0
يتفرجيتفرج

تقييمات رنين

90 تقييم من المتسوقين (صفحة 1 من 5)

أضف تقييمك

H
Hady Aymn
مجموعات فيسبوك· منذ 10 أيام
★★★★★2.0
عندي مشكلة مع شركة رنين. الموضوع ابتدي يوم ٨/٩/٢٠٢٦ طلبت اونلاين تكييف شارب موديل معين و دفعت الفلوس و حجزته و كتبلي التوصيل خلال ٦ ايام عمل. بعد حوالي ٥ ايام لقيت البند نفذ من المخزون. بدات اتابع مع خدمة العملاء وفي كل مرة يقولولي تمام ضغط شغل. يوم ١٩/٩ كلمتهم قالولي حد هيكلمك، فكلمو يوم ٢٠/٩ اخويا و قالوله معلش بومين بالظبط و التكييف يبقي عندك. يوم ٢١/٩ قالولي ضغط معلش بومين كمان، ويوم ٢٢/٩ جالي ايميل ان الاوردر اتلغي. كلمتهم ليه اتلغي؟ عشان مش موجود في المخزون. قالولي معلش و غلطة و هيكلمك حد بكرة. امبارح كلمني حد من خدمة العملاء بيعتذرلي ان البند خلصان و قعد يديني اقتراحات بديلة ارخص وانا رافض. بالصدفة داخل موقع رنين لقيت نفس البند موجود بس غلي ١٠٠٠ ج. رجعت للموظف قلتله البند موجود، قالي لا ي فندم دة بائع اخر بس ممكن نجيبه لحضرتك و تدفع الفرق. قلتله لا يا يجيلي و مدفعش مليم يا اما. الراجل فضل كتير ميردش قلتله النهاردة لو مفيش رد هشتكيكم و فعلا حصل. فلوس الاوردر رجعت ع محفظة رنين يعني لازم اشتري بيها حاجة من عندهم! يعني عد كمان ايام فلوسي لسة عندهم و بيشغلوها. الي حصل حاليا انهم خدو
عرض المصدر
S
Sherwette Sherif
مجموعات فيسبوك (تعليق)· منذ 11 يوم
★★★★★1.0
حصل معايا نفس الموقف ده ب للظبط و في الاخر لغوا الاوردر مع نفسهم و بعد ما ضيعوا وقتي
عرض المصدر
M
Mario Mamdouh
مجموعات فيسبوك· منذ 11 يوم
★★★★★1.0
شركه كبيره زي رنين لتضييع الوقت واسم تجاري المفروض معروف يبقي معندهوش احترام للعميل او للمستهلك ويضيع وقته بعد ما العميل يكون اعتمد ووضع ثقته فيه، بتاريخ 22/08/2026 طلبت اوردر اونلاين ترابيزه تلفيزيون معروضه اونلاين وموضح سياسه الشحن ان بيتم التوصيل خلال 15 يوم عمل، استنيت 20 يوم ملقتش حد اتصل بيا ولا اي حاجه، قولت اتصل بيهم قالولي هنقدم شكوي وفي خلال 48 ساعه هيتم التواصل معاك، استنيت ال 48 ساعه وبالفعل جالي عالواتس ان تم شحن الشحنه وهيتم توصيلها خلال اسبوع واخترت المعاد عالواتس وكله تمام جه وقت الاستلام بعده بيومين قولت اتصل بشركه الشحن اعرف وصلت لحد فين، اتفاجات بيقولولي رنين استلمت الشحنه من شركه الشحن تاني وموضحوش السبب نهائي، اتصلت برنين خدمه العملاء بلغتني ان الشحنه رنين استلمتها وموضحوش السبب ومحدش اتصل بلغني ب ان في مشكله او حاجه وبلغوني اني ممكن اقدم الطلب من اول وجديد واستني 15 يوم تاني مفيش احترافيه مفيش احترام للعميل ولا لوقته مفيش تقدير للعميل بعد ما اعتمد عليه ووضع الثقه في علامه تجاريه كبيره عدم الالتزام بسياسه حمايه حقوق العملاء مخالفه لسياسه الشحن وفقا والموقع الرسمي
عرض المصدر
A
Anonymous participant
مجموعات فيسبوك· منذ 14 يوم
★★★★★1.0
اشتريت موتور مياه من شركة رنين بتاريخ 7/8/2026، وبعد تأخير في التوصيل وصلني المنتج يوم 17/8/2026. بمجرد ما قمت بمعاينة المنتج وتشغيله، اكتشفت إنه مصدي وبينزل مياه وسخة وطينية وسوداء، والمنتج واضح إنه غير صالح للاستخدام. بعد استلام المنتج بحوالي ربع ساعة فقط تواصلت مع شركة رنين وطلبت منهم سحب المنتج وإرجاعه، ومن وقتها وأنا بتواصل معاهم، وتم الاتصال بي أكثر من مرة، ولكن حتى الآن لم يتم سحب المنتج. وبسبب عدم حل المشكلة، اضطررت