يتفرجيتفرج

تقييمات أمازون برايم

16 تقييم من المتسوقين

G
Gamal El-Refaie
مجموعات فيسبوك· منذ يوم واحد
★★★★★1.0
اضطرت لشراء منتج من على أمازون ودفعت المبلغ مقدما عن طريق بطاقة الدفع المسبق للبنك. في نفس اليوم ألغت أمازون المنتج وارسلت رسالة على الواتس تعتذر عن تسليم المنتج ووعدت برد المبلغ في غضون ٣-٥ ايام عمل من يوم ٢٧ يوليو الماضي. حاولت الإتصال بخدمة العملاء فلم اتمكن ودخلتني في لوب لا مخرج ومضي على ذلك ثلاثة أسابيع لم استطع استرداد المبلغ على الرغم من أن الإلغاء تم من جانبهم. فماذا افعل وهل حماية المستهلك ممكن أن تساعدني لاسترجاع المبلغ وهذه رسالة امازن لي.
T
ToonLink
مجموعات فيسبوك (تعليق)· منذ 19 ساعة تقريباً
★★★★★3.0
انا ساعات كتيرة بيجي الاوردر ناقص او يتسرق كله.. و كل مرة الحمدلله بيرجعوا تمن كل حاجة و ساعات بيدوني تمن بقية الاوردر هدية..
M
Mohamed AbdelHak
مجموعات فيسبوك· منذ 20 ساعة تقريباً
★★★★★2.0
طلبت أورد عبارة عن ٢ جراب موبيل و ٢ مالتى فايتمن و ٢ اوميجا٣ و ٢ ستراب للساعه. الوردر وصل يوم الأربعاء و المندوب عمل على السيستم ان الاوردر كله وصل. فتحت الشحنه لقيت ٢ جراب الموبيل مش موجودين و المالتى فايتمين و الاوميجا ٣ جت علبة واحده من كل نوع مش اثنين. كلمت خدمة العملاء ان الشحنه كلها وصلت و لا فى شحنه تانية، ردهم لأ المندوب كتب الشحنه كامله. قلت فيه حاجات ناقصه، ردوا هنتواصل مع شركة الشحن و هنكلمك فى خلال ٤٨ ساعة. كلمتهم تانى بعد ٣ أيام مفيش حد تواصل معايا. قالوا هنعمل طلب استرداد، قلت عايز باقى الاوردر مش عايز استرداد. قالوا بنتأسف شركة الشحن مش هتقدر توصله لان المندوب كتب الاوردر وصل كله. قلت تمام اعملوا الاسترداد و اطلبهم تانى. بعدها اتعبت إميل استرداد لجرابات الموبيل و المالتى فايتمين من غير الاوميجا ٣. كلمتهم تانى قالوا معلش حصل خطأ و هنعمل طلب استرداد بالاوميجا ٣. بعدها إميل تهديد انى طلبت اكثر من استرداد لنفس رقم الطلب و ده يخالف سياسات Amazon.com. مش فارق معايا الحساب يتقفل بس ده فشل فى النظام الى مش عارف يتعامل مع المندوبين و شركات الشحن.
A
Ahmed90000
مجموعات فيسبوك (تعليق)· منذ يوم واحد
★★★★★1.0
و احلي حاجه بيبيعوها ب اكتر من ضعف تمنها و كمان من البجاحه بيقولك ان دي الأصليه و اللي علي باقي المواقع مش اصليه ، اشتريها ي باشا من أمازون ب اقل من نص سعرها و احسن منهم دول
ه
هالوو
مجموعات فيسبوك (تعليق)· منذ 3 أيام
★★★★★5.0
هاتي بامبرز بريميم مش شايفه اي فرق سعر كبير اوي يعني بس انضف بكتير انا بجبها ف حدود ٥٠٠ او ٥٥٠ مش اكتر بتكون ٨٦ قطعه ولو مقاس ٢ جبتها حاجه و ٩٠ قطعه ب٤٨٠ من أمازون وتحفه
R
Rana Mostafa
مجموعات فيسبوك (تعليق)· منذ 5 أيام
★★★★★1.0
مقرفيين دي كلمة قليلة والله.. اعمل شكوي في حماية المستهلك
ع
عمر خالد الزير
مجموعات فيسبوك (تعليق)· منذ 5 أيام
★★★★★2.0
انا ياما كتير كانوا بيبعتوا منتجات زيادة او فلوس وكنت من نفسي بكلمهم اعرفهم وفي الآخر يوقفوا طلبين ليا بدون اسباب وبدون ما يعرفوني حل المشكلة إيه وكمان قافلين المكالمات والشات يعني لا عارف اكلمهم ولا هما عارفين يبعتولي لأن الإيميلات بتاعتهم معظمها مابيوصلنيش! ورقم خدمة عملاء امازون مصر مش قادرين يحولوني على امازون الإمارات ولازم يكون معايه شريحة إماراتي!
M
Messi_goat1
مجموعات فيسبوك (تعليق)· منذ 5 أيام
★★★★★4.0
لا ابعتلهم سكرين للكرديت بتاع باي بيت انا حصلت معايا وبعت سكرين مش مبين غير آخر اربع أرقام وانفك وصل المنتج
D
DeterminedParsnip3433
مجموعات فيسبوك (تعليق)· منذ 4 أيام
★★★★★5.0
أنا لسه جيباه من امازون مافيهوش اى حاجة خالص
M
Mona Sayed
مجموعات فيسبوك· منذ 5 أيام
★★★★★1.0
