يتفرجيتفرج

تقييمات العربي جروب

312 تقييم من المتسوقين (صفحة 12 من 16)

أضف تقييمك

D
DeterminedTiger1283
مجموعات فيسبوك (تعليق)· منذ شهران
★★★★★1.0
انا كنت فني في الشركه وبقولك من افشل الاجهزه الي العربي عملها والحمد لله ربنا تاب علينا من العربي
A
Aly Elsawaah
مجموعات فيسبوك· منذ شهران
★★★★★1.0
العربى جروب اسوأ تجربة فى حياتى كلها معاهم. الحكاية بدأت لما قررت اشترى ديب فريزر شارب 7 درج ديجيتال بضمان العربى وكنت من اول الناس اللى اشترت المنتج اللى لا يصلح للشراء أصلا ومع بداية تشغيله وبعد شهر الاقى عطل وطلبت صيانة وحضر الفنى وقام بتشخيص العطل واقر بأنه عيب صناعة فى المنتج وعشان انا من اوائل الناس اللى اشتروا منهم فكانوا بيجربوا فينا مع وعود أن الصيانة هتتعمل والعيب هيختفى ورفضت الصيانة وبلغونى أن مينفعش الاستبدال غير بعد 3 مرات من الصيانة وان العيب لازم يكون متكرر لنفس العطل وتم الإصلاح اكتر من 10 مرات بواسطة الفنيين التابعين للشركة وللأسف وعلى مدار 4 سنوات بيتكرر نفس العطل وبطلب الصيانة وبيبعتوا فنيين من قبلهم طبقاً للضمان وتم سحب الجهاز من قبل الشركة للصيانة فى 2024 عشان نخلص من حوار الاعطال على حد قولهم ولكن افاجئ من 15 يوم بعطل مفاجئ أدى لتلف كل الاكل الموجود داخل الفريزر واترمى اكل وخزين البيت كله بمبلغ وقدره 10000 جنيه. وتم طلب الصيانة للمرة المليون وحضر الفنى وقال نصآ هنسحب الفريزر عندنا عشان نغير الكابينة الداخلية عشان فيها عيب انتاج قولت ماشي. بعد أسبوع من سحب الفريزر
A
Amera Maher
مجموعات فيسبوك· منذ 3 أشهر
★★★★★1.0
عندي شاشه شارب ٥٠ بوصه جيباها من سنتين حصل فيها مشكله غمقان في نصف الشاشه من فوق. اتصلت بالعربي بيقولي الصيانه وزياره المندوب ب٥٥٠ ج علما ان نص الضمان بيقول انه مجانا او اني اخد الشاشه واروح الفرع عشان مدفعش الزياره. هل هذا يعقل اشيل شاشه ٥٠ بوصه واروح بيها فروع بعيده لسه في فتره الضمان اعمل ايه
C
Camellia Sayed
مجموعات فيسبوك (تعليق)· منذ 3 أشهر
★★★★★1.0
العربي صناع الهم والقرف بجد فضلوا شهرين مغلبينا على عطل ف غسالة وجم يصلحوها كسروا قطع غيار اساسا
M
Mohamed Sameh
مجموعات فيسبوك· منذ 3 أشهر
★★★★★1.0
شركة العربي اسوء خدمة واسوء تعامل اشتريت شاشه من العربي وتحديدا (شارب) الشاشه فيها عيب صناعه ومكملتش 7 ايام وظهر العيب في اخر يومين في السبع ايام شاريها يوم 20/6/2026 وحتي الان روحت بالشاشه مركز صيانه العربي فرع المهندسين شارع سوريا وبأمانه اسوء تعامل واسوء معامله من مركز الصيانه ولا في اي فنين فاهمين حاجه وفي الاخر بعد انتظار اكتر من 5 ساعات ف فرع الصيانه الخاص بالعربي الفني يخرجلي يقولي الشاشه مفيهاش حاجه مع اني