يتفرجيتفرج

تقييمات العربي جروب

444 تقييم من المتسوقين (صفحة 12 من 23)

أضف تقييمك

D
Doaa Ragb
مجموعات فيسبوك· منذ شهران
★★★★★1.0
عندي مشكلة مع شركة(توشيبا العربي جروب) عندي (تكييف) اشتراته يوم ٢٤ - ٧ - ٢٠٢٣ وتم تركيبه يوم ٣١- ٧ - ٢٠٢٣ ... حصل فيه مشكلة انعدااام التبريد تماما حرفيا هوا مروحة وكل مرة يجي يشحنه وتاني يوم يتكرر الموضوع و ينعدم التبريد وأحد الفنيين جه مرة قالي المواسير محتاجة تتغير وجه إلي بعده غير محبس وباكيم وشحن برده وتأتي يوم ينعدم التبريد برده واتصل تاني يبعتوا حد جه. قالي الماسورة مخرومة ولحمها وشحن وتاني يوم ينعدم التبريد برده واتصل النهارده بعد ٧ زيارات سابقين يقولي المواسير عايزة تتغير ( على حسابي ) بمبلغ ٤٠٥٠ ...... ولما اتكلمت معاه أن الجهاز في الضمان قالي الجزء ده خارج الضمان والوحدة الخارجية كلها خارج الضمااان .. تهرييج حرفيا عندي مشكلة مع شركة(توشيبا العربي جروب) عندي (تكييف) اشتراته يوم ٢٤ - ٧ - ٢٠٢٣ وتم تركيبه يوم ٣١- ٧ - ٢٠٢٣ ... حصل فيه مشكلة انعدااام التبريد تماما حرفيا هوا مروحة 😥وكل مرة يجي يشحنه وتاني يوم يتكرر الموضوع و ينعدم التبريد وأحد الفنيين جه مرة قالي المواسير محتاجة تتغير👍وقالي أن الجهاز علشان معيش فاتورة ضريبيبة فهيحسب من تاريخ الصناعة مش الشراء وكده قدامك سنة في
عرض المصدر
M
Mahmoud Elsharkawy
مجموعات فيسبوك· منذ شهران
★★★★★1.0
مساء الخير عايز احكي عن تجربة من أسوء ما يمكن مع شركة العربي خلال اكتر من سنة تم اصلاح جهاز تكييف اكتر من ٦ مرات بسبب مشكلة في التسريب .. وكل ما نبلغ عن عطل .. بييجوا يشحنوه ويمشوا لانهم مش عارفين يحلوا المشكلة ورغم انهم اعترفوا اكتر من مره ان فيه عيب في الجهاز الا انهم رافضين الاستبدال بيقولوا عشان ده مش في سياسة الشركة ؟!! اخر مره فكوا الجهاز خالص واخدوه معاهم وقالوا لو حصلت المشكلة تاني هنستبدله والمشكلة اتكررت بالفعل ولكنهم رفضوا الاستبدال بردو مش دي المشكلة كمان المشكلة الاكبر ان دلوقتي اكتر من شهر بحاول احجز ميعاد صيانة عشان الجهاز مش شغال تمام وبعد عشرات المكالمات بعتوا فني .. الفني قالي الجهاز مش نافع وهصوره وارفع بيه تقرير لمديري وهنعرفك النتيجة بتاعته .. للاسف قعدوا فترة بدون رد وكل ما اتصل بخدمة العملا يقولي هنرد عليك ومفيش اي ردود الا حد بيكلمني يستفسر عن المشكلة ويقفل والكارثة الأكبر اخر مره من كام يوم قالولي هو مفيش زيارة اصلا تمت في اليوم ده زي ما موجود في الاسكرين شوت.. والصورة التانية الفني وهو طالع من شقتي انت متخيل يعني ايه فني يكلمك من رقم الشركة ويدخل ب
عرض المصدر
S
Sally Ahmed
مجموعات فيسبوك· منذ شهران
★★★★★1.0
قمت بشراء عدد 3 مراوح حائط من ماركة تورنيدو من أحد توكيلات العربي في شهر ديسمبر 2025. ونظرًا لأن الشراء تم خلال فصل الشتاء، فلم يتم تركيب وتشغيل المراوح إلا في شهر أبريل 2026. ومنذ بداية تشغيل المراوح الثلاث، ظهرت بها مشكلات واضحة ومتكررة، تمثلت في ارتفاع مستوى الصوت بصورة غير طبيعية ومزعجة، بالإضافة إلى وجود مروحة أخرى كانت تفصل وتعمل من تلقاء نفسها، كما كانت تقوم بتشغيل خاصية الـ Swing تلقائيًا دون تدخل مني. ونظرًا