يتفرجيتفرج

تقييمات رنين

104 تقييم من المتسوقين (صفحة 5 من 7)

أضف تقييمك

O
Osama N Abd Elrhman
مجموعات فيسبوك·
★★★★★1.0
انا يوم 1/7 عملت عملية شراء من موقع رنين وتم دفع المبللغ من خلاال الفيزا والمفروض ان وقت التوصيل بيكون خلال اربع ايام وطبعا الخميس والجمعة اجازة فكان المفروض بداية الاربع ايام من اول يوم السبت لحد يوم التلات وف خلاال الاربع ايام دول ماحدش اتواصل معايا من الشركة ولا حتي من شركة الشحن وكنت انا كل يوم بتواصل معاهم علشان اشوف حالة الطلب وكل يوم موظف خدمة العملاء كان بيببلغني ان علي مدار اليوم هيتم التواصل معايا من خلاال مندوب شركة الشحن بس مع الاسف ماحدش اتواصل معايا ويوم التلات عملت شكوي بالتأخير والمفروض بيتم الرد عليا فيها ف خلال 48 ساعة ولحد الان لم يتم التواصل معايا ولاا منن رنين ولا من شركة الشحن ولما كلمت خدمة العملاء النههارده قالي انه هيتم التواصل معايا ع مدار اليوم انا بقالي اسبوع بجري وراهم وكل يوم بيتم الرد عليا بنفس الرد ومش عارف اوصل معاهم لحل ولاا حتي حد بيريجني ويديني رد مفيد
عرض المصدر
Y
Yara Abd-elmonem
مجموعات فيسبوك·
★★★★★1.0
اشتريت من رنين شواية ميانتا وغلاية كهرباء تورنادو، الشواية جات حتة منها مكسورة والغلاية طلعت ريحة شياط ودخان الميا كان بيطلع من كل مكان حتى زرار ال on و الoff والbase بتاعه مش ثابت عليها، تواصلت مع رنين رفضوا اني ارجع المنتج، وطلبوا مني اروح انا اعمل تقرير فني ف التوكيل بحجة أنهم موزع مش مُنتِج، مع ان دي اغرب حاجة اتعرضلها واول مرة تقابلني ان يكون فيه مشكلة ف جهاز ويقولي روحي للوكيل هاتيلي تقرير فني، ولو مش عاجبك معلش طالما فتحتيه وجربتيه مقدرش ارجعهولك، طب مانا لازم افتحه واجربه اشوفه شغال ولا لأ وفيه مشكلة ولا لأ!!! وعمال يقولي يا فندم قانون حماية المستهلك بينص إن الحاجة متتفتحش ومتستخدمش، مانا مستخدمتهاش انا مجربتها علشان اتاكد انها شغالة!!!! تجربة سيئة جدا، انا للأسف اشتريت منهم على أساس أنه مكان موثوق، منصحش أي حد يشتري منهم أي حاجة بالذات لو أونلاين ولو عنده حيل وطاقة لمهاترات ومناهدة وخناقات. الحاجة واصلة سيئة وكمان رافضين اني ارجعها مع أنه حقي بشكل كامل!!!
عرض المصدر
M
Mohamed Ali
مجموعات فيسبوك·
★★★★★1.0

يا جماعة خلوا بالكم من فخ عروض رنين الوهمية! اشتريت أوردرين في العرض وقسطتهم مع البنك الأهلي المصري على 18 شهر بإجمالي مبلغ دقيق (31,922 جنيهاً). البنك سحب الفلوس كاملة ورنين قبضت تمن الأجهزة والسلع كاملة. بعد 3 أيام من الطلب اتصل بيا موظف من الإدارة وبيعرض عليا إلغاء الأوردر! ولما رفضت تماماً رد عليا وقالي: 'هو كده كده حد من الإدارة هيكلمك وهيعتبر الأوردر ده ملغي!'. العقد وشروط التعاقد واضحة وهي إن الأوردرات دي تتشحن وتجيلي أونلاين. بعتوا لي امبارح (جزامة) واحدة بس من أصل أوردر يوم 24! بند واحد من أصل 78 بند دافع تمنهم! وسايبين باقي الـ 77 بند محجوزين عندهم! بلاغاتي الرسمية شغالة في جهاز حماية المستهلك. بكتب البوست ده عشان يفضح أسلوب شركة رنين وإدارتها مع عملاء التقسيط.

نُشرت في جروب فيسبوك بتاريخ 3 يوليو 2026، والمنشور الأصلي لم يعد متاحًا.

