يتفرجيتفرج

تقييمات بيكو

99 تقييم من المتسوقين (صفحة 4 من 5)

أضف تقييمك

D
Doaa Mostafa
مجموعات فيسبوك· منذ شهران
★★★★★1.0
لا انصح بالتعامل مع شركة بيكو نهائي. بقالي ٦ شهوى بعاني بسبب التلاجه في عطل متكرر. كلمت خدمة العملاء علشان يجي فني، الفني كان بيقعد ٥ ايام او اسبوع علي مايجي ولما يجي يشحن التلاجه ويقول كده بقت تمام، بعد يومين ترجع تعطل تاني وارجع اتواصل معاهم يجيلي فني بعد اسبوع ونفس القصه متكرره. لحد من شهر جالي فني وقال ان في عيب صناعة في التلاجه والتلاجه لسه في الضمان ورفع تقرير للشركة وفيديو بالكلام ده ومع ذلك الشركة محدش تواصل ولا حل المشكله. بتواصل معاهم بقالي شهر بشكل يومي علشان عاوزه حل للمشكله، كل يوم نفس الرد: انتظري ٢٤ ساعه علي ماحد من الاداره يرد علينا. اقدر اتواصل مع حد من المسؤلين يحل المشكله؟ بيكون ردهم للاسف مش متاح من خلالنا، كل ال نقدر نقدمه لحضرتك اننا نبعت لهم ميل. علي هذا الوضع كل يوم، لا عارفه اقعد في بيتي ولا اكل واشرب زي الناس بسبب استهتار الشركة المحترمة وعدم تقديرهم لمشاكل العميل. بجد اسوء تجربه ومنصحش اي حد بالتعامل معاهم الا لو حد عاوز يرمي فلوسه في الارض ويضيع وقته مع خدمة العملاء.
عرض المصدر
E
Essam Khalil
مجموعات فيسبوك (تعليق)· منذ 3 أشهر
★★★★★1.0
اسواء منتجات واسواء توكيل الحمدلله تراجعت داخل المعرض
عرض المصدر
H
Hamsa Younes
مجموعات فيسبوك (تعليق)· منذ 3 أشهر
★★★★★1.0
بجد براند معاملته زفت
عرض المصدر
M
Mona Mona
مجموعات فيسبوك· منذ شهران
★★★★★1.0
. السلام عليكم انا اشتريت مكنسة بتاريخ ١٠ مارس بيكو بسعر ٨٦٠٠ ( الفاتورة في الصور) المكنسة عمودية لاسلكية بالشاحن المفروض ان القطعة الخاصة بالفرشاة فيها فرشاه اسطوانية فيها حركة دوران وفيها اضاءة وطبعا قوة شفط فتحتها هي كانت مشحونة استخدمتها اشتغلت مرة واحدة وبعد دقايق القطعة الخاصة بالفرشاة الاضاءة انطفت والفرشا اتوقفت عن الدوران وبالتالي مفيش شفط مش بتأدي وظيفتها مش بتكنس يعني موتور المكنسة شغال وفي شفط لكن الفرشاة مانعة الحركة ومش بتشتغل ولابتشفط اتصلت بخدمة عملاء بيكو واتعرضت لسوء معاملة وانعدام مهنية غريب جدا هسرده لحضراتكم بعد ما اخدو كل البيانات الخاصة بالجهاز وتاريخ الشراء وكللل حاجة قالتلي ارجعي للمكان اللي استرتيها منه وهو معرض بيبيع جميع ماركات الاجهزة قولت تمام رجعت المعرض قالي احنا بنبيع بس ومالناش اي علاقة بالصيانة وخدمات مابعد البيع اتصلي على بيكو اتصلت تاني قالتلي ايوة صح هو مالوش دعوة في وكيل لينا في محافظتك هيستلم منك الجهاز ويوصلهولنا اسمه كذا طيب ممكن عنوانه؟ منعرفش ممكن تليفون اتواصل معاهم؟ معنديش اخدت اسم المكان اللي قالته وحطيته على جوجل
عرض المصدر
M
Mohamed Khyrat
مجموعات فيسبوك· منذ 3 أشهر
★★★★★1.0
تحذير من شركه بيكو. للأسف دي أسوأ تجربة ليّا مع خدمة ما بعد البيع. اشتريت تلاجة بيكو، و اثناء فتره الضمان في بدايه الصيف ده بدأ الأيس ميكر يبوظ، والفريزر اللي هو جانبين منفصلين جنب منهم مش شغال كويس، والأكل في الجنب ده كان بيسيح ويبوظ. كلمت خدمة العملاء، وجه حد مرتين من الصيانة مشكور حاول يحل المشكله ماتحلتش، وبعد كده سحبوا التلاجة يوم 7/7 و بعدها باسبوع بلغوني ان فيها عيب صناعة، وقالوا هتتبدل. ومن ساعتها وأنا بكلم خدمة العملاء أكتر من 20 مرة خلال المده ده، وفي كل مرة بيقولوا "هنبعت للإدارة"، أو "ما فيش معاد محدد" الاستبدال بيبقي من 10-15 يوم من قرار الاستبدال المده ده خلصت و ردوا انه في خلال من اسبوعين ل 3 اسابيع و قمه عدم المسئوليه و اللامبالاه و بعدها ردوا اصل التلاجه مش متوفره في المخازن مع انها متوفره عند الموزعين بره ، وخدمة العملاء مش عارفين حاجه كل حاجه هنبعت ميل للاداره بعتت أكتر من ٨ إيميلات للإدارة و تصعيدات للاداره، لحد دلوقتي ما كلّفش حد من الإدارة نفسه يتواصل معايا أو يحدد موعد للتسليم. وأنا بقالّي الفترة دي كلها من غير تلاجة في عز الصيف و الحر ده، وده مسبب ضرر كبير ليا.
