يتفرجيتفرج

تقييمات هاير

67 تقييم من المتسوقين (صفحة 1 من 4)

أضف تقييمك

A
Asmaa Hussein
مجموعات فيسبوك· منذ 17 يوم
★★★★★1.0
انا شوفت تحذيرات منها وان الخدمه بعد البيع مش احسن حاجه وكان غلطتي ان توقعت ان دا مش هيحصل معايا للاسف من يوم ٢٤/٨ اشتريت تكيف من توكيل هاير نفسه ٣ حصان وجه اتركب واول ما اتركب عمل قفله ف الشقه الفني وقتها عمل تقرير ان ف عيب ف الوحده الداخليه للجهاز ورفعها وبدأت رحله العذاب معاهم كل يوم اكلمهم لسا ي فندم ١٠ ايام من يوم الشكوى واتصل واقدم طلب استعجال ومفيش اى امل ولما الحمد لله جه المندوب وغير الوحده الداخليه قال معلش انا مش معايا فريون بكرا يجيلك حد يشحن الفريون ويشتغل وانتظرت تاني جه فني تاني شحن الفريون جرب يشغل التكيف مشتغلش وقال لا المشكله كانت ف الوحده الخارجيه مش الداخلية هنرفع تقرير وان شاء الله ١٠ ايام كمان ونغيره رحت الفرع الى اشتريت منه عشان ارجع التكيف الى مشتغلش اصلا ولا ثانيه رفضوا بحجه انه اتفتح طيب ي جماعه التكيف اتفتح وعطلان وانا كنت هعرف منين انه عطلان الا اذا اتفتح و انتوا فعلا بتيجوا تاخدوه والصيف بيخلص ولا حياه لمن تنادي طيب استعجلوا وغيروا طيب حاضر ي فندم كل يوم اتصل بيهم واروح الفرع يقولوا الاسبوع الجاي وكل اسبوع يعدي ومفيش اي حاجه الكول سنتر دايما يقفل السكه ف وش
عرض المصدر
M
Makarious Michelle
مجموعات فيسبوك· منذ 21 يوم
★★★★★1.0
جايب تكييف منهم ب تاريخ ٢٥/٦/٢٠٢٦. باظ بعدها ب اسبوع يوم ٢/٧ جابولي حد يصلحه ورجع باظ تاني يوم ١٢/٧ و نفس الكلام وحصل ٣ مرات ورا بعض ف شهر واحد يوم ٢٨/٧ نفس العطل ال F4. مكنوش عايزين يغيروه و قالولي هنبعت حد يصلحه برده و مبعتوش حد لحد ما كلمت حماية المستهلك يوم ٧/٨ ف بعتولي حد تاني يوم و اتفقنا مع حماية المستهلك انه لو باظ تاني اكلمهم هما يبدلوه على طول و فعلا باظ للمرة الرابعة و كلمت حماية المستهلك و في فني تواصل معايا يوم ٢/٩ قالي هاجي اصلح التكييف قولتله اتفاقي مع حماية المستهلك و الشركة انه هيتغير قالي تمام ابعتلي عالواتساب الكلام ده. بكلم الشركة يوم ٧/٩ قالولي انك رفضت الصيانة ف مش هنعرف نساعدك و لازم عشان يستبدل نبعت فني يعاين و بعد خناقات و كلام كتير من غير مساعدة قولتلهم تمام و لحد النهاردة بتاريخ ١٣/٩ بكلمهم كل يوم بيقولوا الفني هيتواصل معاك و محدش تواصل خالص و النهاردة قولتلهم عايز السوبرفايزر ف قالولي تمام بعدها حولوني عال feedback survey و قفلوا ف وشي. ف انا محتاج حد يتواصل معايا فورا من حماية المستهلك او الشركة و فلوسي اترمت فالارض و التكييف مكملش شهر ف ياريت حد يقولي المف
عرض المصدر
A
ArticulatePassionfruit9405
مجموعات فيسبوك (تعليق)· منذ شهر واحد تقريباً
★★★★★5.0
انا جبت هاير 2,25 حصان بارد انفرتر ضمان عشر سنين ب 34,000 بالتركيب والكابولي من برند شوب هاير ذات نفسة وده بيكون اضمن
عرض المصدر
N
Noha Elsrogy
مجموعات فيسبوك· منذ شهر واحد تقريباً
★★★★★1.0
اشتريت تكييف هاير 2.25 حصان بارد ساخن إنفرتر، ومن أول تشغيل ظهرت مشكلة في الصوت. وعلى مدار الـ20 يوم اللي فاتوا، كل مرة كان بيتم تشخيص المشكلة بشكل مختلف، لحد ما في النهاية اتضح إن فيه عطل في الكمبروسر، وتم استبدال التكييف بالكامل. واللي حصل بعد كل ده إن التكييف الجديد اتركب النهارده وبرضه فيه صوت زنة واضح ومزعج جدًا وده مش طبيعي بالنسبة لتكييف إنفرتر جديد. يعني بعد 20 يوم كاملين من الانتظار، والتشخيصات الغلط، ومحاولات حل المشكلة، وفي النهاية تم استبدال الجهاز، وبرضه ألاقي نفس مشكلة الصوت والزنة موجودة في التكييف الجديد من أول يوم! والاستبدال تم بعد الضغط من الموزع، والأكثر استياءً إن الاستجابة والاستبدال ما تمّوش بالشكل المطلوب إلا بعد تدخل الموزع والضغط عليهم. أنا مشكلتي مش بس في وجود عطل، لكن في إني دفعت في جهاز جديد، وقضيت 20 يوم في انتظار وخدمة عملاء سيئه جدا بسبب تشخيصات غير صحيحة، وفي النهاية بعد استبدال الجهاز بالكامل ألاقي نفسي قدام نفس الإزعاج من جديد.
