يتفرجيتفرج

تقييمات راية شوب

176 تقييم من المتسوقين (صفحة 1 من 9)

أضف تقييمك

A
Anonymous participant
مجموعات فيسبوك· منذ 4 أيام
★★★★★2.0
حابة احذر الناس من التعامل مع شركة رايا Raya. انا اول مرة أتعامل معاهم واخر مرة. طلبت مروحة حائط ميديا Midea اونلاين من موقعهم راية شوب. استلمت المروحة يوم السبت ٢٦ سبتمبر ودفعت كاش واول ما فتحتها ملقتش كيس المسامير ولا القطعة اللي بتتحط في الحيطة علشان المروحة تركب عليها ولا الكتالوج وفي أفيز بلاستيك مقطوع. كلمت شركة راية وقدمت شكوي من يوم الاستلام ان الكرتونة جاية ناقصة قطع، وكل يوم اتصل بيهم لحد ما حد من خدمة العملاء يرد عليا وبسمع نفس الكلام (جاري المتابعة مع المخازن). يوم الاربع ٣٠ سبتمبر لقيت مندوب بيكلمني بيقولي انا من راية جاي اخد مرتجع.. ولا عارف عنواني ولا المرتجع ايه اصلا مع ان محدش بلغني. المهم بعد نقاش قالتلي اديله المروحة واول ما المخازن تقولنا انها استلمت المنتج هيتواصلوا معاكي علشان نرد الفلوس. من يوم ٣٠ سبتمبر ولحد النهاردة ١٢ أكتوبر المخازن مردتش عليهم انها استلمت المروحة علشان يبتدوا عملية ارجاع للمبلغ اللي كمان لسه هتاخد من ٧ ل١٤ يوم. واتصل بيهم واقعد ع الانتظار ونفس الرد: بعتنا ايميل استعجال للمخازن.
عرض المصدر
M
Makarios Magdy
مجموعات فيسبوك· منذ 14 يوم
★★★★★1.0
اشتريت طابعة Canon MegaTank G3430 من فرع 2B الغردقة، وظهر بها عيب صناعة متكرر في دورة ومسارات سحب الحبر. الطابعة بقالها معايا حوالي 8 شهور، استخدمتها فعلياً 5 شهور فقط، وداخلين حالياً في 4 شهور مرمية وبتلف في الصيانة! الطابعة دخلت صيانة راية (Raya) مرتين، واحتُجزت عندهم قرابة شهرين كاملين، وخرجت بتقرير رسمي معتمد برقم (4861305) مسجل فيه نصاً: "العطل: لم يتم إصلاح العطل"، وتفاجأت أن التلف زاد وخراطيم الألوان فضيت ودخلها هواء تماماً وهي في عهدتهم. توجهت لفرع 2B لتسليمها للمرة التالتة عشان أطلب حقي في الاستبدال أو الريفند، موظفة الفرع قالتلي نصاً: "لو بعتناها لراية هترجع زي ما هي" ومع ذلك رفضوا الاستبدال. بعد ما قدمت شكوى رسمية في جهاز حماية المستهلك، كلمتني موظفة قسم شكاوى حماية المستهلك الخاصة براية وادّعت إن "الطابعة مفهاش أي مشكلة نهائي، واتعملها فحص وتنظيف (Clean) بس زي أول مرة، ومفيش أي صيانة اتعملت للمرة التالتة" ولم تذكر أي عيب من ناحيتي! الصدمة وعدم الشفافية ظهروا لما عرفت من موظف 2B أن التقرير الداخلي المرسل من صيانة راية لـ 2B مكتوب فيه إن العيب "سوء استخدام وإن خرطوم الحبر اتش
عرض المصدر
A
Ahmed Elsaid
مجموعات فيسبوك (تعليق)· منذ 27 يوم
★★★★★1.0
والله اسوء معاملة حسبي الله ونعم الوكيل عندهم 1400 ج حساب كاتيل بقاله سنه بيبعتوه
عرض المصدر
R
Raghdaa Muhammed
مجموعات فيسبوك· منذ 29 يوم
★★★★★1.0
