يتفرجيتفرج

تقييمات بي تك

308 تقييم من المتسوقين (صفحة 14 من 16)

أضف تقييمك

ش
شيخ الشباب
مجموعات فيسبوك· منذ 4 أشهر
★★★★★1.0
خلي بالك من بي تك وبلاش تتعامل معاهم في الاونلاين تحديدا اللهم بلغت الموضوع باختصار شركة B.TECH عاملين تعاقدات مع تجار علي صفحة الاونلاين بتاعهم زيهم زي شركات كتير اللي اسمهم marketplace بس للاسف بي تك رافعه ايديها عن اي مصيبه بتحصل في الاوردرات يعني لو جالك جهاز مكسور او مضروب مش اصلي هما بيخلو مسؤليتهم المهم انهم ياخدو عمولتهم يعني انا بسلمك للنصاب بايدي وانا مليش دعوه الموضوع باختصار اني اشتريت سماعتين Anker A50i من موقع بي تك طبعا السماعات مش اصليه والابليكشن رافضهم غير انهم كل سماعه بتدخل علي الجهاز لوحده الكلام ده من يوم 7 في الشهر ولحد دلوقتي وعامل 4 شكاوي وبيتقفلو كلهم بشكل ما وحتي شكوي حماية المستهلك قيد التحقيق بقيت يوميا اتصل بيهم اهزقهم بس هما خدو عليا خلاص بمعني اصح اضربوا دماغكو في الحيط تخيل شركة طويلة عريضة بمناصب ما شاء الله كل دول محدش هيحل مشكلتك اللي هي اصلا مشكلتهم انا خلاص مش عاوز الفلوس ولكن اللي بطلبة من حضراتكم من باب رفع الاذي ان اي حد اتورط معاهم ياريت يشير البوست ده عشان نحذر غيرنا الفلوس مش بتيجي بالساهل ودي ناس معندهاش ضمير
عرض المصدر
M
Miss Menna
مجموعات فيسبوك· منذ 5 أشهر
★★★★★1.0
تحذير لأي حد بيفكر يشتري من لينوفو أو B.TECH: تجربتي كانت سيئة جدًا للأسف. جبت لابتوب لينوفو ب ٣٥ الف من ١١ شهر اللابتوب حصل فيه عطل خطير في الـ Motherboard واتحرقت أكتر من مرة خلال شهور قليلة ٣ مرات ف ٣ اشهر ، وده تسببلي في تعطيل شغلي وخسائر مادية ونفسية كبيرة. كل مرة بيقولو تم حل المشكلة وتغيير الماذر بورد من غير مايقولو ايه العطل بالظبط منطقي يعني ان ماذر بورد تتغير ٣ مرات ف ٣ اشهر ؟ خدمة ما بعد البيع بطيئة جدًا، والمتابعة غير مُرضية، وكل مرة بدفع مواصلات ومصاريف وحلول بديلة بسبب نفس المشكلة اللي بتتكرر بدون حل جذري. واشتكي الشركة يرجعوني للصمان اشتكي الضمان يرجعوني للشركة وحاجة اخر مهزلة وقلة مهنية لما تشتري جهاز بمبلغ كبير، أقل حاجة تتوقعها إنه يعيش ويكون عليه دعم حقيقي لو حصل عطل. لكن اللي حصل معايا العكس تمامًا. بنصح أي حد يفكر كويس جدًا قبل ما يشتري، ويسأل عن تجارب الناس مع الصيانة والضمان وخدمة العملاء قبل أي قرار. للأسف تجربة فقدتني الثقة تمامًا. وندمت اني اشتريت حاجة منهم.
