يتفرجيتفرج

تقييمات ميراكو

18 تقييم من المتسوقين (صفحة 2 من 3)

أضف تقييمك

M
Ma Oga
مجموعات فيسبوك (تعليق)·
★★★★★1.0

للاسف مفيش حماية للمستهلك وحقه بيضيع وحماية المستهلك بقت تقف جنب الشركات وضد المستهلك أنا عانيت منهم كتير وحسبي الله ونعم الوكيل

نُشرت في جروب فيسبوك بتاريخ 18 سبتمبر 2026، والمنشور الأصلي لم يعد متاحًا.

N
Nada Mustapha
مجموعات فيسبوك (تعليق)·
★★★★★1.0

اسوأ شركة التكييف بتاعي بقاله ٦ سنين وعزلت ونقلته واشتغل ٣ سنين عادي غسلته وبغسله بره الشركة عادي ما حد بتعامل معاه من يوم ما جبت التكييف فجاه بعد الغسيل بقي يتلج الوحده الداخليه وماسوره من الوحده الخارجيه كلمت الشركة ع اعتبار اني لو هصين يبقي اضمن حاجه التوكيل جالي واحد قولتلو اكشف لو ف تسريب يكشف مفيش اي تسريب تماما وهو مصمم يسحب الجهاز ويقولي هيبقي الوحده الداخليه اللي بايظه ودّي حسابها ١٠٠٠٠ او الوحده الخارجيه ودي حسابها ١٣ الف او الاتنين لسه هنكشف ونعرفك وهنحتاج نسحبه وده مبدأيا ٣٠٠٠ ولما نسحبه هنفك الوحده الخارجيه فا هنشحن فريون وده قيمته ٢٥٠٠ وهنغير كابستر ٣٠٠٠ ده غير الكشف نفسه فا انا بتريق عليه قولتلو يعني سكة ٢٠ الف ولا ١٥ الف قالي نصيحتي ليكي بعيه وهاتي غيره قولتلو نورتنا واتفضل امشي مع العلم معملتش اي حاجه ف التكيييف تماما واحد ابن حلال قالي ارفعي السنسور لفوق ومش هيتلج وبالفعل عملت كده والتكييف شغال زي الفل يعني كنت هدفع ١٥ الف لله وللوطن بجد شركة نصابه جددددددا

نُشرت في جروب فيسبوك بتاريخ 18 سبتمبر 2026، والمنشور الأصلي لم يعد متاحًا.

A
Alaa Zarzoura
مجموعات فيسبوك·
★★★★★2.0

اشتريت جهاز تكييف ميديا من شركة ميراكو. الجهاز شغال تمام أول فترة. بعد نقله لسكن جديد بمعرفة الشركة، بدأت الوحدة الداخلية تطلع صوت تكسير. بعد زيارات عديدة من الفنيين، وجدوا مسامير بورما حديد واقعة جوه الفانة. رغم حل المشكلة، الشركة أصرت على سحب الجهاز لورشتها. بعد عودة الجهاز ظهرت مشاكل جديدة: خبطات على كويل الوحدة الخارجية وقطعة صاج مثبتة بشكل غريب. أثناء التركيب النهائي ظهرت مشاكل جديدة: ماسورة نحاس معصورة، خبط آخر على الكويل، وصوت تشغيل عالي بشكل غير طبيعي. الشركة اعترفت بالخطأ من عندهم في مكالمة مسجلة، لكن بعد ذلك بدأوا في المماطلة وإلقاء اللوم على العميل رغم اعترافهم السابق. رفضت عرضهم بتمديد الضمان فقط. الجهاز حاولوا تسليمه لي بدون تنسيق، ورفضت الاستلام.

نُشرت في جروب فيسبوك بتاريخ 18 سبتمبر 2026، والمنشور الأصلي لم يعد متاحًا.

