يتفرجيتفرج

تقييمات وي باص

86 تقييم من المتسوقين (صفحة 1 من 5)

أضف تقييمك

A
Ahmed Karam
مجموعات فيسبوك· منذ يوم واحد
★★★★★1.0
لما يبقى موظف فى شركة we اروح اقدم على خط جديد و يقعدنى ساعه و نص و بعدين فى الاخر بعد تفاصيل كتير يكون عمل حاجه غلط و يقولى عدى عليا بكره و اعترض و اقوله لا ده مشكلة انت عملتها حلها و طبعا كلمته و انا متضايق لكن بدون اى تطاول يرد عليا يقولى اخبط راسك فالحيط و انا اهو و انت اهو لو شوفت تليفون فى بيتك و لو عرفت تدخله كلمت تنظيم الاتصالات. كلمت الشركة و عملت الشكوى فالموظف و تانى يوم اتجهت لفرع تانى اخلص اجراءاتى علشان طبعا مش هروح لنفس الموظف تانى فا يقولولى للاسف هو قافلها لازم تروحلو قولتلهم مستحيل هروح اتحايل على الموظف اللى انا مقدم فيه الشكوى يعنى يقولولى مافيش فى ايدينا حاجه غير نقدملك شكوى تانيه مكتوبه عملتها تانى يوم كلمنى حد محترم و سمع التفاصيل و قالى الصبح تكون اتحلت و كده من اول شكوى بقالى ٤ ايام محدش تانى كلمنى. و النهاردة اكلم خدمة العملاء يقولى الشكوى المكتوبة اللى مدير الفرع كان معايا و انا بكتبها يقولى اترفضت عدم اختصاص و الشكوى اللى من يوم التلات اللى بقالها ٤ ايام من ضمنهم ٣ عمل قالى استنى ٤٨ ساعه تانيه يعنى من الاخر موظف we هددنى و نفذ تهديده و وقفلى خط البيت و محدش
عرض المصدر
M
Mostafa Araby
مجموعات فيسبوك· منذ 3 أيام
★★★★★1.0
شركة we من أصعب الشركات اللي واحد ندم انه تعامل معاها.. النت فاصل عندي بقاله حوالي ١٤ يوم بسبب سلك الفايبر اللي المفروض شركة we بتوفرهولي مع الراوتر الجديد ومن ساعه النت مفصل ومحدش ركب اي حاجة. كل يوم بعمل شكوى من خلال الكول سنتر تبعهم يقولي ان شاء الله حد هيحللك المشكله خلال ١٢ ساعه عمل ومرة خلال ٢٤ ساعه ومرة يتقالي احنا عملنالك ابديت للشكوي وان شاء الله ف أقرب وقت حد هيكلمك. مرة فني يتصل بيا يقولي انا معيش غير الراوتر الجديد ومعيش السلك اقوله بس النت كدا مش هيشتغل من غير سلك الفايبر يقولي مش عاجبك روح اشتكي فالسنترال وحاجة فقمة قله الزوق. فأنا بقيت عايش مخصص من وقتي كل يوم ربع ساعه اكلم خدمة العملاء اتخانق معاهم وهما كل اللي عليهم يدوني فمسكنات مش اكتر. انا عاوز اعرف اي الحل معاكم ويتري سيادتكم ناووين تحلو مشكلتي امتي لانه بجد الوضع بقى مستفز لابعد درجة ممكنة.
عرض المصدر
Z
Ziad Tarek
مجموعات فيسبوك (تعليق)· منذ يومان
★★★★★1.0
كان عندي نفس مشكلتك بالظبط الحمدلله لغيت معاهم ومع وي دلوقتي
عرض المصدر
M
Mona Mahmoud
مجموعات فيسبوك (تعليق)· منذ يومان
★★★★★2.0
انا عندي تحميل ٣٢١ وتنزيل ٨٦ كده هي عاليه قوي؟
عرض المصدر
D
David Boshra
مجموعات فيسبوك· منذ يومان
★★★★★1.0
انا مشترك في شركه We من يوم ٢٣ / ٩ واذ فاجاه لقيت النت عندي قطع. وشركه we بعتولي مسج علي موبايلي ان الخدمه اتوقفت لازم اتواصل مع خدمه العملاء. انا مشترك في باقه سنويه بتديني ٣٠٠٠ جيجا لمده سنه وفي نفس اليوم تابعت استهلاكي واللي باقي تقريبا كان ٧٠٠ جيجا وتجديد الباقه بتاعي يوم ٢١ / ١١. خدمه العملاء قالولي حصل مشكله في السيستم ودي مسحت خطك من الخدمه. بعد يومين حاله الخط عندي اتغيرت من موقوف ل نشط ولكن من غير الجيجات (ال ٧٠٠ جيجا اللي كانت عندي اتمسحوا!). كلمت خدمه العملاء قالولي حاضر هنعمل شكوي ونقدم طلب وده هيقعد ٧٢ ساعه. حتي الان كل ما اكلمهم يقولولي الطلب مفتوح ومتقدم وال IT هيشوفوا الشكوي وهنحللك المشكله. انا عملت شكوي في رئاسه الوزراء وعملت شكوي في الجهاز القومي لتنظيم الاتصالات. طبعا شركه فاشله وسيستم وموظفين مافيش افشل من كدا. مافيش حد بيحل وقاعد من غير نت وشغلي كله علي النت.
