يتفرجيتفرج

تقييمات راية شوب

158 تقييم من المتسوقين (صفحة 1 من 8)

M
Mohamed Kamal
مجموعات فيسبوك· منذ يوم واحد
★★★★★1.0
شكوي ❌❌❌ شركة راية شوب تم عمل اوردر يوم ٢٧ اغسطس عبارة عن تكييف ميديا اكستريم برو يوم ٣٠ اغسطس الاوردر اتلغي من تلقاء نفسه كلمت خدمة العملاء يقولي سبب الإلغاء غير ظاهر علي السيستم ... ازاي ؟ مش عارف عملت شكوي و في نهاية المكالمة بلغتهم اني محتاج يا المبلغ الي اتسحب يترد ياما التكييف اللي انا طلبته يجيلي و قفلنا علي كده يوم ٣١ اغسطس بفتح الابلكيشن اتفاجأ باوردر عبارة عن مكونات التكييف ب التفصيل عامل ٢٠٦٦٠ كما موضح كلمتهم تاني و قولتلهم طالما عملتوا اوردر تاني التاني اتلغي ليه و مفيش رد و بلغتهم فيه فرق ٦٨١٧ ج دول مصيرهم ايه يا جماعة ؟ يقولي تم عمل طلب ريفند من اسبوع ل ١٠ ايام هيترد طيب محتاج اتواصل مع حد مسئول يقولي لا هما هيكلموك من يوم ٢٧ لحد الان ولا واحد من السادة المسئولين في شركة راية تواصل معايا بالعكس أنا يوميا بتواصل معاهم و هو هو نفس الرد في النهاية تم عمل شكوي في جهاز حماية المستهلك و كلمت شركة راية علي امل افهم حتي ايه الي هيتم و مفيش إفادة برضو و يقولي طالما عملت شكوي في حماية المستهلك انا مليش اني اعرفك تفاصيل عن الاوردر كل الي عليهم حد من المسؤولين هيكلمك ... بصر
A
Ahmed Raafat
مجموعات فيسبوك· منذ 3 أيام
★★★★★1.0
👇👇👇👇👇👇تحديث👇👇👇👇👇👇 الكول سنتر الخاص بالشركة المحترمة بيقفلوا التليفون في وشي واخيرا عملوا بلوك لرقم تليفوني وبكدة، ينتظروا مني ما يتوقعوا ابدا ❌❌❌ راية شوب❌❌❌❌ حكاية لها العجب يوم ١٠ أغسطس ٢٠٢٦ ذهبت لمركز صيانة شركة راية شوب في شارع مكرم عبيد مدينة نصر وسلمتهم ماكينة قهوة ديلونجي للاصلاح ودفعت الف جنيه تحت الحساب، لو تم الاصلاح هيتحسب المبلغ المقدم ضمن قيمة الاصلاح واذا رفضت الاصلاح هيتخصم ١٠٠ جنيه نظير المعاينة . قالوا لي سوف نتصل بك لابلاغك بالعطل وقيمة الاصلاح. انتظرت عشرة ايام وكنت بتابع معاهم كل يوم لغاية لما قالولي الاصلاح هو تغيير بوردة وتكلفتها ١٦٠٠ جنيه، ووافقت وسالتهم امتى اجي استلم قالوا لي هنبعتلك رسالة. طبعا المتابعة عن طريق الكول سنتر. المهم ابتديت ازود اتصالاتي بيهم من اسبوع واسالهم هو امتى هستلم الماكينة؟ قالوا لي هي اتصلحت بس لسه مرجعتش مدينة نصر!!؟؟ وكل يوم مكالمات بلا فائدة والرد اصل شركة الشحن اتاخرت وانتظر لما نبعتلك رسالة. طلبت التحدث مع مسئول وفشلت، موظفي خدمة العملاء قافلين علينا ميه ونور وقالولي المسئول هيكلمك خلال ساعة. ولم يحدث. قدمن
M
Magy Magd
مجموعات فيسبوك· منذ 4 أيام
★★★★★2.0
انا منزله البوست ده تحذير محدش يشتري حاجه اون لاين من رايه شوب لو طالب لاب و معطل شغلك و لا لو عروسه و مستنيه اجهزه منزليه مش هتوصل و هترجع تدور علي مكان تاني تشتري منه بس بعد ما تكون ضيعت وقت و مجهود علي الفاضي وقمه اللا مبالاه و لو دفعت اون لاين يبقي كده فلوسك راحت. طلبت لاب توب متجدد من ويب سايت رايه شوب و بعتولي اعمل تأكيد للاوردر و عملت فعلا و موصلش. اتصلت قالوا لي لا ده الاوردر اتلغي علشان اتصلنا بيكي و مردتيش و ده كدب محدش اتصل و انا ماكده علي المسدج اللي وصلت. قالوا لي عيدي الاوردر و توقعت هدخل الاقيه اتباع لقيته علي الويب سايت؟! استغربت بس قولت مفيش مشكله و طلبت تاني و اكدت المسدج و رن عليا رقم و قفل. اتصلت بيه مش بيرد، بعت علي الواتس اب و فضلت اتصل لحد ما رد و اكدت الاورد و قالي هيوصل في خلال ٥ ايام موصلش. قولت معلش عيد و اجازه رسميه اكلمهم النهارده يقولوا لي الاوردر اتلغي؟! ده تهريج بقي؟! الحمد لله اني مدفعتش بفيزا و عملت دفع عند الاستلام كان زماني بشحت منهم فلوس و مش لاقياها.
