يتفرجيتفرج

تقييمات إيكوماتيك

75 تقييم من المتسوقين (صفحة 1 من 4)

أضف تقييمك

R
Radwa El-Sokary
مجموعات فيسبوك· منذ شهران
★★★★★1.0
ايكوماتيك اسوء شركة ممكن تتعامل معاهل وخدمة عملاء زيرووو عندي للاسف شفاط بتاعهم ومن اول ما جبته حصل فيه مشكلة ان الكلبسات اللي ماسكة الوش الخارجي ساحت لانها بلاستيك، معرفش ازاي بلاستيك وهو فوق البوتجاز مباشرة وبيتعرض لحرارة عالية طبيعي تسيح. كلمتهم وبعتولي غيرها مكملتش اسبوع وحصل نفس المشكلة. كلمتهم وعملت مشكلة وطلبت انها تبقي معدن وبعد مهاترااات اددددد كدة بعتولي واحدة معدن. الحمدلله قعدت فترة بس حالياً حصلها تأكل والوش وقع تاني. بقالي اسبوعين بتصل وببعت علي الواتساب عايزة الكليبسات وعايزاها معدن يقولولي هنبعت للادرارة ونكلمك ومحدش يتصل. اتصل تاني يقولولي اصل الادارة ردت بس مش متأكدين السعر ده للمعدن ولا لا عشان زميلتي مكتبتش انك عيزاها معدن رغم اني مأكدة علي ده طب هنبعت تاني وحد هيكلمك ومحدش بيتصل ابعتلهم علي الواتساب يردوا بسكريبت ويقولولي اتصلي بخدمة العملاء تابعي !! وبعد كدة مبقوش يردوا اصلا. بجد مش عارفة استوعب كمية الفشل وقلة الذوق في التعامل.
عرض المصدر
A
Amira Abd El Ghafar
مجموعات فيسبوك· منذ شهران
★★★★★1.0
للأسف تجربتي مع الشركة في خدمة ما بعد البيع كانت سيئة جدًا. اشتريت شفاط، وكان من المفترض أن تقوم الشركة بإرسال فني لتركيبه، لكن منذ أكثر من 15 يومًا وأنا أنتظر موعد التركيب، وكل مرة يتم تأجيل الموعد بدون التزام واضح أو مصداقية في المواعيد. أنا بالفعل قمت بإزالة الشفاط القديم اعتمادًا على التزام الشركة بتركيب الشفاط الجديد، والنتيجة أن المطبخ بقاله أكثر من أسبوعين في حالة غير مناسبة ومن غير شفاط، وكل هذا بسبب عدم الالتزام بموعد التركيب. المشكلة ليست فقط في التأخير، ولكن في عدم وضوح المواعيد وعدم احترام وقت العميل، وكأن وقت العميل ليس له أي قيمة. أتمنى من إدارة الشركة مراجعة مستوى خدمة ما بعد البيع والتعامل مع شكاوى العملاء بجدية، لأن جودة المنتج وحدها لا تكفي إذا كانت خدمة ما بعد البيع بهذا الشكل. وأحب أحذر أي حد بيفكر يشتري منهم: اسألوا جيدًا عن خدمة التركيب وما بعد البيع قبل ما تدفعوا، لأن تجربتي حتى الآن للأسف غير مرضية تمامً
عرض المصدر
R
Reham Haggag
مجموعات فيسبوك· منذ 4 أشهر
★★★★★1.0
مساء الخير البوست ده تحذير للتعامل مع شركة Ecomatic - Egypt أنا من ساعة ما اشتريت الbuilt in و هو مش شغال اتفضلوا اتفرجوا عالمهزلة و قلة القيمه و لو عايزين ترموا فلوسكم ف الارض و تبقوا مش عارفين تتطبخوا جوا بيوتكم روحو اتعاملوا مع شركة ايكوماتيك النصابين Ecomatic - Egypt اسوء شركة ❌ اسوء خدمة عملاء❌ بعد ما نزلت مشكلتي عالجروب اول مره و اشتكيت في حماية المستهلك واحده من الشركه اسمها استاذه بسمه اتصلت بيا الساعه ١ بليل 😁😁عشان تحل المشكله يا سبحان الله اكتر من ٥ شهور بجري وراهم فجأة ظهروا عشان يحلوا المشكله قلت و ماله المهم النتيجة و طلبت مني اني اتواصل معاها بشكل مباشر و انها هتبعتلي كبير الفنيين ( اللي بالمناسبه كان معانا رقمه من ضمن المرات اللي جه فيها فنيين بدون جدوى او تصليح و بلغنا انه ساب الشركه لانهم شركة سيئة ومش هيقدر يعملنا حاجه) و لما قلتلها الكلام دا بلغتني انه رجع للشغل تاني و انهم غيروا فريق الفنيين و فريق ال call center و معلش استحمليني و دي آخر مره يتصلح ولو مشتغلش هعملك اللي انتي عايزاه و فعلا اشتغل مرتين تلاته بالعدد( و بناءا عليه قفلت الشكوى مع حماية الم
عرض المصدر
R
Ra Dwa Khalil
