تقييمات أورنج
108 تقييم من المتسوقين (صفحة 3 من 7)
من حوالي شهرين واكتر خدت مكان جديد واحتاجت أدخل نت. للأسف الشديد النت الموجود قبلي كان أورنج فكان لازم يتعمل على أورنج. دفعت تجديد باقة وفاتورة أرضي 650 جنيه والراوتر مشتغلش لأنه كان فودافون. طبعا الشهر بعدها عدى على الباقة ومستدفتش بميجا واحدة. بعدين كلمناهم تاني قالوا فيه فلوس على الخط لازم تدفع 1056.. دفعتهم بردو. بعدين روحت الفرع قالولي عشان نوقف الباقة القديمة لازم تدفعي 845 جنيه فلوس الباقة. قلتلهم ده تاني شهر وأنا مسحبتش ميجا واحدة ازاي أدفع في حاجة مستفدتش بيها قالولي لازم تدفعي عشان نقدم لحضرتك على راوتر ونعملك باقة جديدة المهم دفعت وطلبوا شوية حاجات وقالولي تعالي بكرة. روحت تاني يوم قعدوني ساعتين تقريبا بلا أي فايدة وروحت البيت ورحت تاني يوم ودفعت تاني 345 جنيه باقة جديدة بنص التمن وقسط الراوتر. الكلام ده من أسبوع بالظبط. قالولي روحي البيت اتصلي بخدمة العملاء لتفعيل الخدمة. كلمت خدمة العملاء بعد ما رجعت قالولي لازم تحديث بيانات في الفرع اللي أنا كنت لسه جاية منه. عصرت على نفسي لمونة وروحت تاني. رجعت كلمتهم قالولي لا الحرارة تقريبا فاصلة عندك ولازم حد من السنترال ييجي يعملها.
نُشرت في جروب فيسبوك بتاريخ 30 سبتمبر 2026، والمنشور الأصلي لم يعد متاحًا.
شركة Orange وصلت لمرحلة زي ال*** من الفجر شغالة بنظام يخلي الواحد يسب لكل المؤسسات المسؤلة عن الاتصالات في مصر مش يسب للشركة بس. انا مقدم فيها طلب الغاء خدمة لل DSL من يوم 13/8 طلب الغاء الخدمة بياخد حوالي 48 ساعة لحد النهاردة لسه الطلب متنفذش ليه بقا؟ الشركة لغيت فيها الطلب يوم 13 نزلتلي فاتورة يوم 14 فلغوا الطلب اللي مقدمه علشان خاطر عليا فاتورة المفروض اروح ادفع الفاتورة واقدم طلب جديد؟ لما بقولهم اني مقدم الطلب قبل الفاتورة ما تنزل بيقولولي في رسوم الغاء خدمة لازم تدفع!! عايزني ادفع رسوم علشان خدمتهم زي الزفت وانا عايز الغيها. اهم ميزة عندهم ان من سياستهم اللي زي الفل انك ممكن تقدم على طلب اشتراك عندهم من أي فرع او اي كشك حرفيا جنبك لكن لو عاوز تلغي الخدمة لااااااااا ابسلوتلي لازم تلغي من فروع اورانج اكسبرس. اقرب فرع اورانج اكسبرس قريب مني على بعد مسافة ساعة ونص بالعربية يعني المفروض ان أفضي يوم كامل علشان اروح الغي الخدمة من عند حضراتهم علشان اروح ادفع ٢٠٠ جنيه مطلبتش مني اصلا وانا بقدم في اول مرة. يعني انا روحت احد الفروع وقدمت طلب الغاء الخدمة ومظهرش للموظف اللي هناك اني عليا رس
نُشرت في جروب فيسبوك بتاريخ 1 سبتمبر 2026، والمنشور الأصلي لم يعد متاحًا.
انا عملت كدا كنت مع اورانج بقالي 3 ايام محلوش بعتت لحمايه مستهلك اتخلت خلال 24 ساعه حوار رخم مش عارف ليه فزلكه ويقولك راوتر مش مدعوم ولازم واحد جديد ابو 2500ج والخ وف اخر ظبطت اعدادت مع نفسي vlan mtu وكدا واشتغلت
نُشرت في جروب فيسبوك بتاريخ 23 يوليو 2026، والمنشور الأصلي لم يعد متاحًا.