يتفرجيتفرج

تقييمات وي باص

146 تقييم من المتسوقين (صفحة 5 من 8)

أضف تقييمك

Z
Ziad Tarek
مجموعات فيسبوك (تعليق)·
★★★★★1.0
كان عندي نفس مشكلتك بالظبط الحمدلله لغيت معاهم ومع وي دلوقتي
عرض المصدر
M
Mona Mahmoud
مجموعات فيسبوك (تعليق)·
★★★★★2.0
انا عندي تحميل ٣٢١ وتنزيل ٨٦ كده هي عاليه قوي؟
عرض المصدر
D
David Boshra
مجموعات فيسبوك·
★★★★★1.0
انا مشترك في شركه We من يوم ٢٣ / ٩ واذ فاجاه لقيت النت عندي قطع. وشركه we بعتولي مسج علي موبايلي ان الخدمه اتوقفت لازم اتواصل مع خدمه العملاء. انا مشترك في باقه سنويه بتديني ٣٠٠٠ جيجا لمده سنه وفي نفس اليوم تابعت استهلاكي واللي باقي تقريبا كان ٧٠٠ جيجا وتجديد الباقه بتاعي يوم ٢١ / ١١. خدمه العملاء قالولي حصل مشكله في السيستم ودي مسحت خطك من الخدمه. بعد يومين حاله الخط عندي اتغيرت من موقوف ل نشط ولكن من غير الجيجات (ال ٧٠٠ جيجا اللي كانت عندي اتمسحوا!). كلمت خدمه العملاء قالولي حاضر هنعمل شكوي ونقدم طلب وده هيقعد ٧٢ ساعه. حتي الان كل ما اكلمهم يقولولي الطلب مفتوح ومتقدم وال IT هيشوفوا الشكوي وهنحللك المشكله. انا عملت شكوي في رئاسه الوزراء وعملت شكوي في الجهاز القومي لتنظيم الاتصالات. طبعا شركه فاشله وسيستم وموظفين مافيش افشل من كدا. مافيش حد بيحل وقاعد من غير نت وشغلي كله علي النت.
عرض المصدر
W
Wael Mohamed Gharieb
مجموعات فيسبوك·
★★★★★1.0
شكوى ضد تركيبات شركة WE. الناس المقاولين اللي WE متعاقدة معاهم يمدوا كابلات الفايبر داخل العماير في الهضبة الوسطى، المقطم. ناس جودة الشغل زي ما بيتقال عليهم حاجة تحت بير السلم. دخلوا العمارة بدون إذن أو تنسيق مع الملاك و هاتك يا تكسير و تخريب فالارضيات و الحوائط و السقف ، لا عمل معاينة يفهم هيدخل الخدمة جوه الشقق ازاي و لا عمل مراعاة لأن الشكل العام هيكون غير مقبول داخل العمارة و داخل الشقق. حاولت احل الموضوع ودي مع ا / ا. ع , و جه عمل معاينة تانية و قالي هيشيل الكابلات دي تاني يوم و من ساعتها ما بيردش حتى بالتليفون. توجهت لمكتب مدير سنترال المقطم ٢ اللي فالهضبة الوسطى و لاكن للاسف ما كنش موجود و الناس اللي فالمكتب عنده اخدوا التفاصيل و قالولي احنا ملناش دعوة ، المقاول ده لسه ما سلمناش ، طب سيابينه يكسر و يخرب بيوت الناس؟ دي حرفيا مهذلة. و كنت حاولت احمل شكوى فال NTRA بس قالولي ده بره اختصاصهم و كنت عملت شكوى متسجلة عند WE. الصور خير دليل ، ده منظر يرضي ربنا؟ و قال ايه هيسد حوالين الكابل باسمنت ابيض. مين هيصلح الأضرار دي و يعالج التخريب ده؟ بدل ما الواحد كان بيفكر يدهن السلم من جوه بقى
عرض المصدر
M
Mohammed M. Abd Rabo
مجموعات فيسبوك·
★★★★★1.0