عرض المصدر
A
Amr Al- Baz
مجموعات فيسبوك· منذ شهرين تقريبا
★★★★★1.0
Haier خدمه ما بعد البيع خدمه عملاء قطع غيار فكر قبل ما تشترى
عرض المصدر
H
Hamada Taha
مجموعات فيسبوك· منذ شهرين تقريبا
★★★★★1.0
بحذر من شراء تكيف Haier وانا بأثث شقتي سألت كتير قبل ماشتري علي تكيفات ناس كثير شكرت في تكييف هاير &haier وبالفعل ركبت أجهزه التكيف عندي كلها هاير وللأسف بعد سنه ونص كمبروسر التكييف ولع صحينا علي صوت الجيران بتخبط علينا وبتقول الكمبروسر بيولع والحمد لله كان عندي طفايه حريق وبعد الهام من ربنا سبحانه وتعالى قدرت اطفي النار والحمد لله مفيش خساير في اي حاجه وأول شي عملته كلمت الشركه وللاسف بكل برود بيقولولي هانبعت حد في اقرب موعد صيانه وجمعه وسبت اجازه تخيل ؟ الكلام يعني اي كان في كارثه هاتحصل ويقولك في اقرب موعدً نبعت حد وللعلم وانا بكتب البوست عدي ٣ ايام ومفيش حد اتصل منهم تخيل ؟ أنا افتكر وانا فالسعوديه حصل حاجه زي كده اقسم بالله الشرطه والدفاع المدني كانو موجودين مع حد من الشركه وفكوا التكيف وركبو واحد جديد في نفس اللحظة وهنا في مصر للاسف علشان هما عارفين ان مفيش رقابه ولا حاجه هاتحصل فمكبرين دماغهم أنا هنا بحذر كل اللي هايشتري تكيف هاير Haier بلاش وافتكر كلامي كويس بلاش
عرض المصدر
M
Mina Shamshoon
مجموعات فيسبوك (تعليق)· منذ شهرين تقريبا
★★★★★4.0
بصراحة Haier شاشة فعلا حلوة انا مجربتش خدمة العملاء بس كجودة مقابل سعر تبقي مميزة
عرض المصدر
R
Radwa Badawy
مجموعات فيسبوك (تعليق)· منذ شهرين تقريبا
★★★★★1.0
شركه منتنه بجد وناس قلالات الزوق وخدمه ما بعد البيع مقرفه
عرض المصدر
L
LivelyRadish52
مجموعات فيسبوك (تعليق)· منذ شهرين تقريبا
★★★★★2.0
والله انا عندي غسالة وخوفتيني منها جدا
عرض المصدر
P
Peter W. Fanous
مجموعات فيسبوك (تعليق)· منذ شهرين تقريبا
★★★★★1.0
حصلت معايا مشكله و ماحدش جالي ولا اتصرفوا غير بعد الشكوي
عرض المصدر
R
Rehab Tarek
مجموعات فيسبوك· منذ شهرين تقريبا
★★★★★1.0
Haier ❌❌❌❌❌🚫 #هاير #هاير_مصر #تكييف ❌❌❌❌❌❌ شركة مش جديرة بالثقة مبتتحملش اخطائها يوم ٢٠ /٧ الفنى جه وشاف التكييف وقال الكويل الخارجى ساح عيب تصنيع من الشركة من تانى يوم وانا بكلمهم ويقولوا هنعمل طلب استعجال اقسم بالله لحد يوم ٢٨ ونفس الكلام لحد ما صممت اكلم مديرة خدمة العملاء وقالتلى اصل كل دا التقرير مكنش راح للإدارة وحالا هنعمل طلب تغيير الكويل!!! قولتلها امال ال ٨ ايام دول ايه تقولى أنا ظاهر قدامى طلبات استعجال فقط من غ طلب كويل امال كان بيتعمل طلب استعجال ع ايه مش عارفة !!! لحد ما قالتلى يوم الاحد الكويل هيوصل لمركز الصيانة والإدارة هتكلم حضرتك تنسق معاكى ميعاد دا بعد كلام محفوظ كتير ومسكنات عشان اسكت وكل مرة يتقالى هتكلم حضرتك نقول الكويل هيوصل امتى وماحدش بيكلمنى والنهاردة الاحد وماحدش كلمنى ولما كلمتهم اتقالى خلال ٣ او ٥ ايام عمل طيب احنا النهاردة ٥ يوم عمل لا خارج الجمعة والسبت حقيقى زهقت وتعب بقالنا ١٢ يوم من غ تكييف وعندى بيبى جسمه اتملى التهابات من الحر وهم مافيش اى مصداقية ولا ف خدمة للعميل كلمت حماية المستهلك قالوا هنكلمهم ومافيش اى نتيجة أنا مش عارفة اعمل ايه تعد
عرض المصدر
العودة إلى صفحة هاير