يتفرجيتفرج

تقييمات أمازون برايم

82 تقييم من المتسوقين (صفحة 4 من 5)

أضف تقييمك

T
Tomas Reda
مجموعات فيسبوك· منذ شهر واحد تقريباً
★★★★★1.0
مشاكل امازون كترت اوي معايا ومع غيري اكيد اسوء تجربة ودائما متكررة معايا واكيد في ناس كتير حصل معاهم نفس المشكلة وهي أنه باختصار شديد أنا طالب اوردر من امازون ومشترك في امازون برايم لأن محتاج الاوردر يوصل اسرع شوية طلبت اوردر وانا ديما بدفع ب فيزا فطلبت تقريبا اول امبارح بليل فكان عدت الساعة 12 بليل ف اتحسبت أنه طالب امبارح وأنه المفروض استلم الجمعه قاعد من الصبح عشان استلم الاوردر لاني (عامل في تعليمات التسليم أنه استلم الاوردر الصبح )محدش كلمني نزلت رحت شغلي و علي الساعة ٩ بليل لقيت أنه الاوردر تم التسليم من الساعة ٧ أنا ولا المندوب كلمني ولا حاول يتصل اصلا فكلمت خدمة العملاء عاوز يخليني ارجع الاوردر واطلبه تاني عشان المندوب قفل الاوردر وعمله تم التسليم أو أنه استني ٤٨ ساعة عشان الاوردر يجيلي أو أنه يرد الفلوس الي أنا معرفش هترجع أمته للفيزا أنا لو الاوردر كاش مكنش المندوب هيقفل الاوردر غير لما يسلمه أنا مطالب أنا اتحمل غلط المندوب عشان هو مش عاوز يسلم الاوردر وقفله وانا الفلوس انسحبت مني كده كده وبكلمة خدمة العملاء بقوله أنا الي المفروض اتحمل المشكلة واتحمل نتيجة خطأ غيري بيقول
عرض المصدر
M
Mohamed AbdelHak
مجموعات فيسبوك· منذ شهرين تقريبا
★★★★★2.0
طلبت أورد عبارة عن ٢ جراب موبيل و ٢ مالتى فايتمن و ٢ اوميجا٣ و ٢ ستراب للساعه. الوردر وصل يوم الأربعاء و المندوب عمل على السيستم ان الاوردر كله وصل. فتحت الشحنه لقيت ٢ جراب الموبيل مش موجودين و المالتى فايتمين و الاوميجا ٣ جت علبة واحده من كل نوع مش اثنين. كلمت خدمة العملاء ان الشحنه كلها وصلت و لا فى شحنه تانية، ردهم لأ المندوب كتب الشحنه كامله. قلت فيه حاجات ناقصه، ردوا هنتواصل مع شركة الشحن و هنكلمك فى خلال ٤٨ ساعة. كلمتهم تانى بعد ٣ أيام مفيش حد تواصل معايا. قالوا هنعمل طلب استرداد، قلت عايز باقى الاوردر مش عايز استرداد. قالوا بنتأسف شركة الشحن مش هتقدر توصله لان المندوب كتب الاوردر وصل كله. قلت تمام اعملوا الاسترداد و اطلبهم تانى. بعدها اتعبت إميل استرداد لجرابات الموبيل و المالتى فايتمين من غير الاوميجا ٣. كلمتهم تانى قالوا معلش حصل خطأ و هنعمل طلب استرداد بالاوميجا ٣. بعدها إميل تهديد انى طلبت اكثر من استرداد لنفس رقم الطلب و ده يخالف سياسات Amazon.com. مش فارق معايا الحساب يتقفل بس ده فشل فى النظام الى مش عارف يتعامل مع المندوبين و شركات الشحن.
عرض المصدر
R
Rana Mostafa
مجموعات فيسبوك (تعليق)· منذ شهرين تقريبا
★★★★★1.0
مقرفيين دي كلمة قليلة والله.. اعمل شكوي في حماية المستهلك
عرض المصدر
D
DeterminedParsnip3433
مجموعات فيسبوك (تعليق)· منذ شهرين تقريبا
★★★★★5.0
أنا لسه جيباه من امازون مافيهوش اى حاجة خالص
عرض المصدر
M
Mona Sayed
مجموعات فيسبوك· منذ شهرين تقريبا
★★★★★1.0
يوم ٢١ مارس ٢٠٢٦ عملت اوردر لمكواة شعر فيلبس من امازون تمنها ٢،٤٣٥ جنيه. الاوردر وصل بعدها بايام ولما فتحته فوجئت ان وصلي مكواة سوكاني اللي تمنها ميجيش نص تمن الفيلبس والاهم من دة انها مش المنتج اللي انا طلبته اصلا. بعت لامازون من خلال الcustomer service على الابليكيشن والموظف رد عليا اني اعمل طلب استرجاع والمندوب هييجي ياخد المنتج والفلوس تتحولي على حسابي. سألته ايه يضمنلي رجوع الفلوس رد وقالي "حضرتك بتتعاملي مع امازون يا فندم اكيد هترجع". الفلوس مجاتليش واتقالي ان طلب الاسترجاع اترفض لاني اديتهم منتج غير اللي جالي!!!!!! وانهم مش هيرجعوا الفلوس الا لو جالهم المنتج الصح!!!! يعني امازون جايبالي منتج غلط وبتقولي ان انا مرجعالهم منتج غلط!!؟ ودة معناه سرقة علني. كلمتهم عشرات المرات وكل مرة موظف يحطني على الانتظار ويرجع يقولي انا بعت للقسم المختص وهيتواصلوا مع حضرتك. ولحد دلوقتي بعد ٥ شهور مش عارفة ارجع فلوسي والغلطة في الاساس غلطتهم. بحذركم من التعامل معاهم وهيتم عمل شكوى في حماية المستهلك عشان ارجع فلوسي.
عرض المصدر
W
World And Egyptian sports News
مجموعات فيسبوك (تعليق)· منذ شهرين تقريبا
★★★★★1.0
شركة نصابه طلبت موبيل جالي جيل وسبراي ومش عايزين يرجعلي ثمن الموبيل 20 الف
عرض المصدر
M
Mohamed Shedeed
مجموعات فيسبوك· منذ شهرين تقريبا
★★★★★2.0
#امازون هو المفروض استنى قد اية عشان فلوسي ترجعلى تحس انهم بيندموك انك عملت استرجاع
عرض المصدر
W
World And Egyptian sports News
مجموعات فيسبوك (تعليق)· منذ شهرين تقريبا
★★★★★1.0
امازون شركة نصابه طلبت موبيل جالي جيل وسبراي ومش عايزين يرجعلي ثمن الموبيل 20 الف
عرض المصدر
العودة إلى صفحة أمازون برايم