يتفرجيتفرج

تقييمات زانوسي

136 تقييم من المتسوقين (صفحة 1 من 7)

أضف تقييمك

M
Mohamed Adel
مجموعات فيسبوك (تعليق)· منذ 3 أيام
★★★★★2.0
هي بتعمل كده عند الشطف ده زانوسي نفس القصه
عرض المصدر
ا
انهار محمد
مجموعات فيسبوك (تعليق)· منذ 4 أيام
★★★★★1.0
بلاش زانوسي نزلت عشروميه مره بلاك ليست واسؤ خدمه عملاء
عرض المصدر
J
JazzyStrawberry8053
مجموعات فيسبوك· منذ 7 أيام
★★★★★1.0
كنت عاوزة أحكى تجربتى مع صيانه شركه زانوسي اسواء تجربه مرت عليا بجد. كان في مشكلة في الغساله بتاعتى بتعمل صوت (اوتوماتيك ٨ كيلو). رنيت عليهم واحده ردت وقالت حد من الصيانه هنتواصل معاكي. عدى ٣ أيام ومحدش رد. رنيت تانى واتوصلو معايا وقالو حد هيجى من الفني. قلت لها كام التكلفه لان الجهاز داخل الضمان، قالت لو حاجه خارج عيوب الصناعه يصلحها وهياخد ٢٠٠ج زيارة. جه الفنى وقال الصوت دا اما حاجه مكسوره ف الحله أو عيب قاعده الغساله. شال القاعده وجربنها الصوت اختفى. قال الغساله تمام ومفهاش اى حاجه. بس قال مشكله إن المياه عنكو وحشه وهتبوظ الغساله ولازم فلتر وقاعده مخصوص من الشركة. قولنا تمام هنبقى نجيبها بعدين. قال حسابى ٥٠٠ج زيارة ٢٠٠ و ٣٠٠ مشوارى. رفضنا ندفع المبلغ. رن ع حد من الشركة، كلمنا وقال دا نظام عندنا. قولنا له اتعملنا مع صيانه شركات تانيه ومافيش حاجة زى كده. كان جدال رهيب. أخيرا قال متدفعش بس الغساله هتطلع خارج الضمان.
عرض المصدر
R
Rofyda Ibrahim
مجموعات فيسبوك· منذ 9 أيام
★★★★★1.0
اشتريت بوتاجاز تيست ماكس هو اعلي حاجه عندهم. بعد ماشركت الغاز ركبته لقيت زنه كبيره قوووي في الموتور وهو شغال. كلمت الشركه جه الفني قال عيب فونيات هنغيرها وغيرها وخد حوالي ٥٠٠ وشويه وبعدها لقيت الزنه برده موجوده. كلمتهم جه فني تاتي قالي عيب فونيات، قولتله ما انا لسا الشركه مغيراها، قال علي ضمانتي المره دي، قولت هو لسا في الضمان وجديد وده بقي علي حسابكم، قال لا هتدفعي ولو ما دفعتيش هتتحطي بلاك ليست. دفعت وغيرها وفضلت المشكله. كلمتهم جه فني تالت قال هو البوتاجاز كده وده مش عيب فيه وهناخد حق الزياره، قولتله مش دافعه حاجه والبوتاجاز فيه مشكله ولازم تتحل، قال خلاص هفكه علي ضمانتك لو حصل حاجه. فك البوتاجاز وعمل شويه حجات وقفله وراح في ثواني، بعدها لقيته ظبط وبقي كويس جدا، كلفوني فونيات بالف جنيه قبل كده علي الفاضي وهو فيه مشكله. بعد سنه من الاستعمال باب الفرن مابيقفلش جامد، كلمتهم قال الفني هنحتاج الكاوتش اللي بيلف حوالين الباب ولو هنركبيه هاخد ٢٣٠ تحت الحساب. ادتهومله تاني يوم، كلمته ماجتش ليه، قال الشركه قالتلي سعر عالي. كلموني قالوا صله ٦٥٠ جنيه اصل الاكسسوار خارج الضمان، قولت ماشي. جه تان
عرض المصدر
A
Amir Anis
مجموعات فيسبوك· منذ 8 أيام
★★★★★1.0