عرض المصدر
W
Wael Mohamed Gharieb
مجموعات فيسبوك· منذ 3 أيام
★★★★★1.0
شكوى ضد تركيبات شركة WE. الناس المقاولين اللي WE متعاقدة معاهم يمدوا كابلات الفايبر داخل العماير في الهضبة الوسطى، المقطم. ناس جودة الشغل زي ما بيتقال عليهم حاجة تحت بير السلم. دخلوا العمارة بدون إذن أو تنسيق مع الملاك و هاتك يا تكسير و تخريب فالارضيات و الحوائط و السقف ، لا عمل معاينة يفهم هيدخل الخدمة جوه الشقق ازاي و لا عمل مراعاة لأن الشكل العام هيكون غير مقبول داخل العمارة و داخل الشقق. حاولت احل الموضوع ودي مع ا / ا. ع , و جه عمل معاينة تانية و قالي هيشيل الكابلات دي تاني يوم و من ساعتها ما بيردش حتى بالتليفون. توجهت لمكتب مدير سنترال المقطم ٢ اللي فالهضبة الوسطى و لاكن للاسف ما كنش موجود و الناس اللي فالمكتب عنده اخدوا التفاصيل و قالولي احنا ملناش دعوة ، المقاول ده لسه ما سلمناش ، طب سيابينه يكسر و يخرب بيوت الناس؟ دي حرفيا مهذلة. و كنت حاولت احمل شكوى فال NTRA بس قالولي ده بره اختصاصهم و كنت عملت شكوى متسجلة عند WE. الصور خير دليل ، ده منظر يرضي ربنا؟ و قال ايه هيسد حوالين الكابل باسمنت ابيض. مين هيصلح الأضرار دي و يعالج التخريب ده؟ بدل ما الواحد كان بيفكر يدهن السلم من جوه بقى
عرض المصدر
M
Mohammed M. Abd Rabo
مجموعات فيسبوك· منذ 5 أيام
★★★★★1.0
شكوى بخصوص تغيير البورت بشكل متكرر وانقطاع خدمة الإنترنت. بقالي حوالي شهرين عندي مشكلة متكررة مع شركة WE، وهي إن البورت بيتغير من تلقاء نفسه، ونتيجة لكده خدمة الإنترنت بتفصل بشكل مستمر. والغريب إن طول ما الشكوى مفتوحة، الإنترنت بيكون شغال زي الفل ومستقر، لكن بمجرد ما الشكوى بتتقفل، تاني يوم البورت بيتغير لوحده والإنترنت يفصل من جديد، وتبدأ نفس المشكلة تتكرر. المشكلة وصلت لدرجة إن الإنترنت بيقعد كل يومين تقريبًا على نفس الحال: فصل وانقطاع وعدم استقرار، وأفضل أفتح شكوى جديدة، ويتم حل المشكلة مؤقتًا، ثم بمجرد إغلاق الشكوى ترجع المشكلة مرة أخرى. وفي إحدى المرات تم تغيير البورت من ADSL إلى VDSL، وبعد التغيير الدنيا استقرت والإنترنت اشتغل بشكل جيد، ولكن بمجرد إغلاق الشكوى، في اليوم التالي الإنترنت فصل مرة أخرى، وظهرت رسالة أن "هذا الرقم غير موجود بالخدمة". وعندما تواصلت مع الفني، أخبرني أن البورت بيتغير لوحده، وكل مرة يتم عمل شكوى ويتم حل المشكلة، ثم تعود نفس المشكلة مرة أخرى بعد إغلاق الشكوى. أنا فعلًا وصلت لمرحلة إني قرفت من التعامل مع الشركة بالشكل ده. أنا بدفع مقابل خدمة من المفترض إنها
عرض المصدر
ر
رَضِيتُ بِاللهِ رَبَّاً
مجموعات فيسبوك (تعليق)· منذ 6 أيام
★★★★★1.0
خدمة we زي الزفت اسوا شركة نت في مصر
عرض المصدر
العودة إلى صفحة وي باص