M
Mohamed Salah Kenawy
مجموعات فيسبوك· منذ 4 أيام
★★★★★1.0
توكيل راية لصيانة اجهزة هواوى ... اللى شغالين فى الصيانة هواة .. و الشغل مفهوش اى احترافية. من حوالى شهرين وديت ساعة سمارت (رياضية) هواوى gt2 pro .. لمركز صيانة راية اللى فى شارع الجمهورية فى اسيوط ... لتغيير البطارية ... و طبعا اخترت اروح توكيل زى ده علشان اخد قطعة غيار اصلية و الساعة ترجع زى ما كانت بالظبط ... تم تغيير البطارية ... و اشتغلت كويس جدا ... لحد اول نزول بالساعة فى حمام السباحة .. الساعة فصلت فى ثوانى و اتحولت لحوض سمك .. البهوات فى مركز الصيانة بعد ما غيروا البطارية ما اهتموش بتقفيل الساعة كويس علشان تحتفظ بمقاومتها للمياه. رجعتلهم فى مركز الصيانة و قالولى ما معناه ربنا يعوض عليك ... و اعذارهم بقى فى قمة الغرابة ... مهندس الصيانة بيحاول يقنعنى ان الساعة الرياضية اللى نازلة ببرامج للسباحة و الغطس ... اصلا غير مقاومة للمياه و انها فقط مقاومة لرذاذ المياه ... رغم انى بنزل بيها حمام السباحة من سنين بدون اى مشكلة - و لحد ما عملولى الصيانة بتاعتهم. موظفة الاستقبال بقى حاولت تبيعلى فكرة ان اى جهاز بيتعمله صيانة بيفقد خاصية مقاومة المياه ... سواء عملت الصيانة فى التوكيل او فى ور
M
Mohsen Safwat
مجموعات فيسبوك (تعليق)· منذ 9 أيام
★★★★★1.0
وجب التنويه بردو RAYA Shop اسوء مكان ممكن تشتري منه و توصيل ممكن ياخد شهرين و انت دافع تمن الحاجة و الاسترجاع زي الزفت
ن
ندى محمد
مجموعات فيسبوك· منذ 19 يوم
★★★★★2.0
ملهومش وصف غير نصابين. اشترينا من عندهم تكييف LG بتاريخ 1-6-2026 وفي خلال شهر واحد بس حصل عطل وجه فني من LG وبالفحص قال ان في عيب تصنيع وعمل لنا تقرير ممضي ومختوم من LG نفسهم ومقدم لراية ان المنتج يجب استبداله وبالفعل روحنا للفرع في الهرم اللي اشترينا منه التكييف وعملنا طلب استبدال ولحد هنا كويس. الي حصل بقا ان راية كل أما نكلمهم مرة يقولوا هيتم الاستبدال في خلال يومين ومرة يقولوا ان التعطيل جاي من شركة LG نفسهم ومرة يقولوا يومين كمان واخرتها مبيردوش علينا حتى الآن والضمان نبله ونشرب ميته بقا.