لرغبتي في حل المشكلة من خلال مراكز الصيانة التابعة للشركة، توجهت بالمراوح إلى مركز صيانة العباسية مرتين، ثم إلى مركز صيانة مدينة نصر مرة أخرى. وكان أقرب مركز صيانة بالنسبة لي يبعد عن محل إقامتي مسافة تقارب 80 كيلومترًا ذهابًا وعودة، وقد ترتب على تكرار التوجه إلى مراكز الصيانة قطع مسافة تزيد على 240 كيلومترًا، فضلًا عن الوقت والجهد المبذولين، وفي كل مرة كنت أتلقى الرد بأن المراوح لا يوجد بها عيب أو أن المشكلة غير ظاهرة وقت الفحص. وبعد تكرار المشكلة وعدم الوصول إلى حل، طلبت من مركز الصيانة إرسال فني إلى المنزل، حتى أتأكد أولًا من أن المشكلة ليست ناتجة عن طريقة التركيب أو مصد
عرض المصدر
H
Hend Reffaie
مجموعات فيسبوك· منذ 3 أشهر
★★★★★1.0
عندي تجربه سيئه جدا مع شركه العربي. المشكله تخص تكيف شارب ١.٥ حصان انفرتر. للاسف اسوء صيانه ومتابعه ع مستوي كل الشركات. انا لو كنت جبت جهاز صيني مكنش حصل معايا كده. الجهاز له ٣ سنوات ومن بعد اول سنه و هو بيسرب فريون. من شهرين تحديدا ف ٨ / ٧ / ٢٠٢٦ الجهاز سرب لرابع مره وطبعا عايزين يعملو شحن للجهاز تاني ومصرين .. هنا انا رفضت الشحن الا لما الجهاز يتفحص كويس. فني مقدرش يعرف التسريب جي منين والفني بنفسه قالي الجهاز لازم يروح الشركه. قعدو يماطلو معايا ومش عايزين يبعتو حد يسحب الجهاز. قعدو شهر كل يوم يدوني ميعاد ان الفني هيجي يسحب الجهاز ومحدش بيجي. بعد مدوخوني وتعبت خناق مع خدمه العملا كل يوم عشان المواعيد الفشنك اللي بيدوهاني. جم يوم ٢٠ /٧ /٢٠٢٦ سحبو الجهاز اخيرا. بعد اسبوع كلموني قاللولي الجهاز خلص وهيكون عندك ف خلال من ٤ ايام الي ١٠ ايام عمل. قولتلهم انتو عايزين تفرسوني .. ليه لما الجهاز خلص ميجيش ! ليه ١٠ ايام واحنا ف نار اغسطس دي .. قالولي هو ده السيستم يا فندم. رجعو بلغوني تاني ان الجهاز هيتم تسليمه يوم ١٠ اغسطس. قعدت من شغلي استني بتوع التكيف وفعلا كلموني الصبح وقالوا هنجيبلك الجهاز
عرض المصدر
C
Cindrella Badawy
مجموعات فيسبوك (تعليق)· منذ 3 أشهر
★★★★★1.0
أنا عندي شكوى بخصوص غسالة كاندي 7 كيلو، الغسالة كان فيها بارومة وما كانتش بتصرف مية، اتصلت بشركة العربي جم قالوا لي المشكلة إن فيها تاكل هنغير البودي وهنغير الطرمبة وإن شاء الله هتشتغل. الكلام ده كان يوم 11/5 من العام الحالي اللي إحنا فيه. آآآ غيروا لي البادي وغيروا لي الطرمبة بـ 4000 يعني بـ بتكلفة 5000 جنيه. والغسالة لسه نفس العطل قائم ونفس العطل موجود. طبعًا اتصلت بالشركة أكتر من مرة وجالي فني أكتر من مرة كتير حضرتك. واكتشفت إن هم عايزين قال لي من 6000 لـ 7000 تاني عشان الضفيرة وبردة. طيب حضرتك اشتري غسالة جديدة. طب يا جماعة صلحوها لي. آآآ نصيحة الفني يقول لي نصيحة إن حضرتك تشتري غسالة جديدة. طب إنتوا صلحوها لي قالوا لي إحنا ما بنصلحش، إحنا بنغير قطع غيار، إنما العربي ما بيتصلحش. بنشيل القطعة التالفة وبنحط قطعة مكانها. طب ما قلتليش ليه من الأول إن هي هتتكلف المبلغ ده إجمالي مبلغ عليا 12000 جنيه، ليه الفني ما قاليش كده من الأول؟ المهم حضرتك أنا طلبت إن هم يغيروا لي برده القطعة غيار قالوا لي غير متوفرة والعربي ما بقتش تصنع القطعة دي وما بقتش تيجي، يعني كده الغسالة دفعت فيها 5000 جنيه