انا عاوزه احذركم من التعامل مع Raya Shop بجد شركه معندهومش ضمير نهائي وبيبعو للناس اجهزه مستعمله وبايظه انا اشتريت دسبنسر فريش اون لاين واستلمته واول ما فتحته لاقيته في مايه والخزان بتاعه في مايه اتصلت بالموظف اللي وصلهولي قالي عادي احنا لازم نجرب الاجهزه قبل ما نسلمها للعملاء طبعا انا الكلام مدخلش دماغي وقولت تمام بعد ٤ ساعات شغلته زي ما مكتوب لاقيت لمبه الباور مش شغاله لمبه المايه الفاتره بس اللي شغاله والمبرد ولا بيسقع ولا بيسخن حاولت اتواصل معاهم عشان اعمله استرجاع كان ردهم ان لازم اجبلهم تقرير من شركه فريش ان المبرد في عطل وحاجه فمنتهي العبث بصراحه ومع ذلك تواصلت مع فريش قالولي مبنطلعش تقارير وانا الي الان مش عارفه حتي اعمل شكوي لانهممش راضيين يعملو الشكوي الا بالتقرير ده ده غير عملاء خدمه العملاء اللي شغالين حافظين كلمتين بيكرروهم ومش فاهمين وبعدين لما انتم بتجربو الاجهزه قبل ما تبعوها بتدوهالنا بايظه ليه ؟؟؟ واصلا مكتوب بند ف الفاتوره ان الاجهزه بيتم فحصها بدون تشغيل مش استخدامها وده جاي في مايه يعني اكيد كان مستعمل وده كدا غش تجاري انا مش عارفه اتصرف معاهم ازاي عشان استرد فلوسي
عرض المصدر
L
Leen Ibrahim
مجموعات فيسبوك· منذ شهر واحد تقريباً
★★★★★1.0
⚠️ تجربة سيئة جدًا مع راية وخدمة العملاء ⚠️ تم شراء مكنسة Karcher WD5 من تطبيق راية بتاريخ 16/8/2026، وبسبب تأخر توصيل الأوردر لأكثر من 20 يوم، تقدمت بشكوى لجهاز حماية المستهلك بتاريخ 6/9/2026، وطلبت إلغاء الطلب واسترداد المبلغ بنفس طريقة الدفع، حيث إن الشراء تم عن طريق تطبيق حالا. حتى الآن، لم أستلم المكنسة ولم يتم رد المبلغ على تطبيق حالا. تواصلت مع خدمة عملاء راية أكثر من مرة، وللأسف كان التعامل سيئ جدًا، وكانت الإجابة بكل بساطة: "مشكلتك دلوقتي مع حماية المستهلك، الشكوى بتاعتك اتقفلت عندنا، موضوعك مع حماية المستهلك." يعني بدل ما يتم حل المشكلة أو متابعة استرداد حقي، يتم تحويلي من جهة لجهة وكأن الموضوع لم يعد مسؤوليتهم! وتواصلت مع جهاز حماية المستهلك أكثر من مرة، وحتى الآن لا يوجد حل ولا رد نهائي. المشكلة إن الموضوع لم يعد مجرد تأخير في استلام منتج، أنا حاليًا لم أستلم المنتج ولم أسترد فلوسي، وفي نفس الوقت هكون مطالبة بدفع أول قسط لتطبيق حالا في بداية شهر أكتوبر! ❌ لا مكنسة استلمتها ❌ لا فلوسي رجعت ❌ ولا حتى حصلت على حل واضح أو موعد محدد لاسترداد المبلغ أنا مش بطلب أكتر من
عرض المصدر
B
Basma Hussien
مجموعات فيسبوك· منذ شهر واحد تقريباً
★★★★★1.0
