يتفرجيتفرج

تقييمات شاومي إيجيبت

23 تقييم من المتسوقين (صفحة 1 من 2)

M
Marwa Elsendbesy
مجموعات فيسبوك· منذ 18 ساعة تقريباً
★★★★★2.0
انا اشتريت ساعة شاومى band 8 active بتاريخ ٢٥/١١/٢٠٢٥ وفجاه التاتش بتاع الساعه وقف وديتها الضمان قالوا هنعرضها ع الصيانه ونرد عليكى اتصلوا بيا بيقولوا ان الساعه فيها عيب تصنيع بس الشاشه فيها خدوش من الاستخدام (ده مش مؤثر ع المشكله اللى فى الساعه ) بس لازم ادفع ٤٠٠ جنيه تمن الخدوش وهما اما هيعملوا استبدال
H
Hossam Emad
مجموعات فيسبوك (تعليق)· منذ 13 يوم
★★★★★1.0
ماركه زباله وشركه سيئة
أ
أحمد العيسوي
مجموعات فيسبوك· منذ 13 يوم
★★★★★1.0
أسوأ تجربة تليفون وأسوأ منها تعامل شركة شاومي ومركز خدمة ما بعد البيع مركز صيانة شاومي فرع الزقازيق. اشتريت poco c85. خلال أول أيام لاحظت تقل في الشاشة ودخول وخروج من التطبيقات لوحده. توجهت للفرع اللي اشتريته منه قالو مالناش دعوة، توجّه لمركز صيانة. توجهت لمركز الصيانة، فحصوه وقالولي مفيش مشكلة، جهاز فئة متواضعة فطبيعي يبقى كده. أخدت الجهاز، تاني يوم نفس المشاكل. رجعت للمركز، فحصوا تاني وقالو مفيش مشكلة. توجهت بالشكوى، مفيش حل. مفيش مصداقية ولا احترام للعميل.
A
Abdullah EL Alfie
مجموعات فيسبوك· منذ 15 يوم
★★★★★1.0
تحذير وتجربة سيئة جداً مع هاتف Redmi Note 15 Pro 5G وخدمة ما بعد البيع في شاومي مصر! اشتريت هاتف Redmi Note 15 Pro 5G، والشركة قايمة بدعاية ضخمة ومكثفة بتروج فيها للموبايل على إنه مقاوم للماء والغبار بمعيار IP68/IP69. الموبايل دخلت له مية وتوقف تماماً عن العمل من استخدام عادي جداً، وده بيثبت بشكل قاطع وجود عيب تصنيع وفشل كامل في أختام المقاومة المُعلن عنها. لما تواصلت مع خدمة الصيانة والشركة، كان الرد الصادم: "معايير المقاومة دي للمختبرات فقط مش للاستخدام اليومي، وأضرار السوائل برة الضمان"! الشركة بتبيع للمستهلك ميزة على الورق وبتروج لها في الإعلانات، ولما الميزة تفشل، ترفع إيدها وتنصل من المسؤولية بتحججات واهية! عرضت عليهم حلول ودية كتير، لكن التصلب والرفض هو السائد. بناءً عليه: جاري تقديم شكوى رسمية وموثقة لدى جهاز حماية المستهلك (CPA) بتهمة الإعلان المضلل وبيع منتج بمعايير غير مطابقة للمواصفات المُعلنة. يا ريت أي حد بفكر يشتري الجهاز عشان ميزة مقاومة المياه يفكر 100 مرة قبل ما يقع في نفس الفخ.
