يتفرجيتفرج

تقييمات ڤالو

22 تقييم من المتسوقين (صفحة 1 من 2)

أضف تقييمك

M
Mohamed Ahmed
مجموعات فيسبوك· منذ 7 أيام
★★★★★1.0
اشتريت منتج من نون بتقسيط مع فاليو حيث تم الاتفاق على تقسيط مبلغ إجمالي 15000 جنيه عبر عرض (0% فوائد و0% مصاريف ،0% مقدم ) لمدة 12 شهراً بقسط شهري ثابت قدره 1250 جنيه وقد تأكدت من هذا العرض من خلال مكالماتي مع ممثلي خدمة العملاء معهم ومعي تسجيل صوتي لأحد ممثلي خدمة عملاء فاليو يؤكد لي أن العرض متاح وان خطواتي صح وناجحة وهي غلطه في السيستم وهتتعدل، وهو ما تؤكده صور العرض الأصلي والبيانات الموثقة لدي. فوجئت لاحقاً بصدور كشف الحساب بقسط شهري قدره 1512 جنيه، بزيادة إجمالية قدرها 3144 جنيه غير متفق عليها ودون إخطار مسبق. وقد أخطرت الشركه بالمشكله وكان الرد أكثر من مره لا يوجد عرض في هذه الايام الثلاثه رغم كل الاثباتات وانا اشتريت يوم ١٦/١٠ ... رقم الشكوي التي لم يرد أحد منهم عليه الي الان 2852619 وكانت يوم ٢٠/١٠ وقالولي هيردوا عليه خلال ٧٢ ساعه .. حسبي الله ونعم الوكيل انا هشتكي حماية المستهلك ومش هسيب حقي بس قولت احذر الناس منهم ومن التعامل معاهم واحكي تجربتي اول مره معاهم.
عرض المصدر
M
Mőháméd Ńágý
مجموعات فيسبوك· منذ 13 يوم
★★★★★1.0
السلام عليكم عندي مشكلة مع فاليو طلبت من دبي فون يوم ١٦ سبتمبر في عرض الكاش باك 100% اوردر بمبلغ 1999 وتم نزول كاش باك وقمت بطلب نفس المنتج مرة ثانية من الكاش باك يوم 17 سبتمبر وقامت فاليو باضافة 10 % فايدة واصبح سعر المنتج الثاني 2198 بعد إضافة الفائدة وتم نزول كاش باك بقيمة 199 قمت بالشراء به منتج آخر بقيمة 163 جنيه وعند شحن المنتجات تفاجأت ان هناك مصاريف سوف تدفع بقيمة ٤٠٠ جنيه تقريبا فرفضت استلام المنتجات الثلاث وتواصلت مع دبي فون لاغاء الاوردات وارجاع المبالغ لحسابي بفاليو وبالفعل دبي فون ارسلت لي ارقام الريفوند للثلاث منتجات ولاكن فاليو قامت بارجاع قيمة العملية الاولي والتي كانت بتاريخ ١٦ سبتمبر بقيمة ١٩٩٩ وارجاع قيمة العملية الثالثة والتي كانت بتاريخ ١٧ سبتمبر بقيمة ١٦٣ ولم تقم بارجاع العملية الثانية والتي كانت بتاريخ ١٧ سبتمبر بقيمة 2198 ومنذ نهاية سبمبر حتي الان اتواصل مع خدمة العملاء بفاليو واقوم بتقديم شكاوي ولم يتم حل المشكلة حتي بعد ارسالي ارقام الريفوند المرسلة لي عن طريق دبي فون عبر الايميل محتاج حد يحللي مشكلتي عشان مدفعش مبلغ لحاجة انا لم استخدمها Valu
عرض المصدر
A
Aliaa Habib
مجموعات فيسبوك· منذ 28 يوم
★★★★★1.0
زوجي كان عنده حساب علي فاليو اتصلوا بيه من بنك نيكست احنا هننزل لحضرتك فيزا فاليو تبع بنك نيكست وطبعا كانت مكالمه كلها زوق واحترام وجر رجل المهم زوجي استلم الفيزا وفضلوا متابعين معاه لحد ما فعلها ونزلوله ليمت 10 الاف جنية قالوله تقدر تحسبهم وتدفعهم تاني قبل اخر الشهر بدون اي فوايد تمام ف سحبناهم بالفعل و قبل المعاد بيومين عملنا إيداع بالمبلغ المسحوب و وصلت رسالة أن تم السداد وكلمنا خدمه عملاء بنك نيكست