مساء الخير البوست ده موجه لحمايه المستهلك قبل رايه شوب ياريت يفيدونى فى مسابقه اتعملت من حوالى ٣ شهور على صفحه Raya Shop تحت اشراف حمايه المستهلك واحنا عموما اما بنشوف الكلمتين دول بنثق فيهم وان كده المسابقه تمام جهاز حماية المستهلك المصري فبنشترك ف المسابقه .. اشتركنا وكسبنا فاوتشر لحد كده تمام اللى مش طبيعى بقى ان من وقت اعلان الفايزين حوالى نص شهر ٦ لحد دلوقتى محدش استلم حاجه على كلامهم !!!!! كل ما ندخل نسأل معندهم غير رد واحد الاداره هتتواصل يا فندم ؟! مش عارفه ايه علاقه الاداره بالموضوع احنا نعرف ان مسئول السوشيال ميديا اللى نزل المسابقه هو اللى بيتواصل عموما وهما نفسهم قالولى كده يعنى الادمن ع الماسنجر طلب اتواصل مع الخط الساخن واما اتصلت قالولى لا ملناش علاقه مسئولين السوشيال ميديا المسئولين مش عارفه ازاى مؤسسه كبيره زى رايه مش عارفه تنظم تسليم اكواد للفايزين يستلموا بيها الفاوتشر !!! ليه المده دى كلها انا لحد دلوقتى ما قولتش ان المسابقه فييك لأنها تحت اشراف حمايه المستهلك ف انا محتاجه رد منهم الصراحه هل ده طبيعى ... وهل هم على علم بالموضوع ده ؟! طبعا الفاوتشر بالنسبالى مبقاش
عرض المصدر
M
Mohamed Kamal
مجموعات فيسبوك· منذ شهرين تقريبا
★★★★★1.0
شكوي ❌❌❌ شركة راية شوب تم عمل اوردر يوم ٢٧ اغسطس عبارة عن تكييف ميديا اكستريم برو يوم ٣٠ اغسطس الاوردر اتلغي من تلقاء نفسه كلمت خدمة العملاء يقولي سبب الإلغاء غير ظاهر علي السيستم ... ازاي ؟ مش عارف عملت شكوي و في نهاية المكالمة بلغتهم اني محتاج يا المبلغ الي اتسحب يترد ياما التكييف اللي انا طلبته يجيلي و قفلنا علي كده يوم ٣١ اغسطس بفتح الابلكيشن اتفاجأ باوردر عبارة عن مكونات التكييف ب التفصيل عامل ٢٠٦٦٠ كما موضح كلمتهم تاني و قولتلهم طالما عملتوا اوردر تاني التاني اتلغي ليه و مفيش رد و بلغتهم فيه فرق ٦٨١٧ ج دول مصيرهم ايه يا جماعة ؟ يقولي تم عمل طلب ريفند من اسبوع ل ١٠ ايام هيترد طيب محتاج اتواصل مع حد مسئول يقولي لا هما هيكلموك من يوم ٢٧ لحد الان ولا واحد من السادة المسئولين في شركة راية تواصل معايا بالعكس أنا يوميا بتواصل معاهم و هو هو نفس الرد في النهاية تم عمل شكوي في جهاز حماية المستهلك و كلمت شركة راية علي امل افهم حتي ايه الي هيتم و مفيش إفادة برضو و يقولي طالما عملت شكوي في حماية المستهلك انا مليش اني اعرفك تفاصيل عن الاوردر كل الي عليهم حد من المسؤولين هيكلمك ... بصر
عرض المصدر
A
Ahmed Raafat
مجموعات فيسبوك· منذ شهرين تقريبا
★★★★★1.0
👇👇👇👇👇👇تحديث👇👇👇👇👇👇 الكول سنتر الخاص بالشركة المحترمة بيقفلوا التليفون في وشي واخيرا عملوا بلوك لرقم تليفوني وبكدة، ينتظروا مني ما يتوقعوا ابدا ❌❌❌ راية شوب❌❌❌❌ حكاية لها العجب يوم ١٠ أغسطس ٢٠٢٦ ذهبت لمركز صيانة شركة راية شوب في شارع مكرم عبيد مدينة نصر وسلمتهم ماكينة قهوة ديلونجي للاصلاح ودفعت الف جنيه تحت الحساب، لو تم الاصلاح هيتحسب المبلغ المقدم ضمن قيمة الاصلاح واذا رفضت الاصلاح هيتخصم ١٠٠ جنيه نظير المعاينة . قالوا لي سوف نتصل بك لابلاغك بالعطل وقيمة الاصلاح. انتظرت عشرة ايام وكنت بتابع معاهم كل يوم لغاية لما قالولي الاصلاح هو تغيير بوردة وتكلفتها ١٦٠٠ جنيه، ووافقت وسالتهم امتى اجي استلم قالوا لي هنبعتلك رسالة. طبعا المتابعة عن طريق الكول سنتر. المهم ابتديت ازود اتصالاتي بيهم من اسبوع واسالهم هو امتى هستلم الماكينة؟ قالوا لي هي اتصلحت بس لسه مرجعتش مدينة نصر!!؟؟ وكل يوم مكالمات بلا فائدة والرد اصل شركة الشحن اتاخرت وانتظر لما نبعتلك رسالة. طلبت التحدث مع مسئول وفشلت، موظفي خدمة العملاء قافلين علينا ميه ونور وقالولي المسئول هيكلمك خلال ساعة. ولم يحدث. قدمن
