يتفرجيتفرج

تقييمات طلبات

371 تقييم من المتسوقين (صفحة 22 من 22)

أضف تقييمك

J
Jojiita Ahmed
مجموعات فيسبوك·
★★★★★2.0
انا طلبت اوردر من طلبات Talabat من Cilantro طلبت 6 درينكات و 2 براونيز ودفعت بالفيزا على الابلكيشن وصلي فقط 5 درينجات والبراونيز فا عملت شكوى على ابلكيشن طلبات ساعتها ردوا قالولي ان هيتم عمل refund في خلال نص ساعه و متبعتليش حاجه كلمت خدمه العملاء بعد كدا قالولي مش هنقدر نعملك حاجه لأن المختصين قالوا كدا قالوا ان فلوس الاوردر مترجعليش اللي انا مستلمتوش اصلا كلمتهم تاني وطلبت تصعيد الشكوى لأنه لما كلمت شخص تاني قالي نفس الكلام بعدما تم تصعيد الشكوى بيتصل بيا بيقولي نفس الكلام بقوله انا عامله تصعيد عشان اكلم حد من المسؤلين مش عشان agent يكلمني زي اللي قبلهم قالي لا انا مش agent انا اعلى وبتاع فالاول وفالاخر قولتله انا عاوزة مسؤول مش agent يقولي نفس كلام المختصين اللي ولا رجعلي فلوسي ولا بدلولي الاوردر و بيقولي نعتذر وده مش هيتكرر تاني بقوله الاعتذار مش مقبول لاني لا اخدت فلوسي ولا حد حللي مشكلتي و المكالمه دي كأنها مجاتليش لان الموضوع متحلش لأن ده حقي بعيدا عن انه مبلغ صغير بس ده حقي وحتى الان مجاليش فلوس وكل اللي عملوه انهم اعتذروا ان ده ميتكررش تاني وطبعا الاعتذار مش هيرجعلي فلوسي
عرض المصدر
S
Sheren Faris
مجموعات فيسبوك·
★★★★★2.0

انا بجد قرفت من طلبات ومن كتر الشكاوي عليه ومبقتش فاهمة هو ليه كمية البجاحة والاستحقاقية في التعامل رغم ان كذا مرة يحصل كذا حاجة ويحلوا للامانة لكن المرة دي انا مش فاهمة هما ازاي معدومين الادارة كدة طلبت اوردر من مطعم يوم 16/4 والاوردر جه بايظ ومقرف وكلمتهم وقالولي خلاص هنرجعلك الفلوس خلال ٧ ايام عمل على البنك وبعتوا حد من المطعم اخد الاوردر مني طبعًا ولا اي حاجة ومرة لا ارجعي للبنك .. مرة لا خلال ١٨ يوم .. واخر مرة وحدة قمة الاستفزاز كان ردها عليا ان يوم التلات قولتلها ده يوم وقفة واكيد وقتها هتقولوا لي اجازة وانا مش ذنبي استنى تاني قالتلي ده اللي عندنا مفيش بعدها ع طول اتسحب من فيزا بابا اللي مستجلة عندي اشتراك طلبات برو طب ياجماعة انا معملتهوش وحتى متعملش عندي مثلًا رغم ان الفلوس اتسحبت لا اصل هي البطاقه محطوطة على اكونت قديم عندك !!!! طب انا محتاجة الغي بردو مفيش ردود طبعًا انا عاملة كذا شكوى لاجل الاستفزاز مش الفلوس بس مش عارفة اجيبها سكرين لانهم لغوا اصلًا اني اشتكي او اني ادوس على ( احصل على مساعدة ) غالبًا صدعتهم اني بطالب بحقي ومعندهمش رقم خدمة عملاء الواحد يتواصل من عليه داير

نُشرت في جروب فيسبوك بتاريخ 4 يونيو 2026، والمنشور الأصلي لم يعد متاحًا.

A
Abdemanaf Shabbir
مجموعات فيسبوك·
★★★★★2.0
النهارده كنت بفتح Talabat أطلب غدا، ولقيت عرض من Willy’s عبارة عن: 3 برجر، كل واحد 140 جرام + مشروب أو بطاطس. العرض كان مكتوب عليه إنه Special Offer، والسعر بدل 762 جنيه بقى 449 جنيه، وده طبعًا من غير مصاريف توصيل. قبل ما أكمّل الطلب، قلت أتصل بالمطعم أتأكد، خصوصًا إن وقت التوصيل على Talabat كان ظاهر حوالي 60 دقيقة. اتفاجئت إن نفس العرض بالضبط موجود عند المطعم مباشرة بسعر: 335 جنيه شامل الضريبة وكل الرسوم. يعني ببساطة، Talabat مزوّد على نفس العرض 114 جنيه. ده معناه تقريبًا 34% زيادة فوق سعر المطعم الأصلي. والأغرب من كده إن Talabat كمان بيضيف 8 جنيه Service Fee، رغم إني مشترك في Talabat Pro، وده اشتراك مدفوع أصلًا، والمفروض من خلاله التوصيل يبقى مجاني. وفي الآخر، رغم 'التوصيل المجاني' واشتراك Pro، التكلفة الإجمالية على Talabat طالعة أعلى من المطعم بحوالي 72 جنيه. ده مش موقف فردي. أنا شخصيًا قابلت نفس الفكرة أكتر من مرة مع Talabat، وبدأ الموضوع يبقى واضح جدًا إن الأسعار على التطبيق في حالات كتير أعلى بفرق كبير عن السعر المباشر من المطعم. Talabat محتاج يراجع سياسة التسعير والرسوم بوضوح وش
عرض المصدر
S
Samar Radwan
مجموعات فيسبوك·
★★★★★2.0