آ
آيةة آل توني
مجموعات فيسبوك· منذ 17 يوم
★★★★★1.0
من حوالي سنة اشتريت تليفون Motorola G35، والتليفون ضمان شركة راية. من حوالي شهرين حصلت مشكلة غريبة جدًا؛ كنت سايبة التليفون من غير استخدام، ومش حتى في الشاحن، وصحيت الصبح لقيته مش بيفتح نهائيًا. وديناه للصيانة، وبعد الفحص قالوا إن المشكلة في الـ Motherboard، وتم تغييرها بالفعل. والمرة الأولى التليفون قعد في الصيانة حوالي 15 يوم لحد ما استلمته بعد تغيير الـ Motherboard. استلمت التليفون، وبعد أسبوعين فقط من استلامه حصلت نفس المشكلة مرة تانية! التليفون وقف، واتقال لنا إن الـ Motherboard اتحرقت للمرة الثانية! وإيه السبب اللي بيخلي الـ Motherboard تتحرق مرتين في فترة قصيرة؟ والتليفون موجود عند الصيانة من يوم 8 أغسطس، وتم تسليمه في فرع شركة راية بسموحة – الإسكندرية. يعني المرة الأولى قعد 15 يوم في الصيانة، والمرة الثانية بقاله 11 يوم لحد دلوقتي، ولسه مفيش حل واضح. ومن يوم 8 أغسطس وأنا كل شوية أتصل عشان أعرف التليفون فيه إيه، وكل مرة تقريبًا نفس السيناريو: "هنبعت إيميل وهنرد عليكِ خلال يومين." أستنى اليومين وأتصل… "هنبعت شكوى وهنكلمك خلال يومين." وأستنى… وأتصل… ونرجع لنفس الكلام. 11 يوم وأنا
ن
ندى محمد
مجموعات فيسبوك· منذ 16 يوم
★★★★★1.0
اشترينا من عندهم تكييف LG بتاريخ 1-6-2026 وفي خلال شهر واحد بس حصل عطل وجه فني من LG وبالفحص قال ان في عيب تصنيع وعمل لنا تقرير ممضي ومختوم من LG نفسهم ومقدم لراية ان المنتج يجب استبداله وبالفعل روحنا للفرع في الهرم اللي اشترينا منه التكييف وعملنا طلب استبدال ولحد هنا كويس الي حصل بقا ان راية كل أما نكلمهم مرة يقولوا هيتم الاستبدال في خلال يومين ومرة يقولوا ان التعطيل جاي من شركة LG نفسهم ومرة يقولوا يومين كمان واخرتها مبيردوش علينا حتى الآن وعملولي بلوك ومفيش حتى التزام بالضمان
B
Bahaa Osama Saleh
مجموعات فيسبوك (تعليق)· منذ 18 يوم
★★★★★5.0
احسن حاجه عملتها ومكنش لازم تصبر كل ده وكلم التاجر الي بيبيع من خلالهم علشان ممكن يساعد او روحلهم هما جنبك في اكتوبر المقر الرئيسي
N
Noor Amr
مجموعات فيسبوك· منذ 18 يوم
★★★★★1.0
عندي شكوي من شركة رايه Raya Shop اشريت تكيف lg يوم ١١ /٧ بضمان رايه و اتركب يوم ١٧ / ٧ و الله اشتغل اسبوع واحد كويس جدا و كان بيبرد و زي الفل و بعد اسبوع صوت الوحده الخارجيه عالي جدا و التكيف بيجيب ميه من جوه كاإن دش شغال و مافيش تبريد خالص كلمنا الشكاوي و عملنا اكتر من شكوي و يدونا معاد و ماحدش بيجي ولا بيسأل فينا مانصحش حد خالص يشتري اجهزة تكيف من رايه انا عملت شكوي ف حماية المستهلك بس حبيت كمان احذر الناس عشان ماحدش يتعرض لنفس الموقف خمس مرات ناخد معاد ان حد جاي و ماحدش يجي بعد انتظار و عطله ده غير انهم عملولي بلوك من علي صغحة الفيس بوك
A
Ahmad Ehab
مجموعات فيسبوك· منذ 18 يوم
★★★★★1.0