م
مروان العمري
مجموعات فيسبوك·
★★★★★2.0

اشتريت جهاز تكييف 1.5 حصان بارد كارير اوبتي ماكس وتم التركيب في 8/7. بدأت المشكلة في أول أسبوعين. طلب الصيانة الأول كان في 23/7 وتم تنسيق زيارة في 3/8، لكن الفني الذي أتى كان تاجراً من خارج الشركة وليس له علاقة بها، وكتب أن الجهاز يعمل بحالة جيدة دون فحص. استمرت المماطلة في الصيانات وتقارير غير صحيحة لأكثر من شهر ونصف دون جدوى، والجهاز توقف تماماً عن العمل. تم تجاهل الشكاوى والاتصالات المتكررة، وحتى عند الوصول لمسؤول وإرسال فيديوهات العطل (EC و E3)، استمر التجاهل. تم تحديد موعد لزيارة مشرف يوم الخميس الماضي ولم يأت، ووعدوا بالتواصل يوم السبت ولم يتواصلوا حتى الآن. تم إدعاء أنني رفضت الإصلاح وطلبت الاستبدال من البداية، مع أن طلب الاستبدال ناتج عن طول المدة وعطل الجهاز. قدمت شكوى لمدير الشكاوي دون جدوى. فقدت الثقة في هذه الشركة ولا أنصح أحداً بشراء منتجاتها.

نُشرت في جروب فيسبوك بتاريخ 7 سبتمبر 2026، والمنشور الأصلي لم يعد متاحًا.

S
Sara Soliman
مجموعات فيسبوك (تعليق)·
★★★★★1.0

من اقزر الشركات ف التعامل والله عن تجربه

نُشرت في جروب فيسبوك بتاريخ 30 أغسطس 2026، والمنشور الأصلي لم يعد متاحًا.

H
Hafez Khaled
مجموعات فيسبوك (تعليق)·
★★★★★5.0

دي احسن شركه اتعاملت معاها ولو احتجت فني بيجي علي طول يا صحبي

نُشرت في جروب فيسبوك بتاريخ 29 أغسطس 2026، والمنشور الأصلي لم يعد متاحًا.

N
Nona Abd Elghany Mahmoud
مجموعات فيسبوك·
★★★★★1.0

التكييف عندي متوقف عن العمل من يو 27/7، والجهاز أصلًا داخل الضمان. من البداية وأنا في دوامة مواعيد صيانة بتتحدد بعد10 أيام، وبعد الانتظار حضر الفني وقال إن المشكلة عيب تركيب، وتم تحديد موعد جديد31/8 . انتظرنا الفني من الصبح، وفي النهاية الفني لم يحضر، والأغرب إن الكول سنتر قال إن الفني أفاد بأنه حاول الاتصال ولم يتم الرد عليه، رغم إننا كنا منتظرينه! وانه تم تحديد موعد جديد 17/9 دون الرجوع اصلا لينا ولا يوجد أي رسايل توضح معاد جديد. يعني جهاز داخل الضمان، عطلان من أكثر من شهر، ولا يوجد التزام بالمواعيد ولا حل للمشكلة، وكل مرة مبرر جديد! Carrier Miraco Egypt، هل دي فعلًا خدمة ما بعد البيع؟! للأسف، بعد تجربتي دي لا أنصح بالتعامل مع الشركة نهائيًا. شراء جهاز من شركة كبيرة المفروض يكون وراه خدمة محترمة، مش معاناة بالشكل ده.

نُشرت في جروب فيسبوك بتاريخ 29 أغسطس 2026، والمنشور الأصلي لم يعد متاحًا.

R
RubyNectarine7709
مجموعات فيسبوك (تعليق)·
★★★★★1.0

للاسف انا اتعاملت معاهم برضوا علشان هما براند المفروض بيحترم حقوق العميل وخدمة ما بعد البيع لكن هما مش كده خالص وفعلا كان عندي مشكلة والمشرف جالي واسلوبه زبالة وميعرفش يعني ايه يحترم العملاء

نُشرت في جروب فيسبوك بتاريخ 23 أغسطس 2026، والمنشور الأصلي لم يعد متاحًا.

M
Mahmoud Khaled
مجموعات فيسبوك·
★★★★★1.0

الشركة بعتت لي ٢ جداد غير المشرف والفني اللي جه قبل كده، وبعد ما قولت له بلاش ٢ في المنور وركب واحد في شباك عرضه ٨٠سم ويكفي أن الوحدة تطلع منه. قالي مش safety ومش هعرف أركب في الشباك ده.. افتح لي حيطة خدمة نص متر كمان، وشيل الدهان والحاجات اللي أنت مشطبها دي عادي! مهو مش خاسس عليه حاجة. جيت قولت له طب ركّب واحد بس في المنور زي ما الفني الأول قال، وكان رده مش هقف تحت على الحديد ولا هنزل المنور.. أنا هطلب منك تعملي خوصة عند حداد وتثبتها أنت تحت، وبعدين أبقى أجيلك تاني بعدين أثبت الوحدة قدام الشباك بتاعك علطول وأنا واقف في الأوضة! قلت له كده هتقفل الهوا اللي جاي لي من الشباك!! قالي برضوا مش safety ❌. سألته سؤال: قولت له تقصد إيه بكلمة سيفتي؟ على الجهاز ولاّ عليك أنت؟ ضحك ومردّش. وقالي هات حد من بره يركب أو أبعتلك رقم حد يركب لك، وشكرته وقولت له آخر مرة هكلمكم ولا عاوز ضمان ولا عاوز أتعامل مع ميراكو كلها. أسوء خدمة ما بعد البيع.. وأكتر شركة بتلمع من برة قبل ما تتعامل معاهم وتشوف ابتسامتهم وسهولة عملية البيع وقت ما بتدفع فلوس. أنا الحمد لله جبت فني من برة يركب راجل أرزقي وعاوز يشقى على أكل