عرض المصدر
S
Sameh Ahmed
مجموعات فيسبوك· منذ 3 أشهر
★★★★★1.0
ثلاجة توريندو موديل RF-569GVT-BK متوقفة عن العمل منذ 4/8/2026، وتم الإبلاغ عن العطل، وحضر الفني وشخّص المشكلة بأنها تحتاج إلى موتور وبوردة. تم تحديد موعد لزيارة الفني، لكنه لم يحضر في الموعد المحدد. تم إبلاغي بأن قطع الغيار تم توفيرها، ثم إبلاغي بأن القطع لم تصل. حضر الفني وقام بتركيب الموتور والبوردة، ولكن الثلاجة لم تعمل، وأكد الفني أن الجهاز يحتاج إلى السحب إلى الشركة. والأغرب أن مندوبة من الشركة كانت تتواصل مع الفني أثناء وجوده عندي، وعندما أخبرها أن الثلاجة لم تعمل وأنه غالبًا يلزم استبدالها، طلبت منه تشغيلها وكتابة أنها "تعمل بحالة جيدة" بحجة أن هناك بلاغًا لدى جهاز حماية المستهلك. حضر مندوبون لسحب الثلاجة، وفوجئت بهم يقولون: "ما ينفعش نسحبها لأن الباب زجاج!" تواصلت مع خدمة العملاء لمدة تقارب 45 دقيقة، وفي النهاية لم أصل إلى حل واضح. الثلاجة متوقفة منذ 4/8، وتم تغيير موتور وبوردة ولم تعمل، والفني قال إنها تحتاج للسحب، ثم حضروا للسحب وقالوا إنهم لا يستطيعون سحبها بسبب الباب الزجاج!
عرض المصدر
A
Amir Samir
مجموعات فيسبوك· منذ 3 أشهر
★★★★★1.0
بعته فني انهارده وشحن وقالي كده تمام وطبعا قالي مينفعش تغير التلاجه الا لو حصلت المشكله فاول ١٤ يوم او نفس العطل فخلال السنه الاولي التلاجه من ساعه الفني ما مشي الساعه ٣ وهو قالي ابداء حك الحاجات بعد ساعه الساعه دلوقتي ٩ ونص والحاجه مجمدتش ومكعبات التلج لسه متلجشت عندي مشكله مع شركه العربي بخصوص تلاجه شارب فخلال ست سنين تشغيل غيرنا ليها اتنين ماتور غير الماتور اللي كان راكب فيها وبرده غيرنا البادى الخارجي كله بسبب انه كان فيه شرخ فالفريزر بقالنا فتره الاكل بيبوظ فالتلاجه وفالفريزر الاكل مش بيتجمد عملنا بلاغ وجيه الفنى امبارح وقال محتاجه تتشحن فريون مع العلم بان اخر ماتور متغير السنه اللي فاتت واتشحنت فبقول للفني كده راح قايل اديك بتقول السنه اللي فاتت ومغير ماتور فطبيعي يحصل كده وهي محتاجه تتشحن دلوقتي وبلغني اني افصلها كل شويه ساعتين ترتاح واشغلها تاني كل مره الاكل يبوظ فالتلاجه والفريزر كله وبيترمي وكل مره يعمله اصلاح لازم ناخد يومين تلاته عقبال ما حد يكلمني وامبارح عملت شكوي رقم csa2026081753037331 والمفروض حد من الشكاوي هيكلمني فخلال ساعه ومحدش كلمني لغايه تاني يوم بكلمهم قالتلي هص
عرض المصدر
A
Ahmed Salah
مجموعات فيسبوك· منذ 3 أشهر
★★★★★1.0
شكوى من شركة العربى دلوقتى نظامهم فى بلاغات الصيانة اننا ندفع بعد تركيب قطع الغيار ومتاخدش فاتورة فى نفس الوقت بل توصلك الفاتورة اخر اليوم ورغم عدم اقتناعى انى ادفع فلوس ومخدش فاتورة فى نفس اللحظة لكنى اضطريت لكده لإصلاح فرن بلت ان من عندهم لكن دفعت مبلغ ٤٢٥٠ جنيه للفترة والاقى اخر اليوم الفاتورة جتلى ب ٤٢٤٠ وموجود بها قطع غيار متركبتش بل الفنى استخدم قطع غيار قديمة سليمة موجودة بالفرن وهى عدد ٢ قاعدة مفصلة قيمتهم ١٨٠ جنيه بالإضافة لل ١٠ جنيه الفرق بين اللى دفعته وقيمة الفاتورة يعنى اخد ١٩٠ جنيه بدون وجه حق وطبعا موضوع انك متاخدش فاتورة وقت الدفع ده بيشجعهم على كده وكلمت خدمة عملاء العربى ولم يتم جل المشكلة وكان ردهم هيتم التواصل معايا وبكده انا مش برشحهم لاى حد والتعامل معاهم بعد كده لازم لما ادفع اخد فاتورة وقتى ويتم تصوير الفنيين بتوعهم فيديو اثناء عمل الصيانة
