يتفرجيتفرج

تقييمات العربي جروب

444 تقييم من المتسوقين (صفحة 9 من 23)

أضف تقييمك

M
Maha Medhat
مجموعات فيسبوك· منذ شهرين تقريبا
★★★★★1.0
المفترض لو انا عندي تكييف شارب بايظ وجات شركة العربي للصيانة قالوا بايظ بوردة وماتور التكلفة كام ٥٥٠٠ قلتله تمام موافقة ودفعت بعد ما غيروا القطع الجهاز مشتغلش قالوا هنسحب الوحدة هنروح بس ساعة نكون كلمنا الشركة ونرجع ناخده او نفك القطع اللي ركبناها بعد ساعة رجع قالي احنا كلمنا الشركة وقالي دي مشكلة كهرباء عند العميل مع انهم قايسين الكهرباء ٢٢٠ ومفيهاش مشكلة قالوا هاتي حد يشوف مفتاح الكهرباء وكلمينا جبت بدل الواحد اتنين وقالوا مفيش اي مشكلة رجعت كلمت العربي قالوا هنسحب الوحدة الخارجية بعد ما سحبوها المركز كلمني عايزين ١١ الف كمان هنغير كمبروسر ومعرفش ايه كمان قلتله لا اسفة انا مش هدفع كل ده في جهاز والله العالم بعد كده ترجعوا تقولوا ايه خدوا اللي ركبتوه ب ٥٥٠٠ ورجعولي الجهاز قالي ملناش علاقة اللي اتركب في بيت العميل تكلمي الشركة تاني اللي علينا نرجعلك الجهاز بدون إصلاح المهم اتصلوا وجم ركبوا الجهاز الجهاز انفرتر كان بيقوم كام دقيقية ويفصل وهكذا الجهاز رجع مش بيقوم خالص انا دلوقتي دفعت ٥٥٠٠ والجهاز مشتغلش وبقيت مضطرة يا اما اكمل والله اعلم يا الفلوس تروح عليا الحل الصح ايه في الموقف ده از
عرض المصدر
A
Abdelaziz Yousef
مجموعات فيسبوك· منذ شهرين تقريبا
★★★★★1.0
انا جبت فني من بره الضمان حقيقي راجل محترم وفهم العطل فين وصلحه في 10ق. المشكلة بقي فين ؟؟ خدمة العملاء المحترمة قالتلي خلي التلاجة شغال لحد ما الفني ما يجي قلت تمام. كلمت الفني اللي تبعي قالي افصل التلاجة فورا لحد ماجي. الراجل قالي لو التلاجة كانت اشتغلت ساعتين زايدة كنت دخلت في قصة تغيير ماتور. يعني مش محترمين في مواعيدهم وكلمتهم قلت خلاص ربنا يعوض علينا في الصيانة لكن كمان بتفتوا واغبية. مش عارف الواحد يقول ايه الصراحة. يوم الخميس 3 سبتمبر دخلت البيت بفتح التلاجة علشان اشرب لقيت الميه عادي كأنها نازله من الحنفية. ببص علي الفريزر لقيت كل اللي فيها فك مفكوك واللحمة باره ومنزله المية اللي فيها. اتصلت بخدمة العملاء يوم السبت وشرحت اللي حصل قالولي ان الفني هيكون عندك يوم التلات 8 سبتمبر. سالت هل فيه معاد قبل كدة قالولي للاسف لا. قلت مفيش مشكلة بس الله يخليكم ميتاخرش عن كدة. قالولي متقلقش يا فندم هيكون عندك خلال اليوم. يوم التلات طول اليوم بتواصل بخدمة العملاء ما بين ان الفني اتواصل مع حضرتك وحضرتك مردتش. وضحتلهم حصل بس هو بيتصل بيا ومفيش اي جرس او نغمة رنه عليا خالص. قوليلي خلاص هتواصل م
عرض المصدر
D
Doaa Mohamed
مجموعات فيسبوك· منذ شهرين تقريبا
★★★★★1.0