عرض المصدر
M
Mina Motta Habib
مجموعات فيسبوك· منذ 5 أشهر
★★★★★1.0
تجربة سيئة مع شركة b.tech تحذير للجميع. من أكثر من ٣ أسابيع وأنا أحاول استرداد حقي من شركة بعدما وصلني منتج بايظ وغير مطابق للمواصفات. بدأت المشكلة لما تواصلت مع خدمة العملاء، وكان ردهم إنهم هيحولوني لقسم تاني، ومن ساعتها وأنا في دوامة: "اتصل بشركة بى تيك وشركة ليفون تقولي 'لأ ده شأن شركة بى تيك'، وشركة بى تيك ترميني لشركة ليفون. كل يوم حد يحدفني للشركة اللي بعدها، وكل مرة أشرح المشكلة من الأول كأني بتكلم روبوت مش فاهم. للأسف، الشركة مش عايزة تستلم المنتج ولا ترد الفلوس، وبتسحب في الوقت عمالة على بطال. واضح إن سياستهم إنهم يملوا العميل بالتنطيط بين الفرق لحد ما يزهق ويسكت. أنا مش هسكت. حقوقي كعميل واضحة: منتج سليم أو استرداد كامل للفلوس خلال المدة القانونية. أما التسويف والتحريف بين شركاتكم (من بتيك إلى ليفون إلى غيرهم) فده اسمه تحايل على العميل. نصيحة لأي حد يفكر يتعامل معاهم: بلاش. إلا لو كنت عاوز تخش في متاهة خدمة عملاء مش مسؤولة عن حاجة. تم النشر للتنبيه وليس للانتقام. التجارب السيئة تُنشر عشان غيري ياخد باله. وانا مش هسيب حقى.
عرض المصدر
T
Tamer Salem
مجموعات فيسبوك· منذ 6 أشهر
★★★★★1.0
تجربتي الكارثية مع "بي تك" أونلاين: ٤٠ يوم وفلوسي معاهم وتلاعب واضح بالأسعار! ⚠️ ​يا جماعة أنا بكتب البوست ده تحذير لكل واحد بيفكر يتعامل مع موقع "بي تك" أونلاين، لأن اللي حصل معايا مهزلة بكل المقاييس ومحتاج نصيحتكم في الخطوة الجاية. ​التفاصيل بالتواريخ: ​١. يوم ١ أبريل: طلبت ثلاجة "بيكو" فضي من السايت ودفعت تمنها بالفيزا كامل، وكان ميعاد التوصيل المكتوب قبل يوم ٦ أبريل. ٢. يوم ٢ أبريل: كلموني عايزين يبعتوا لون "أسود" بدل الفضي اللي طلبته، رفضت وقولتلهم الفضي لسه متاح على السايت وأنا عايزه، قالولي تمام. ٣. يوم ٣ أبريل: سعر الثلاجة على الموقع زاد أكتر من ٣ آلاف جنيه! ومن اللحظة دي بدأت المماطلة الرسمية. ٤. قعدت أكلم خدمة العملاء تليفون وواتساب والرد الوحيد: "اعمل شكوى واستنى ٧ أيام عمل"، لحد ما عدينا ميعاد التسليم ودخلت في دوامة بلا آخر. ٥. يوم ١٧ أبريل: بكل برود بلغتوني إن "الأوردر ملغي من التاجر" وما نعرفش السبب! وطبعاً السعر كان خلاص غلي والشركة كسبت فرق السعر. ٦. المهزلة الأكبر: ادوني رقم شخص اسمه "مصطفى" أتابع معاه واتساب، تليفونه مقفول ٢٤ ساعة، ولما بشتكي لخدمة العملاء بيعملوا شكو
عرض المصدر
M
Mohamed Fouad
مجموعات فيسبوك· منذ 6 أشهر
★★★★★2.0
بكتب البوست ده علشان أحذر أي حد ناوي يتعامل مع شركة بي تك، عن تجربة شخصية سيئة جدًا للأسف. اشتريت سماعة Anker R50i من عندهم، ومن أول استخدام ظهر عيب واضح جدًا فيها: كل فردة من السماعة بتتصل على البلوتوث لوحدها كأنهم جهازين مختلفين. . المشكلة الأكبر كانت مع خدمة العملاء، ودي كانت أسوأ بكتير من المنتج نفسه: تأخير كبير جدًا في الرد والمتابعة كل مرة أكلمهم يقولوا هنتواصل ومفيش أي رد بعد كده تم قفل الخط في وشي أكتر من مرة وأنا بشرح المشكلة مفيش أي حل فعلي أو حتى محاولة جدية لحل المشكلة بصراحة تجربة سيئة جدًا سواء من ناحية المنتج أو خدمة ما بعد البيع، وده بيخلّي الواحد يفقد الثقة في التعامل معاهم. أنا مش طالب غير حقي الطبيعي كعميل (استبدال أو إصلاح)، لكن الواضح إن مفيش أي التزام أو احترام لحقوق العميل. ياريت أي حد مر بنفس التجربة يشارك، يمكن يكون في ضغط يخليهم يحسنوا الخدمة لأن الوضع الحالي غير مقبول خالص. #بي_تك #شكاوى #خدمة_عملاء #Anker بكتب البوست ده علشان أحذر أي حد ناوي يتعامل مع شركة بي تك، عن تجربة شخصية سيئة جدًا للأسف.