نتأكد أننا كده مش علينا اي حاجة كلمنا موظف أن تم السداد بالكامل ومفيش علينا اي مديونية جه الشهر الي وراه زوجي اتفاجئ أنه جيله رسالة من بنك نيكست أنه يسدد 55 جنية اتصل بخدمة العملاء مرة تانيه قالوله لا يا فندم حضرتك مفيش عليك مديونية واي رسائل تجيلك تجاهلها المهم فضل كل شهر ال 50 جنية دي تتضاعف وهو بالفعل تجاهل الرسايل زي الموظف ما قاله يتفاجئ الشهر ده أنهم عاملينله مشكلة في الايسكور وكاتبين أنه متأخر ف سداد 34 قسط قيمة القسط الواحد 50 ج طبعا كتوتال مبلغ دي كده سرقة علني و حسبي الله ونعم الوكيل و لسه هنعمل شكوي ف حماية المستهلك وبحذر اي حد من التعامل مع شوية الحرامية والنصايين دول
عرض المصدر
M
Muhammad H. Gabry
مجموعات فيسبوك· منذ 3 أشهر
★★★★★1.0
السلام عليكم دلوقتي انا عملت عملية شراء من فاليو من ابلكيشن اونلاين برا مصر "تيمو" عملتها شهر واحد والعملية كانت مستحقة عليا يوم ١/٧ دفعتها كلها والعملية اتقفلت ، في بعض الحاجات رجعتها والمفروض أن الابلكيشن " تيمو " رجعلي الفلوس وبعتولي سكرين شوت بيثبت ده ، بكلم فاليو بيقولولي العملية اتقفلت ومش هينفع الفلوس ترجع ، طيب ي جماعة ايه الحل الفلوس راحت عليا ، للاسف يافندم العملية اتقفلت ارجع للتاجر وقوله يبعتلك على وسيلة دفع تانية ، رجعت للتاجر وهو برا مصر يعني مش هنا اقدر اروحله واتكلم معاه ، قالي الفلوس بترجع على نفس وسيلة الدفع فقط و ده حقهم والمتعارف عليه اصلا .. رجعت لفاليو قالوا للاسف العملية اتقفلت والليمت بتاعك بقا كامل ، طيب لو مشكلة ليمت هعمل اي عملية شراء وافضي كمان ف الليمت قالوا ماشي ، عملت كده ورجعتلهم ، نفس الكلام العملية اتقفلت ومفيش فلوس هترجع .. - نزلت بوست على جروب خاص بيهم تواصل معايا حد تبعهم بالاكونت بتاعه عادي زي م واضح ف السكرين شوتس الموجودة ، وقالي المشكلة دلوقتي مع فوري واحنا بنتابع معاهم.. - طبعا ده من يوم ٦/٧ ، بس المشكلة اصلا من قبل كده من يوم ٢٧/٦ .. -
عرض المصدر
M
Muhammad H. Gabry
مجموعات فيسبوك· منذ 3 أشهر
★★★★★1.0
عملت عملية شراء من فاليو عبر تطبيق تيمو. دفعتها بالكامل، وتم إغلاق العملية. قمت بإرجاع بعض المنتجات، ومن المفترض أن تيمو تعيد لي الأموال. فاليو يقولون العملية اتقفلت ولن تعود الأموال. التاجر (برا مصر) يقول الأموال تعود لنفس وسيلة الدفع. كلما اتصلت بخدمة العملاء يقولون نفس الكلام: العملية اتقفلت ومفيش فلوس هترجع. نزلت بوست على جروبهم، فتتبع معي أحدهم على الماسنجر وقال المشكلة مع فوري وبيتابعوا معاهم. هذا من يوم ٦/٧، والمشكلة بدأت من ٢٧/٦. الشخص على الماسنجر يرد كل عدة أيام بنفس الرد وأخيرًا قال أتابع مع خدمة العملاء. خدمة العملاء تضعني على الانتظار ثم تعيد نفس الرد. طلبت التكلم مع مسئول، ووعدوني بالرد خلال ٧٢ ساعة، لكن لا أحد تابع. لا يمكن تقديم طلب جديد لأن هناك طلب مفتوح من ٢٧/٦. الموضوع أصبح شهر ولدي أموال مستحقة. الرد واحد دائمًا ولا يوجد جديد. مكالمات كثيرة وحرقة دم.
عرض المصدر
العودة إلى صفحة ڤالو