E
Eman Deyaa
مجموعات فيسبوك (تعليق)· منذ 17 يوم
★★★★★1.0
مأخدتش لا حق ولا باطل معاهم اشتريت منهم Redmi buds 3 ومن اول شهر ابتدت يبقى فيها عيوب في الصوت واروحلهم وميرضوش يرجعوها رغم ان عيب الصناعة واضح لحد م فترة الضمان عدت والسماعة واحدة بقت تعمل connect ومتشتغلش والتانية اول م اطلعها من البوكس تفصل شحن واتواصلت معاهم وقالولي لا ملهاش صيانة تاني فهي شركة خدماتها بعد البيع مش كويسة ابدا وحاجتها خسارة يتدفع فيها جنيه
M
Mohamed Hassan
مجموعات فيسبوك· منذ 17 يوم
★★★★★1.0
دلوقتى انا اشتريت سماعة Redmi 6 Active لقريبي بضمان الصافي ،،وبعد كام شهر جانب من السماعة وقف تماما فراح للضمان وبعدها بلغوة ان فيها عيب صناعة لكن لأن مش موجود منها عندهم فهيخصموا من تمن السماعة 400 جنيه ويدولة الباقي مع العلم تمن السماعة تقريبا 1050 وموجودة في كل الاماكن عادى وعشان هو طيب قالهم طب انا ادفع المبلغ دا واخد واحدة جديدة اترفض طبعا ،،فكلمتهم قالولى عشان السماعة فيها محاولة فتح وخدوش فـ المبلغ اللى اتخصم دا عشان سوء الاستخدام لو في محاولة فتح مكانوش اقروا انها عيب صناعة عرضت انها تتبدل بنوع تانى حتى لو اعلى وندفع الفرق بردوا رفضوا ... فأنا هنا عاوز اعرف فين حماية المستهلك وفين القوانين اللى تحميني ؟!،،واعمل ايه مع الشركة المحترمة دى ..! ،وبالتالى بحذر اى حد يشترى اى منتج بضمان الصافي..
A
Ahmed Said
مجموعات فيسبوك (تعليق)· منذ 19 يوم
★★★★★2.0
سلسة الريدمي بطاريتها بتولع دايما
إ
إبراهيم محمد
مجموعات فيسبوك· منذ 19 يوم
★★★★★1.0
مساء الخير هو طبيعي موبايل بقاله سنتين تقريبا جايبه البطارية تتنفخ بالشكل ده ؟ الموبايل نوعه Redmi note 13 وللأسف تجربة سيئة جدااا Xiaomi Egypt
M
Mahmood Amer
مجموعات فيسبوك (تعليق)· منذ 21 يوم
★★★★★1.0
انا حصل معايا موقف مشابه والمجلس القومي لتنظيم الاتصالات قالي ان الموبايل انا اللي بوظته وفتحته بره التوكيل وحماية المستهلك قفل الشكوي وانا حقي ضاع
M
Mo'men Mohamed
مجموعات فيسبوك· منذ 21 يوم
★★★★★1.0
أسوأ تجربة من شاومي و التوكيل بتاعه ❌❌ Xiaomi Egypt Al Safy Group اشتريت من Amazon.eg سماعة Mi In-Ear سلك في مارس، وبعد 3 شهور استخدام بس الفردة اليمين بقت بتقطع صوت مع أي حركة في السلك، والفردة الشمال صوتها وطي خالص، مع إن السماعة من بره سليمة وزي الفل ومافيهاش أي قطع أو كسر. رحت سلمت السماعة لفرع صيانة شاومي في العصافرة يوم 30 يونيو عشان اصلحها بما انها لسا في الضمان. ويوم 1 يوليو رحت الفرع على أساس إنها اتصلحت ورايح أستلمها، فـ موظف الفرع بيقولي إن التوكيل رفض الضمان بحجة إن فيها شمع كتير! كلمت خدمة العملاء وعملت شكوى وقعدت مستني الرد. بعدها ب اربع ايام بالظبط كلمني مسؤول الشكاوى في التوكيل، وقالي ان مينفعش