معايا اثبات بالفيديو وغير كدا العيب بيظهر بعد تجربة الشاشه من 5 ل 10 ساعات وساعات اقل الفني يخرجلي بعد ساعه بالظبط يقولي احنا جربنا الشاشه 4 ساعات مع اني اربع معداش علي انتظاري غير ساعه واحده وغير كدا قبل ما الشاشه تدخل مبلغينا انها طالما في خلال ال 14 يوم من حقنا نستبدلها وبلفونا انهم هيفحصوا الشاشه ومش هيتم اي فتح الاستاذ الفني خرجلي يقولي احنا فتحنا الشاشه وفكيناها ومفيهاش حاجه وبعد كدا لما قولتله انتوا قولتوا مش هتفكوا حاجه انكر الكلام اللي لسه قايله قالي لا مفكناش حاجه بأمااااااانه بلاش بلاش بلاش بلاش العربي اسوء خدمه واسوء منتجات في مصر #قاطعوا_منتجات_ـالع
S
SeHam Abdallah
مجموعات فيسبوك· منذ 3 أشهر
★★★★★1.0
السلام علبكم انا كل مره بشتري منكم بنشتري خدمه وضمان واسلوب محترم احنا بقينا بنعاني معاكم طول الوقت طبعا كلنا في بدايه الصيف عرفنا ان العربي لغي خدمه الصيانه الدوريه كل صيف وكان من ضمن الصيانه كان تنضيف الجهاز انا عميله عندي جهازين في البيت واحد خارج الضمان وواحد شرياه اخر الصيف اللي فات يعني اول تشغيل ليه الصيف ده لما بلغوني ان اخبطي راسك في الحيط ومفيش اي اجراء هيتغير سكت زي ما كلنا سكنا علي اسلوبهم وطريقتهم دلوقتي جهازي جديد وبيطلع ريحه مش لطيفه ولما بكلمهم بيقولولي اوكي هنعمل بلاغ صيانه وهندفع خدمه غسيل ٤٦٠ جنيه !!!!!!!!!!!! طيب انا عندي مشكله وانا في الضمان !!!!!!!!! ده اللي عندنا !!!!!!! طيب عندي مشكله انا ادفع فلوس ليه ونا في الضمان !!!!!!!!! هو ده رد الاداره يا فندم 🙂 يا اداره العربي ليه مصممين اننا نبطل نتعامل معاكم زي كتير مننا متربي عليكم في بيوت اهلنا وبتالي جبنا منتجاتكم زي اهلينا اللي طول عمرهم بيتعاملو معاكم Elaraby Group #تكيييف_شارب #حماية_المستهلك
N
Nour Amin
مجموعات فيسبوك· منذ 3 أشهر
★★★★★1.0
العربي جروب كلاكيت للمره العشرين. بعد كمية شكاوي من شهر يناير مع الشركه واستبدال لشاشه مرتين بسبب عيوب الصناعه بعد ما عذبوني، الشاشه التالته برضوا جت فيها عيوب صناعه خط واضح. تغاضيت عنه لاني كنت زهقت من التعامل معاهم. بعد فتره بشغل الشاشه ف يوم التكييف كان بايظ، الشاشه سخنت وفصلت لوحدها اكتر من 3 مرات. تاني يوم نفس النظام الشاشه لما تشتغل شويه تفصل لوحدها. الشاشه عاوزلها تكييف عشان تحن علينا ومتفصلش يبقي كده هزار والجوده صفر. اكلم الصيانه يبعتوا فني يصور الشاشه من بعيد وعاوز يمشي. قلتله الخط واضح لما تقرب لدرجة اني خدت التليفون منه وصورتله. وبالنسبه لانها بتفصل لوحدها قال لا لازم اشوفها بتفصل. قلت طيب هنعملها ازاي دي نصورلك فيديو يقول لا انا اللي اصور وحاجه قمة العبث. انا مش هسكت ع اللي بيحصل ده عشان احنا تعبنا ف فلوسها.
