يتفرجيتفرج

تقييمات العربي جروب

303 تقييم من المتسوقين (صفحة 3 من 16)

أضف تقييمك

D
Donia Ahmed
مجموعات فيسبوك (تعليق)· منذ 10 أيام
★★★★★2.0
اعملى شكوى فى حماية جهاز حماية المستهلك المصري و مجلس الوزراء انا كان عندى بردوا مشكلة بردوا نفس الجهاز من السنة اللى فاتت بردوا و كان اول صيف لى السنة دى و زيارات كل يوم و غيروا قطع غيار و شحنوه و دلوقتى تحت التجربة
Z
Za H Ra
مجموعات فيسبوك· منذ 10 أيام
★★★★★1.0
إشترينا تكييف شارب1.5 الصيف الى فات من يوم ماركب وهو فى مشاكل زى تبريد مش أحسن حاجه وصوت عالى جدااااا وخربطه وزن ف الوحده الداخليه والله كان عندى صعوبه ف النوم بسببه كأنى نايمه جنب ماكينة مياه من الى بتروى الأراضى كلمنا الضمان طبعا بعتولى اكتر من فنى وكلهم مش مقتنعين ان فى مشكله وشايفين انه عادى وانا الى بسمع كويس يعنى طلعت انا سبب المشكله وآخر فنى قالى هريحك وأغيرلك موتور معرفش ايه تغيير الموتور الى ملهوش لازمه من وجهة نظرهم وطبعا بعد التغيير والله الصوت زى ماهو ولا أى اندهاش سكتت وقولت خلاص هتعود ع صوته ماهى المشكله فيا الصيف ده بقى التبريد زفت لحد مابدأ ينطر بلورات تلج وينقط كلمت خدمة العملا بعتولى فنى شحنه واشتغل كويس بس الصوت هو مش مقتنع ان فى مشكله وقالى تانى انى انا الى بسمع كويس وقالى لو حصل مشكله ف التبريد تانى هنغير مكثف الى هو التلاجه نفسها يعنى الجهاز هو نفسه بيعترف انه خرده بعد كام يوم مبقاش فى تبريد أصلا .. الوحده الداخليه والخارجيه شغالين عادى لكن تبريد مفيش كلمتهم كالعاده الرد هنبعت فنى قولتلهم لا اسفه انا مش عاوزه فنى انتو تيجو تاخدو الخرده بتاعتكم دى وتبعتو تكييف
E
Eman Ali
مجموعات فيسبوك (تعليق)· منذ 11 يوم
★★★★★1.0
عملو معايا نفس الموضوع فى الغسالة اول حاجه اتصلنا بعتو فنى باجر بردو جرب فيها شويه معرفش يعمل حاجه قالنا الغو زيارتى واتصلو تانى جالنا واحد بعده قال الكهربا صلحنا الكهربا واتصلنا جالنا واحد قال هتغير بورده قعد أسبوع وجابو بوردة جربها ومشى ومشتغلتش اتصالنا عاشر وجه واحد قال لا البوردة ال اتركبت بايظة هنجيب واحده غيرها ولسه مجتش الغسالة بايظه بقالها شهر
M
Mina Youssef
مجموعات فيسبوك (تعليق)· منذ 11 يوم
★★★★★2.0
انا خرجولي الغساله من الضمان وهي لسه فيها سنه وطلبو الفاتوره مع أن متسجل عندهم وقت تفعيل الضمان جبت الفاتوره وجم صوروها وبعدين بيقولو لا محتاجين فاتوره ضريبه عالم ن.ص.ا.ب.ي.ن
M
Mirette Akram
مجموعات فيسبوك· منذ 11 يوم
★★★★★1.0