طلبات TALABAT application قذر و زباله و كل الشغالين بيه ناس مش محترمه ولا ليهم كلمه من اصغر واحد لأكبر واحد الواحد متربي و صبور لأقصي درجه و أنا المفروض مكنتش من يومها استني عليهم ساعتين مش ٣ ايام حاجه قمه بقله الادب و الذوق و عدم الاحترام … جاتلي بالمنظر ده و من يومها لحد انهارده مماطله و ٩٠ الف واحد اعمل معاه chat و يكلمني و ناس محترمه و ناس قليله الادب و تضحك و كل ده علشان قولت فلوسي زي ما ادفعت كاش تجيلي كاش مش علي talabt pay بس علشان هما كده من الاول أنا مكنش المفروض اصبر عليهم حتي لما استاذه هايدي اتكلمت معايا يوم الاحد و هي المديره المفروض مكنتش المفروض ابقي محترمه و اسمعها و استني كل شويه ٢٤ ساعه ٢٤ ساعه من يومها و ٦٢٨٢٩٢٩ الف شكوي اترفعت و حاجه سافله علشان كل ده مش عارفين يطلعوا سواق يجيبلي ٤٠٠ جنيه كاش غلطانين من فوق لتحت و كمان بجحه و كمان سايبين العميل هو الي يجري ورا فلوسه معرفش اكيد بيتسجل كام مره اتكلمت و كام مره جالس تليفون و كام مره عملت chat معرفش بقي بيتسجل عندهم ولا هما شغالين باي سيستم بالطابونه دي الي قاعدين بيها application وحياه ربنا اقل ما يقال عليه انه من تحت

نُشرت في جروب فيسبوك بتاريخ 26 مايو 2026، والمنشور الأصلي لم يعد متاحًا.

N
Nourhanne Abusamra
مجموعات فيسبوك·
★★★★★2.0

Talabat Nestlé Bonjorno Café الكيس مطحون جواه جير و طلبات طبعا رفضو يرجعو المنتج لانه عدا يومين محتاجة حد يقولي اقدم شكوي ازاي في حماية المستهلك

نُشرت في جروب فيسبوك بتاريخ 25 مايو 2026، والمنشور الأصلي لم يعد متاحًا.

M
Mohammad Yasser
مجموعات فيسبوك·
★★★★★2.0
Talabat موظف فاشل وقليل الذوق في طلبات مصر بيتصل بيا بعد ساعة من الأوردر يقول لي هانلغي الأوردر عشان هو اتصل بالمطعم مرتين ماردوش عليه عشان يحل مشكلة بين المطعم وطيار طلبات ال صندوقه مليان ومافيهوش مكان للأوردر بتاعي. الموظف لغى الأوردر بعد ما كان جاهز وجالي سبب الإلغاء على التطبيق ان المطعم ماكانش مجهز الأوردر! مافيش مكان على التطبيق أقدم الشكوى لأن الشكوى الوحيدة المتاحة في التطبيق هي بخصوص استرجاع المبلغ، ولا متاح إني اتصل بيهم فما سابوليش مخرج غير السوشيال ميديا. فشل ذريع من طلبات مصر! ماستفادتش حاجة لما رجعولي الفلوس والأكل ماجاش بعد ساعة انتظار والطلب جاهز في المطعم. فشل ذريع في تقديم الخدمة، شغلتهم التوصيل، المطعم عمل ال عليه وجهز الأوردر. والموظف ال اتصل بيا يبلغني انه هايلغي الأوردر لا يصلح انه يتواصل مع العملا. لما بيرجعولي الفلوس دا مش تعويض ولا حل للمشكلة، المشكلة مش في الفلوس المشكلة في فشل تقديم الخدمة.
عرض المصدر
M
Mohamed Walaa Abdelaziz
مجموعات فيسبوك·
★★★★★2.0

