يتفرجيتفرج

تقييمات يونيون إير

156 تقييم من المتسوقين (صفحة 1 من 8)

أضف تقييمك

ه
هند عوض
مجموعات فيسبوك (تعليق)· منذ 4 أيام
★★★★★1.0
منتجاتهم وحشة والله. نفس اللي حصل مع التلاجة بتاعتنا والشاشة بتفصل بدون سبب منطقي وحقيقي جودة زبالة.
M
Marwa Mourad
مجموعات فيسبوك· منذ 4 أيام
★★★★★1.0
اشتريت ثلاجة يونيون إير 440 لتر. من أول أسبوع باظت وقفت التبريد. جاء فني وقال الفريون متصفي. الشركة رفضت الاستبدال وقالت لازم نشوف التسريب. بعد الكشف طلع التسريب خارجي وتم إصلاحه. لكن صوتها كان عالي، وجاء فنيان قالا إنها طبيعية. بعد شهرين باظت تاني. اتصلت بالشركة وقعدت أستنى فترة طويلة. اضطريت أصلحها بره الشركة على حسابي. بعد الإصلاح تبريدها بقى ضعيف جدًا في الكابينة، والفنيين قالوا إن مودلها كده. التبريد تحت بقى شبه معدوم. نكلم الشركة ما يجوش. الثلاجة مرة ما بتبردش خالص، ومرة تبرد تحت بس، ومرة الفريزر يتحول إلى ثلاجة. فني الشركة إبراهيم بيساعد في الدعم النفسي. كل فني جديد يقول إنه أول مرة يعمل مع يونيون إير. شفت صفحات فيسبوك لناس متضررين. دلوقتي بقى المعضلة: أعمل إيه.
N
Noha Mostafa Elmallawany
مجموعات فيسبوك· منذ 5 أيام
★★★★★1.0
اشترينا تلاجة يونيون اير من المرشدي بقالها عندنا شهر ونص تقريباً الثلاجة حالياً مش بتسقع كويس والاكل بيبوظ فيها وكلمنا الرقم اللي على الضمان ادونا رقم نتواصل معاه على الواتس اب بعتنالهم بيرد علينا رد آلي ومشيت على الخطوات اللي عايزنها ودخلت على اللينك اللي بعتينه وسجلت ومافيش اي رد ولا حد اتصل بينا ولا حاجة Unionaire جهاز حماية المستهلك المصري
M
Mustafa Mohamed
مجموعات فيسبوك· منذ 8 أيام
★★★★★5.0
مساء الخير يا جماعة طبعا دا حال التلاجة من الشركة الزفت Unionaire تعمل تلج بس ومبوظة التلاجة كلها كل يوم ارمي حاجات انا عايز مستشار قانوني كبير يقولي اي الإجراءات القانونية لعمل محاضر في اي جهه نيابة إدارية محاضر في الأقسام عشان هما مش عايزين يحلوا وتكلمنا براحة وبحترام وبرضه نبدأ بقا في السكة التانية جهاز حماية المستهلك المصري رئاسة مجلس الوزراء المصري
R
Reem Adly
مجموعات فيسبوك· منذ 8 أيام
★★★★★1.0
شركه يونيون اير مقاطعه ❌❌❌❌❌❌❌❌⚠️⚠️⚠️⚠️⚠️❌❌❌ حسبى الله ونعم الوكيل Unionaire اشترينا بوتاجاز من كارفور وفضل متشال سنه وبعدها اول ما فتحنا الكرتونه وبنفتح باب البوتاجاز فرقع كلها وقع علي الارض روحنا المقر بتاع خدمه العملاء طالعو مش موجودين في العنوان اللي مكتوب علي جوجل صحاب العمارة كرشهم لانهم ناصبين مش بيدفعوا الإيجار بعتهم علي البيدج اكتر من مره مش بيردو فين وفين لما ردو وحكيت ليهم المشكله قالي انه كدا برا الضمان اللي اصلا متفعلش بس احنا برا الضمان برغم انه عيب صناعه بس قالي هيتصالح بفلوس وقبل ما الفني يشتغل طلبوه فلوس 80 % من تمن قطع الغيار تتحول ليهم عشان يوفرو تمن القطعه الغيار ويجي الفني يركبها منهم لله حسبي الله ونعم الوكيل فيهم حولنا ليهم 650 جينه علي رقم الفني ولحد دلوقتي ولا حد جاه ولا رد وكل ما نبعت يردو ويقولوا خلال 3ايام ب قالهم شهر حرفيا محدش جاه و وخدين فلوس التعامل عندهم زفت الاجهزه زفت زفت معندهمش ضمير ب ربع جينه حسبي الله ونعم الوكيل فيهم وف كل من عمل ليهم اعلان شركه ناصبه بمعني الكلمه 😭😭😭😭😭 ال عايز يخسر فلووسو ويخسر راحتو النفسيه ي
A
Alyaa Almossalamy
مجموعات فيسبوك· منذ 9 أيام
★★★★★1.0
بلاش حد يشتري من يونيون اير Unionaire بعتولي التكييف يوم ١٥ ركب يوم ١٦ باظ يوم ١٧ اسرع جهاز تكييف يبوظ اول مشكله كانت في الريموت ومازلت وطلع في الاخر فني الصيانه قالي ده ريموت تكييف تاني... اول كارثه فني التركيب جه ركب وساب مسامير مش موجوده فكان هيحصل ماس كهربا اول يوم ٣ مشكله الجهاز فجأة بيحول ال ١٦ فجأة.. ولما بتتواصل معاهم في مماطله رهيبه. والكارثه ان الكتالوج المفروض يرشدك اصلا الفني قال ده مالوش علاقه بنوع التكييف بتاع حضرتك.. طلعوا شركة نصابه وبطلب باسترجاع لاني لسه فتره ال ١٤ يوم ولا حد بيسال...