شكوى بخصوص تغيير البورت بشكل متكرر وانقطاع خدمة الإنترنت. بقالي حوالي شهرين عندي مشكلة متكررة مع شركة WE، وهي إن البورت بيتغير من تلقاء نفسه، ونتيجة لكده خدمة الإنترنت بتفصل بشكل مستمر. والغريب إن طول ما الشكوى مفتوحة، الإنترنت بيكون شغال زي الفل ومستقر، لكن بمجرد ما الشكوى بتتقفل، تاني يوم البورت بيتغير لوحده والإنترنت يفصل من جديد، وتبدأ نفس المشكلة تتكرر. المشكلة وصلت لدرجة إن الإنترنت بيقعد كل يومين تقريبًا على نفس الحال: فصل وانقطاع وعدم استقرار، وأفضل أفتح شكوى جديدة، ويتم حل المشكلة مؤقتًا، ثم بمجرد إغلاق الشكوى ترجع المشكلة مرة أخرى. وفي إحدى المرات تم تغيير البورت من ADSL إلى VDSL، وبعد التغيير الدنيا استقرت والإنترنت اشتغل بشكل جيد، ولكن بمجرد إغلاق الشكوى، في اليوم التالي الإنترنت فصل مرة أخرى، وظهرت رسالة أن "هذا الرقم غير موجود بالخدمة". وعندما تواصلت مع الفني، أخبرني أن البورت بيتغير لوحده، وكل مرة يتم عمل شكوى ويتم حل المشكلة، ثم تعود نفس المشكلة مرة أخرى بعد إغلاق الشكوى. أنا فعلًا وصلت لمرحلة إني قرفت من التعامل مع الشركة بالشكل ده. أنا بدفع مقابل خدمة من المفترض إنها
عرض المصدر
ر
رَضِيتُ بِاللهِ رَبَّاً
مجموعات فيسبوك (تعليق)·
★★★★★1.0
خدمة we زي الزفت اسوا شركة نت في مصر
عرض المصدر
H
Hanan Abo Seada
مجموعات فيسبوك·
★★★★★1.0
الواحد تعب جدا من شركه we النت تقريبا مفصول وبيروح ويرجع ٥ دقائق حرام والله ودى مش اول مره
عرض المصدر
A
Ahmed Rashwan
مجموعات فيسبوك·
★★★★★2.0
أنا عندي مشكلة و تجربة سيئة مع شركة وي في نقل رقم تليفون ارضي و نت من مكان لمكان. توجهت لسنترال وي فرع سموحة بالعقد و الرقم القومي لتقديم طلب النقل و مجرد ما الموظف شاف عقد الايجار قال مفيش مكان فاضي في البوكس في المكان الجديد سألته اي الحل قالي مفيش، بعدها بيومين رجعت للفرع احاول تاني موظف تاني قالي مفيش مكان بس الصح تقدم طلب نقل عشان ياخد دوره و الأولوية دائما للنقل علي تعاقد جديد و قدمت الطلب بالفعل و قالي لو في مكان فاضي هيوصلك رسالة بتأكيد الحجز للتعاقد، بالفعل تاني يوم علي طول يوم ١٣ سبتمبر وصلت رسالة مرفقة بتأكيد الحجز و اني اروح أتعاقد روحت للمرة الثالثة لفرع وي سموحة المرة دي مدير الفرع نادر فوزي كان موجود بص بمنتهي البرود و قال مفيش مكان أوريه الرسالة بتأكيد الحجز يقولي مفيش و روح للقسم الفني اسألهم أقوله انت فرع التعاقدات يقولي مليش دعوة ده اللي عندي عملت شكوي في نفس اليوم في وي جاتلي تاني يوم ١٥ رسالة بتأكيد الحجز قولت يمكن من الشكوي روحت الفرع قالولي بردو مفيش مكان قدمت شكوي في الجهاز القومي لتنظيم الاتصالات و جه الرد بعد يومين ان مفيش مكان فعلا و مكانك محفوظ و الطلب موجود
عرض المصدر
R
Roaa El Soufi
مجموعات فيسبوك·
★★★★★1.0