للجوء إلى جهاز حماية المستهلك، وقمت بعمل شكوى رسمية. بعدها تواصلت معي إدارة الشكاوى في رنين 6 مرات، وفي كل مرة تقريبًا كان يتم إبلاغي بأن المنتج سيتم سحبه خلال 48 ساعة، ولكن للأسف مر الوقت ولم يتم تنفيذ الكلام، ولم يتم سحب المنتج حتى الآن. واليوم 20/9/2026 تواصلت معهم مرة أخرى ووضحت لهم أن المنتج ما زال موجودًا ولم يتم سحبه، وكان الرد بكل وضوح: 'خلي حماية المستهلك تسحبه.' أنا بطرح الموضوع للرأي العام لأن اللي حصل معايا مش مقبول، خصوصًا إن المنتج وصلني بحالة سيئة، وأنا أبلغت الشركة بالمشكلة فورًا، ومع ذلك لم يتم التعامل معها حتى الآن بالشكل المطلوب. قبل ما تتعامل مع
عرض المصدر
S
Silvia Youssef
مجموعات فيسبوك· منذ شهر واحد تقريباً
★★★★★1.0
اشتريت منهم اون لاين جهاز مبرد هواء ب ٤٥٠٠ جم فريش ولما فتحته وجربته لاقيت صوته عالي جدا ومش مناسب للغرض اللي كنت هستخدمه فيه، وبعد استلامي للجهاز عملت طلب استرجاع لما سألوني عن السبب بلغتهم انه مش مناسب ليا لان صوته مرتفع، فاجأوني بردهم وهو بما اني فتحت الجهاز فالاسترجاع هنا لازم يكون من خلال الشركة المصنعة اللي هي شركة فريش واني لازم اكلمهم انا لان ده اعتبروه عيب تصنيع وبالرغم اني بلغت رنين اني انا مش عايزة الجهاز بغض النظر عن اذا كان الصوت العالي ده عيب صناعة او دي طبيعة الجهاز ، الا انهم اصرو ان دي سياسة الشركة في الاسترجاع طالما فتحت الجهاز، علما باني حرفيا مشغلتش الجهاز الا على سبيل التجربة والجهاز زي ما هو وكل تغليفه مازال موجود بحالته. انا عارفة ان قانون حماية المستهلك بيدني الحق في الاسترجاع خلال مدة معينة بغض النظر انا فتحت المنتج او لا ،لاني طبيعي انا هفتح المنتج عشان اجربه ودي حاجة معروفة في التعامل مع اي شركة بتحترم عملائها. لكن واضح ان رنين لسه بتتعامل بسياسة قديمة عفى عليها الزمن لاي شركة عايزة تنجح في الاون لاين، لاني الحقيقة عمري ما مريت بتجربة زي دي في اى منصة اونلاين
عرض المصدر
A
Amira Shehata
مجموعات فيسبوك· منذ شهر واحد تقريباً
★★★★★1.0
تجربة سيئة جدًا مع رنين وXiaomi – من شهر مارس وحتى الآن لم أحصل على مستحقاتي حابّة أحكي تجربتي بالتفصيل، لأن الموضوع بقاله شهور، ويمكن يكون في حد مرّ بنفس المشكلة. اشتريت ساعة Xiaomi من رنين يوم 21 مارس. بعد أقل من أسبوعين فقط، الساعة حصل فيها عطل وباظت. تواصلت مع Xiaomi، وبعد ما عرفت مركز الخدمة في حلوان، روحت وسلمت الساعة هناك. بعد حوالي أسبوعين، تم إبلاغي أن الساعة بها عيب صناعة، وأنه سيتم رد المبلغ المدفوع. انتظرت حوالي أسبوعين آخرين، ثم تواصلت أنا مع Xiaomi للاستفسار عن المبلغ، وطلبوا مني إرسال الفاتورة. تواصلت مع رنين، وأرسلوا لي فاتورة إلكترونية، وقمت بإرسالها إلى Xiaomi. بعد حوالي أسبوعين كمان، تواصلت مع Xiaomi، فتم إبلاغي أن الفاتورة ناقصة ختم، ولازم أرجع لرنين وأختمها، وإلا سيتم رد مبلغ أقل! ومن هنا بدأت المشكلة: 🔴 رنين يقول إن الفاتورة الإلكترونية معترف بها ولا تحتاج إلى ختم. 🔴 Xiaomi ترفض الفاتورة بدون الختم، وتقول إما أختمها من رنين أو سيتم خصم مبلغ من مستحقاتي. وأنا من شهر أبريل تقريبًا وأنا في نفس الدائرة: رنين → Xiaomi → رنين → Xiaomi وحتى الآن لم أحصل عل
عرض المصدر
A
Amira Shehata
مجموعات فيسبوك· منذ شهر واحد تقريباً
★★★★★1.0