Y
Yasser Shehata
مجموعات فيسبوك (تعليق)· منذ 9 أيام
★★★★★1.0
الشركه دي منتجاتها من اردء إن لم لم تكن اردء اجهزه في مصر علي الاطلاق عن تجربه
E
Esraa Hamdy
مجموعات فيسبوك (تعليق)· منذ 12 يوم
★★★★★1.0
ازبل شركه وماركه تتعاملي معاها والله مشكلتي من ٣شهور متحلتش لحد دلوقتي
K
Kholoud Manaa
مجموعات فيسبوك (تعليق)· منذ 12 يوم
★★★★★1.0
معروفه لو ببلاش مش بنجيب من يونيون اير
F
Farid Victor
مجموعات فيسبوك· منذ 11 يوم
★★★★★1.0
اشتريت من عندهم تكييف من اقل من شهر. ومن اول يوم و الريموت بتاع التكييف فيه مشكلة، و التكييف نفسه مليان مشاكل. اتصلت بالرقم بتاعهم والرقم علطول مشغول، وبيقلك ابعتلنا ع الواتساب. بعتت ع الواتساب، وعملت شكوى. اول شكوى اتقفلت لوحدها. عملت واحدة تانية، واستنين ايام كتير ومحدش كلمني. تاني يوم، الساعة تسعة الصبح، اتصل بيا شخص صوته نايم اصلا، وقالي انا جايلك النهاردة. وطبعا مجاش، والشكوى اتقفلت. فتحت شكوى تالتة، ومن يومين جالي شخص محترم وقعد نص ساعة يجرب في الريموت، وبعدين قالي الريموت بايظ، هنبعتلك واحد بكرة "على امبارح". ومن امبارح وانا عمال اتصل، وابعت ع الواتس، واقلعم هعمل شكوى في حماية المستهلك، وهما خدمة العملاء بتاعتهم بتبعتلي نفس الكلام بلينك للسايت بتاعهم ويقولولي افتح شكوى "رابعة". اتصلت بالشخص اللي جالس من يومين، قالي شوف انت عاوز تعمل ايه وأعماله!!! المشكلة أنه هو وهو هنا اصلا، اول حاجة قالها لي، فيه ريموت بيتباع كده مش عارف فين، بنتين وخمسين جنية. انا مش مسامح في السبعين جنية اللي ادتهملك يا اخي... انا بس عاوز اقول قبل ما تشتري اي منتج، خصوصا لو منتج معمر، متفمرش في يونيون اير، و
M
Mustafa Mohamed
مجموعات فيسبوك· منذ 12 يوم
★★★★★1.0
للمرة التانيه ودا المتوقع من الشركة اللي مش شركة اصلا اتنين فنيين يكلموني علي مدار الأسبوعين انهم جييلي في السكة وحدش يجي طبعا ودا الطبيعي في الشركة المقرفة دي والله ما هسيبكم عملين التلاجة بايظة وبتبعوها
M
Mostafa Tawfik
مجموعات فيسبوك· منذ 13 يوم
★★★★★2.0
اشتريت تكييف من يونيون إير، لكن الشركة أخرت تسليم الجهاز لمدة 3 أشهر بحجة عدم توافره في المخازن رغم الدفع الكامل. بعد الاستلام، انتظرت شهرًا آخر لتركيبه، وعند التركيب التكييف الجديد لم يعمل من أول تشغيل. فني الشركة قال إنه ناقص فريون. خدمة العملاء أرسلت فنيًا آخر قال إن المشكلة خطأ في التركيب. حتى الآن لم يتم حل المشكلة، وكل مرة يتم إلقاء المسؤولية على شخص آخر. خدمة ما بعد البيع سيئة جدًا، وخدمة العملاء لا تقدم حلولًا حقيقية، والتعامل كله وعود وتأجيل. سأتقدم بشكوى رسمية إلى جهاز حماية المستهلك ولن أتنازل عن حقي.