يوم ٢١ مارس ٢٠٢٦ عملت اوردر لمكواة شعر فيلبس من امازون تمنها ٢،٤٣٥ جنيه. الاوردر وصل بعدها بايام ولما فتحته فوجئت ان وصلي مكواة سوكاني اللي تمنها ميجيش نص تمن الفيلبس والاهم من دة انها مش المنتج اللي انا طلبته اصلا. بعت لامازون من خلال الcustomer service على الابليكيشن والموظف رد عليا اني اعمل طلب استرجاع والمندوب هييجي ياخد المنتج والفلوس تتحولي على حسابي. سألته ايه يضمنلي رجوع الفلوس رد وقالي "حضرتك بتتعاملي مع امازون يا فندم اكيد هترجع". الفلوس مجاتليش واتقالي ان طلب الاسترجاع اترفض لاني اديتهم منتج غير اللي جالي!!!!!! وانهم مش هيرجعوا الفلوس الا لو جالهم المنتج الصح!!!! يعني امازون جايبالي منتج غلط وبتقولي ان انا مرجعالهم منتج غلط!!؟ ودة معناه سرقة علني. كلمتهم عشرات المرات وكل مرة موظف يحطني على الانتظار ويرجع يقولي انا بعت للقسم المختص وهيتواصلوا مع حضرتك. ولحد دلوقتي بعد ٥ شهور مش عارفة ارجع فلوسي والغلطة في الاساس غلطتهم. بحذركم من التعامل معاهم وهيتم عمل شكوى في حماية المستهلك عشان ارجع فلوسي.
W
World And Egyptian sports News
مجموعات فيسبوك (تعليق)· منذ 5 أيام
★★★★★1.0
شركة نصابه طلبت موبيل جالي جيل وسبراي ومش عايزين يرجعلي ثمن الموبيل 20 الف
M
Mohamed Shedeed
مجموعات فيسبوك· منذ 5 أيام
★★★★★2.0
#امازون هو المفروض استنى قد اية عشان فلوسي ترجعلى تحس انهم بيندموك انك عملت استرجاع
A
Ahmad Zahran
مجموعات فيسبوك· منذ 6 أيام
★★★★★1.0
Amazon is the worst place to buy online !!! Amazon.eg Amazon.com اشتريت جهاز من امازون - fulfilled by Amazon - يعني مش من تاجر، اتفاجئ ان الجهاز جايلي غلط. عملت طلب استبدال، جالي نفس المنتج الخطأ. كلمتهم للمره المليون، قالولي كود المنتج خطأ من عند البائع و هنعملك طلب ارجاع للمنتج. قولتلهم طب انا ممكن اطلب منتج تاني اغلي ، ابعتوهولي و ادفعلكم الفرق، قالولي دا ضد سياسة الشركه، ولازم حضرتك ترجع المنتج الاول و بعدين نرجع ليك فلوسك بحد اقصي ١٤ يوم ، و بعدين حضرتك تقدر تطلب تاني. عملت طلب ارجاع مرتين ، وفي المرتين المندوب بيقفل الطلب اني رفضت تسليم المنتج !!!!! انا بقالي شهر تقريبا في دوامة امازون، كل ده عشان غلطت و طلبت من عندهم و دفعت بالفيزا ، ف لازم اتكدر و يطلع ميتين ابويا ؟!!!!! جهاز حماية المستهلك المصري
W
World And Egyptian sports News
مجموعات فيسبوك (تعليق)· منذ 11 يوم
★★★★★1.0
امازون شركة نصابه طلبت موبيل جالي جيل وسبراي ومش عايزين يرجعلي ثمن الموبيل 20 الف
M
Mostafa Ezz
مجموعات فيسبوك· منذ 14 يوم
★★★★★1.0
مريت باسوء تجربه عنصريه من مكان في حياتي. انا شخص بصور محتوي وشغال في مجال الماركتنج عموما. دايما في مكانين مكان في زايد ومكان هادي للتصوير في منطقه ريفيه. للاسف الشديد، لما بطلب حاجه من زايد او بتحصل مشكله هناك بتتحل، ولكن لما بطلب من المنطقه التانيه المشكله نادرا ما بتتحل. مؤخرا حصل مشكله: طلبت سبوره وشويه اضاءه وتيشرت وكام حاجه صغيرين تانيين. الحاجات جاتلي متاخر جدا وكان بيتبعتلي مسج غريبه انهم حاولو يسلموني ومفيش حد، ودا كدب لاني حتي مجاتليش مكالمه. وجالي حاجه من الحاجات وهي الصبوره بمقاس غلط وخدو نفس الفلوس مكتوب عليها بيانات شخص تاني ورقمه ودا يخليني برضو لا أأتمن امازون علي بياناتي. كلمتهم عشان يحلو مشكلتي قالو المندوب هييجي ياخدها وبعد ٤ـ٥ ايام هنرجع فلوسك، يعني انا الي بتحاسب علي المشكله. طلبت اكلم حد من الاداره، خدمه العملاء قالي تمام هوصلك بحد وسابني فوق النص ساعه هولد عشان اقفل. قلت مش هقفل، وجالي قالي للاسف قالو المشكله مش عندنا، قولت اومال عند مين؟ قال اصل العنوان مكتوب غلط وحضرتك الي كاتبو! قلت منا وصلي حاجات علي نفس العنوان الي محطوط علي امازون من سنتين ويمكن اكتر. تخيل
À
Àhmêd Mubarak
مجموعات فيسبوك· منذ شهر واحد تقريباً
★★★★★1.0
للمرة التانية استبدل اوردر ويجيلى ناقص راحو عملنلى بلوك من الشات ومش عارف اتواصل معاهم Amazon Prime
العودة إلى صفحة أمازون برايم