شكوى بخصوص تعاقد مع WE وتأخير تنفيذ الخط الأرضي والإنترنت لمدة 16 يومًا. التعاقد تم بتاريخ 12 سبتمبر 2026، وتم دفع حوالي 7000 جنيه. اكتشفنا وجود مشكلة في بيانات العنوان المسجلة في الفاتورة الإلكترونية (رقم العقار 18 بدلاً من 1). عند اكتشاف المشكلة، تواصلنا مع خدمة العملاء وقدمنا شكاوى، وكان يتم إبلاغنا في كل مرة تقريبًا بأن أحدًا سيتواصل معنا خلال 5 أيام، ولكن مر الوقت دون حل فعلي أو متابعة واضحة. الآن، بعد مرور 18 يومًا، فوجئنا بأن الحل المطلوب منا هو الذهاب إلى الفرع وإلغاء التعاقد وعمل تعاقد جديد. لم نتلقَّ حتى الآن إفادة واضحة بشناء ما تم اتخاذه من إجراءات. في حالة عدم الوصول إلى حل واضح، سنقوم بتقديم شكوى رسمية إلى NTRA.

نُشرت في جروب فيسبوك بتاريخ 29 سبتمبر 2026، والمنشور الأصلي لم يعد متاحًا.

H
Hala Refaat
مجموعات فيسبوك·
★★★★★1.0
لا انصح بالتعامل مع WE BUS. شركة سيئة ما WE BUS التزام ولا بالمواعيد ولا بكلامهم. اللي بيقولو: ميعاد رحلتي من القاهرة 8:35 الصبح روحت استني الساعة 8 عشان متأخرش زي اي حد محترم والعربية متجيش في ميعادها، يدوني رقم السواق اتصل بيه 8:35 يقولي نص ساعة واجيلك، تعدي الساعة تبقي 9 اتصل بيه يقولي 10 دقائق لحد ما جة 9:20. حجزت كرسيين، المفروض الكرسي اللي جمبهم مقفول لراحة الراكب زي ما خدمة العملاء قايلين وبناءا عليه قولت تمام احجز كرسيين جمبهم فاضي عشان محدش يقعد جمبي، ادي المنظر السواق يطلع واحدة يقعدها في اول تفتيش ويقولي هتكمل معانا لاخر الرحلة، في مشكلة اقولو انا حاجزة الكرسيين دول عشان جمبهم فاضي، يقولي مانتي قعده في كرسي اهو. الحمد لله اني حجزت معاهم ذهاب بس ومدبستش نفسي في ذهاب وعودة. والمشوار اللي من القاهرة ودهب بياخد 6 ساعات، خدو في 9 ساعات لانهم بيدخلو طور سيناء الاول ينزلو ناس وبعدها شرم وبعد كدة دهب يعني تضيع وقت من كل اتجاه مع ان كان مكتوب ميعاد الوصول 3 جوة الابب. اتحرك من القاهرة 9:30 اوصل دهب 6:30.
عرض المصدر
H
Haneen4280
مجموعات فيسبوك·
★★★★★2.0

محتاجه احكي تجربتي مع شركه we اسوأ شركه ليه انا فب الشهر ادفع 750 جنيه لباقه 140 جيطا وباخد باقه اضافيه 100 جيجا بسبب ان النت مش بيكفي وواحده اول ما قدمت ع النت من سنه ونص منها لله مش مسماحها ليوم دين حسبي الله ونعم الوكيل فيها يارب ما تسوف فرح في حياتي كانت في شركه we في فرع عندنا كنت رايحه اجدد الباقه عادي كان تاني شهر للتجديد وكان عليا 250 جنيه بقسط الراوتر قعدت تقولي في نظام جديد اسمه we gold حلو جدا وبتدفعي فلوس اقل ونت زياده وبنديكي خط تفتحي منه نت من باقه النت للي في البيت وزيه زاي كأنك قاعده في البيت لو انتي بره او مسافره وقدامك 20 يوم تسددي فيهم حق الباقه في اي وقت قولتلها مفيس اي سلبيات للموضوع قالتلي لا والله خالص ده حلو جدا وبتدفعي اقل ومعرفش اي وقعدت حسبتها بعديها بشهر لقينا الباقه خلصت في نص الشهر اخد باقه اضافيه 20 جيجا اتفاجئت في اخر الشهر بقا علينا 350 جنيه اروح الفرع اشتكي واقولها عاوزه الغيه تقولي تظفعي 600 جنيه ونلغيه وبعدين تدفعي حق باقه تانيه الي هو في سكه نثلا 850 جنيه قولتلها بس انا استخدمته شهر واحد المفروض 350 بس قالتلي لا الي منها لله يارب تصرف فلوس شغلها ع

نُشرت في جروب فيسبوك بتاريخ 27 سبتمبر 2026، والمنشور الأصلي لم يعد متاحًا.

M
Mostafa Magdy
مجموعات فيسبوك·
★★★★★3.0

نزلت هدية 5 جيجا… بس بتنتهي خلال كام يوم، وعشان أقدر أستخدمها لازم أخلص الباقة الأساسية الأول! تقريبًا دي عزومة مراكبية بامتياز

نُشرت في جروب فيسبوك بتاريخ 25 سبتمبر 2026، والمنشور الأصلي لم يعد متاحًا.