تعديل تم التواصل معى من رنين وتم توضيح ان كل الضمانات والفواتير الموثقة من قبل رنين تم استلامها بما فيها الفاتورة الالكترونيه وان كل المشكله والغموض لازالت مع شاومى. تجربة سيئة جدًا مع رنين وXiaomi – من شهر مارس وحتى الآن لم أحصل على مستحقاتي حابّة أحكي تجربتي بالتفصيل، لأن الموضوع بقاله شهور، ويمكن يكون في حد مرّ بنفس المشكلة. اشتريت ساعة Xiaomi من رنين يوم 21 مارس. بعد أقل من أسبوعين فقط، الساعة حصل فيها عطل وباظت. تواصلت مع Xiaomi، وبعد ما عرفت مركز الخدمة في حلوان، روحت وسلمت الساعة هناك. بعد حوالي أسبوعين، تم إبلاغي أن الساعة بها عيب صناعة، وأنه سيتم رد المبلغ المدفوع. انتظرت حوالي أسبوعين آخرين، ثم تواصلت أنا مع Xiaomi للاستفسار عن المبلغ، وطلبوا مني إرسال الفاتورة. تواصلت مع رنين، وأرسلوا لي فاتورة إلكترونية، وقمت بإرسالها إلى Xiaomi. بعد حوالي أسبوعين كمان، تواصلت مع Xiaomi، فتم إبلاغي أن الفاتورة ناقصة ختم، ولازم أرجع لرنين وأختمها، وإلا سيتم رد مبلغ أقل! ومن هنا بدأت المشكلة: 🔴 رنين يقول إن الفاتورة الإلكترونية معترف بها ولا تحتاج إلى ختم. 🔴 Xiaomi ترفض الفاتورة
عرض المصدر
A
AhMed FawZy
مجموعات فيسبوك· منذ شهرين تقريبا
★★★★★1.0
السلام عليكم.. حابب احكي تجربتي مع شركة رنين دوت كوم .. طلبت أوردر كان ماكينة حلاقة باكهرباء vgr ووصل يوم السبت ٨/١ وبعد ما روحت بجربها لقيتها بايظة ف نفس الوقت كلمت خدمة العملاء وعملت طلب استرجاع وتم الاسترجاع يوم الأربعاء ٨/٥ وكلمتهم وطلبت الفلوس تتحول علي حسابي الشخصي مش حسابي علي الموقع وقالوا تمام .. يومين وكلمتهم قالوا الفلوس هتدخل حسابك يوم الاتنين اللي فات كلمتهم تاني امبارح رد عليا حد منهم قالي إن الاربعاء امبارح آخر يوم في تحويل الفلوس وانهم بيعتذروا علي التأخير وهيصعد لي شكوى .. كلمتهم النهارده رد عليا حد منهم طريقة كلامه مستفزة مش عايزني اتكلم بيلحق عليا ف الكلام وقالي الفلوس اتحولت علي حسابك علي الموقع ودا إنا أكدت عليهم ف البداية إن انا عايزها ف حسابي الشخصي مش الموقع وقالي قدامك ٧ أيام عمل علي ما تتحولك .. كمية مماطلة وعدم احترام للعميل وسياسة تزهيق علشان اشترى اي حاجة من عندهم بالفلوس .. ملحوظة الفلوس اتحولت ناقصة .. انا دفعت ٧٣٣ اتحولت ٧٢١ .. تجربة سيئة لا أنصح بيها ألد أعدائي رنين
عرض المصدر
A
AhMed FawZy
مجموعات فيسبوك· منذ شهرين تقريبا
★★★★★1.0
طلبت أوردر كان ماكينة حلاقة باكهرباء vgr ووصل يوم السبت ٨/١ وبعد ما روحت بجربها لقيتها بايظة ف نفس الوقت كلمت خدمة العملاء وعملت طلب استرجاع وتم الاسترجاع يوم الأربعاء ٨/٥ وكلمتهم وطلبت الفلوس تتحول علي حسابي الشخصي مش حسابي علي الموقع وقالوا تمام .. يومين وكلمتهم قالوا الفلوس هتدخل حسابك يوم الاتنين اللي فات كلمتهم تاني امبارح رد عليا حد منهم قالي إن الاربعاء امبارح آخر يوم في تحويل الفلوس وانهم بيعتذروا علي التأخير وهيصعد لي شكوى .. كلمتهم النهارده رد عليا حد منهم طريقة كلامه مستفزة مش عايزني اتكلم بيلحق عليا ف الكلام وقالي الفلوس اتحولت علي حسابك علي الموقع ودا إنا أكدت عليهم ف البداية إن انا عايزها ف حسابي الشخصي مش الموقع وقالي قدامك ٧ أيام عمل علي ما تتحولك .. كمية مماطلة وعدم احترام للعميل وسياسة تزهيق علشان اشترى اي حاجة من عندهم بالفلوس .. ملحوظة الفلوس اتحولت ناقصة .. انا دفعت ٧٣٣ اتحولت ٧٢١ .. تجربة سيئة لا أنصح بيها ألد أعدائي
عرض المصدر
العودة إلى صفحة رنين