحة اسألهم ، قالولي أسباب الرفض مش واضحة عندنا. كلمت خدمة العملاء، ردت موظفة فضلت ١٠ دقايق كاملة لحد ما قرتلي script، و مضمونه ان الرفض بيكون بدون ابداء أسباب. قولتلها فين الشفافية؟ ردت للأسف هو ده اللي موضح عندي. طلبت أكلم مدير، قدمت طلب يكلمني مسؤول. بعد ساعة و نص اتصل بيا مسؤول و قاللي نفس الكلام، و والله ده اللي عندي مش هعرف اساعدك بأكتر من كدة و دي هي السياسة الداخلية بتاعتنا. انا ماعنديش مشكلة في الرفض في حد ذاته، بس يكون فيه سبب منطقي وجيه. لما السياسة الداخلية تكون لا بتحترم العملاء ولا بتتعامل معاهم بشفافية، فده بيقول الشركة دي بتشوف عملاءها ازاي.
عرض المصدر
A
Anonymous participant
مجموعات فيسبوك· منذ 29 يوم
★★★★★1.0
انا بدفع اقساط منتظمة لفوري كل شهر لعمليه كانت (تربل 0) لمدة 12 شهر وبقالي 7 شهور بسدد. الشهر ده عملت ايداع المبلغ ف الكارت الاصفر والطبيعي ان المبلغ بيتخصم تلقائي، بس للاسف المبلغ ما اتخصمش. اتصلت بالشركة قالوا بيتم تحصيل المبلغ خلال 48 ساعة، انتظرت بالفعل ال 48 ساعة برضو المبلغ ما اتخصمش، قدمت 3 شكاوي بدون حل. واخر حاجة موظفه قالتلي اتوجه لفرع فوري بلس وادفع مانيوال لان المشكلة ملهاش حل. توجهت للفرع ودفعت الاقساط وقالتلي كدة تمام. لقيت الرصيد زي ماهو، قعدت تهزر وتقولي لو ما اتخصمش من هنا لبكرا حلال عليك انت كدة مسدد. اتفاعأ لما ارجع البيت انها خصمت من الحد الأئتماني مش من رصيد الكاش والعمليه اتعملت اقساط تاني فوق الاقساط بفايدة 600 جنيه ل3 شهور. كلمت خدمة العملاء قالي مالهاش حل لان انت الي دافع. الموظفة يقولي لأ وهي المشكلة من الاساس عندهم من الاول في تحصيل المبلغ يوم 1. ف اي الحل مع الشركة دي.
عرض المصدر
ه
هشام عفيفى
مجموعات فيسبوك· منذ 29 يوم
★★★★★2.0
سلام عليكم أنا معايا مشكلة من يوم الثلاثاء كنت بحول رصيد من على تطبيق my fawry و بعد ما دفعت الفلوس اتقالى ان الservice واقعة و خصموا فلوس الرصيد و ما رجعتش و كان حوالى ١٠٢ جنية و ممكن المبلغ يبدو تافه بس أنا عندى كام سؤال ل Fawry الطبيعى انك لما تكون الservice واقعة انك تمنع عنى خدمة الشحن أصلا و تقولى ال service واقعة أو فيه update أو غيره إنما تخلينى أكمل و الفلوس تتسحب منى ليه؟ طب خليتنى أكمل و الفلوس اتسحبت منى طبيعى انك بعدها علطول ترجعلى الفلوس تانى على الفيزا أو تعمل العملية و تحول الرصيد ؛ طب ما رجعتش الفلوس علطول تلقائى طبيعى أما اتصل على خدمة العملاء و تكون كل حاجة واضحة ليهم أنه يقدر يعملى refund بالفلوس؛ طب ده برضه ماتمش طبيعى انى لما أقدم شكوى من التطبيق نفسه المشكلة تتحل لكن كده فعلا أنا واحد مش هثق فى التطبيق تانى و هخاف أدفع من عليه أى حاجة سواء كان تحويل رصيد أو دفع فاتورة كهرباء أو شراء كورس اونلاين أو غيره و أنا مش بحب أنزل شكوى من حاجة بس اللى حصل مش حلو مع العلم ان التجربة مع التطبيق كانت دائما بالنسبة لى كويسة قبل كده
عرض المصدر
T
The international market
مجموعات فيسبوك (تعليق)· منذ شهر واحد تقريباً
★★★★★2.0
الموضوع ممكن يطول بس الفلوس بترجع انا رجعوا لى بعد شهرين ماتقلقش
عرض المصدر
A
Adham Agamy
مجموعات فيسبوك (تعليق)· منذ شهر واحد تقريباً
★★★★★2.0
انا كل كام يوم بيحصل كده معايا وبيقعدو ب 15 يوم ويرجعو
عرض المصدر
العودة إلى صفحة فوري