اول مرة اكتب post زي ده.. نص شهر مايو، تكييف شارب 1.5 حصان بلازما إنفرتر عندنا بدأ مايبردش كويس، فكلمنا خدمة العملاء لأنه كان لسه في الضمان. الفني جه، وكشف على التكييف، وزوّد فريون — وقتها إحنا ماكناش نعرف إن نوع الفريون ده غير مناسب لنوع التكييف عندنا. (فريون 22 و كان المفروض يكون 410) والأهم من كده إن التكييف كان فاضله حوالي أسبوعين والضمان يخلص، لكن الفني ما سجّلش في الشركة إنه زوّد فريون، وقال إن اللي اتعمل هو “تنظيف التكييف” من وقتها بدأ صوت التكييف يعلى تدريجيًا، لحد ما وصلنا إن التكييف بيفصل اول ما بنشغله لان الكباس باظ بسبب الفريون الغلط اللي اتحط. ولما سألنا عن تكلفة الإصلاح، اكتشفنا إننا بنتكلم في حوالي 20 ألف جنيه للكباس وبعض الوصلات! 😡 السؤال هنا: إزاي عميل يستدعي فني تابع لشركة كبيرة وهو لسه في فترة الضمان، والفني يعمل إجراء في التكييف، ثم لا يتم تسجيل الإجراء بشكل صحيح على النظام؟ رحنا النهاردة لشكاوى شارب في العباسية، والبلاغ بالفعل كان مسجل، لكن موضوع إضافة الفريون لم يكن مسجلًا.( لان الاستاذ عارف هو عمل ايه غلط) وبما إن الضمان انتهى، كان الرد ببساطة إن الضمان
R
Réhab Shiha
مجموعات فيسبوك (تعليق)· منذ 11 يوم
★★★★★1.0
نفس التلاجة كانت عندي وفيها نفس المشكله كلمناهم واخدوها وغيرولها ماتور وبعد شهر باظت تاني واخدوها ولأنها مستورده قالوا استبدليها لان مش هيعرفوا يصلحوها واستبدلوها بالفعل
N
Nourhan A. Farouk
مجموعات فيسبوك· منذ 11 يوم
★★★★★1.0
Elaraby Group ❌❌❌❌❌ قعدو يقولو دا احسن خدمه ما بعد البيع فمصر و بلا بلا اسوء و اكتر ناس معندهاش كفاءه ولا خدمه بربع جنيه كل الي شاطرين فيه انهم بيردو بسرعه بس لكن لا عمال شاطرين ولا فواتير عشان محدش يمسك عليهم حاجه ولا مواعيد مظبوطه دا غير ان الاجهزه نفسها زفت اصلا انا فارشه بيتي كله من العربي بجميع الماركات بقي و متجوزه من ٤ سنين بسسس اول جوازي الغساله شارب فوق اتوماتيك باظت و صلحناها تاني حاجه التكييف انفرتر ٢.٥ حصان دا بصلحه من اول جوازي لحد دلوقتي والله صرفنا عليه اكتر من تمنه و اخر حاجه بقي التلاجه تورنيدو تركي المفروض يعني مش المصري باظت منعرفش السبب مره واحده كدا مش شغاله الماتور باظ بتنور بس كدا و مفيش تبريد و كلمناهم بيدونا معاد صيانه بعد ٣ ايام في حد ينفع يعيش من غير التلاجه ٣ ايام !! و اصلا بنكلمهم من امبارح مشغلين شويه عيال فالكول سنتر محدش فاهم حاجه و استنو كمان بقي لما تيجي الصيانه نتفرج عالمهزله الي بتحصل و هيدفعونا تمن التلاجه زي مدفعنا تمن التكييف و فالاخر مرمي ديكور فالصاله مش شغال ٢.٥ حصان شوفو بكام بقي دلوقتي …
S
Sherine Ragab
مجموعات فيسبوك (تعليق)· منذ 11 يوم
★★★★★1.0
خدمة عملاء حافظين مش فاهمين وفنيين لا يفقهوا شئ للاسف شارية تلاجة من كام يوم وفيها مشكلة وللأسف مش عايزين يرجعوها وعايزين يعملولها صيانة!!!!! إزاي مش فاهمة؟!!