عرض المصدر
N
Nada Gamal
مجموعات فيسبوك (تعليق)· منذ 3 أشهر
★★★★★1.0
عندى مشكلة معاهم و معايا الفاتورة و الضمان ومحدش جالى اصلا
عرض المصدر
A
Aya Ayman
مجموعات فيسبوك· منذ 3 أشهر
★★★★★1.0
شارية تلاجة منهم من ٢٠٢٤ والتلاجة باظت السنة دي. تواصلت معاهم اول مرة يوم ٢٠ يونيو قالولي هنبعت فني يصلحها الفني جه بعدها بأربع ايام قالي هتروح الشركة تتصلح وتيجي ف خلال أسبوع. فضلت اتواصل معاهم شهر علشان بس يسحبوها وكل اما اكلم حد من خدمة العملاء مش عارفين حاجة وكل واحد بكلمة مختلفة آخرها خالص قالولي لازم فاتورة الشراء والفاتورة مش معايا ورجعت للتاجر قالي الفواتير بتتمسح بعد سنة. التلاجة بايظة بقالها كتير مفيش اي تصرف عايزين الفاتورة برده. كلمت حماية المستهلك مشكورين تواصلوا معاهم وبالفعل جم سحبو التلاجة بقالها مسحوبة بالظبط ٣٥ يوم كمان يعني توتال الوقت حوالي ٧٠ يوم قاعدين من غير تلاجة ودلوقتي بيقولو عايزين فاتورة الشراء علشان يتخذو اي اجراء في تصليح التلاجة ! سحبتوها علي اساس ايه والتلاجة عندكم بتعمل ايه! شركة سيئة وخدمة العملاء سيئة جدا ومش عارفين اي حاجة كل يوم بنكلمهم يقولو هنبعت ايميل ومش عارفين ايه اللي بيحصل ولا عارفين يفيدونا بمعلومة وبعد زن كتير قالو هيستبدلوها بس مش هيتم اي إجراء غير لما نبعت الفاتورة اللي وضحنالهم مليون مرة أنها ضاعت مننا.
عرض المصدر
Z
Zarea Moustafa
مجموعات فيسبوك· منذ 3 أشهر
★★★★★1.0
تجربة هي الاسوء مع شركة بيكو. اشتريت تكيف بيكو عن طريق امازون يوم 22/7. من خلال الكول سنتر تم ارسال فني بعد اكتر من اسبوع و اكثر من 3 مواعيد و شكوي تأخير و المواعيد تضرب و ميجيش أو يجي بعد مواعيد اللي مسموح فيها بالتكسير منهم. مرة جه متأخر و حدد مكان الفتحة. جه الفني يوم 1 اغسطس و قعدنا أكثر من 3 ساعات بس كان باين سوء التعامل سواء الادبي معايا كعميل لاني اشتكيت التأخير أو الفني مع الجهاز (ترزيع في الوحدة الداخلية عشان تركب علي الحيط و عاوز يعمل فاكيوم بايده عشان معوش واصلة). قررنا نشغل، لقيت تسريب ضخم و للاسف المواسير اتقطعت منه و كل اللي عاوز يعمله نشحن و نقص و نوصل المواسير. وقفت التركيب و كلمت خدمة العملاء يوم 2/8. كلمني حد اسمه ميشيل ملاك يوم 4/8 و بعتله الصور و اللي حصل و برضو المفروض اقبل بإصلاح. من يومها كل يوم مكالمة و اثنين و انتظر رد. قدمت شكوي في حماية المستهلك و اضطريت اروح الجهاز في التجمع عشان احركها و برضو كلمني محققه من هناك علي وعد أن الرد تاني يوم و مفيش رد بقالنا 3 ايام و لما عملت استعجال امبارح قالك استني يومين نفحص الاستعجال. كلمني من عند بيكو واحد تاني و أن برضو ه
عرض المصدر
Z
Zarea Moustafa
مجموعات فيسبوك· منذ 3 أشهر
★★★★★1.0
تجربة هي الاسوء مع شركة بيكو اشتريت تكيف بيكو عن طريق امازون يوم 22/7 من خلال الكول سنتر تم ارسال فني بعد اكتر من اسبوع و اكثر من 3 مواعيد و شكوي تأخير و المواعيد تضرب و ميجيش أو يجي بعد مواعيد اللي مسموح فيها بالتكسير منهم مرة جه متأخر و حدد مكان الفتحة عشان اعملها بالكور جه الفني يوم 1 اغسطس و قعدنا أكثر من 3 ساعات بس كان باين سوء التعامل سواء الادبي معايا كعميل لاني اشتكيت التأخير أو الفني مع الجهاز (ترزيع في الوحدة الداخلية عشان تركب علي الحيط و عاوز يعمل فاكيوم بايده