محدش يشترى حاجة من فريش و متغركوش خدمة ما بعد البيع علشان مش موجودة. بقالى سنة فى المشكلة ديه و مش لاقى حل. اشتريت تكييف فريش ٢.٢٥ حصان بلازما تربو ب ٣٢الف و من ساعتها فيه زى ريحة مجارى خارجة منه. فكلمت التوكيل اكتر من مرة، الفنى ييجى يغسل و يقولى البيرفيوم الى بتحطه او ان مفيش ريحة. غسلوه بالكيماوى و مفيش فايدة. كلمت حماية المستهلك و عملت شكوى و معملوش حاجة. حرفيا مبقتش اشغل التكييف من كتر بشاعه الريحة. دافع ٣٢الف علشان قفله. نصيحة روح للغالى و بلاش فريش نهائى علشان تحافظ على فلوسك. انا هفضحهم و مش هسيب حقى.

عندي بلاقي مياه تحتها

عاوزه حل للمشكله دي عندي تلاجه ماركة فريش_Freesh جبتها في اخر سنه2022 ومن ساعتها وانا بعاني معاها ومع الصيانه حرفيا كل شهر بيجي حد زياره يصلحها وبردو بتبوظ تاني بطلب منهم حل جذري بيبعتو حد من الصيانه يكب مايه سخنه ف الفريزر ويقولي دا كدا الحل انا بجد تعبت من الشركة دي وفلوس ف الارض التلاجه غاليه مش رخيصه والمفروض انها ب نظام نوفروست يعني بتتخلص من التلج ودافعين فلوس اكتر عشان النظام دا لحد دلوقتي بقالنا ٣ سنين بنعاني وحرفيا الفريزر بتاعها عمره ما اشتغل والصيانه لما بيجي بيقولي متحطيش حاجه فيه هو انا حايبه تلاحه بفريز عشان مستخدمهوش والتلاجه مش بتبرد شركة فريش بلاك لييست وحاسه بالندم بالتجربه السئيه دي عاوزه حل جذررري للمشكله وياريت لو حد عنده تلاحه زي دي يقولي هل المشاكل دي بتحصل هعاه ولا لا واي الحل معاهم جهاز حماية المستهلك المصري FRESH فريش