مجموعات فيسبوك· منذ 4 أشهر
★★★★★2.0
السلام عليكم ورحمة الله وبركاته Ecomatic - Egypt انا منصحش اى حد خالص بمنتجات ايكوماتيك او التعامل مع شكرآ جاد الله عامة لانهم شركة ملهاش ادارة ولا خدمة مع بعد البيع سيئة جدااا هتشترى منهم ولو حصل اى عطل فى اجهزتك خلاص تجرى وراهم وتتصل ولا فى اى اهتمام ولا مصدقيةة من رمضان الفرن عندى فى مفصلة مكسورة وتواصلنا معاهم ولا فى اى اهتمام من يوم ٢١\٢ وزوجى بالصدفة كان فى معرض اجهزة ولاقهم فى المعرض وقدم شكوى وقالوله هنتواصل معاك وفعلآ تواصلو بعدها وخده الفرن مع ان الفرن كان ممكن المفصلة تتعمل فى البيت خدوه يوم ٢٧ /٤ ولم يتم التواصل معانا وكلمناهم كتير ولا فى اى اهتمام وقبل العيد يا جماعة احنا داخلين على عيد وعايزين الفرن دى مفصلة مش صيانة قالولنا بعيد العيد وكل يومين نكلمهم ولا فى اهتمام لحد النهارده مع العلم تجربتى معاهم سيئة ودى مش اول مرة يعملو الحركات دى حسبى الله ونعم الوكيل فيهم
عرض المصدر
S
Shady Khaled
مجموعات فيسبوك· منذ 5 أشهر
★★★★★2.0
تحذير من شركة جاد الله للتجارة والتوكيلات (توكيل Ecomatic) اشتريت فرن built in من نوع Ecomatic التابع لشركة جاد الله للتجارة والتوكيلات في سنة ٢٠٢٢ وبغض النظر ساعتها إنه جه ناقص سيخ الشوي وساعتها كلمتهم قالوا لأ ملناش دعوة ولو عايز نبعتهولك هتدفع فلوس وقصة كدة بس مش دي المشكلة المشكلة كلها في أسوأ خدمة ما بعد البيع قابلتها في حياتي حصل مشكلة في الفرن في شهر رمضان يعني في شهر ٢ وكلمتهم وقالوا هنبعت حد ومحدش جه وكلمتهم بعد العيد ونفس الكلام وفضلت وراهم لحد ما بعتوا حد أخيرا في شهر ٤ والمفروض الجهاز في الضمان عشر سنين فلما جه الفني قال لأ إنت معملتش صيانة دورية كل ٦ شهور من ساعة ما اشتريته فكدة خرج برة الضمان طب العمل إيه قال لأ الفرن لازم يتسحب ويتصلح عندنا في الشركة مش كدة وبس دة كمان هياخدوا مبلغ ٢٥٠٠ جنيه تحت حساب الصيانة لحد ما يشوفوا المشكلة فين ولو فيه فلوس زيادة هيبعتوها مع الفرن ووافقت لأن معنديش حل تآني وكان المفروض خلال أسبوع من وقتها حد يكلمني يقول لي هيعملوا إيه ولكن محدش اتصل بقيت أتصل أنا وكل مرة نفس الكلام إن لسة الإدارة الهندسية مشفتش الجهاز ولما يجيلنا رد هنبلغ حضرتك ولح
عرض المصدر
M
Mohamed Embaby
مجموعات فيسبوك· منذ 5 أشهر
★★★★★1.0
أنا بحذر اي حد من التعامل او الشراء من شركة Ecomatic - Egypt اشتريت من عندهم بلت ان و فرن و هوود سنة ٢٠٢١ بضمان ١٠ سنين اتفاجات يوم الثلاثاء ان في تسريب غاز والبوتجاز بيولع لوحده اتصلت بالهوت لاين 15040 حجج فارغه وان الفني هيجيلك يوم السبت قولتهم عندي تسريب غاز وباعتلكم فيديو تبعتيلي فني بعد ٥ ايام اكون موت انا واسرتي ... الفني جيه امبارح السبت وجد كارثه في تسريب في مواسير الغاز الالومنيوم وفي المحابس والجوانات الي المفروض عيون البوتجاز عليها كلها سايحه من السخنيه نتيجة ان المواد المصنع بيها الاجهزه رديئه للغايه وتم سحب الجهاز والمهندس عايز كمان ١٥٠٠ جنيه تحت الحساب اومال فين الضمان الي هوه ١٠ سنين ويقولي ان البوتجاز هيقعد في الصيانه ١٥ يوم ايكوماتيك شركه مش بتحترم العملاء ولا انصح اي شخص بالتعامل معها لو عايز تحافظ علي بيتك وعيالك تم رفع شكوى لحماية المستهلك بتاريخ ١٠/٥/٢٠٢٦
عرض المصدر
M
mahmoud samy
جوجل· منذ 4 أشهر
★★★★★5.0
الأجهزة جودتها محترمة والناس ذوق جدا وخدمة ما بعد البيع ممتازة
عرض المصدر
ف
فتحي توفيق
جوجل· منذ 6 أشهر
★★★★★1.0
خدمه مابعدالبيع سيئه جدا خدوا مفتاح يتصلح شهرين ومفيش رد
عرض المصدر
العودة إلى صفحة إيكوماتيك