نُشرت في جروب فيسبوك بتاريخ 23 أغسطس 2026، والمنشور الأصلي لم يعد متاحًا.

M
Mohamed Elmohndes
مجموعات فيسبوك (تعليق)·
★★★★★1.0
شركه ما يعلم بيها الى ربنا بعد ما كانت من اكبر الشركات مستواها نزل جدا
عرض المصدر
ع
عمرو مصطفى
مجموعات فيسبوك·
★★★★★1.0
اشتريت 2 تكيف انفرتر 5 حصان كونسيلد. جهاز منهم قطع E1. بعتت الشركة فني قال دا عيب كهرباء (ناس كثير كانت حذراني من التكيفات الانفرتر بتاعت ميراكو عشان دايما بيحطوا المشكلة على الكهرباء عشان ما يشلوش ضمان ومش بيصلحوا). ازاي 2 تكيف على مصدر كهرباء واحد واحد يقطع وواحد لا؟ كلمت جهاز حماية المستهلك قالوا مش مختصين بالشغل التجاري (احنا مش مستهلكين؟). قالت الشركة نصا حماية المستهلك قفلت الشكوى وما عندناش حلول غير انك تدفع. قالوا التكلفة 4600 وبعدين قالوا 14 الف وقالوا هنديك تخفيض وتدفع 11 الف. بعد ما غيرت البورده ودفعت، اشتغلت كام يوم بدون تسقيع وبعد كدا بيدى ايرور E6. كلمتهم بعت فني قال لا التكيف عايز يتغسل (التكيف التاني شغال زى الفل الاثنين في نفس المكان والاثنين بتنظفوا). بعد النظافة اشتغل بدون تسقيع كام يوم وقطع تانى E1. قالوا اصل التكيف جيه عليه مياه والبورده قطعت. ازاي دي لسه راكبه ما كلمتش حتى شهر؟ بعتوا فني تاني قال دى قطعت كهرباء برضوا. ازاي مش انت غيرت وقيست كهرباء وامبير وجبت شركة وقيست والدنيا تمام؟ كلمت الشركة قولتلهم مش واثق في كلام الفني. بعتوا كبير فنين قال لا دى قطعت مياه اص
عرض المصدر
M
MemorableHeron4301
مجموعات فيسبوك (تعليق)·
★★★★★1.0

انا من طنطا و بقولك شغلهم كلة شعبى وفرز تانى سمعتهم مش كويسة أصلا ازاى تشترى من ناس دول

نُشرت في جروب فيسبوك بتاريخ 20 أغسطس 2026، والمنشور الأصلي لم يعد متاحًا.

F
Fathi Aljaedi
مجموعات فيسبوك·
★★★★★2.0

اشتريت من شركة المصريين تكييفين كاريير كونسيلد 3 حصان بعقد توريد وتركيب. شركة المصريين بعتت شركة للتركيب، واتضح ان الشركة عمالة من الباطن. الفني قام بتني التيش لورا لحد ما وصل للمكان المطلوب، وقال إن ده عادي. الجهاز التاني استخدم التيش اللى كان موجود ورا قدام وتناه، وأضاف تيش 6 مم جديد. دفع تكاليف إضافية للتركيب. تاني يوم اكتشفت نقص في كابات الوحدة الخارجية. شركة الجبس قالت إنها مش هتقدر تقفل السقف. ميراكو قامت بمعاينة وقالت إن فيه تسريب وإعادة تركيبات مطلوبة. شركة المصريين وشركة التركيب من شهر وماوصلناش لحل. الفني الأخير كان كل تركيزه إنه يثبت إنه مش مسؤول ويجادل أن المشكلة من فني ميراكو.