عشان نشوف اخرتها مع Talabt و قرفهم دلوقتي انا بستخدم طلبات كل يوم بدون مبالغة و عندي واحد صاحبي طلب اوردر من تليفونه و هو مش مصري و متابعين الاوردر كل شوية لغاية ما المندوب وصل. و الكلام ده بعد ساعة و ربع انتظار. مره واحدة الاوردر اتلغي من الباشا المندوب ليه عشان التليفون مش عارف يكلمه لان صذيقي حاطط نمرته الاجنبية بالغلط. طيب نبص علي العنوان و نسأل طيب نستني اكلمك لا لا انا هكنسل اوردرك و اكدر الي جابوك. نيجي بقي للعبقري في خدمة العملاء و بيوريكوا أد ايه انت كا شخص ولا فارق حتي لو زبون دايم ولا زفت. الباشا بيقوله الراجل بره هات نمرته و خليه يكلم النمرة ديه و يديني الاكل . يقولي الاوردر اتكنسل و عملتلك رد للفلوس علي محفظة طلبات اعمل اوردر تاني و هيجيلك في اسرع وقت! لا يا شيخ يعني عايزني استني ساعة تانية و مش عايز تحل و الله حلفت ما هعدي الموضوع ده لان ديه مش اول مرة ولا اخر مره خدمة عملاء طلبات زفت تعمل كده. و علي فكرة عشان محدش يقولي اتقي الله و اعمل اوردر تاني المطعم قلب مشغول فا حتي الاوردر مش عارف اعمله تاني! Talabat

نُشرت في جروب فيسبوك بتاريخ 25 مايو 2026، والمنشور الأصلي لم يعد متاحًا.

A
Amr H. Elkosairy
مجموعات فيسبوك·
★★★★★2.0
من ٣ أيام طلبت أوردر أكل (بيتزا) من طلبات، الاوردر اقبل و اداني من ٢٥ إلي ٤٥ دقيقة لحد ما يوصلني. بعد أكتر من ساعة اتواصلت مع ال chat بتاع طلبات أسأل فين الاورد خصوصا أنه كان كان جاهز في الفرع و منتظر دليفري... قالي هاستعجلة لحضرتك... قفلنا الشأن و استنيت حوالي نص ساعة كمان و بعدين لقيت جالي أشعار بيقول order cancelled! اتلغي! بعد كل الانتظار ده... كلمتهم على ال chat تاني اسألهم ليه قالولي أكثر سبب سمج و بايخ سمعته في حياتي، " أصل مافيش دليفري رضي يقبل الاورد فا محبناش ناخرك أكتر من كدة!!! طلبت اتحول لمكالمة (بدل شد chat) مع supervisor و ده طبيعي و في أي خدمة عملاء تحترم نفسها، علشان أفهم ليه ماحدش كلمني قالي "الاوردر جاهز بس مافيش دليفري يجيبه٫ تحب حضرتك نلغية؟ " بما أن الاورد جاهز في الفرع كان ممكن انا أنزل اجيبة عادي، بس هما قرروا بالنيابة عني ان ابني ماياكلش في اليوم ده! طلبت كذا مرة escalation و حد يكلمني ماحدش عبرني، عملت شكوى و طلبت حد يتكلم تخيلوا عملوا ايه؟ بقوا يتصلوا و أول ما ورد يقفلوا السكة في وشي! علشان بس يتسجل أنهم اتصلوا؟!! دي اسواء خدمة عملاء شقتها في حياتي.
عرض المصدر
B
Bassem Saad
مجموعات فيسبوك·
★★★★★2.0

لما تبقا عايش في بيت وتلاقي نفسك فجأة عايش في موقف بفضل شركة طلبات... المشكلة الاساسية انهم بيشغلو المكنة جوا مدخل البيت... كلاكسات مواتر انذارات بوابة تفتح وتقفل في مقر الشركة الجديدة الي ظهرت في بيت سكني في الحي السكني بفضل شركة طلبات Talabat

نُشرت في جروب فيسبوك بتاريخ 22 مايو 2026، والمنشور الأصلي لم يعد متاحًا.

E
El Sokhna Vacation
مجموعات فيسبوك·
★★★★★2.0

طلبات مارت وتحويره جديده وتشغيل دماغ خلي بالكم منها بيحسبلك الخصم علي قطعه واحده بس والتحويره انهم كاتبين بره خالص الخصم مره واحده للمنتج علشان تتفهم انك مينفعش تطلب اوردر تاني مش كتبين مثلا الخصم علي اول قطعة فقط علشان الناس تاخد بالها وفي الاخر خدمه العملاء مش راضيين يرجعو الاوردر حتى لو انا ادفع التوصيل وبيتكلمو ببرود ومش عايزين يحلو المشكله وللعلم ناس كتير منزله شكوى في اكثر من جروب علي نفس المشكله وانا مخدتش بالي غير بعد ماطلبت من بوست كان نازل وخدمه العملاء معندهمش رد غير مينفعش نرجع الاوردر دا غير طبعا طلبات العادي اللي مغلي في كل حاجة جوه عن سعر المطعم بمبلغ كبير والخدمة والتوصيل اكتر من دليفري المطعم نفسة كان زمان ابلكيشن محترم اول ما بدء لكن حاليا بقى استغلال وتشغيل دماغ للمكسب فقط

نُشرت في جروب فيسبوك بتاريخ 9 مايو 2026، والمنشور الأصلي لم يعد متاحًا.

ا
احمد
واتساب·
★★★★★5.0

سيئ جداا