M
Mostafa Adel
مجموعات فيسبوك· منذ 3 أشهر
★★★★★1.0
العربي جروب ادورهت بعد الحاج محمود الله يرحمه اشتريت من ٩ شهور ماكينه محضره قهوه اسبيرسو وضمانها سنه والماكنه بقت تسرب ميه بلغتهم حولي ودفعت ٤٠٠ جنيه زياره منزليه وقالي وديها المركز المهم وديتها المركز وبالفاتوره علشان تتصلح بلغوني ان الجهاز موديل قديم فالفاتوره مرفوضه علما بان الفاتوره من وكيل معتمد والجهاز اساسا متصنع من سنتين او تلاته وبيماطلوا في تصليحه جدا علشان الضمان بتاعه يخلص Elaraby Group انا محتاج حل
A
Ahmed M. Elbadawy
مجموعات فيسبوك· منذ 3 أشهر
★★★★★2.0
شركة العربي للأسف بعد وفاة الحاج محمود العربي أصبح التعامل سيء بشكل لا يقبل تحمل شراء أجهزتهم في المستقبل فقدو أهم ميزه كانت عندهم وهي خدمات الصيانه بعد البيع عملت بلاغ صيانه لجهاز تكييف شارب تبريده ضعيف جدا منذ تركيبه بمعرفتهم وبعد معاينة الفني طلب سقاله او مان ليفت للوصول للوحده الخارجيه بالرغم من انه الفني اللي ركب اتصرف وركبه بدون طلب سقالات او غيره وبعد ما اتفقنا علي ميعاد وتم توفير المعده المطلوبه الفني كان اصلا قفل البلاغ ولما كلمت الشركه مره أخري طلب عمل بلاغ جديد طيب محتاج اعمل شكوي لا يافندم مفيش امكانيه النهارده فني تاني ببلاغ تاني قالي حضرتك انا هوصل للوحده مفيش مشكله وبعد ماكان هيشتغل عادي ويشحن الجهاز رجع يقولي مديري قالي ما تشتغلش عشان الجهاز محتاج ادارة تانيه واللي هي التركيبات تنقل الوحده في مكان تاني وحضرتك اصلك مأسس للتكييف وعامل مواسير داخل الحائط وده مالوش علاقه ولو كان فيه مشكله طيب انت ليه ركبت الجهاز من الأول وماكانش في اي مشكله كلمت خدمة العملاء تاني كان الرد انه لسه التقرير ما اترفعش ومش هنقدر نعمل اي حاجه الا اما التقرير يترفع ع السيستم طيب حد بيكلمني يتابع
Y
Yasser Mahmoud
مجموعات فيسبوك· منذ 3 أشهر
★★★★★1.0
اوعا تشترى من العربى علشان ميحصلش معاك زى عملاء كتير حاليا موجود على السوشيال اشتريت تكيف ف ١/٤/٢٠٢٢ و بعد ما اشتريته ركبته علطول اول ما التكيف اشتغل بدأت رحله المعاناه قدمت طلب صيانه بعد ما ركب باسبوعين جالى فنى و زود شحن التكيف ٢ مرة بعدها بشهرين قدمت طلب صيانه تانى بنفس العطل (ضعف تبريد ) جالى فنى و شحن فريون و مشى ٣ مرة بعد تقديم شكوى بنفس العطل جالى فنى و غير ابرة. الفريون و شحن فريون ٤ مرة ف صيف ٢٠٢٣ التكيف الشحن و الفنى طلب منة اعمل طلب فك و اعادة تركيب و عملت كدو و رجع شحن فريون و بعدها بشهرين ٥ مرة سجلت شكوى جالى فنى شحن و مشى