يتفعل الضمان عشان الشمع دخل جوه الفلتر وسده وماينفعش يتنضف واعتبروا ده سوء استخدام. قلتله الكلام ده مش منطقي خالص، مش طبيعي سماعة بـ 200 جنيه تبوظ بعد 3 شهور بس بسبب ان فيها شمع، في حين إن في سماعات تانية اقل منها في السعر و ماركات مش معروفة زي شاومي وبتعيش أطول من كدة ومابيحصلهاش حاجة! وأنا أصلاً اشتريت السماعة دي عشان هي ماركة معروفة وأحسن من الحاجات المجهولة، وعشان أ
N
Noha Badawi
مجموعات فيسبوك· منذ 24 يوم
★★★★★1.0
اشتريت سكوتر كهربائي من Xiaomi. بعد 4 أيام من الشراء توقف الشحن. رفضت الشركة تبديل المنتج وأرسلته للصيانة لمدة 3 أسابيع. بعد استلامه وعند استخدامه، قام السكوتر بعمل lock مفاجئ وتسبب في إصابة ابني بالسقوط. رفضت الشركة تبديله مرة أخرى وأرسل للصيانة شهر. بعد الإصلاح، استلمناه وسافرنا، فقام بنفس المشكلة وأصيب ابني مرة أخرى. أُرسل للصيانة للمرة الثالثة لمدة شهر. الشركة تماطل حتى ينتهي الضمان. إدارة سيئة وتضارب في المسؤوليات بين الفروع والصيانة وخدمة العملاء. المنتج معيب والخدمة كارثية. اشترينا اثنين، واحد من فرع المول يعمل والثاني من فرع البحر كان معيباً منذ البداية.
F
FunKale5464
مجموعات فيسبوك (تعليق)· منذ 23 يوم
★★★★★2.0
اشتريت موبايل من شهر بيهنج و پعمل ريستارت لوحده تمنه 27000
N
Noha Badawi
مجموعات فيسبوك (تعليق)· منذ 23 يوم
★★★★★1.0
شركه التعامل معاها سئ، للاسف بيبيعوا منتجات والله العظيم بايظه، و دايما نرجع لهم بعد اسبوع من الشرا و ندخل في دوامه الصيانه … ابعدوا عن الشركه دي خاااااااالص سيئه سيئه لابعد درجه .. Xiaomi Egypt
T
Touqa Abdelhadi
مجموعات فيسبوك· منذ 23 يوم
★★★★★2.0
انا اشتريت مكنسه كهرباء شاومي من سيتي سنتر الماظه مول و بعد استخدامين وقفت. رجعت الفرع قالولي لازم نوديها الصيانة روحنا قالو هيردو بعد يومين ردو بعد اكتر من اسبوع قال البورده جي عليها مايه ولازم تتصلح مع العلم ان ليها تانك مايه طبيعي يجيلها مايه . بتكلف 2600 جنيه و هيه كلها اصلا ب 7000 كان عليها عرض . هل الطبيعي اني ادفع واصلحها ولا في حل تاني
F
Fayza Zakarya
مجموعات فيسبوك (تعليق)· منذ شهر واحد تقريباً
★★★★★2.0
معايا نفس الساعة بس المطاط ابتدا يتقطع بعد سنه من لبسها و اضطريت أغيره
B
Bahaa Azab
مجموعات فيسبوك· منذ شهر واحد تقريباً
★★★★★1.0
يعني عيب والله يا شاومي لما المطاط يتكسر و يتقطع كده مع ١٠ لبسه مجرد اني شايل الواد ع دراعي كده؟ حاجه منتهي الاستفزاز يعني Xiaomi Egypt
M
Manar Samir
مجموعات فيسبوك· منذ شهرين تقريبا
★★★★★2.0