بعد العديد من المحاولات مع الشركة المحترمة Raya Shop لحل المشكلة والكلام مع أكثر من ٦ موظفين خدمة عملاء جميعهم يرفضون تحويل المكالمات الخاصة بي لأي إداري او مسؤول لحل المشكلة قررت ان اشارك تجربتي معاهم على الجروب هنا انا اشتريت جهاز تكييف ميديا من موقع راية شوب، لكن البائع على الموقع مش شركة راية نفسها، وبعد التواصل مع توكيل التكييف شركة ميراكو وضحو ان لازم المكان اللي اشتريت منه هو اللي يركب عشان اقدر استفيد بالضمان، تواصلت مع قسم الصيانة والتكريب بخدمة عملاء راية يوم ٣ اغسطس (مرفق سجل المكالمات) للاستفسار عن إمكانية تركيب الجهاز من خلالهم إذا لم يكن البائع على الموقع هو راية نفسها، تم التأكيد انهم موفرين الخدمة بتكلفة ١٠٠٠ جنيه، بناء عليه قمت بتنفيذ عملية الشراء بنفس اليوم (مرفق فاتورة الشراء) ووصل التكييف بسرعة يوم ٥ اغسطس وتم اجراء مكالمة اخرى لعمل طلب التركيب، واثناء المكالمة تم التأكيد على وجود تكلفة ١٠٠٠ جنيه للتركيب ف اجبت بمعرفتي بالتكلفة والموافقة عليها وتم إبلاغي بعمل الطلب وأنه سيتم التواصل معي خلال ٥ أيام بعد مرور ٣ ايام بدون اتصال وبسبب الحر الشديد عملت مكالمة اخرى يوم ا
M
Mariam Ahmed
مجموعات فيسبوك· منذ 20 يوم
★★★★★1.0
عايزة احكي تجربتي مع شركة راية Raya Shop ، في شهر ابريل اللي فات طلبت من الابلكيشن بتاعهم جهاز قهوة تركي ودفعت الفلوس عند الاستلام وبعد ما استلمت اكتشفت أنه جهاز قهوة امريكي ولما فتحت لاقيت فيه بواقي بُن ده معناه أنه كان مستخدم قبل كده وبعدين قولت خلاص مش مشكلة هستخدمه علشان مبحبش سياسة الاسترجاع والحوارات دي ولسه بجربه لاقيت زرار الباور بيعلق وعندي ما يُثبت ذلك طبعا تواصلت مع الشركة وقولتلهم المنتج غلط وكل اللي ظهر ليا من عيوب وبعد معاناة ردوا عليا قالولي شركة الشحن هتيجي تستلم المنتج وبالفعل الشركة استلمت المنتج وتواصلت معاهم تاني بخصوص استرداد المبلغ وبعد فترة بعتولي عايزة فاوتشر شراء ولا ريفند للمبلغ طبعا طلبت يحصل ريفند وطلبوا مني رقم حساب بنكي علشان يحولوا الفلوس عليه وبعدها بكذا يوم قالي الفلوس اتحولت وهتسمع ف الحساب من خلال اسبوع لأسبوعين طلبت منهم الرقم المرجعي للعملية لان بعد المدة دي الفلوس متحولتش وطبعا مفيش استجابة وإدارة الحسابات عملتلي بلوك فعملت شكوي ف حماية المستهلك طبعا بعدها في شخص تواصل معايا وقالي يفندم غالبا انتي بعتي رقم الكارت مش رقم الحساب ممكن تراجعي البيانات
S
SincereLizard1616
مجموعات فيسبوك (تعليق)· منذ 20 يوم
★★★★★2.0
null
A
Abdelrahman Saied Elazizy
مجموعات فيسبوك· منذ 21 يوم
★★★★★1.0
اشتريت تكييف من رايه وقسط مع سهولة واستلمت التكيف والمبلغ اتخصم من سهولة جيت ادفع القسط لقيته اختفي و المبلغ رجع حسابي تاني كلمت رايه قالوا خدنا فلوسنا و كلمت سهولة قالوا مفيش اي معامله حصلت مع رايه ودلوقتي انا مش عارف ادفع الأقساط لمين بقالي شهر مش عارف ادفع الفلوس لمين عاوز اكلم حد من إدارة رايه أو سهولة علشان خدمة العملاء مش عارفين يوصلوا لحاجه
T
TurquoiseFrog5831
مجموعات فيسبوك (تعليق)· منذ 21 يوم
★★★★★1.0
رايه راجعه بضهرها جامد بقت من اسوء الشركات في التعامل
M
Mohamed Youssef
مجموعات فيسبوك· منذ 21 يوم
★★★★★1.0
