يتفرجيتفرج

ألعاب الفيديو

ألعاب إلكترونية ترفيهية

٣٣ متجر، و٤٨ تجربة من المشترين، متوسطها ١٫٥ من ٥.

الأرقام محسوبة من التقييمات المنشورة على يتفرج (تقييمات الأعضاء وتجارب جروبات فيسبوك) وتتحدث كل ساعة.

الأكثر تقييمًا في ألعاب الفيديو

مرتبة حسب عدد التقييمات على يتفرج، وليس حسب الجودة.

كل متاجر الفئة (٣٣)
  1. كنز٢٦ تقييم، متوسط ١٫٥
  2. أمان ستورز٥ تقييم، متوسط ١٫٤
  3. جيمز ورلد إيجيبت٤ تقييم، متوسط ١٫٥
  4. ريد لاين ستورز٢ تقييم، متوسط ١٫٥
  5. ماكس ستور٢ تقييم، متوسط ١٫٠
  6. اكس زون ستورز٢ تقييم، متوسط ٣٫٠

تجارب المشترين في ألعاب الفيديو

من تقييمات الأعضاء وتجارب جروبات فيسبوك، الأحدث أولًا.

تقييم من Abdel Rahman Khaled Elmohandesمجموعات فيسبوك· منذ يومان
★★★★★1.0
اشتريت دراع PlayStation من Gamers Colony بـ 11,219 جنيه، والمفروض إن الدراع عليه ضمان سنة كاملة. بعد أسبوعين أو 3 أسابيع بس من الاستخدام، ظهرت مشكلة في زراير L1 وL2. فروحت سلمت الدراع للصيانة. اتفاجئت إنهم بيقولولي إن الدراع وقع مني وإن ده سوء استخدام، مع إن والله العظيم الدراع عمره ما وقع مني. بعد كده قالولي إنهم هيغيروا القطعة. بعد حوالي أسبوعين والدراع عندهم، اتفاجئت إنهم بيقولولي إن القطعة مش متوفرة، ومش عارفين هتيجي إمتى، وإن الأفضل أروح أستلم الدراع زي ما هو وأستنى. يعني أنا دافع 11 ألف جنيه في دراع، استخدمته أسبوعين أو 3، وبعد كده قعد أسبوعين في الصيانة، وفي الآخر أستلمه بايظ وأفضل مستني من غير ما أعرف المشكلة هتتحل إمتى؟ الموضوع مش بس في العطل، الموضوع كمان في طريقة التعامل والردود، وإن أنا اللي كل شوية لازم أسأل وأتابع. أنا مش طالب أي حاجة غير حقي، يا إما الدراع يتبدل بواحد جديد سليم، يا إما أسترد الـ11,219 جنيه اللي دفعتهم.
عرض المصدر
تقييم من Rania Mahmoudمجموعات فيسبوك· منذ شهرين تقريبا
★★★★★1.0
انا اشتريت ايربودز soundcore liberty 5 pro من المكان دا يوم 29/8 اول امبارح يعني من يومين بالظبط وعشان هدية معرفتش أجربها ف المكان قبل ما امشي ولما رجعنا البيت وجربناها ف نفس اليوم لقينا فيها 3 عيوب اولا صوت المكالمات فيها بيقطع تاني حاجة الغطا بتاع ال case مفتوح نسيبا لدرجة انه بيبقا conected بالفون وهو باين انه مقفول لكن لما بحركه بلاقيه مفتوح لوحده يعني عيب صناعه ف المقام الاول او اتفتح واتقفل كتير عشان كدا بقا ناعم جدا ومبيقفلش كويس ودي مصيبة ف حد ذاتها انهم يعرضوا حاجة فيها مشكلة او مستعمله للبيع + مشكله الغطا دا انه بيخلص بطارية السماعه من غير ما استخدمها بيستهلكها لانها بتتوصل بالفون تلقائي حتي وهي مقفولة قولت بردو هديها فرصة تانيه هشحنها طول الليل واجرب تاني موضوع صوت المكالمات مرة واتنين وتلاته وف اماكن مختلفة لقيت نفس المشكلة لا هي مشكلة شبكة ولا مشكلة بطارية امبارح رجعنا المكان المحترم دا @ xpres فرع النخيل ف خلال 24 عشان نستبدلها او نرجعها لقينا رفض تام من الشخص اللي اشتريناها منه وبيطلب مننا نروح توكيل اتصال لانه واخد توكيل ساوند كور طيب انا مالي ومال اتصال انا اشتريت
عرض المصدر
تقييم من ممدوح شعبانمجموعات فيسبوك· منذ شهرين تقريبا
★★★★★1.0
عندي مشكله مع شركه امان للتمويل أنا كنت شاري تليفون من دريم 2000 ومقسطه عن طريق تطبيق أمان لمدة 18 شهر، وكان القسط الشهري 650 جنيه، ومفروض إن شهر 9 ده آخر شهر ليا في الأقساط. لما جيت أدفع قسط الشهر، فوجئت إن المطلوب مني 1500 جنيه بدل 650. دخلت على تطبيق أمان أشوف إيه اللي حصل، لقيت مضاف عليا 750 جنيه، وكمان ظاهر إن عليا أقساط لمدة سنة كاملة بقيمة 750 جنيه شهريًا لحاجة أنا ماشتريتهاش أصلًا ولا أعرف عنها أي حاجة. والأهم إن مفيش أي عملية شراء جديدة ظاهرة على تطبيق أمان أصلًا بعد عملية التليفون اللي كنت شاريه، يعني مفيش أي تفاصيل أو فاتورة أو عملية جديدة أقدر أشوفها أو أعرف اتعملت إزاي. تواصلت مع أمان وعملت شكوى، لكن الرد كان إن الـOTP الخاص بالعملية تم إرساله على رقم موبايلي، وبالتالي بيعتبروا إن العملية تمت بشكل صحيح. المشكلة إن أنا أصلًا ماجاليش أي OTP، ولا استلمت أي كود، ولا شاركت أي OTP مع أي شخص نهائيًا. وطلبت منهم بيانات العملية عشان أعرف: - العملية اتعملت إمتى؟ - اشتريت إيه؟ - المبلغ كام؟ - اتعملت منين؟ - رقم العملية أو العقد إيه؟ لكن مش عايزين يدوني أي بيانات واضحة عن
عرض المصدر