عرض المصدر
M
Magy Magd
مجموعات فيسبوك· منذ شهرين تقريبا
★★★★★2.0
انا منزله البوست ده تحذير محدش يشتري حاجه اون لاين من رايه شوب لو طالب لاب و معطل شغلك و لا لو عروسه و مستنيه اجهزه منزليه مش هتوصل و هترجع تدور علي مكان تاني تشتري منه بس بعد ما تكون ضيعت وقت و مجهود علي الفاضي وقمه اللا مبالاه و لو دفعت اون لاين يبقي كده فلوسك راحت. طلبت لاب توب متجدد من ويب سايت رايه شوب و بعتولي اعمل تأكيد للاوردر و عملت فعلا و موصلش. اتصلت قالوا لي لا ده الاوردر اتلغي علشان اتصلنا بيكي و مردتيش و ده كدب محدش اتصل و انا ماكده علي المسدج اللي وصلت. قالوا لي عيدي الاوردر و توقعت هدخل الاقيه اتباع لقيته علي الويب سايت؟! استغربت بس قولت مفيش مشكله و طلبت تاني و اكدت المسدج و رن عليا رقم و قفل. اتصلت بيه مش بيرد، بعت علي الواتس اب و فضلت اتصل لحد ما رد و اكدت الاورد و قالي هيوصل في خلال ٥ ايام موصلش. قولت معلش عيد و اجازه رسميه اكلمهم النهارده يقولوا لي الاوردر اتلغي؟! ده تهريج بقي؟! الحمد لله اني مدفعتش بفيزا و عملت دفع عند الاستلام كان زماني بشحت منهم فلوس و مش لاقياها.
عرض المصدر
M
Mohamed Salah Kenawy
مجموعات فيسبوك· منذ شهرين تقريبا
★★★★★1.0
توكيل راية لصيانة اجهزة هواوى ... اللى شغالين فى الصيانة هواة .. و الشغل مفهوش اى احترافية. من حوالى شهرين وديت ساعة سمارت (رياضية) هواوى gt2 pro .. لمركز صيانة راية اللى فى شارع الجمهورية فى اسيوط ... لتغيير البطارية ... و طبعا اخترت اروح توكيل زى ده علشان اخد قطعة غيار اصلية و الساعة ترجع زى ما كانت بالظبط ... تم تغيير البطارية ... و اشتغلت كويس جدا ... لحد اول نزول بالساعة فى حمام السباحة .. الساعة فصلت فى ثوانى و اتحولت لحوض سمك .. البهوات فى مركز الصيانة بعد ما غيروا البطارية ما اهتموش بتقفيل الساعة كويس علشان تحتفظ بمقاومتها للمياه. رجعتلهم فى مركز الصيانة و قالولى ما معناه ربنا يعوض عليك ... و اعذارهم بقى فى قمة الغرابة ... مهندس الصيانة بيحاول يقنعنى ان الساعة الرياضية اللى نازلة ببرامج للسباحة و الغطس ... اصلا غير مقاومة للمياه و انها فقط مقاومة لرذاذ المياه ... رغم انى بنزل بيها حمام السباحة من سنين بدون اى مشكلة - و لحد ما عملولى الصيانة بتاعتهم. موظفة الاستقبال بقى حاولت تبيعلى فكرة ان اى جهاز بيتعمله صيانة بيفقد خاصية مقاومة المياه ... سواء عملت الصيانة فى التوكيل او فى ور
عرض المصدر
العودة إلى صفحة راية شوب