K
Kħâlêđ Ḿøħšên
مجموعات فيسبوك (تعليق)·
★★★★★1.0
خدمة عملاء زبالة ومماطلين فعلا
عرض المصدر
S
Shahenda Emad
مجموعات فيسبوك (تعليق)·
★★★★★2.0
للاسف خدمة العملاء بتاعتهم مش بتحل حاجة والحن عندهم زفتين
عرض المصدر
M
Merna Ahmed
مجموعات فيسبوك·
★★★★★1.0
تجربتي السيئة والمؤسفة جداً مع شركةرنين Raneen وعرض البلاي ستيشن 5. حابة أحذر الجميع من التعامل مع شركة رنين في الأجهزة الإلكترونية بسبب عدم الالتزام والمماطلة الشديدة في حل مشاكل العملاء. ​تفاصيل المشكلة: اشتريت جهاز (سوني بلاي ستيشن 5 سليم ديسك) من خلال عرض رسمي لشركة رنين ومكتوب فيه بوضوح إنه شامل "ذراع تحكم إضافي"، ودفعنا تمن العرض بالكامل (43,999 جنيه). لما المندوب وصل وسلم الشحنة، فتحنا الكرتونة الخارجية لقيت الجهاز جاي معاه ذراع واحد بس، والذراع الإضافي التاني مش موجود والشركة مأرسلتوش! ​من أول دقيقة تواصلت مع خدمة العملاء لشركة رنين لإبلاغهم بنقص محتويات العرض، ومن ساعتها ومفيش أي رد فعل غير المماطلة وكلمة "جاري التحقيق والرد خلال 48 ساعة" وكل ما الـ 48 ساعة يخلصوا يعيدوا نفس الكلام ومفيش أي مسؤول بيكلمني يحل المشكلة، والجهاز لسه مقفول بحالة الفبريكة ومقدرش أستخدمه! ​الإجراءات الرسمية اللي تم اتخاذها: بسبب استمرار المماطلة وعدم الجدية في الحل، تم تصعيد الموضوع رسمياً للجهات الرقابية وصدرت الأرقام التالية وقيد التحقيق والتحرك حالياً: ​شكوى منظومة الشكاوى الحكومية الموحدة (
عرض المصدر
M
Moha Samy
مجموعات فيسبوك·
★★★★★1.0

طلبت ميكرويف شارب بشواية وصلي من غير شواية. تواصلت مع خدمة العملاء في نفس يوم الاستلام وبعتولي المندوب بعدها ب٣ أيام. تواصلت يوم سحب المنتج ٢٤/٦ قالولي ٥ أيام عمل والفلوس هتترد يوم ١/٧. بعد ١/٧ هنعمل طلب استرداد الفلوس لاقرب فرع ليا وخذوا الرقم القومي واسمي الرباعي والمندوب أداني وصل استلم بيه الفلوس من الفرع. النهاردة ١/٧ والفلوس مرجعتش وبيماطلوا في الوقت وطبعًا بكرة اجازة رسمي والجمعة والسبت عندهم اجازة. منصحش حد بالتعامل معاهم.

نُشرت في جروب فيسبوك بتاريخ 1 يوليو 2026، والمنشور الأصلي لم يعد متاحًا.

أ
أم أدهم شومه
مجموعات فيسبوك (تعليق)·
★★★★★5.0
صراحه محترمين جداً اشتريت من اسبوع أجهزة وبعتوا الفواتير من نفسهم والمعاملة كانت سلسه جداً ومتعاونين
عرض المصدر
M
mostafa elsayedys
مجموعات فيسبوك (تعليق)·
★★★★★2.0
العادي منهم تأخرت الفواتير
عرض المصدر
H
HE BA
مجموعات فيسبوك (تعليق)·
★★★★★2.0
اجهزه عندهم مش كويسه
عرض المصدر
T
Tamer Kira
مجموعات فيسبوك (تعليق)·
★★★★★2.0
منتجات فرز ثالث رنين
عرض المصدر
A
Aya Mohmed
مجموعات فيسبوك (تعليق)·
★★★★★1.0
عندي تجربه مع رنين وعندي مشكله ف غش منتج اشتريته وصفه حاجع والجهاز حاجه
عرض المصدر
K
Kariman K. Eissa
مجموعات فيسبوك (تعليق)·
★★★★★1.0
نفس اللي حصل معايا من سنتين تكييف كارير ولحد النهارده مش مفعله الضمان بسببهم
عرض المصدر
H
Hamdy Hassan
مجموعات فيسبوك (تعليق)·
★★★★★1.0
مكان غير أمين ..
عرض المصدر