و استمر الحال حتى صيف ٢٠٢٦ كل صيف اسجل طلب صيانه بمشكله ضعف تبريد يجى فنى يشحن التكيف و يقولى كدة بقا مية مية و بعدها بشهرين اعمل طلب صيانه غيرة لدرجة ان عملت ١١ طلب صيانه المرة رقم ١٢ عملت طلب صيانه و صورت الفيديو دة و بعدها الاستاذ المشرف الخاص بالمنطقة اسمه جاسر بيكلمنى ف التليفون بيهددنى ان محتجز الفنى وضحتله ان مش محتجز حد انا فاتح باب الشقة على آخرة بس الفنى بتاعك جالى و من غير ما يصلح حاجه عايز يمشى و انا عايزة يصلح الجهاز الأول طبعا
H
Heba Hamed
مجموعات فيسبوك· منذ 3 أشهر
★★★★★2.0
أقدم شكوى بعد تجربة مؤسفة. تم فك ونقل 4 أجهزة تكييف بواسطة شركة العربي وتم تسليم الأجهزة سليمة. بعد إعادة التركيب تضررت 3 أجهزة من أصل 4، حيث تعرض جهاز لكسر في الوحدة الداخلية وتم إصلاحه لأنه داخل الضمان، وتعرض جهازان لكسر محابسهما وتسرب الفريون. رغم أن الأجهزة سُلّمت سليمة قبل النقل، رفضت الشركة تحمل مسؤولية الإصلاح. تم تقديم شكوى رقم CSCOMB2026060112733 وأغلقت مع تسجيل معلومة غير صحيحة بأنني رفضت الدفع. ثم فتحت شكوى أخرى رقم CSCOMB202604297727 وطلبت الرجوع إلى تقارير الاستلام، وظلت مفتوحة لأكثر من أسبوعين دون رد، ثم أغلقت أيضًا مع إبلاغي بأنه لا يمكن مساعدتي. كما طلبت فواتير النقل والتركيب عدة مرات، لكن تم إرسال روابط منتهية الصلاحية لا تعمل، ورغم إبلاغهم بذلك أكثر من 4 أو 5 مرات، لم يتم تزويدي بالفواتير. بعد إرسال رسالة للأستاذ محمد العربي، تواصل معي فريق خدمة العملاء واعتذر وأبلغني بأنه سيتم حل المشكلة، لكن بتاريخ 25/6 حضر الفنيون ورفضوا إجراء الإصلاح إلا بعد دفع مبالغ إضافية، وأفادوا بأن الأجهزة تم نقلها بواسطة شركة خارجية، وهو أمر غير صحيح حيث تمت عملية النقل من خلال العربي. كما
T
ThoughtfulDragon9362
مجموعات فيسبوك· منذ 3 أشهر
★★★★★1.0
شركة العربي مش بتحترم عملائها اشتريت عدد اتنين تكييف شارب من تلات سنين و اتقالي وقتها أن ليك صيانه مجانيه كل ست شهور لمدة خمس سنين بكلمهم عشان يعملوا الصيانه المجانيه لاول مره قالوا لا لغيناها و بقت بفلوس طيب يا جماعه انتوا قولتولي معلومه و انا بشتري المفروض لما تعدلوا كلامكم تعدلوه علي اللي هيشتري جديد مش اللي اشتري قبل كده المؤسف في الموضوع تعامل خدمة العملاء بمنتهي اللامبالاة و الكول تون اللي حاطينها بيقولوا كلمتك من دهب و كلمتك عقد و في الاخر لحسوا كلامهم بصراحه قلة احترام و عدم اهتمام باسمهم وانا مش فارق لي ال٢٠٠ جنيه بتوع تنضيف التكييف بس موقف زي ده يخليني متعاملش معاهم تاني بصراحه