M
Mohamed Atia
مجموعات فيسبوك· منذ 11 يوم
★★★★★1.0
السلام عليكم تجربتى السيئة مع العربى جروب اسوء ضمان من وجهه نظرى للأسف.. اشتريت تلاجه تورنيدو ٣ باب ٣٥١ لتر .. ومن اول يوم تشغيل وظهر صوت غريب مع الماتور .. صوت ونة عالية وطنين وصفارة لدرجة انى معرفش انام ف الغرفة اللى فيها التلاجه .. كلمت خدمه العملاء . بعتولى فنى جه وشاف التلاجة وسمع الصوت وبكل برود قالى طالما التبريد كويس مليش علاقة بالصوت .. قولتله وانا اتعايش ازاى مع الصوت دا . من فضلك انا محتاج استبدال او استرجاع. قالى حد من الدعم الفنى هيكلمك . ومحدش كلمنى.. وبعتوا فنى تانى نفس القصة . وف الآخر بعتولى فنى بقطعه غيار والتلاجه مكملتش اسبوع تشغيل رفضت طبعا .. كلمت خدمه العملاء تانى قالولي مشكلتك مع المبيعات مش الصيانه .. كلمت المبيعات قالولى لا مشكلتك مع الصيانه .. بيشقطونى لبعض ومحدش فيهم عارف شغله.. وانا لبست التلاجه وحسبي الله Elaraby Group جهاز حماية المستهلك المصري
D
Dalia Ezzat
مجموعات فيسبوك (تعليق)· منذ 11 يوم
★★★★★2.0
أنا المكوه كانت فالضمان مكملتش سنه خدوها خلوها ٢١ يوم علي أساس إنها هتتغير عشان قطع الغبار مش موجوده ووكل المكالمات متسجله بتقول كدا فجاءه كلموني قالولي إنها سليمه وتعالي استلميها 😂😂😂😂😂تورنيدو حقيقي براند وحش جدا
G
Galal Feras
مجموعات فيسبوك (تعليق)· منذ 11 يوم
★★★★★1.0
المكوه دى اختراع فاشل وبتبوظ وتصليحها قريب من ثمنها جديده
M
Mahmoud Kassem
مجموعات فيسبوك· منذ 11 يوم
★★★★★1.0
السلام عليكم أنا بس عايز اعرف الناس مستوي شركة العربي بقي عامل ازاي اشتريت مكواه ستاند بالبخار تورنيدو من فتره و باظت كلمت خدمة عملاء العربي بعتوا فني بأجر لأنها خرجت برا الضمان قالي المضخه عايزه تتغير و مش موجوده في الشركه بعد فتره كلمتهم تاني بعتوا فني قال محتاجه heater قولتله بس هي بتسخن قالي هو السبب قعد جنبي ساعه بيغيره و المكواه مشتغلتش قالي هسحبها و بعدها لقتهم بيكلموني عايزه تغير مضخه غيروها وخدوا ١٨٦٥ جنيه و اشتغلت يوم و تاني يوم مفيش بخار كلمتهم خدوها تاني جالي رساله ادفع للعربي ١٠٦٥ جنيه لتغيير خزان المايه عملت شكوي انهم بيجربوا مش بيصلحوا تقريبا غيروا كل اجزاء المكواه قولتله طيب اشتري واحده جديده احسن رد الشكوي بعتوا أخدوا قطعتين الغيار القدام اللي شالوهم و رجعوهم المكواه و شالوا الجداد و رجعوا الفلوس 😂😂😂😂😂 كلمت الشكاوي قولتلهم هو مستوي العربي انه يغير و يجرب و لا يكتشف العطل الحقيقي و يصلحه ردت قالتلي لو هتصلحها هتتكلف ٤٠٠٠ فيما فوق قولتلها شكرا عموما انتوا شركه فاشله و أنا مش هتعامل معاكم تاني و هرمي المكواه مش عايزها
D
Doaa Wael
مجموعات فيسبوك· منذ 12 يوم
★★★★★1.0