دلوقتي انا جيالكو في مشكله يا تدوني حل امشي عليه يا تساعدوني بكومنتاتكو ووقفتو مع اختكو انها تتحل 🥲وهحاول مطولش كتير دلوقتي اشترينا موبايل شاومي من بي تك يوم ١١-٦ روحنا تشغل الكاميرا بتصور الفيديو بيعلق وتقيل تاني يوم نفس الكلام روحنا للتوكيل فرع الصيانه يوم ١٤-٦ عملها شكوي واستلم منها الموبايل يبعته للشركه بعدها بيومين قالها تعالي خديه والمشكله اتظبط ولو اتكررت تاني من حقك تبدليه او ترجعيه خدته وروحت برضوا نفس المشكله متحلتش رجعتلهم تاني يا جماعه حصل كذا كذا وانتو قولتولي كدا انا عاوزه دلوقتي فلوسي طبعا خدوه منها ورجعو كلموها بعد يومين تعالي خديه الموبايل مفيهوش حاجه وهي مصوره فيديوهات وواخده اسكرين ريكورد واضح فيهم تهنيجه التصوير وهي صعبانه عليا ومتضايقه علشانها اويييي لانها داخله جمعيه بقالها ٧ شهور وبتحوش علشان تجيب زفت موبايل ويوم متجيبه تقع ف شركه استغفر الله وهيروح عليها تعبها وتحويشها ف قولولي ايه الحل او ايه الاجراء ال اقدر اعمله علشان ارجعلها حقها اروح ل بي تك ولا اعمل ايه بالظبط المفروض اني هنزل معاها مشوار الموبايل دا بكره Xiaomi Egypt Xiaomi B.TECH جهاز حماية
م
محمد الشافعي
مجموعات فيسبوك· منذ شهرين تقريبا
★★★★★1.0
مساء الخير Xiaomi Egypt انا كان معايا تليفون xiaomi poco وفجأة بدون مقدمات وهو شغال عادي قام مدخنو كان هيولع في الشقة وخدته وجريت علي السلم راح مطلع دخان كتير جدا وشرار وبعدين ولع ولولا ستر ربنا واني كنت صاحي مش عارف كان هيحصل ايه لو كنت نايم وحصل كدا كان هيعمل كارثة بس الحمدلله ومن هنا وجاي عمري ما هستعمل اي منتج من منتجات شاومي تاني والحمدلله على ستره معايا
M
Mostafa Abd El-Aziz
مجموعات فيسبوك· منذ شهرين تقريبا
★★★★★1.0
BTECH تم شراء xiaomi TV Box third generation وطلع مضروب وحين مطالبتهم بالاسترجاع و رد المبلغ لم يرسلوا احد جهاز حماية المستهلك المصري Xiaomi Egypt ياريت تساعدونا ازاي مكان زي بي تك ينزل مضروب كده وازاي مترفعوش قواضي عشان منتجكم وياريت توفروا لينا الاصلي في فروعكم 🤔
M
Mido Mohamed
مجموعات فيسبوك· منذ شهران
★★★★★2.0
شركة شاومي مصر المهملة Xiaomi Egypt الي معندهاش ادنى اهتمام بالعميل ، روحت ثلاث مرات اشتري منتج التاج الي بيعلنوا عنه ومش بلاقيه ، لحد ما قالوا لي هنطلبهولك من فرع تاني وادفع حسابه وهيوصل خلال يومين تلاتة ، بحد اقصى اسبوع النهارده ثامن يوم ومفيش اي شخص من الكيان المهمل ده تواصل معايا ، ولما تواصلت معاهم قالوا لسه موصلتش تخيل احنا في ٢٠٢٦ وهما اسبوع مش عارفين يحركوا قطعة من فرع لفرع او حتى قادرين يوفروا ستوك منها في الفروع !! يحسسوك اننا ف العصر الحجري ، ده لو مندوب جايبها مشي كان وصل والله ! دي لو مشحونة من المصنع كانت وصلت !! ايه قلة المسئولية دي ! اجمالي المدة الي حاولت اوصل فيها للمنتج دلوقتي ٣ اسابيع والقطع الي كانت ف الفرع كلها بايظة ومش بتربط ع الموبايلات حقيقي شركة مهملة وعايشة في العصر الحجري
العودة إلى صفحة شاومي إيجيبت