تقييمات أريكه
15 تقييم من المتسوقين
تحذير لأي حد بيفكر يطلب من أريكا (Ariika). أنا طلبت كنبة يوم ١١ يونيو، ولغاية دلوقتي بعد أكتر من شهرين لسه مستلمتش الأوردر. • كل أسبوع تقريباً بيوعدوني بمعاد للتسليم، وكل أسبوع المعاد بيعدي من غير ما يتسلم حاجة، وبيديني وعد جديد. • الأسبوع اللي فات قالولي هيكلموني يوم الحد عشان يقولولي معاد التسليم. المكالمة دي معجتش خالص، ومسمعتش منهم أي حاجة طول الأسبوع. • بعتلهم إيميل بشرحلهم فيه استيائي، ولا ردوا عليه. • في مرة كلموني عن استرجاع جزء من المبلغ ووعدوني بالتسليم الأسبوع اللي بعده. ولا حصل حاجة، ولا حد تابع معايا. وللأمانة، أنا فعلاً بحب منتجاتهم، وده السبب الوحيد اللي خلاني أصبر بدل ما أطلب استرجاع كامل للفلوس. بس خدمة العملاء كانت خيبة أمل حقيقية. الوعود الكدابة المتكررة وعدم المتابعة نهائياً تعبوني. لو حد هنا مر بنفس المشكلة أو عارف أحسن طريقة أوصل بيها لرد فعلي منهم، هكون شاكر لنصيحته.
نُشرت في جروب فيسبوك بتاريخ 25 أغسطس 2026، والمنشور الأصلي لم يعد متاحًا.
حصل مع أختي وعادي شهور بيماطلوا بس مش بنسى أنهم إلا أما رجعناها وأخذنا فلوسنا
نُشرت في جروب فيسبوك بتاريخ 17 أغسطس 2026، والمنشور الأصلي لم يعد متاحًا.
أنا عايز أتكلم عن تجربتي السيئة جدًا مع @arika. أنا اشتريت منهم ٢ L-Shape Living وكرسيين بتاريخ 25/4/2026، واستلمناهم بتاريخ 20/6/2026. وفوجئت إن اللي استلمته لا يمت بصلة للي شفته في الـ showroom. بعد الاستلام بأسبوع، بلغتهم إن الـL-Shape غير مريح تمامًا، وإن بمجرد ما حد يقعد عليه بيهبط من قدام وبيكون شكله غريب جدًا. فضلوا يماطلوا معانا لمدة شهر ونص في المواعيد، وكل مرة يقولوا هييجوا وما يجوش، لحد ما ميعاد استرجاع الحاجة عدى. وبعد كده، من حوالي 10 أيام، جه لنا شخص من الشركة، وهو نفسه اتفاجئ من رداءة الحشو، وإنه مختلف تمامًا عن اللي شوفناه في الـshowroom، واللي اتقال لنا وقت الشراء إنه “ريش نعام”. ولما طلبنا إننا نرجع الطقمين، رفضوا تمامًا. والأغرب إننا لقينا نفس الـL-Shape في Furniture Hub Mall بسعر أقل بكتير، واتقال لنا إن ariika بتاخده منهم وبتبيعه بسعر أعلى. للariikaي أول وآخر مرة أتعامل معاهم، ومش أنصح أي حد بالتعامل معاهم بناءً على تجربتي. وأنا حاليًا هتقدم بشكوى لجهاز حماية المستهلك علشان آخد حقي، لأن للأسف تجربتي مع @ariika كانت سيئة جدًا، وما لقيتش لا مصداقية، ولا خدمة ع
نُشرت في جروب فيسبوك بتاريخ 17 أغسطس 2026، والمنشور الأصلي لم يعد متاحًا.
قدام مقر الشركة اعمل دوشة وزعق ولم الناس وهات النجدة دول ما بيجوش غير بالتشريد والفضيحة
نُشرت في جروب فيسبوك بتاريخ 6 أغسطس 2026، والمنشور الأصلي لم يعد متاحًا.
شركة Ariika حقيقي من أسوء الشركات والله عن تجربه ناس معندهمش ريحة الضمير ولا بيراعوا ربنا حتى. انا بقالي ٨ شهور عندي مشكلة مع Ariika ومحدش بيحل حاجة ولا بيساعد حتى! بدايه من شهر 1 بتواصل مع الكول سنتر علشان في مشكله في beanbag فين و فين بعتو خدوها و الحمد لله في شهر 4 بعد جري 4 شهور و محايله علي فرد فرد في كول سنتر و وعود ومواعيد و احنا في انتظارهم جابوها بعد 4 شهور تانين يعني 8 شهور كاملين! وفي الاخر جابوها بنفس المشكله مع العلم أنهم واخدين فلوسهم كامله لحد اخر جنيه! حسبي الله و نعم الوكيل في كل واحد بيستحل فلوس الناس. عموماً البوست ده غرضه التوعيه فقط والناس ميحصلش فيهم الحصل معنا، وانا ابتديت في الاجراءات القانونية وشكوي في حماية المستهلك!
نُشرت في جروب فيسبوك بتاريخ 5 أغسطس 2026، والمنشور الأصلي لم يعد متاحًا.