نُشرت في جروب فيسبوك بتاريخ 19 أغسطس 2026، والمنشور الأصلي لم يعد متاحًا.

S
Shams Wy Kamareen
مجموعات فيسبوك·
★★★★★1.0

أنا بجد مش عارفة أقول إيه أكتر من كده! أنا جايبة تكييف كاريير 2.25 حصان من ميراكو، واتركب يوم 26/1/2025. يوم التركيب نفسه حصلت مشكلة، والفني بتاع الشركة هو اللي قام بتغيير سلك في الوحدة الخارجية، وإحنا دفعنا تمن السلك وقتها، وكل ده مثبت في تقرير الشركة. وده غير إن الفني بتاع الطوارئ لما جه يعاين الجهاز بعد الكارثة اللي حصلت، بدأ يشكك في الجهاز ويقول إن التكييف من وكيل، وإن السلك ده مش سلك الشركة، وإنهم مش اللي مركبينه، وكأن الموضوع محاولة لتحميل المسؤولية بعيد عن الشركة. مع إن إحنا كان معانا ما يثبت إن التكييف والتركيب تم من خلال شركة ميراكو نفسها، وكمان تقرير الشركة نفسه مثبت فيه تغيير السلك وقت التركيب. والأغرب إن لما الفني عاين الجهاز، كان واضح إن السلك هو اللي ضرب واتسبب في الحريق، قام قص الجزء اللي حصل فيه التلف من السلك وخده معاه بحجة إنه هيتم فحصه. لكن الحمد لله إحنا كنا مصورين صور واضحة وفيديو يوضح حالة السلك والجزء اللي حصل فيه التلف، وموضح شكل المشكلة قبل ما يتم قص الجزء التالف. يوم 2/8/2026 فوجئت إن الوحدة الخارجية ولعت، وكلمت الشركة وعملت شكوى، وبعد كده لجنة من الشركة

نُشرت في جروب فيسبوك بتاريخ 17 أغسطس 2026، والمنشور الأصلي لم يعد متاحًا.

A
Amira Elmohandes
مجموعات فيسبوك·
★★★★★1.0

شركة ميراكو توشيبا انا عايزه ابلغكم غضبي من شركه ميراكو بخصوص ميكرويف توشيبا اشتريته في شهر ٢ وكان التسخين بتاعه ضعيف جدا اسخن طبق صغير في سبع تمن دقايق كلمتهم وبلغني الفني وهو بيسأل عن العيب بكل صراحه ووضوح ان توشيبا ضعيف وان دا عادي دا بعد ما بلغته ان كان عندي سامسونج بقاله عشر سنين زي الفل واما احتاج صيانه واتأخروا في تسليمه اشتريت توشيبا قالي ماتقارنيش بين سامسونج وتوشيبا وحسسني بالندم اني اشتريته وجه البيت وفحصه وقالي لازم توصليه بنفسك لمركز الصيانه رغم انهم كلموني ان في خدمه صيانه في المنزل برسوم زياده والجهاز عندي مكملش شهر وقلت ماشي وفي الاخر اضطريت اوديه وبلغوني اني هاستلم الجهاز خلال خمس ايام عمل واتاخروا واتعذبت مكالمات لحد ما استلمته وكان فيه عيب صناعه كل دا في شهر مارس اللي فات حاليا فجاه الجهاز بيطلع صوت وشياط وكلمتهم يوم التلات 4/8/2026 اعمل طلب صيانه وبلغوني ان الفني هايجيني يوم الخميس وطبعا اما افتكرت اللي حصل قبل كدا قلت عشان مضيعش وقت ودا جهاز مهم رحت مركز الصيانه يوم الاربع 5/8/2026 واستلمو الجهاز وعيب تاني وقالولي خلال خمس ايام عمل قلتله يعني امتي قالي بالك

نُشرت في جروب فيسبوك بتاريخ 18 أغسطس 2026، والمنشور الأصلي لم يعد متاحًا.

A
Asmaa Elbanna
مجموعات فيسبوك (تعليق)·
★★★★★1.0

دي حقيقه فعلا تكييفاتهم بتطلع بعيب صناعه وكل ماحد ييجي يشوف التكييف يقول عيب كهربا وهما اصلا مش فاهمين حاجه ولا عارفين العيب فين اساسا

نُشرت في جروب فيسبوك بتاريخ 15 أغسطس 2026، والمنشور الأصلي لم يعد متاحًا.