عندي ميكرويف تورنيدو بقاله اكتر من ٥ شهور بايظ تواصلت معاهم كذا مره علشان حد يجي يصلحه وانا أتحمل تكلفه الزياره المنزليه ومحدش بيجي وكل مره اكلمهم الكلام يتغير مره الزياره المنزليه ٣٠٠ ومره ٤٠٠ وقطع الغيار مجانا ومره تانيه ٤٠٠ وغير شامل قطع الغيار طب ازاي غير شامل قطع الغيار وهو في الضمان بجد اسواء شركه الميكرويف فصل لوحده وانا استخدامي ليه بسيط جدا ميكرويف تورنيدو بلاك ليست ❌❌❌❌
A
Abdel MunemHegazi M Hegazi
مجموعات فيسبوك (تعليق)· منذ 13 يوم
★★★★★1.0
فعلا خدمة سيئة ولما ييجي الفني هيطلع العيب سوء استعمال
A
Abdallah Alazb
مجموعات فيسبوك (تعليق)· منذ 13 يوم
★★★★★5.0
حضرتك اطلب فني عربي هيخلصلك المشاكل دي كلها ومن الاخر مش هتلاقي خدمة زي العربي ولو انت مش عارف كدا مكنتش اشتري منتجوا ولو عاوز تعرف الخدمة السيئة بجد جرب منتج من شركة تانية وانت تعرف الفرق معادك اصلا هكون بعد اسبوع مش تاني يوم زي العربي
ح
حاتم المنشاوي
مجموعات فيسبوك (تعليق)· منذ 13 يوم
★★★★★1.0
للاسف اقذر شركه في الوجود أسواء خدمه عملاء واسواء فنين
S
SaMah Mohamed
مجموعات فيسبوك (تعليق)· منذ 13 يوم
★★★★★1.0
اوسخ شركة وبيعتملوا الناس اوسخ معامله لازم الكل يقاطع أجهزتهم البايظه المعفنه وهيئة الرقابه والجوده وحماية المستهلك معاهم وكلهم بيداروا على بعض حسبنا الله ونعم الوكيل فيهم
M
Mohamed Soliman
مجموعات فيسبوك (تعليق)· منذ 14 يوم
★★★★★1.0
الشركة من سئ الي اسوء والفنيين علي قدهم
O
Omar Ayad
مجموعات فيسبوك· منذ 14 يوم
★★★★★1.0
بعد أكثر من 13 زيارة فاشلة وتكرار الأعطال، المشكلة تحولت لـ تخبط إداري وتصفية حسابات. إعادة إرسال نفس الفني الشركة بعتتلي نفس الفني المتسبب سابقاً في كسر شاسيه الجهاز والمسجل ضده شكاوى سابقة بالسيستم ليقوم بالمعاينة مجدداً في تصرف يفتقر لأدنى معايير الجودة والحيادية. اعتماد تقرير مزور والرفض التعسفي الفني رفض تماماً إعطائي صورة من التقرير الفني أو إطلاعي عليه وقال بالنص (دي حاجة متخصكش) ليقوم بعدها بإغلاق الشكوى تعسفياً بتقرير كاذب يدعي أن الجهاز سليم والعميل يشتكي من خرابيش حائط للتهرب من المسؤولية وهو ما أقر به موظف خدمة العملاء في شات الواتساب الرسمي. تجاهل العيوب والتلفيات الجهاز ما زال يعاني من صوت عيب ميكانيكي واضح بالوحدة الداخلية بالإضافة لتلفيات بالحوائط والتركيب. المسؤولية كاملة تقع على إدارة العربي لإهمالها في الرقابة على جودة الخدمة واعتماد تقارير مضللة لإغلاق الشكاوى.
M
Magdy William
مجموعات فيسبوك (تعليق)· منذ 13 يوم
★★★★★1.0
خدمه ما بعد البيع في مجموعه العربي بعد الحاج محمود اسوء ما يمكن الاجهزه صيني كلها اعطال خصوصا التلاجات والتكييف عن تجربه وفي الاخر تصلح بره التوكيل ونريح بالك عن تجربه ومن كتر ااشكاوي عاي الفيس فقدواالمصداقيه
العودة إلى صفحة العربي جروب