Raya Shop جهاز حماية المستهلك المصري المكان دا مينفعش يكون محل صغير يتعامل مع عملاء ، لما اكون طالب اوردر اون لاين ومدفوع تمنه كامل ويكون محدد ٥ ايام عمل حد اقصى للتوصيل ، وحتى الان وبعد اسبوعين من الميعاد المحدد من طرفهم والاوردر ميوصلش ، وتكلم خدمة العملاء الى معرفش ايه دورهم غير انهم يقولوا هنبعت ايميل ومش بيكون فى اى رد بعدها ولا تعديل على حالة الطلب وتعمل شكوي فى قسم الشكاوي الى معرفش برضوا ايه وظيفتهم وايه المختلف عندهم عن خدمة العملاء ، نفس الرد (هنبعت ايميل ، هيتم التواصل من القسم المختص .... الخ) تم عمل شكوي فى جهاز حماية المستهلك ولما بحاول مرة تانية اتابع الشكوي فى راية ، يترد حضرتك عملت شكوي فى حماية المستهلك فيتم المتابعة معاهم ، حاجة اول مرة اشوفها جهاز حماية المستهلك المصري لذلك لزم التنوية ومحدش يتعامل مع المكان دا واقسام خدمة العملاء والشكاوي عندهم المفروض تتلغى لانها ملهاش اى دور
N
Noor Amr
مجموعات فيسبوك· منذ 21 يوم
★★★★★1.0
عندي شكوي من شركة LG و شركة رايه. اشريت تكيف LG يوم ١٧/٧ بضمان رايه، اشتغل اسبوع واحد كويس جدا و كان بيبرد و زي الفل. بعد اسبوع صوت الوحده الخارجيه عالي جدا و التكيف بيجيب ميه من جوه كان دش شغال و مافيش تبريد خالص. كلمنا الشكاوي و عملنا اكتر من شكوي و يدونا معاد و ماحدش بيجي ولا بيسأل فينا. مانصحش حد خالص يشتري LG ولا حد يتعامل مع شركة رايه.
S
Sherif EL-Shazly
مجموعات فيسبوك (تعليق)· منذ 24 يوم
★★★★★2.0
حصلت معايا مشكلة قبل كدة معاهم متحركوش غير بشكوى في حماية المستهلك
D
Dina Ali
مجموعات فيسبوك· منذ 24 يوم
★★★★★1.0
اسوء التجارب ع الاطلاق بنصح الناس بعدم التعامل مع صفحة Raya Shop عملت اوردر لغسالة نص اتوماتيك وتكون تحتوى ع مضخة بعتولى غسالة من غير مضخمة وكلمتهم ف نفس اليوم اللى الغسالة وصلت فيه عشان اعمل استرجاع للمنتج او استبدال بالمنتج اللى انا طلباه عمالين يمطوحو فيا ويماطلو وف فرق بين المنتجين ف الفلوس اللى انا كنت طلباها بفلوس اعلى من اللى بعتنها ليا وخدمة عملاء اسوء ما يكون .
A
Ahmed Rashad
مجموعات فيسبوك· منذ 25 يوم
★★★★★1.0
اشتريت ديسبنسر مياه ماركة كولدير [Koldair Egypt](https://www.facebook.com/groups/492020894997624/user/100071936822415/?__cft__[0]=AZboACgG1JeZU0dwLwRA3RFeq-TJkG3Q_yhP044FovFrMEIipSg_TCLevuo4yjXw0thY_h7jQrRnwdXDlKEROlIZYNjwTjsRY0LDFVeCdQ2yPBRZmNr0v0iwxXasbe6ZGbrvmMUkDep_gZE0UD6yCrwDG5p7rRoxMa6FlXIQtiKh-A&__tn__=-]K-R) من موقع شركة راية [Raya Shop](https://www.facebook.com/groups/492020894997624/user/100064643831213/?__cft__[0]=AZboACgG1JeZU0dwLwRA3RFeq-TJkG3Q_yhP044FovFrMEIipSg_TCLevuo4yjXw0thY_h7jQrRnwdXDlKEROlIZYNjwTjsRY0LDFVeCdQ2yPBRZmNr0v0iwxXasbe6ZGbrvmMUkDep_gZE0UD6yCrwDG5p7rRoxMa6FlXIQtiKh-A&__tn__=-]K-R) وكانت تجربة من أسوأ تجارب الشراء للأسف طلبت من المندوب فتح المنتج ومعاينته قالي مفيش معاينة وفعلا مكتوب في البوليصة : **السماح بفتح المنتج : لا ** وقالي لو في حاجة بتكلم خدمة العملاء قلت تمام استلمت الديسبنسر لقيت -القاعدة مكسورة من ناحية مسمار التثبيت والديسبنسر مش ثابت على الأرض -الباب متجرح -الشبكة من ورا متنية -الموتور عليه تراب زي ما كل ده واضح في الصور باختصار
العودة إلى صفحة راية شوب