L
LovelyRabbit3165
مجموعات فيسبوك (تعليق)·
★★★★★1.0

فعلا الشركه تعاملها سئ جدا وخاصه في التلاجات

نُشرت في جروب فيسبوك بتاريخ 15 أغسطس 2026، والمنشور الأصلي لم يعد متاحًا.

ع
عمرو مصطفى
مجموعات فيسبوك·
★★★★★1.0

شركة ميراكو كارير للتكيف اشتريت بتاريخ 3/2025 2 تكيف انفرتر 5 حصان كونسيلد ( التكيف دا تجارى بيتحط فى المحلات التجارية ) حطتهم فى محل جهاز منهم قطع E1 كلمه الشركة بعتت فنى قالى اصلى دا عيب كهرباء ( طبعا ناس كثير كانت محذرانى من التكيفات الانفرتر بتاعت ميراكو عشان دايما العيب عيب كارته ودايما بيحطوا المشكله على الكهرباء عشان ما يشلوش ضمان ومش بيصلحوا حاجه ) وانا قولتلهم لا ازاى دى ميراكو وشركه كبيره وللاسف جبت التكيفات بسعر مبالغ فيه جالى الفنى قالى نفس الكلام الى الناس حذرتنى منه دا عيب كهرباء ( طيب ازاى ماهما 2 تكيف على مصدر كهرباء واحد ازاى واحد يقطع وواحد لا ) قالتلى هو كدا كلمت جهاز حمايه المستهلك قالى اغرب رد ممكن اسمعه اصلى ااحنا مش مختصين بالشغل التجارى ؟... ازاى طيب هو احنا مش مستهلكين ؟؟؟؟ والشركه دى بتشتغلنا برضوا لا ومالناش دعوه وطبعا كلمت الشركه تانى قالتلى نصا حماية المستهلك قفلت الشكوى وما عندناش حلول غير انك تدفع طيب كام مكالمه يقولولى التكلفه 4600 ومكالمه ثانيه يقولولى اصلى التكلفه 14 الف من هنا لهنا كلمتنى حد من عندهم قالى هنديك تخفيض وتدفع 11 الف انتم قايللى

نُشرت في جروب فيسبوك بتاريخ 15 أغسطس 2026، والمنشور الأصلي لم يعد متاحًا.

ع
عبيد الله عقدة
مجموعات فيسبوك·
★★★★★2.0
إلى إدارة ميراكو كاريير... جهاز تكييف جديد من ميراكو كاريير لم يعمل سوى 15 يومًا فقط، ثم ظهر به عيب تصنيع، ومنذ أكثر من شهر وأنا أدور في دائرة من الوعود: "تحت أمرك يا فندم"، "رفعنا طلب"، "سيتم التواصل"... دون أي حل حقيقي. المؤسف أن بعض موزعي ميراكو كاريير يتنصلون من مسؤوليتهم بعد البيع، وخدمة العملاء – من واقع تجربتي – أصبح دورها مجرد تهدئة العميل بالوعود المتكررة، بينما المشكلة كما هي دون حل. أبلغتني ميراكو كاريير بعدم توافر وحدة خارجية بديلة، وأنهم يبحثون عنها في مخازن الفروع منذ أسابيع دون جدوى. كيف تبيع شركة بحجم ميراكو كاريير أجهزة جديدة، ثم لا توفر وحدة بديلة لمعالجة عيب تصنيع ظهر بعد 15 يومًا فقط من التشغيل؟ دفعت ثمن جهاز جديد لأحصل على الراحة، فإذا بي أتحمل الحر والخسارة والانتظار. لذلك أناشد جهاز حماية المستهلك والجهات الرقابية بالتدخل العاجل لإلزام ميراكو كاريير باحترام حقوق العملاء واستبدال الجهاز المعيب أو رد قيمته وفقًا للقانون. سأستمر في نشر تجربتي الحقيقية مع ميراكو كاريير حتى أحصل على حقي، وحتى يعلم كل من يفكر في الشراء أن خدمة ما بعد البيع هي الاختبار الحقيقي لأي
عرض المصدر
A
Asem Al-Habyan
مجموعات فيسبوك (تعليق)·
★★★★★2.0

حصل معايا متجيبش المكاتب المتعاونين معاهم قول عاوز الصيانة بتاعة الشركة نفسها طلع أن ال temp sensor مكنش متصل بالأنابيب فكان قاري أنه مش بيبرد ومطلع كود EC

نُشرت في جروب فيسبوك بتاريخ 31 يوليو 2026، والمنشور الأصلي لم يعد متاحًا.