عرض المصدر
M
Menna Khaled
مجموعات فيسبوك· منذ 4 أشهر
★★★★★1.0
بوست اتأخرت في تنزليه للاسف بس مكنش مفروض اسكت اشتريت فرن Airston في2020 من B.TECH وانا اتجوزت في اول 2021 طلبت صيانة ٤ مرات بسبب عيب في انه بيطفي وكل فني يجي يقول مفهوش حاجه مش بيطفي قدامي وواحد يقول اصل لما بيوصل لدرجة حراره معينه لازم يطفي ازاي وبيبرد نفسه والمروحه تفضل شغاله والنور منور وابقي فكراه شغال واروح الاقي الاكل باظ طبعا ممكن اشغله ٥ ساعات عشان يشتغل لحد السنة اللي فاتت شهر ٧ لما اخر شكوى جه فني وقالي لا ده طلع من الضمان والفرن ده في عيب صناعه وكان مفروض يتغير طبعا مسيبتهوش يمشي واتصلت بلشركة بهدلتهم وردهم سيبي الفني يمشي وهنرد عليكي ف خلال ٢٤س وردهم اي الفرن عايز ١٨٠٠٠ عشان يتصلح وينفع يشتغل !!! كلمتهم اكتر من مرة مفيش فايده مع العلم ان فني منهم لما جه بوظلي التايمر بتاعه ولسه دلوقتي مكتشفه انه كان في الضمان اصلا لما كلمتهم السنة اللي فاتت والفني قالي لا ده خارج الضمان ال٥ سنين خلصو اقوله يعني كنتو مستنين الضمان يخلص عشان تقولو في عيب صناعه ؟؟؟ يرضى ربنا فرن معدي ال ٤٠ الف جنيه ومشتغلش اصلا واقول لخدمة العملاء هعمل شكوى في حماية المستهلك الفرن مشتغلش يقولي اللي حضرتك شيف
عرض المصدر
E
Eman El Maghraby
مجموعات فيسبوك· منذ 4 أشهر
★★★★★1.0
--- #فضيحة_بي_تك #أريستون_بتكهرب #BTECH_نصابين #تحذير_مهم_جداً #شير_عشان_تنقذ_حياة كارثة: اشتريت تلاجة أريستون من بي تك طلعت بتكهرب !! أنا اشتريت تلاجة أريستون نوفروست بتاريخ [18/6 /2026 من فرع بي تك اللي في شارع عين شمس بـ 25,000 جنيه. اللي حصل بعدها جريمة مش بيعة: 1. نصب من أول كلمة قولت للبائع "عايزة أشغلها وأجربها قبل ما أدفع" قالّي "ماينفعش عشان الفريون هيبوظ" وقفت ساعة كاملة عشان أخد فاتورة ضريبية، وفي الآخر قالّي "السيستم واقع هبعتهالك واتساب" بعد كل ده عايز يلبسني التلاجة بتاعة العرض اللي الباب اتفتح واتقفل فيها 100 مرة قدام الناس 2. سرقة وبلطجة في التحميل عامل التحميل بتاعهم طلب 700 جنيه عشان ينزلها الدور الرابع واحنا في نفس المربع السكني! جبت عربيه من بره شالها بنص السعر. بي تك بتسرقك في الجهاز وفي الشيل. *3. الجريمة الكبرى - التلاجة بتكهرب * شغلتها بعد 8 ساعات زي الكتالوج. بعد ساعتين 3 أفراد من أسرتي اتكهربوا منها! واحد وهو بيجيب مياه، والتاني وهو بيفتح الفريزر. الكهربا مسكت في جسم التلاجة كله. دلوقتي مرمية ومفصولة وخايفة حد يموت لو لمسها. 4. قلة أدب وبلطجة
