اسوء منتجات راش براش عن تجربه بلاش

جوزى جابلى جهاز هديه من راش براش. فتحته لقيته بيطلع هوا ضعيف جدا مش بيطير ورقه مقارنتا بجهاز سوكانى إلى منتجاته رخيصه جدا. لقيت ريفيوهات زى الزفت و ان الفرشه بتسيح بسرعه جدا ف كلمتهم. قالولى ان مفيش ترجيع و لا تبديل طالما الجهاز اتفتح مع انى طلبت يعملوا معاينه و يتأكدوا انى مفتحتش اى قطعه و بعدين يبقو يرجعوا الفلوس. الجهاز حتى مبينشفش الشعر. قالولى هنبعت حد ياخده يكشف عليه، و بالفعل حد جه خده و رجعه بعدها بيوم و قالولى مفيش اى مشكله فنيه و هو كده. معتقدش انه لحق راح اسكندريه و رجع و اتكشف عليه و كمان راجعلى ناقص قطع. جهاز عاملين عليه إعلانات جباره و هو ملوش اى لزمه و الله ما بينشف حتى الشعر. قدمت بلاغ ف حمايه المستهلك. عاوزه بس اعرف الناس أنها شركه نصابه و المنتجات مبقتش زى زمان خالص.

تجربة سيئة جدا. اشتريت فرشة من حوالي ثلاث سنين وبدأت تطلع شياط ودخان وتتحرق. اشتريت واحدة تانية من حوالي سنة وباظت بنفس الطريقة بس السنون ساحت ودخان بطريقة صعبة. تواصلت معاهم، معاملة سيئة، مفيش حد بيحل مشكلتي. بعد ما دخلت حماية المستهلك، بعتوا اخدوا الفرشتين ووعدوا يصلحوهم في خلال اسبوع. مضي اسبوع وأكتر، ولما تواصلت تاني قالوا سوء استخدام واطلب دفع حقها، وقالوا قطع الغيار هتتوفر اول شهر ٨. الحراميه سرقوا الفرشه اللي ملهاش قطع غيار وإصدار قديم، رجعوا واحدة وسرقوا التانية. دي أسوأ شركة ممكن يتعامل معاها. المندوب جاي يستلم الفرشتين ومدهاش اي فاتورة استلام.