تكييف LG حاليا التكييف ده من سنه تقريبا واشتغل بس لمده ٣ شهور الصيف والفنى اللى ركب الجهاز ماقفلش مكان خروج خراطيم الفريون والصرف وطبعا ده خلى التراب يدخل ع التكييف بالكميه دى واللى ممكن يتسبب بمشكله فيه. وطالبين ادفع حوالى الف جنيه. فعليا تجربه سيئه التعامل معاهم.

عندى تجربة سيئة جدا مع شركة LG Global اشتريت لوالدتى تكييف انفرتر من خلال الويب سايت بتاعهم يوم ٥ مايو وتم استلام التكييف وتركيبه يوم ١٣ مايو، الفنى اللى ركب الجهاز ركبه غلط واستسهل وأصر انه يركب الوحدة الخارجية على حامل قديم كان على الحيطة اصغر من حجم الوحدة وقال انه امان ومفيش مشاكل.. اتقاجئت بعد ما الفنى مشي ان الجهاز بيعمل صوت زنة فظيعة جدا بسبب ان الوحدة مايلة لورا فبتتهز جامد وكانت ضاغطة على المواسير. كلمت الشركة وسجلت شكوى وبعتو فنى تانى يوم ١٦ مايو حاول يعالج مشكلة الفنى الأولانى وللأسف الفنى الجديد عمل مشكلة جديدة ادت لتسريب الفريون والفاكيوم وبالتالى مفيش تبريد.. عملت شكوى تانية وبعتوا فنى تالت يوم ١٨ مايو قال ان المواسير محتاجة تتصلح ومحتاجة فاكيوم وشحن فريون. كل ده فى جهاز مكملش ايام، تواصلت مع الشركة وطلبت استبدال الجهاز لكن الشركة واضح ان فى تعنت من ناحيتهم وبيقولوا الاوبشن المتاح حاليا الصيانة فقط، وتم تصعيد الأمر وعمل شكوى جديدة فى جهاز حماية المستهلك برقم 584569

كنا خدنا غسالة أطباق منه و طلعت بايظة و رجعناها تاني و مدير الفرع طلع راجل محترم و تعاون معنا لإرجاع الفلوس تاني لكن لحد دلوقت لم تسترد الفلوس و في الانتظار 😒😒