عرض المصدر
A
Ayman Hamdi
مجموعات فيسبوك· منذ 5 أشهر
★★★★★1.0
لقيت عرض علي سماعة CMF Buds Pro 2 علي ويبسايت بي تك B.TECH يوم 14/5 فطلبت منهم سماعة وبعد شوية ابن عمي خلاني اطلبله واحدة هو كمان بعد اسبوع استلمت السماعات ولقيتها حاجة تانية غير اللي أنا طلبتها (CMF Buds) دا أول مشكلة تاني مشكلة السماعات جات مفتوحة وملفوفة إسترتش من برة والعلب متجرحة من جوا ومش معاها أي حاجة ف الكرتونة غير وصلة الشحن كلمت خدمة العملا أكتر من مرة ومفيش حد بيحل حاجة وبيقفلوا الخط ف وشي وحاجة سيئة جداً يعني ومفيش اي إحترام، صعدت الموضوع وعملت شكوي ف حماية المستهلك من وقتها كل م اكلمهم يقولوا تابع مع حماية المستهلك وكل م أقدم شكوي عندهم يقولوا حد هيتواصل معاك خلال 24 ساعة ومحدش بيتواصل، حماية المستهلك يكلموني ويسألوا حد أتواصل معاك؟ أقولهم لا، ف يقولوا طيب هنكلمهم ونرجعلك وفضلت ف الدايرة دي شهر لحد م كلموني الخميس اللي فات إنهم هياخدوا السماعات واستلموها مني يوم السبت 13/6 ومن وقتها معرفش حاجة عن السماعات ولا الفلوس وهما مبيردوش وبيفضلوا حاطين المكالمة ويتنج ساعة وف الآخر يفصلوا المكالمة حقيقي تجربة سيئة جداً، وخدمة عملا ولا أسوء
عرض المصدر
B
B Oo Dii Nassar
مجموعات فيسبوك· منذ 5 أشهر
★★★★★2.0
تجربتي مع شركة تو بي كانت من أسوأ تجارب الشراء والتعامل من اول الابليكشن اللي بيحصل ايرور وانا بطلب الاوردر اللي دفعت فلوسه اونلاين واكلمهم يقولولي مفيش اوردر متسجل ب اسمك ولا برقمك والفلوس مدفوعة لخدمة العملاء اللي بتتساب ساعه ع الويتينج على ما حد يرد عليك دا لو حد رد وتلاقي حد غير مؤهل تماما للتواصل مع الناس وغير مؤهل لحل مشاكل العملاء ومش فاهمين اي حاجه اصلا ف السيستم وبتاع الشكاوي يرميك ع المبيعات وبتاع المبيعات يرميك ع الشكاوي ولا دا بيحل ولا دا بيحل وف الاخر اعمل شكوي واكلمهم بعدها بيومين يقولولي الشكوي اتلغت عشان انت عاملها من رقم غير رقمك واعمل شكوي تاني واستني رد تاني والفلوس اتدفعت وكنت طالب ع الابليكشن طريقة الدفع تقسيط تريبل زيرو تبع بنك معين بعد اربع ايام من الكلام مع خدمة العملا ويقولولى انك ملكش اوردر متسجل ع السيستم خلونى أكلم البنك يلغي عملية التقسيط وقالوا الفلوس هتترد بعدها بيومين قالولى تعالى استلم الاوردر من فرع بى تك ارابيسك مول - اوبن اير- مدينتى قولتلهم ازاى عملية التقسيط لغيناها مع البنك ومع خدمة العملاء عندكم قالوا لا العملية موجودة ع السيستم تمام ومتلغتش بعد