Z
Zezo ŠàľvàŦôŕê
مجموعات فيسبوك· منذ 3 أشهر
★★★★★1.0
منصحش حد يتعامل مع شركة العربي تاني **اشتريت تكيف شارب 1.5 حصان بتاريخ اكتوبر 2024 قالولي وانا بشتري ليك ٥ سنين خدمة تنظيف التكيف السنوية الدورية للحفاظ علي التكيف ** استخدمت الميزة دي لأول مرة في مايو 2025 ..الصراحة غسلوا كل حته في التكيف رجع زيرو ...و طبعا فرق في الاداء ** استخدمت الخدمة دي ثاني مره الشهر ده يوم 4 جالي فني بيكلم بطريقة قليلة الذوق و معاه بلاور نفخ بيه شوية في الوحدة الخارجية و غسل الفلاتر و قالي خلاص كده... قولتله خلاص ايه ده الوحده الخارجية مطينة ... قالي هو ده اخر الخدمة المجانية قولتله انا ليا الخدمة الشاملة ٥ سنين مجاني ... قالي لا الشركة غيرت الكلام ده في شهر مارس 2026 و بقت ب 450 جنيه لاي حد ... قولتله الكلام ده المفروض يطبق علي اللي بيشتري جديد مش تغير كلامك علي اللي اشتري قديم ... قالي مليش دعوة ارجع للشركة **رجعت للشركة كذا مره و عملت شكوي قالي خلال ساعه حد هيكلمك من الادارة و بعد مكالمات كتير كلمني حد من رقمهم و اعتذرلي و قالي هيجيلك حد يوم 10 يعمل المطلوب مجاني .. ** يوم 10 الفني بيكلمني و بيقولي في تكلفة برضه .. قولتلة متجيش ** و كلم
L
Liladodo Saso
مجموعات فيسبوك· منذ 3 أشهر
★★★★★2.0
اشتريت اعلى جهاز عندهم 5 حصان بارد و سخن و انفرتر للاسف الجهاز به سوء تصنيع قطعه غير مثبته و بتعمل صوت و الفنى فتح الوحده الداخليه فكّكها حرفيا عشان يثبت القطعه اللي بتعمل صوت و جهاز جديد جديد جديد ده غير الريموت مش بيشتغل الفنى بيطالبنى ان عشان استخدم الريموت لازم اقف امام العدسه على بعد قريب جدا عشان اشغل الجهاز جهاز ب ١٠٠ الف جنيه به سوء تصنيع و الريموت بتاعه عقيم عقيم و مش عايزين يغيروه
R
Rahf Ahmed
مجموعات فيسبوك· منذ 3 أشهر
★★★★★3.0
محتاجه اعرض مشكلتى يمكن يكون ليها حل دلوقتى أنا جايبه مروحه ترنيدوا سقف الصيف اللى فات من ساعه ما جت وهى كده شغاله على 5 كأنها شغاله ع 1 ضعيفه جدا كلمت الشركه قالوا لازم تروح الفرع فى المنيا أشيل مروحه سرف ساعتين علشان اشوف مالها قال ملهاش زياره منزليه
A
Asma El Sharkawi
مجموعات فيسبوك· منذ 3 أشهر
★★★★★2.0
السلام عليكم انا حابة احكي عن تجربه مع شركه العربي و تحديدا تورنيدو. اشتريت تكييف تورنيدو من سنتين لاوضة اطفالي. مشغالين معاهم ناس ميعرفوش حاجه في اي حاجه. لحد دلوقتي مش عارفين نصلح التكييف و بنتكوم كلنا ف اوضة واحده عشان شركة زي شركة تورنيدو.