اشتريت غسالة اطباق تورنيدو توكيل العربي وهعرض على حضرتكم المشكلة وياريت تنصحوني الحل ايه او اتعامل ازاي علشان اجيب حقي البداية اشتريت غسالة تورنيدو من 6 شهور تقريبا من اول يوم جاتلي الباب كان بيكهرب بعدين ظهر صدأ على الباب كلمت الضمان جالي قال محتاج مزيل صدا وطبعا الصدأ داخلى كمان لان بعدين ظهر صدأ على الأطباق وأدوات المطبخ المشكلة أنه واضح أنه فى صدأ داخلى وخارجي وطبعاً مفيش حل وبعدين حصل مشكلة في البوردة غيروها جابولي بوردة زى ما واضح بايظة بتعلق التاتش غير طبعا البرامج كلها غلط برنامج 50 دقيقه بيديني 3.24 تلات ساعات و42دقيقة طيب لما بورده بايظة وغسالة صدأة من الداخل والباب من الخارج زى ما واضح في الفيديو فاضل اى فى الغسالة تاني قالو ممكن نستبدلها ومحدش اتواصل معايا غسالة من يوم ما جت كل شويه صيانة حاجة بايظة وياريت بتتصلح ده للاسوء حتى البوردة بايظة والغسالة مش عارفه استخدامها كأنها مش موجوده ايه الحل اعمل ايه دلوقتي
عرض المصدر
H
Haytham Fahmy
مجموعات فيسبوك· منذ شهرين تقريبا
★★★★★1.0
تجربة سيئة جداً مع العربي جروب، والمشكلة مش بس في المنتج… المشكلة الأكبر في طريقة التعامل مع العميل. كنت بدور على Water Dispenser، وبعد بحث ومقارنة اخترت موديل معين لأن أهم حاجة بالنسبة لي كانت الجودة وإن صوته يكون هادي. المنتج مكنش متوفر على موقع العربي، فسجلت بياناتي، وبعدها كلمني معرض تابع لهم وعرض عليّ موديل تاني من Tornado بخصم حوالي 12% لأني عميل قديم. وافقت. المنتج وصلني يوم 14 أغسطس. ومن أول تشغيل كانت المفاجأة: صوت عالي جداً، اهتزاز واضح، وجودة أقل بكتير من المتوقع من شركة بحجم العربي. بلغت العربي من أول يوم إني عايز أرجع أو أستبدل المنتج. قالوا لازم فني يشوفه. طب الفني إمتى؟ مفيش ميعاد. استناه اليوم كله حسب خط سيره. يوم كامل ضاع. الفني جه، سمع المنتج، وقال إن صوته كده، ونصحني أعمل طلب إرجاع. كلمت العربي تاني. قالوا لازم فني تاني ييجي يقيس كهرباء البيت علشان يتأكد إن المشكلة مش من التيار. يوم كامل تاني انتظار. الفني جه، قاس الكهرباء، وكل شيء سليم، وقال لي أعمل طلب إرجاع. بعد مزيد من المكالمات والإجراءات، ييجي فني ثالث، وفي النهاية التقرير: المنتج يعمل بحالة جيدة وصوته طبيعي. أ
عرض المصدر
M
Mohamed Mohamed Fikry Ismail
مجموعات فيسبوك (تعليق)· منذ شهرين تقريبا
★★★★★1.0
الثلاجة دي طلعت عنيا... مالهاش حل غير تبديلها
عرض المصدر
N
Naglaa Mostafa
مجموعات فيسبوك· منذ شهرين تقريبا
★★★★★1.0
عندي تلاجه شارب الكومبى التركي 565 لتر من أول سنة استخدام حصل صدأ في الباب واتصلت على خدمة العملاء الفنى عرفوا يلبسوهالي بمعنى اصح وقتها وقالوا سوء استخدام. ومعالجته الصدأ وقتها عشان قالو هغير الباب ع حسابي. عرفت من الجروب هنا ومن كذا شخص كان عندهم نفس الثلاجه إن حصل عندهم نفس مشكله الصدأ وأنها فيها عيب تصنيع أو يظهر فيها عيوب تانيه زي إن المتور يتحرق ومشاكل كتير يأما ميحصلش تبريد (و دا اللي حصل عندي حاليا). رجعت عملت شكوى للشركه العربى وفى حمايه المستهلك كان السنه اللى فاتت كنت بطلب باستبدال التلاجه لأنه عيب تصنيع والشركه عارفه كدا كويس كنت مصره على الاستبدال لأن مهما صلحو العيب هيظهر عيب جديد بس الشركه أصرت على استبدال الباب بس مع وعد لو ظهر عيب تانى هيتم الاستبدال. ودلوقتي التلاجه فصلت تبريد نهائى للجزء العلوى عملت شكوى تانى جه فنى وغير مروحه الثلاجه وبردو التلاجه مشتغلتش. جه فنى تانى وقال هنسحب التلاجه لشحن الفريون ولازم تتصلح في الشركة علشان الفريون خطر أنه يتشحن في المنزل. طلبت الاستبدال التلاجه لأن والله التلاجه دى عيب صناعه (وناس كتير عاملو شكوى وبعد طبعا مناهده واتصال على حماي