عرض المصدر
A
Ahmed Gamal
مجموعات فيسبوك· منذ 5 أشهر
★★★★★2.0
كنت ناوي أشتري Redmi 15C، ولقيت العرض على الموقع وسعره 8799 جنيه. قبل ما أتحرك كلمت خدمة العملاء واتأكدت منهم أكتر من مرة إن السعر صحيح، ووجهوني لفرع اللبيني فيصل. لما وصلت الفرع واتفقنا على إجراءات الشراء اتفاجئت إن السعر بقى 10031 جنيه! يعني زيادة أكتر من 1200 جنيه عن السعر اللي تم تأكيده ليا. لما سألت عن سبب الفرق قالوا إن سعر التقسيط مختلف عن سعر الكاش. استغربت، لكن للأسف وثقت في كلامهم وكملت الشراء. بعد ما رجعت البيت، الشك خلاني أكلم خدمة العملاء مرة تانية وأسأل بشكل واضح: "سعر التليفون بالتقسيط مع سهولة كام؟" الرد كان: 8799 جنيه. سألت مرة تانية للتأكيد: "يعني ده سعره بالتقسيط مع سهولة؟" قال: "أيوة يا فندم". ولما حكيت له اللي حصل في الفرع، سكت شوية وقال: "أصل ده سعر الفرع، إنما سعر الكول سنتر مختلف." بصراحة أنا شايف إن ده تضليل للعميل، لأن المفروض السعر يكون واضح وموحد، أو على الأقل يتم إبلاغ العميل بأي فروق قبل ما يروح الفرع ويضيع وقته.
عرض المصدر
M
Mido Adds
مجموعات فيسبوك· منذ 5 أشهر
★★★★★2.0
تجربتي مع بي تك! بعتولي رساله ( الحق النهارده عرض B.TECH! اشتري بــ0% ارباح +0% مقدم و قسط مع مايلو على 12 شهر العرض يوم 23 و 24 أبريل فقط ) روحت اشتري ٢ تكييف فريش ١.٥ حصان قالولي الواحد سعره ٢٢.١٠٠ قولتلهم بس سعره بره ارخص من كده قالولي له السعر الموجود دلوقت يا فندم ده كمان التركيب مجاناً في اي وقت ومعاه ضمان ٥ سنين. قولتلهم حتى لو هركب بعد كام شهر ؟ قالولي اه عادي قولتلهم تمام هاخد الاتنين .. قالولي بس حالياً مش موجوديين في الفرع ف هنضطر نجيبهم من القاهره وحضرتك هتدفع مصاريف الشحن. بعد شوية مفاوضات ومناهده قولت ماااااشي ! ودفعت ٤٧٥ ج بس كده؟ لااااا قالولي فيه 5% مصاريف إداريه ! قولتلهم انتوا قايلين 0% مقدم قالولي تمام بس دي مصاريف إداريه. برضه بعد شويه نقاشات واقناع من هنا واقناع من هنا وافقت. ودفعت 2210 ج من يومين كلمتهم قولت اركب تكييف واحد فيهم علشان الجو حر وبالفعل كلمت خدمة العملاء قالولي الفني هيجيلك بكره قولتلهم لا خليها بعد بكره قالولي اوك تمام. بالفعل الراجل كلمني وجالي!! ندخل في المهم بقى … الراجل طلع معاه متر قولتله فين العده قاللي هقيس الغرفه الاول. قاس الغرفه قاللي دي
عرض المصدر
العودة إلى صفحة بي تك