عرض المصدر
A
Aya Maghawry
مجموعات فيسبوك· منذ 3 أشهر
★★★★★1.0
اشتريت خلاط تورنيدو ضمان العربي يوم ٣١ يناير ٢٠٢٥ من بي تك والخلاط والوصل موجودين في الصور وضمانه سنة الشفشق بتاعه ازاز واتشرخ مني يوم ١٣ يناير ٢٠٢٦ (قبل ما الضمان يخلص ب ١٨ يوم هقولكم انا بوضح النقطة دي ليه) وكلمت خدمة العملا يومها قالولي لا اصل الموديل مش ظاهر قدامي قولت يمكن انا مليتهم الموديل غلط ف الحمدلله يشاء ربنا اني اكلمهم علي الواتس عشان يكون معايا دليل اني بسألهم علي سعر الشفشق عشان عايزة اشتريه قالولي لا اصل مش موجود اتواصلي معانا الاسبوع الجاي وقعدت كل فترة اكلمهم يقولولي اصل مش متوفر جه الشفشق اتكسر تماما شهر ٨ اللي احنا فيه دة كلمتهم باصرار كل يوم والا حاجة عمالين ينيموني اصل مش موجود اصل هنوصل الموضوع للادارة المختصة وهكذا لغاية ما واحدة من خدمة العملا بنت حلال كلمتني تاني قالتلي بصي انا اتواصلت مع الادارة المختصة وبلغوني الحل انك تاخدي الخلاط كله كامل والفاتورة وشهادة الضمان تروحي لاقرب فرع وهما هيبدلهولك وتدفعي الفرق بس لازم يكون داخل الضمان قولتلها متشكرة جدا وانا اصلاً ماكنتش اعرف ان ضمانه سنة واحدة انا عرفت وانا بدور علي الضمان والفاتورة ف لو كان حد عنده ضمير وقتها
عرض المصدر
P
PeacefulGoldfish9342
مجموعات فيسبوك (تعليق)· منذ 3 أشهر
★★★★★1.0
قولنا مليون مرة بلاش العربي بلاش العربي بس مفيش فااايدة العربي خلاص انتهت ووقعت
عرض المصدر
M
Mohamed Sabry
مجموعات فيسبوك (تعليق)· منذ 3 أشهر
★★★★★1.0
اسوء اجهزه و اسوء خدمه مع بعد البيع
عرض المصدر
M
Maie Faisal
مجموعات فيسبوك· منذ 3 أشهر
★★★★★1.0
تعديل: تم الاتصال من مسئول الشكاوي اليوم بيبلغني ان الجهاز اتصلح و طبعا دي تالت مره ياخدوا الجهاز و أنا مبلغاهم اني عايزه استرجع الفلوس، قلتله اني مبلغاكم اني مش هستلم الجهاز و طالبه استرداد الفلوس يقولي هبلغ الاداره، طيب هو كل ده مبلغتوش الاداره، و أنا في انتظار الرد اشتريت تليفزيون 75 بوصة من العربي يوم 20/08/2025، وعلى أساس إننا اشترينا من شركة كبيرة وموثوقة، توقعنا طبعًا إننا لو قابلتنا أي مشكلة هنلاقي خدمة ما بعد البيع على نفس المستوى. لكن للأسف اللي حصل كان العكس تمامًا. بعد كام شهر من الشراء، لما جينا نشغل التليفزيون، كان بيشتغل ثانيتين بالضبط ثم يقفل تلقائيًا. تواصلنا مع الشركة، وجاءت خدمة الصيانة وأخذت الجهاز، وبعد فترة رجعوه لنا على أساس إنه تم إصلاحه. لكن المفاجأة إنهم لما جابوه وركبوه عندنا الجهاز لم يعمل أصلًا، واضطروا يأخذوه مرة ثانية. بعد كام يوم رجع الجهاز، واشتغل يوم واحد فقط، ثم عاد نفس العطل مرة أخرى! وبالتالي تم استلام الجهاز للمرة الثالثة، وما زال حتى الآن لدى الشركة. المشكلة الأكبر من العطل نفسه إننا عندما طالبنا بتطبيق حقنا كمستهلكين واستبدال الجهاز بعد ت
عرض المصدر
العودة إلى صفحة العربي جروب