M
Marwa Ali
مجموعات فيسبوك· منذ 13 يوم
★★★★★2.0
للأسف خدمة ما بعد البيع والصيانة غير متعاونة تماماً. التكييف بقالي شهر بكلمهم عشان الوحدة الداخلية بتنزل مياه بغزارة والمكتب غرقان مياه. جه فني من الشركة وعمل صيانة للمشكلة، ومع ذلك العيب لسه مستمر ومحدش بيرد عليا أو بيحل المشكلة بشكل نهائي.
M
Mira M. Shawky
مجموعات فيسبوك (تعليق)· منذ 12 يوم
★★★★★1.0
شركه زباله في كل منتجاتها
R
Re Hab
مجموعات فيسبوك· منذ 12 يوم
★★★★★1.0
شركه يونيون اير مقاطعه ❌❌❌❌❌❌❌❌⚠️⚠️⚠️⚠️⚠️❌❌❌ حسبى الله ونعم الوكيل Unionaire يجمااااعه انا عشت الصيف كله من غير تلاجه واتعملت جزامه 😭😭😭😭😭 ال عايز يخسر فلووسو ويخسر راحتو النفسيه يتعااامل مع الناس الزباله دى وم هسيب حقى ❌❌❌❌❌❌❌❌❌❌
N
Neveen Abd Elghany
مجموعات فيسبوك· منذ 14 يوم
★★★★★1.0
اشتريت ثلاجة جديدة بـ18,600 جنيه… فهل الطبيعي في يونيون إير إن أول تجربة للعميل تكون بالصيانة؟ تجربتي مع يونيون إير… من أول شراء الثلاجة لحد النهارده، والموضوع لسه مستمر! اشتريت ثلاجة يونيون إير يوم 13/7 بمبلغ 18,600 جنيه، ووصلتها وشغلتها يوم 25/7. حطيت الأكل في الفريزر وخرجت من البيت، ولما رجعت اكتشفت إن الأكل كله باظ، والفريزر أصلًا ماكانش شغال! بدأت أتواصل مع خدمة العملاء، وهنا بدأت أول معاناة… كل مرة الاتصال يكون: “جميع الخطوط مشغولة، برجاء التواصل عبر الواتساب.” وتواصلت فعلًا عن طريق الواتساب، لكن الرد كان بعد وقت طويل وبصعوبة. بعد فترة حضر أول فني. الفني قال إن المشكلة بسبب عيب في التقفيل الداخلي، وإن فيه فيشة داخلية مش متركبة بشكل صحيح. قام بتوصيلها وقال لي إن كده المشكلة اتحلت والثلاجة هتشتغل بشكل طبيعي. وأنا بصيت على الثلاجة بعدها، ولقيتها برضه مش شغالة! رجعت أتواصل مع الشركة مرة تانية… نفس القصة: خطوط مشغولة، والتواصل عن طريق الواتساب، وانتظار طويل للرد. بعد محاولات وشكاوى واتصالات كتير، أخيرًا تم إرسال فني تاني. الفني الثاني قال إن الثلاجة محتاجة تغيير فيوز وتعديل جوان. وهنا
A
Abou Khaled
مجموعات فيسبوك· منذ 14 يوم
★★★★★1.0
ارقام الشكاوى كلها هنا وطبعا البوستات اللى مسحتوها وقريب محضر الشرطه ومحضر وزاره التموين حيتنشر شركه من اسوأ الشركات اللى ما أنصحش اى حد يتعامل معاها لو حتشترى اوعى تشترى دور على شركه محترمه السعر مش كل حاجه Unionaire القصه باختصار أنا اشتريت تكييف من يونيون اير يوم ١٢-٧-٢٠٢٦ والتكييف فصل ومش شغال وطبقا والقانون المصرى وحمايه المستهلك يتم إرجاع السلعه فى خلال ١٤ يوم بدون إبداء اى أسباب او اى اعطال فى خلال ٣٠ يوم يتم استبدال المنتج بمنتج جديد لكن شركه يونيون اير Unionaire من اسوأ الشركاتً فى السوق المصرى فى مجال الاجهزه الكهربائيه تمت مخاطبه الشركه يوم ٢٤-٧. بسبب عطل التكييف