عرض المصدر
A
Aalaa Fouad
مجموعات فيسبوك· منذ شهرين تقريبا
★★★★★2.0
شارية شاشة من تورنيدو من شهر 1/2024 وبدأت استخدمها 5/2025 وجيت من حوالي اسبوع تقريبا كانت شغالة عادي فجأة جابت شاشة سودا تماما. تاني يوم روحنا فرع صيانة العربي. قالي الضمان ساري ومش هتاخد غير سوفت وير وانتظرنا وبعدين قالنا للاسف مشتغلتش وهتسيبوها معانا. استلمناها واشتغلت ساعه اول ما استلمنا وبعدها اتقفلت ورجعنا نشغلها تاني بقت تفتح ع لوجو تورنيدو وتفضل كده حوالي نص دقيقه وتفصل نهائيا. اول مره اشوف صيانة بتبوظ مش بتصلح. اتواصلت مع خدمة العملاء قالولي ملناش صلاحية نقدملك شكوي وبعدها اما قولتلهم اني هصعد الموضوع مع حمايه المستهلك بقي وقتها ليهم صلاحيه يقدمو الشكوي. كلمونا النهارده عاوزين احنا اللي نرجع بيها الفرع تاني يا الفني يجي بتكلفة 550 ج يعني المفروض احنا اللي نتحمل نتيجة اللي هما بوظوه. معرفتش اخد معاهم حق ولا باطل. بجد اسوء خدمة عملاء واسوء صيانة واسوء خدمة ما بعد البيع.
عرض المصدر
M
Mennat Elrahman Essam
مجموعات فيسبوك· منذ شهرين تقريبا
★★★★★2.0
العربي جروب Tornado ❌❌❌❌❌❌ محدش يتعامل معاهم نهائيا بلاك ليست .. أسوأ خدمة صيانة و خدمة عملاء و خدمة ما بعد البيع المنتجات كلها فيها عيوب صناعة ... اشتريت سخان من سنتين الضمان ١٠ سنين من يوم ما اشتريته و أنا عندي مشاكل فيه . ابتدينا بتنفيس و تنقيط طول الوقت .. المية السخنة بتخلص خلال ١٠ دقايق بتنزل درجة الحرارة من ٧٠ ل ٣٠ علطول فجأة . طلبت الصيانة اكتر من مرة و بلغتهم ان ده خطر .. كان الرد عادي جدا .. و جم زيارة ليا كذا مرة .. كل مرة يفكوا قطعة و يركبوا قطعة تانية . من حوالي ٨ شهور البوردة انحرقت .. بعدين كان فيه زيارة للتغيير و ساعتها بلغت الفني ان السخان كل شوية تعطل فيه حاجة و غالبا فيه مشكلة فيه نفسه في ال quality .. قولتله عايزة أبدله .. قالي مليش دعوة . دلوقتي السخان تاني اتحرقت البوردة فيه و مش بيسخن تاني .. و كلمت الصيانة .. الرد عبثي .. من مكالمة لمكالمة .. و هنجيب قطع غيار تانية و استني خمس ايام . قولتلهم لا عايزة ابدله و كده السخان فيه مشكلة .. عايزة استبدل .. هنرد عليكي بعد ساعة .. بعد ساعتين .. في النهاية نفس المكالمة المستفزة . الشركة رفضت لا تبعت فني يعاين و لا عايزين يس
عرض المصدر
ح
حمزة الطنيخي
مجموعات فيسبوك (تعليق)· منذ شهران
★★★★★1.0
بعد وفاة الحاج احمد وابنه دار الشركة بقت زفت ف كل حاجة
عرض المصدر
M
Mohamed Saied
مجموعات فيسبوك (تعليق)· منذ شهرين تقريبا
★★★★★2.0
نفس المشكلة تقريبا وبردو الجهاز مكملش سنه فعلا بقت اسوء شركة واسوء خدمة مابعد البيع
عرض المصدر
H
Hany Milad
مجموعات فيسبوك (تعليق)· منذ شهرين تقريبا
★★★★★2.0
اسؤ شركة العربي في مصر في الصيانة
عرض المصدر
العودة إلى صفحة العربي جروب