عشان معوش واصلة مش عارف ازاي أيده هتتحمل ضغط -30 بار المهم نزل و رجع جاب واصلة الفاكيوم ) و قررنا نشغل لقيت تسريب ضخم و للاسف المواسير اتقطمت منه و كل اللي عاوز يعمله نشحن و نقص و نوصل المواسير وقفت التركيب و كلمت خدمة العملاء يوم 2/8 كلمني حد اسمه ميشيل ملاك يوم 4/8 و بعتله الصور و اللي حصل و برضو المفروض اقبل بإصلاح من يومها كل يوم مكالمة و اثنين و انتظر رد قدمت شكوي في حماية المستهلك و اضطريت اروح الجهاز في التجمع عشان احركها و برضو كلمني محققه من هناك علي وعد أن الرد تاني يوم و مفيش رد بقالنا 3 ايام و لما عملت ا
عرض المصدر
Y
Yazn Bakhaty
مجموعات فيسبوك· منذ 3 أشهر
★★★★★1.0
⚠️ تجربتي مع صيانة Beko Egypt.. دفعت حوالي 10,000 جنيه والفريزر لحد دلوقتي مش بيجمّد! المشكلة بدأت إن الفريزر كان مش بيجمّد، فتواصلت مع صيانة Beko. في أول زيارة، الفني قال إن الفريزر محتاج موتور، وبالفعل الشركة أخدت الفريزر عندها لمدة 7 أيام علشان تغيير الموتور وإصلاح الجهاز. بعد 7 أيام رجع الفريزر، لكن للأسف رجع وهو برضه مش بيجمّد. حطيت زجاجة مياه جواه لمدة 3 أيام كاملة، والمياه ما تجمدتش! تواصلت معاهم مرة تانية، وجه فني تاني، والمرة دي قالوا إن المشكلة إن الفريون كان زيادة، وتم التعامل مع الفريون. والنتيجة؟ الفريزر برضه ما اشتغلش وما بيجمّدش! يعني في الأول التشخيص كان الموتور، واتاخد الجهاز 7 أيام واتغير الموتور، وبعدها التشخيص بقى الفريون زيادة، وفي النهاية المشكلة الأساسية زي ما هي. وإجمالي اللي دفعته في الصيانة والإصلاحات وصل لحوالي 10,000 جنيه، والفريزر لحد النهارده مش بيقوم بوظيفته الأساسية. ودلوقتي لما بطلب منهم ييجوا مرة تانية علشان يحلوا المشكلة، مش عايزين ييجوا. قدمت شكوى في جهاز حماية المستهلك برقم W793341، واتقال لي إنهم هيتواصلوا مع الشركة وهيتم حل المشكلة، لكن
عرض المصدر
Y
Yazn Bakhaty
مجموعات فيسبوك· منذ 3 أشهر
★★★★★1.0
⚠️ تجربتي مع صيانة Beko Egypt.. دفعت حوالي 10,000 جنيه والفريزر لحد دلوقتي مش بيجمّد! المشكلة بدأت إن الفريزر كان مش بيجمّد، فتواصلت مع صيانة Beko. في أول زيارة، الفني قال إن الفريزر محتاج موتور، وبالفعل الشركة أخدت الفريزر عندها لمدة 7 أيام علشان تغيير الموتور وإصلاح الجهاز. بعد 7 أيام رجع الفريزر، لكن للأسف رجع وهو برضه مش بيجمّد. حطيت زجاجة مياه جواه لمدة 3 أيام كاملة، والمياه ما تجمدتش! تواصلت معاهم مرة تانية، وجه فني تاني، والمرة دي قالوا إن المشكلة إن الفريون كان زيادة، وتم التعامل مع الفريون. والنتيجة؟ الفريزر برضه ما اشتغلش وما بيجمّدش! يعني في الأول التشخيص كان الموتور، واتاخد الجهاز 7 أيام واتغير الموتور، وبعدها التشخيص بقى الفريون زيادة، وفي النهاية المشكلة الأساسية زي ما هي. وإجمالي اللي دفعته في الصيانة والإصلاحات وصل لحوالي 10,000 جنيه، والفريزر لحد النهارده مش بيقوم بوظيفته الأساسية. ودلوقتي لما بطلب منهم ييجوا مرة تانية علشان يحلوا المشكلة، مش عايزين ييجوا. قدمت شكوى في جهاز حماية المستهلك برقم W793341، واتقال لي إنهم هيتواصلوا مع الشركة وهيتم حل المشكلة، لكن
عرض المصدر
L
LovelyRabbit3165
مجموعات فيسبوك (تعليق)· منذ 3 أشهر
★★★★★1.0
تلاجه بتاعتهم زفت زفت
عرض المصدر
العودة إلى صفحة بيكو