زارنى عدد ٣ فنى صيانه. واحد يوم ٢٦-٧ وواحد يوم ٣٠-٧ والاتنين اقروا. ان التكييف فيه مشكله ولازم يتسحب للمصنع للإصلاح رفضت الإصلاح وطلبت التغيير. وده حقى كمستهللك رقم الإصلاح والشكوى 4078856 لكن طبعا شركه مهمله وبتتعمد تزهق المستهلك علشان يسكت المحادثات كلها مسجله صوت وصوره حعرض جزء منها تم طلب محضر تركيب وفاتورة. خدمه العملاء الفاشله كلمتنى اكتر من ١٠ مرات كل مره يطلبوا نفس الورق وكمان يتكلمو
A
Abou Khaled
مجموعات فيسبوك· منذ 14 يوم
★★★★★1.0
شركه من اسوأ الشركات اللى ما أنصحش اى حد يتعامل معاها لو حتشترى اوعى تشترى دور على شركه محترمه. القصه باختصار: أنا اشتريت تكييف من يونيون اير يوم ١٢-٧-٢٠٢٦ والتكييف فصل ومش شغال. طبقا والقانون المصرى وحمايه المستهلك يتم إرجاع السلعه فى خلال ١٤ يوم بدون إبداء اى أسباب او اى اعطال فى خلال ٣٠ يوم يتم استبدال المنتج بمنتج جديد. لكن شركه يونيون اير من اسوأ الشركاتً فى السوق المصرى. تمت مخاطبه الشركه يوم ٢٤-٧ بسبب عطل التكييف. زارنى عدد ٣ فنى صيانه. واحد يوم ٢٦-٧ وواحد يوم ٣٠-٧ والاتنين اقروا. ان التكييف فيه مشكله ولازم يتسحب للمصنع للإصلاح رفضت الإصلاح وطلبت التغيير. رقم الإصلاح والشكوى 4078856. لكن طبعا شركه مهمله وبتتعمد تزهق المستهلك علشان يسكت. خدمه العملاء الفاشله كلمتنى اكتر من ١٠ مرات كل مره يطلبوا نفس الورق وكمان يتكلموا يوم الخميس الساعه ٥ مساءا علشان يعدى يوم الجمعه والسبت وطبعا يماطلوا. اليوم ٢٩-٨-٢٠٢٦ وكانهم بيقولوا كل الفنيين اللى زارونى مش بيفهموا واللى قاعد فى المكتب بيستخف بالناس ويقولى التكييف عاوز يتشحن. الشركه مش شركه ماشيه بمبدأ. زهق العميل علشان ييأس. أنا سر
R
Ramadan Ali
مجموعات فيسبوك· منذ 14 يوم
★★★★★1.0
اشتريت ثلاجه من شركه يونيون اير بتاريخ ١٠ /٢ /٢٠٢٦ من معرض رسمي للاجهزه واستلمت الثلاجه لاتعمل تقدمت ببلاغ للشركه يوم ١٢ /٢ ٢٠٢٦ وحضر مندوب الصيانه وقام بتغير مكون واشتغلت وبعد اسبوع الكاببنه تعمل ثلج تقدمت حتي الآن بأكثر من بلاغ يحضر مندوب الصيانه وبعدها بأسبوع تعمل ثلج ذهبت للمسؤول عن الشركه بالمعرض وافادته بانني استلمت واشتريت ثلاجه نوفروست لاتعمل ثلج وليس ثلاجه ديفروست وطلبت منه الاستبدال علي اساس انني اشتريت ثلاجه مندوب السبق استعمالها قال سأتصل بالصيانه افدته ان مندوب الصيانه حضر حتي الآن ٩ مرات ولم يتم حل المشكله
E
Esraa Hamdy
مجموعات فيسبوك (تعليق)· منذ 15 يوم
★★★★★1.0
ازبل شركه ممكن حد يتعامل معاها جايبه تلاجه من شهر 6 اللي فات مشكلتي من اخر شهر 7 وبحاول اتواصل معاهم واتبعتلي كذا فني كلهم حمير ومحدش عارف يحل حاجة وده يمطوحني ل ده وده يقول انه جه وميجيش ولحد دلوقتي متحلتش وكل حاجة حطاها ف التلاجه و الفريزر باظت.
العودة إلى صفحة يونيون إير