M
Mai Shawky
مجموعات فيسبوك· منذ 3 أشهر
★★★★★1.0
عايزه انقل تجربتي مع ضمان العربي .. لان للاسف في ناس كتير بتشتري اجهزتها ضمان العربي علي حس سمعتهم زمان انهم كانو كويسين .. اشتريت من سنه و٥ شهور الاجهزه بتاعت جوازي كلها تورنيدو .. منهم سخانين واحد ٨٠ لتر وواحد ٣٠ لتر لتواليت الضيوف بعد الاستخدام بحوالي ٣ شهور السخان ال٣٠ لتر لقيته بيسرب ميه لوحده كلمت الضمان قالولي هنبعتلك فني يصلح العطل وجه صلحه .. بعدها ب ٣ شهور تانين لقيته ظاهر عالشاشه علامه الايرور وبيصفر رحت مكلماهم تاني بعتولي فني حل المشكله .. التاني الكبير محصلش فيه اي مشاكل من ساعة ما اشتريته والصغير ده اللي كل شويه يظهر فيه عيب وقلت عادي .. من حوالي ٢٥ يوم لقيت الجهاز مكسور من فوق ومن تحت لوحده !!! كلمتهم يوم ٢٢ مايو قالولي هنبعتلك فني وبعتوه فعلا يوم ٢٤ شاف الجهاز وصور الكسور وقالي هيردو عليكي .. استنيت لحد يوم ١٣ يونيو محدش عبرني فكلمتهم تاني قالولي الفني قال انه سوء استخدام ! فسوء استخدام دي استفزتني جدا لاني لا حطاه فمكان مفتوح بيخشله شمس مباشره عليه ولا ماشيه بدقدق بالشاكوش فيه ولا بستخدمه كرسي سفره مثلا !!! ده سخان ! ومن ساعة مااشتريته و فني من عندهم اللي معلقهولي وحت
Y
Yussof Mohamed Assaad
مجموعات فيسبوك· منذ 3 أشهر
★★★★★2.0
عندي مشكلة في رسوم الصيانة الدورية على تكييف شارب العربي جروب. المشكلة هي ان الصيانة الدورية اصبحت برسوم ٤٥٠ جنيه مع ان المفروض وده كان كلامهم لما اشترينا التكييف ان الصيانة الدورية مجانا طول فترة الضمان.
L
Liladodo Saso
مجموعات فيسبوك· منذ 3 أشهر
★★★★★2.0
محدش يشترى نكييفات شارب اشتريت اعلى جهاز عندهم 5 حصان بارد و سخن و انفرتر. للاسف الجهاز به سوء تصنيع قطعه غير مثبته و بتعمل صوت و الفنى فتح الوحده الداخليه فكّكها حرفيا عشان يثبت القطعه اللي بتعمل صوت و جهاز جديد جديد جديد. ده غير الريموت مش بيشتغل. الفنى بيطالبنى ان عشان استخدم الريموت لازم اقف امام العدسه على بعد قريب جدا عشان اشغل الجهاز. جهاز ب ١٠٠ الف جنيه به سوء تصنيع و الريموت بتاعه عقيم عقيم و مش عايزين يغيروه. عايزنى اشترى واحد جديد و هو أصلا جديد ب الاستيكر بتاعه. قمه الاستهزاء بالعميل. عميل قديم شاريه منتجات من عندهم تصل ل مليون جنيه مش عارفين يغيروا ريموت لإرضاء عميل و هو امر ناتج عن سوء جوده و سوء تصنيع. مش عايزين يبعتو شى رسمى ان الريموت بيشتغل بالكيفية العقيمه ده و لا مكتوب حتى في الكتالوج كده و لم يذكر مثل هذا التخريف عند الشراء.
D
Deena Shaltout
مجموعات فيسبوك· منذ 3 أشهر
★★★★★2.0
حد يقدر ينصحني ازاي اعمل شكوى في جهاز حماية المستهلك ضد العربي جروب.. جبت منهم تاكيف في ٢٠٢١ والموظف كتب تاريخ التركيب ٢٠٢٠ معرفش بقى عن قصد ولا بيستهبل، بس هم مش عاوزين يصلحوه داخل الضمان رغم انه لسة داخل الضمان بسبب غلطة الموظف.. و رغم انه تاريخ انتاج الوحدة ٢٠٢١ يعني استحالة تكون اتركبت قبل ما تنتج! تعديل التاريخ في الفاتورة ٢٠٢١ و لكن مش موافقين بيها لانها مش ضريبية و طبعا البائع مش راضي يطلعلي فاتروة ضريبية من اكتر من ٤ سنين
العودة إلى صفحة العربي جروب