عندي شكوى مع شركة زانوسي اشتريت غساله من عندهم يوم الخميس ٨ اكتوبر و كانت عمليه تقسيط مع البنك ١٢ شهر المهم انه تم ابلاغي ان التسليم فى خلال ٣-٤ ايام كلمونى يوم السبت علشان ياكدو التسليم يوم الاحد من ١١ صباحا انتظرهم يوم الحد تواصلت معاهم ٦ مرات علشان اعرف المندوب فين و الرد بتاعهم تسليمك انهارده و منقدرش نوصلك بالمندوب يوم الاحد وصلت للساعه ١ بالليل و محدش جه و فى خلال كل ساعه بكتبلهم على الواتساب انه محدش جه يوم الاتنين انهارده اتصل بيهم يقولو ايه ده ازاى مستلمتش و فى وسط المكالمة يجيلي مكالمه تأكيد انى استلمت الغساله و يتفاجأو انى مستلمتش فى خلال كل ده اكتر من ٣ شكاوى و تليفونات مع المعرض و محدش عارف سبب اني مستلمتش ايه جيت الفرع استرد فلوسي….تم ابلاغي انه لا حضرتك احنا لازم نبعت للبنك و فلوسك تترد كمان ١٤ يوم او اننا نعمل امر توريد جديد و تجيلك بعد ٣ ايام و نستعجله ليومين الاستاذ اللى متواجد فى الفرع كلملى حد من الحسابات علشان يشرحلى انه ماينفعش و لما اصريت انه لازم يستعجل المبلغ قالي لا ماينفعش و ان البنك فهمك غلط و الاستاذ كان ناسي الخط و التليفون على speaker و الاستاذ ب
عرض المصدر
A
Amira El-hrgawy
مجموعات فيسبوك (تعليق)· منذ 8 أيام
★★★★★2.0
غسالتي بتعمل كده للاسف وزانوسي ومش لاقيه حل بتبوظ الهدوم
عرض المصدر
R
Raymond Boushra
مجموعات فيسبوك· منذ 13 يوم
★★★★★1.0
عندى تجربه سيئه مع شركة زانوسى من قبل ما استلم المنتج دلوقتى انا حجزت المنتج من خلال التليفون و روحت دفعت جزء من المبلغ فى الفرع و بقية الجزء بيدفع مع استلام المنتج و الكلام ده كان يوم السبت ٣/١٠/٢٠٢٦ و اتبلغت انى هستلم المنتج خلال ٤٨ ساعه يوم ٥/١٠ اتصلوا يوم الاتنين بلغونى انه جى التلات الموافق ٦/١٠/٢٠٢٦ كل ده و انا فى مكلمات كل يوم عاشان اعرف معاد استلام المنتج بتاعى و انى ملزم اكون فى البيت و اسيب حياتى و شغلى عاشان مسؤل التوصيل يكلمنى يقولى هيجى امتى خلال اليوم يسلمنى المنتج وكل ما اتواصل معاهم يقلولى هتستلمها خلال اليوم لحد الساعه ١٢م و جت ١٢ و بردو مستلمتهاش انتو ناس كذابين و قد كده الاستهانه بالعميل و عدم المصداقيه فى كلامكم و انى فضلت اجيب منكم افضل من موزع تانى لضمان السرعه و الاهتمام اومال لو المنتج باظ او حصل حاجه هتعملوا ايه ارجوا الافاده و التنبيه ان شركة زانوسى اللى شغالين فيها بيستهتروا بالعملاء و مفيش مصداقيه.
عرض المصدر
M
Mohammed Atef
مجموعات فيسبوك· منذ 24 يوم
★★★★★1.0
اشتريت غسالة زانوسي سنة 2020، ومن فترة وأنا أعاني من مشكلة مستمرة وهي ظهور بقع شحم على الملابس بعد الغسيل. تواصلت مع خدمة عملاء زانوسي أكثر من مرة، وتم تغيير الرولمان بلي والأكس مرتين، لكن المشكلة الأساسية ما زالت موجودة! والأهم أن كل عمليات الصيانة السابقة موجودة ومسجلة على History في سيستم الشركة. وخلال عمليات الصيانة السابقة حدث أيضًا شرخ في جزء من الحلة الخارجية أثناء تغيير القطع، ومع ذلك المشكلة الأساسية لم يتم حلها. بعد ذلك أبلغتني الشركة أن السبب قد يكون من المياه الداخلة للشقة. توجهت إلى شركة المياه وقدمت شكوى وطلبت تحليل عينة من المياه، وتم إبلاغي أن المياه لا توجد بها مشكلة. والآن الشركة ترفض إصلاح الغسالة بدون مقابل بحجة أن الغسالة خرجت من الضمان بعد مرور خمس سنوات. كيف يتم التعامل مع نفس العطل وإصلاحه أكثر من مرة، وتغيير نفس القطع مرتين، ثم تظل المشكلة موجودة، وبعدها يتم اعتبار الأمر مجرد عطل جديد لأن الضمان الأصلي انتهى؟ والأغرب أنه تم إبلاغي بأن لو كنت دفعت قيمة القطع التي تم تغييرها في المرة السابقة، كان سيتم التعامل معها الآن على حساب الشركة! أنا أطلب تحديد السبب الحقيق
عرض المصدر
العودة إلى صفحة زانوسي